至尊滿屋日本料理 (已結業)

諗住平至去食9點幾果場，點知真係一分錢一分貨囉！選擇少都算了，員工又冇禮貌，又留單。我寫榴連炸彈，佢比香芋我。我寫刺身，直頭自動幫我走甜虾！寫左要炸雞又冇黎。嬲嬲地去拎杯茶飲，茶杯有怪味，茶都凍既！人客小但服務慢，食野其間有20分張枱係空既！坐左半個鐘叫我地埋單，得，無問題。對張單比我企係我後面等，得，我都唔想阻你埋數收工。好啦，到比返張卡我叫我簽名果時黑口黑面對比我，想點先？總結：冇錢就唔好貪平去食平放題！

跟友人聖誕節前聚一聚，大家想食日式放題，在旺角格了價之後，選了這一間比其他貴＄20的日式放題，發覺這＄20值回票價。由於是周末， 十分旺場，不過這間的上菜速度極其快，大部份的刺身，壽司，炸物，天婦羅等等也跟其他的大同小異，唯獨只想講一講他的甜蝦和牡丹蝦！喜歡食刺身蝦的朋友一定跟我一樣，雙眼發光，因為實在太大隻了，我未試過去一間日式放題，是可以免費點這個巨型的牡丹蝦，無論我點了幾多round ，都源源不絕奉上 ,而且一隻也沒有少, 食落去啖啖肉，非常鮮甜非常彈牙！喜歡食蝦啲朋友一定不能錯過！我大概食左三十隻！當然其他的刺身質素也不差。雖然貴了小小，但這個蝦的食材質數已經可以補回一切！

放假跟朋友來到位於瓊華的至尊滿屋放題,在朋友圈中相當有名氣的餐廳放題店越開越多,當中混水摸魚的相當多,比較有信心保証的來來去去都是3數間,不過想不到也會有趺破眼鏡的一天8時來到,人流不算太多,不過也要等位才能內進,餐廳看起來人手不足下單後立刻點了刺身,差不多20分鐘才來到,時間慢了一點吧,放題是有限時的蝦刺身相當大隻,但吃起來極不新鮮,可說是大而無當吞拿魚相當淡色,不用說也知道不是好東西吧刺身整體感覺比較失望熟食大部入都是普普通通,但這個燒羊扒的質素實在是麻麻,味道相當羶,吃了一口已經不想再味雖則是放題,但熟食也應該要注意一下呢最有保証的只有是MOVENPICK雪糕,但只可點一杯朋友說可能是人手不足才令質素下降,下次會再來試試

又到我張神嚟介紹。自從上次食完之後，一直念念不忘個大蝦，今晚決定約埋三五之己再食。大蝦水準keep到，翅身上得快，三文魚夠厚，螺夠爽，花之戀夠鮮已經係做放題必要做到的。然後熟食方面雞亦係女性之愛，果然好食，仲有有煮顯肉，好大隻，蟹粥好鮮甜，全部都夠熱！唯一我覺得有少少麻麻係牛肉窩太甜，可能係我問題，我班老友覺得好正。服務方面上餸都ok快，仲有飲品種類夠多，汽水同烏龍茶都有，等位方面大約20分鐘左右，都算可以

食物質素比以往差,入三張單先來一次食物,從未食過如此差勁的食物和服務。中午放題188元加一嚴重漏單,坐左1小時半叫左三次炸蝦都係無接近last order才來食到只淨半小時只記得收錢提last order服務和食物真係十分差唔會再去。

公司的新年飯局今年定於旺角至尊滿屋,雖則自己也有不錯的餐廳推介,但公司決定的還是不要插咀好了今天放工便跟同事們乖乖的來了訂枱後不用等位便可內進,服務算是不錯不過枱和枱之間真的是太逼了,坐得一點都不舒服之後立刻點東西吃,點了大量的蝦刺身,外型不錯,不過味道只是普通,缺小了蝦的鮮味三文魚相當厚切,算是較好的一樣,但貴價放題只有三迎魚好吃實在說不過其他的刺身都是普通質素,大慨是街外150元左右的放題味道其中一名同事生日,所以也有一個小蛋糕,放題的甜品當然沒有質素可言,整個都是相當甜的蛋糕最後用途只是用來拍照期望餐廳會改善一下水準

先幾日放假同朋友食飯,朋友攪既飯局,當然係約餐廳今次依一班係好耐無見既朋友,所以大家都好期待,搵餐廳當然係搵一間可以坐得耐既餐廳最後朋友選左至尊滿屋,原本係坐2個鐘既放題,本來都夠時間,但係食左個半鍾就開始催埋單,咁既服務已經令人覺得麻麻估唔到食物都係麻麻地刺身拼盤選擇都算多,不過質素普通三文魚算係最好味,夠厚身不過蝦刺身就麻麻,雖然大隻但唔夠新鮮,好明顯唔係新鮮貨八爪魚好硬,一D都唔煙韌整體都係唔夠新鮮牛肉作為熟食都係唔得,雖然放題店正常熟食都係唔好食,不過真係有小小失準牛肉個汁好濃,但無乜肉味,咬落都唔爽口整體食物質素麻麻,坐得唔耐,作為朋友聚會唔太好

