自家燒吧 (已結業)

今日同同事即慶出去食午飯，一時間唔知食乜好，諗住去駱駝漆睇下，誤打誤撞去到呢間。佢話中午串燒放題只係$78,可以燒一小時，仲可以任點小食，主食，飲品。仲有自助沙律呢，生果汽水雪糕任食任飲。嘩，抵到爛！豬牛羊，腸丸餐肉，茹瓜菠蘿。選擇好多亦有果凍，啫喱，生果沙律。仲有主食及厨房蔬菜。除了雪櫃中的罐装及纸包，仲可以點水吧嘢飲。有不同酱料。但我只吃原味。烤爐係用電，所以冇煙的。好安全。每串串燒的鋼叉上有小齒輪，放上爐上的單車鏈，就會自動烤。好聰明的設計。

話說琴晚喺佐敦某4星酒店餐廳享用左令我畢身難忘的自助餐，食唔飽之餘，仲谷住度氣，今朝起身馬上訂自家燒吧，補返數！(如果冇被河蟹，有興趣可以睇返我之前的食評💁🏻)名乎其實的自家燒吧！呢度啲爐自動識轉，唔駛擔心忙住食嘢、唔記得反就燒燶晒啲嘢食，唔好以為燒串燒一定好花時間，其實燒8-12分鐘已食得，等候期間取熱盤、前菜、沙律、甜品、雪糕食住先，仲可以order熟食，蒜燒生蠔、炸雞翼、芝士黑松露炸薯條、炸餃子，無限任食，不過要等大約15分鐘即製，我自問唔算大食，所以揀任食1小時，剛剛好😋入座時，侍應細心講解有咩食，用咩火力燒烤最好，食物避免放邊邊會出白煙等等，如果唔識用個爐，可隨時叫佢，抵讚👍🏻前菜嘅白雲凰爪、中華沙律都唔錯，但八爪魚、螺肉黐左太多凝固左嘅醬，有點喊😣生蠔黐殻的👍🏻，唔似年宵嘅小食檔，重用蠔殼，可以”安心”食用，雖然細粒，但蠔汁飽滿👍🏻Order嘅炸雞翼夠熱夠脆，而出面自取的燒雞翼通常都係凍嘅，但較薄漿粉，冇咁滯，我鐘意攞返黎燒熱佢食😋兩款都多汁嫩滑，味道唔錯👍🏻芝士黑松露炸薯條麻麻地👎🏻雖然夠熱，但好硬好厚皮，黑松露芝士”粉”一舊舊，似翻炸😔飲品除左盒裝維他，一般汽水都齊全，

串燒區(算多種類)雞，牛，豬，羊(都齊)腸，燒賣，冬菇，秋葵，翠肉瓜，蕃茄仔，雞翼，多春魚，綿花糖……冷盤區每次最少都可燒6串食物(烤爐可控制温度)店員提示(肉外面出現油花(略金黄色)，代表熟透)腐乳通菜黑松露炸薯條好香松露味(薯條即炸，熱熱上枱)冷盤、熟食種類(不算多，店員不停補滿食物區)熟食區(有六款)推介蒜蓉蠔甜品有牛奶布甸(好甜)燒綿花糖(自助燒)另外獨立加錢有特飲/小食(用order纸)落單(餐廳今日活動)like店facebook及分享用餐照片上facebook送中式糖水(送桃膠杞子糖水)好sweet2小時任食(3人+10%服務費共$719)整體……自助燒為主(店員有提示烤肉時間)補充食物區(快速)每枱電烤爐(無煙)唔會有油煙味坐位較寛(大部份卡位)推廣(4人以上有海鲜船)3人無份

今次第二次黎食，因為實在太特別同好味，一定要黎幫襯平。極力推介！ 特別好味同吾做自己燒！真心讚！個菠蘿飯入口好清新加上肉鬆同提子真係好好味啊！ 通菜咁咁當造，好新鮮。 全部都係即抄！ 真開心啊！ 其他串食一家要燒午餐肉，牛脷，台灣腸。 加埋孜然粉，極有風味。 仲有即沖凍檸茶， 食到熱熱地， 飲返杯正爆。

