至尊雲吞麵雞煲

成日聽人講食得放題就唔好預佢有質素，呢間幫襯咗差唔多10年嘅舖頭真係做到又抵食又高質😭，暫時都係我香港雞煲排行榜嘅頭幾位👅

餐廳最signature嘅至尊惹味雞煲有得揀唔同辣度🌶️，以前佢個bb辣都幾辣不過最近溫和左，食唔到太辣都可以放心衝!同朋友一致認同啲雞真係好嫩，味道同其他雞煲有啲唔同，係好香鑊炒嘅香辣惹味，啲雞切都細細件每舊到好入味，每次嚟起碼都嗌兩輪加雞呀唔該🙏🏻

食完雞煲就可以加湯打邊爐，放題食物選擇都唔少，強推大家點油炸鬼，索哂雞煲火鍋湯精華，另外炸饅頭幾乎每枱必嗌，外皮炸得香脆又完全唔會油，佈滿煉奶食落超滿足🧡

咁多唔同嘢食平日都只係需要$188/位，用餐時間2個鐘，叫埋一大班fd一齊試啦!!