滿屋放題之前一直都係信心保証,以前質素不嬲唔錯,所以趁聖誕同朋友黎食飯就選左依度不過可能因為出左名人多左,所以質素真係KEEP唔到,今次黎到感覺差左先講刺身,帶子厚度不一,証明一部份係新鮮,一D係已經整定,唔係同一時間處理,所以有部份唔夠鮮味係意料中事蝦刺身好細隻,當年既大蝦唔見曬,依部份係最失望三文魚普普通通,算係較穩健吞拿魚好淺色,所以無乜味,証明用料唔夠好炸蠔炸得太勁,食落無左蠔原本既味道,好似食炸粉咁炸年糕就唔錯,保持到水準,不過食完會好飽肚最後冷盤食左個豆腐,個豆腐好易碎,而且唔夠滑,味道剩係靠面頭芝麻醬蓋過除左食物質素差左,位置越黎越逼,因為佢地加多左位,但咁樣做坐得勁辛苦,做生意要以客人為本呀

媽咪自從返咗夜班工之後，已經好耐冇出去食飯啦！就趁今日媽咪放假，就帶佢去食好西。今次就決定去食放題啦，呢間放題係旺角胡社生行七樓，至尊滿屋日本放題。一入到去已經比門口嘅自助熟食、甜品同生果吧吸引到！呢度嘅食物好多元化，飲品種類又多，有各款汽水及茶類飲品、青蘋果/桃味/原味乳酸，又有菠蘿汁、蘆薈汁。我地一坐低就二話不說，立即瘋狂落order！首先係刺身，我地叫咗三文魚、鮑片、帶子、蘭花蚌同赤貝。三文魚好新鮮，好鮮甜，又冇渣；鮑片夠稔又甜甜地；帶子、蘭花蚌同赤貝好爽口，又唔韌，值得一試。壽司我就叫咗我自己最鐘意嘅火炙三文魚壽司，啖啖三文魚油香味，正！我仲貪得意叫咗個魚翅鮑魚片壽司，不過不失啦。除咗壽司之外，我仲叫咗芝士軟殼蟹卷，芝士配脆卜卜嘅軟殼蟹，一啖一件，岩岩好！食完壽司同脆卷之後，登登登登，手卷出場啦！我地叫咗海膽手卷，海膽好新鮮，完全唔腥，仲有d海水鹹味。小食我地有叫中華沙律，因為通常放題都係食肉多，宜加叫d菜，平衡一下；另外仲有胡麻冷豆腐，豆腐加胡麻醬，好開胃。食放題一定唔少得食串燒，我每次都會食到超飽，今次有叫鹽燒牛舌，呢度嘅牛舌唔算韌，岩岩好，又夠味，幾好幾好！除咗牛舌，呢度

好一陣子沒有吃過放題，旺角的放題店多不數不完，今次就來了比較就腳的一家。這個鰻魚玉子燒，即叫即燒，熱辣辣的送上來，嫩滑無比。刺身有很多選擇，三文魚、油甘魚、帶子、甘蝦、甜蝦、鮑片等，全部都十分新鮮。壽司沒有很多選擇，但全部都合我個人口味，三文魚、吞拿魚、火灸三文魚、花之戀等，小巧精緻。小食方面有沙律、枝豆、炒雜菜等等，而燒物有菠蘿、蕃薯仔、元旦等等，製作用心，不會馬虎，推薦燒一口牛舌，爽口彈牙。飲品都有很多選擇，除了一般的汽水外，竟然還有紅桑子啤酒，令人驚喜。甜品同樣選擇繁多，除了一櫃的小蛋糕，還有每人一客Movenpick雪糕，吃過之後十分滿足。

上年跟朋友黎過旺角至尊滿屋,食完之後有好大驚喜,好似好食過大喜屋不過可能果陣新開,新開果陣野食係好食D今日同朋友再黎,好似無之前咁好食刺身款式多,不過每一樣質素都係普普通通蝦刺身太乾,雖然好大隻,但口感一般吞拿魚口感好硬,應該唔係一流貨色希靈魚都幾腥下,唔多建議食三文魚算係咁,不過油脂感唔夠,依個價錢可以做得更好天婦羅方面外觀已經唔吸引,好似炸既時間太耐,所以好黃炸蝦炸得好硬,咬到入去已經唔夠滑拿糕太肥膩,食左一啖已經覺得好滯壽司類都係唔吸引,火炎三文魚燒得唔夠味,而三文魚亦都唔夠味,變得好普通整體賣素無上年咁好食,期望下次會有返上年既味道