今晚肥妹仔同屋企人去咗觀塘樓上燒烤吧度食晚餐，好多人以為燒烤都係戶外進行，但係原來而家已經好輕係室內燒嘢食。一入到去肥妹仔見到有兩個冷藏櫃，入面分別有一啲冷盤例如好似沙律餐前小食 ，水果等等，而另一個冷櫃就裝住好多燒物例如有午餐肉，雞翼，台灣腸，牛肋條，牛柳粒，豬肋骨等等，真係你想食乜佢都可以提供。跟住幫你拎完啲食物返迴座位時，店員就會幫你開嗰個自轉嘅燒烤爐，完全唔需要自己動手去燒嘢食，非常適合好似肥妹仔咁懶嘅人食。係等候食物嘅期間，佢出面仲有一啲熱盤例如炸雞翼，焗芝士青口等等，真係唔驚餓住等呀。 總括嚟講呢一間食物水準不錯，可以揀鍾意嘅嘢食，食物嘅種類都幾多，肥妹仔都會推介朋友嚟試下架。

想試試自己動手燒串燒又懶到出汁的人你搵到屬於你既世界啦😂⠀⠀⠀⠀⠀⠀⠀⠀⠀⠀⠀⠀✎ 自家至尊海鮮船 (2人前) $428✎ 凍咸檸七 $23⠀⠀⠀⠀⠀⠀⠀⠀⠀⠀⠀⠀#自家至尊海鮮船一睇個樣就知 成個氣勢都係比人打卡架啦🤤唔單止睇得，仲要咩都有啲 岩晒貪心既小朋友醬汁有三款：蜜糖BBQ、檸檬茄汁、泰式辣醬，調味粉都有三款：花生、原味、辣味孜然✨任君選擇自己挑選好佳麗串燒之後插上燒爐卡口位搽上BBQ醬先🍢🍢🍢轉到咁上下就再加多層個人最中意白鱔、海蝦、蘆筍卷、多春魚而通常～呢啲套餐都仲會有啲野唔岩食🙅🏻‍♀️好似我地就唔想要午餐肉同豬腩肉店員都好好可以幫我地換其他餐牌同價產品好好玩 慢慢轉慢慢傾計好正👍🏻⠀⠀⠀⠀⠀⠀⠀⠀⠀⠀⠀宜家仲有自助任食串燒餐，不過某啲食材要加錢，我最中意既白鱔仲有帶子、蝦...都要on top加錢 一串串計算，所以唔係好大食 個人都係唔太好放題式增肥😆不過$200左右顛拿價仲有唔同主食同炒菜，都算幾抵

燒自助燒烤就食得多，旋轉自動燒烤真係第一次！唔單止有靚串燒，仲有熟食，成個buffet 咁！串燒種類好多，放晒出黎，鐘意食幾多就夾幾多！有多款肉及蔬菜，任君選擇！沙律新鮮，色彩配搭好吸睛。呢個前菜真係好靚，又有層次感，味道唔錯。炒蜆好夠味，比較新鮮；出面比較少有螺食，可以試下。焗蠔好搶手，雖然唔大，勝在夠鮮。燒烤都有4款調味料，我比較鐘意食辣味孜然&原味，加左好惹味！ 多春魚咁燒可以好均勻，又夠肥美；牛柳粒好有口感又唔硬，好味；羊肉串唔羶，肉質有彈性；牛肉串最好味，燒到外脆內軟，味道十足；燒雞翼看似最普通，但又最鐘意食。燒粟米少左蜜糖，如果有就完美了。燒蟹籽丸原來十分好味，我食左4串，大家可以試下。午餐肉燒得太邪惡，但好味！唔洗講都個燒棉花糖冇得輸，唔怕整污糟個cha, 想幾時食都得！

