至尊茶冰美食坊 (已結業)

餐廳於2023年8月7日亂收錢。本人好有道德，食咗一定俾錢。當日我貪方便入去食個飯，餐廳話可以嗌下午茶餐，於事我拎個餐牌，明明寫住炸脾加野飲$28, 咁落單期間又問我要薯條定沙律，哩點我無問清楚，就以為一個餐黎，嗌咗沙律，最後埋單係$28 加沙律錢再加冰凍飲錢。如果$39, 我食個lunch $45 唔好嗎？為咗啖氣，我考慮報海關。阿姐仲好意思話張餐牌ge 價錢唔啱，咁俾我做咩？凍飲又無講要加錢，明明想嗌紅豆冰果類，全部話無。

洪水橋，好耐冇來試呢間，家人覺得地方唔好坐。今天一個人來再試。3款餸既早餐($32)：煎豬扒，煎蛋，煎餃子，公仔麵，奶茶 煎豬扒，不错,有水準.煎餃子，都很香,幾好.煎蛋,一般水準，可以。公仔麵，煮得唔係夠。老細就回覆我呢個新客，熟客喜歡唔淋既麵質。茶奶，唔得。煮茶耐咗；奶，不是黑色奶，唔得。輸比美x,大家x,及一般茶記.那麼多茶記選擇,下次我唔會再試.很多客人同老板及伙計,有傾有講,應該是一間人情濃的小店.

講到特色湯底的粉面，通常價錢都高一截，洪水橋呢度就有間，早餐黎食有特濃的羅宋湯底早餐。唔加餸只連飲品係$23，加個餸都只係$26，真係好抵。“特濃” 呢2個字係我自己加的，因為湯底真係好濃郁，仲有好多料例如係西芹、蕃茄喺入面，小店黎食早餐嗰陣，都座滿人，同埋帶寵物過黎都ok, 街坊客多，好有人情。唔轉粉的話，預設係通粉，咁今日就加左雞翼，同朋友加雞扒。雞翼有3隻，中間切開再煎，但嫌切開後再處理令到雞翼更乾，無乜肉食。雞扒連湯上，啖啖肉。最期待都係湯底，湯底酸甜適中，而且亦有蔬菜的鮮味，味道濃郁，真係好開胃。但通粉的質感比較硬，唔夠彈牙香軟，所以下次會轉一丁再開心啲。

星期日好難得早起身，天氣又清涼，可以揸車出去食嗰靚早餐，心情都靚哂。本來諗住去華嫂食早餐，點知佢冇開，所以轉場。記得朋友曾經介紹過洪水橋至尊嘅冰柱奶茶，就決定一試。見到早餐menu大部份嘅餐都唔使$30，都幾抵食喎。依家出邊閑閑哋食個餐都$40幾，呢度果然係做街坊生意。天氣涼涼地，我地決定坐外面食。認真講環境就一般㗎啦，不過港式茶餐廳好多都係咁㗎，都叫做風味嘅。我地叫咗佢地出名嘅奶茶好香濃，算滑。佢支冰去到最尾都未溶得晒，嗰味都可以keep到最後一啖。蒜蓉多士厚多士toast得啱啱好，唔會太乾身，牛油蒜蓉勁正，好香！大愛鮮茄羅宋湯雞扒通粉我覺得油咗少少，不過味道都幾好，唔會過酸。通粉有係有厚度果種，中意佢有咬口。雞扒都煎得好香，份量都有4、5嚿。鮮茄都有大半個！埋單$70頭，價錢okay，我地又食得滿足！

聽說, 在洪水橋這個小區, 有著人情味濃的小店,價錢非常街坊, 味道也不是濃味精的重口味, 來吃的, 都是附近街坊居民,早餐, 選擇三餸，餐肉+紅腸+煎蛋通粉（坑通），加埋杯凍奶茶（奶茶冰, 見圖），為了避免冰塊將奶茶溝淡, 店家先特意將奶茶雪成冰條,到有客人 order 凍奶茶時, 就一併附上, 喝到最尾時, 整杯奶茶仍然是茶味香濃的, 而且凍冰冰的咁樣既早餐價, 只係 $30, 今時今日香港地, 仲可以去邊度搵 ?你話佢係隱世美食咩，我一定唔敢講，但呢個價錢交呢份質素既配料，唔期望有靚料，但我誠懇地收貨了。*最猛的是, 如果你唔飲“奶茶冰”的話，三餸連凍飲，$28落樓了 **天氣清涼，飲晒杯野，支茶冰仲未溶晒，請自行考慮。 ***如果，（見menu）豬扒通粉，熱飲，$23蚊落樓了，邊度搵？

今日放假訓醒决定行出去屋企附近的餐廳去醫肚，見到呢間餐廳的下午茶餐牌好多野都好吸引，於是决定坐低試下先坐低冇耐因為太肚餓好快就叫左個醬汁豬扒飽餐，個豬扒飽真是太好味喇，豬扒肉質夠晒鬆化，醬汁甜甜地啱晒我胃口至於杯紅豆冰就一般喇，唔夠甜D紅豆又太過淋，希望下次再黎食老闆會有所改善！