熊熊大多是外出食飯之人, 又愛吃日本料理, 所以放題差不多成了每月必食之一啦, 而旺角就有很多選擇, 今次去的這間差不多是地鐵站一出便是了~ 刺身 - 三文魚、吞拿魚、北海道帶子 第 1 輪已即點啦, 刺身光澤油潤又新鮮, 而且大小適中, 最愛吃三文魚及吞拿魚囉~ 壽司 平常比較少點, 但配搭了海膽及白松露, 不多見嘛, 海膽花竹蝦壽司 - 香甜海膽加上新鮮花竹蝦, 不錯呀, 白松露吞拿魚壽司 - 好像是第 1 次吃白松露啦, 也有很香氣味啊~ 鐵板牛柳粒 小巧易入口不會過韌, 而且肉汁豐富, 還配上香口蒜片及蔬菜, 可減低油膩感丫~ 鐵板醬汁魷魚筒 醬汁均勻散佈在魷魚上, 又煙韌彈牙嘛~ 廣島蠔鍋 廣島蠔較熊熊想像中的大隻呀, 豆腐及蔬菜也入味, 湯底亦清甜呢~ 甜品 也蠻多選擇, 最吸睛的是士多啤梨朱古力噴泉, 很美啦, 雖然亦很甜, 但就算肚子已撐不下, 仍要吃呢, 而每人限 1 杯的 movenpick 又怎能少呀~

跟媽媽shopping完好肚餓，媽媽例牌提議去食放題，走到老地方滿屋吃餐飽！因為時間尚早還有位！不用多說，先來一盤刺身，很新鮮，三文魚肥美，我最愛吃帶子，鮑片很甜！飲品的種類有很多！汽水、果汁、茶都有！燒物之中我最喜歡燒羊架，燒得剛剛好，很惹味！還有燒菠蘿！天婦羅蝦外脆，裡面彈牙，蝦夠大隻！吃膩了要吃點沙律！最後還有Movenpick雪糕，夠晒滿足！

一出旺角地鐵站，已經瘋狂派傳單，晚餐時段228，仲有movenpick雪糕，見幾吸引，派傳單阿姐又勁落力，上去試一試佢先。上到樓，勁多人，迫到位都無得企，餐牌寫住6-8:30 228蚊，8:45-11:15又係228蚊，但原來唔會清場，幾時入坐都得。八點七上到黎，姿客小妹妹話等四張枱，ok啦，一等就等到九點一，呢度叫號唔會有紙仔確認，小妹妹話個number你知，你自己用心記住，啲人唔知係唔記得定博大霧，一叫number就沖上去話係自己個號碼，勁混亂……等左咁耐無理由唔食，終於有枱，坐在最後排角位枱，自成一角相當神秘。枱上有豉油，wasabi同兩個唔知咩醬，最後都無點過。仲有兩大本落單簿，一張二人的A3 size枱其實幾迫下，唔理咁多，好口渴，出去拎飲品先，自助雪櫃，都幾多款揀，有烏龍茶正呀。有沙律自助吧，不太吸引，隨便攞一點試試。刺身蠻新鮮的，厚切，分量亦黎足，一般的魚生，貝類亦有。天婦羅，很奇怪地不是一次上的，每一款一個碟，天婦羅汁亦係每次一碟，係空間有限的桌子其實幾氣人。好在天婦羅是新鮮炸起的，熱辣辣不油膩。串燒亦是一款一碟，燒牛舌爽口嫩滑。燒菠蘿十分厚切，但好酸榴槤波波要了兩個卻

已經係第三次食旺角至尊滿屋。第一次朋友帶我黎食，食過ok之後再黎過。到今次仍然保持水準，冇令我失望。一向我都係放題怪，聚會好多時都會選擇放題。刺生食得多都有d 要求。呢間d 魚生夠新鮮，三文魚唔會太瘦，有明顯脂肪分佈。再加埋劍魚腩既口感，未食完即再叫。仲有大蝦刺身，新鮮爽口。刺身之後當然係特色壽司。最欣賞佢白松露吞拿魚壽司，今次好好彩，遇正魚腩位，再加上少有放題會有既白松露，口感同味覺都好滿足。炸物唔少得，特別一定會叫炸榴槤彈，「香」到不得了～ 另外今次試左個龍蝦粥同豬肉煱，足料好味。 最後點少得我最愛既movenpick 雪糕。食到頂住個肚都要食埋佢先肯收手。總結至尊滿屋仍然保持水準，期待下次再黎會有咩新野試。