自從知道開了這樣一間自轉燒烤店後便一直想試，這天終於來了。每枱都放有這樣一個爐。看著已經覺得很有趣。因為不想苦惱點什麼，決定來一個什麼都有點的二人餐。自家至尊海鮮船 $428由海鮮到肉類到蔬菜還有甜品，足36串串燒，而且用上的食材夠新鮮，質素亦不差。只要把串燒對正位置放好，便可以任由它們自轉燒烤，坐著等吃。如有需要，可自行加上燒汁、辣汁等醬料，或是灑上不同口味的孜然粉增加味道。温馨提示：雖然可以放金屬籤的位置很多，但建議串燒之間隔一隔開，以防自轉時互相卡住，反正同時間也吃不到那麼多多串吧，一次燒6、7串已經很夠呢。看著串燒在轉呀轉的，真的很治癒。也不要少看這36串串燒，全部吃光原來也很飽。本來很怕BBQ的我，覺得這樣舒舒服服嘆冷氣，還要不用自己拿著燒烤叉等，是真的不錯呢呢。

Facebook是一個可怕的東西，只要搜尋過，就會經常彈幾十個有關東西出現，是成功的，因為引起我注意先會吃這一餐。用自己思想，去做下Research，搵到呢一間，就決定帶父母去一下。先説環境，可以接受，最緊要係唔會好污煙瘴氣食物，燒的食物選擇真是比想像中小，而且下面一堆肉，沒有清楚明顯表示是什麼肉，什麼部位，問職員都唔太清楚先好笑，而且對於我開始小吃肉來說，差不多沒選擇，建議如果有點海鮮就好了。説説味道，其實是可以的，但因為選擇小會覺得悶，口都寡埋。熟食，差不多每樣都有試，中規中矩，燒蠔唔得，味道好怪，感覺唔太新鮮。全晚是精彩是凍檸茶，調得不錯，不會太甜。父母飯後感，味道可以，但好難有下次，因選擇太小，6佰幾3個人都有好多其他選擇。

成日上網都見到有人介紹呢間餐廳所以就今日去試，我早就一星期訂位，準時嚟到當然唔使等啦！我屬於早段時間過嚟餐廳已經坐咗一半人，食到中途另外一半人又已經入座！所以真係記得訂位！位於駱駝漆大廈早啲嚟到仲可以shopping！這家餐廳有名你叫，屬於自助形式的燒烤，一個價錢食到飽！自助吧款式都算多，首先他們有前菜小食嘅位置，生蠔薯條雞翼樣樣有，就算冷盤沙律款式一樣都有，熱盤夠熱，唔會放得太耐要變林，因為都keep住好多人去攞！而冷盤都比較新鮮！之後當然主角就係BBQ，出邊一串串，串好晒，分晒種類！而且每樣肉色都有幾種口味，有辣有唔辣，任君選擇！牛肉豬肉羊肉雞肉都有！其實同平時出去食嘅燒烤差唔多，但係我覺得份量就比較大一點，每一串肉都好多蔬菜種類可以接受，其實都係差唔多我自愛的都有，例如翠玉瓜冬菇同埋車厘茄！所有都新鮮，亦都係因為好多人不停咁去攞，補給速度都快！主角中嘅主角當然就係他們燒烤嘅方法啦！專登走來事都係因為呢個爐，放上去自己就會轉，超級方便，完全唔使拎住又唔使自己轉，燒烤每一寸都好均勻！仲有一大特點就係冇煙！呢個設計真係一流！有三種醬汁，兩種調味粉可以自己落，不過食物基本上都有味葉制過，

趁住仲係涼涼地的天氣，就想去燒野食，但朋友們很怕煩，又要買食材又要霸爐仲要透火🔥 而且好怕個陣油煙味，所以我就提議去自轉燒烤放題✌🏻「自家燒吧」位置駱駝漆大廈，裝修設計都很有特色，而且以卡位為主，坐得舒適，小店主打無煙燒烤放題，價錢合理，而且不用睇火，岩哂我地這班怕大陣味既懶人店家提供左三款醬汁比客人搭配燒物，我最鐘意日式蜜糖燒汁，邊燒邊塗上一層燒汁，就不會令食物燒到乾哂，仲可以多一分蜜糖味🍯 另外有個食物夾方便夾出食物，亦有大鐵桶供放串燒鐵籤用除左醬汁，仲有三款孜然粉包括原味、辣味同花生孜然，灑上串燒面做調味別有一番風味自助飲品櫃有齊各式各樣的港式飲品，連陽光經典系列都有✌🏻不喜歡高甜度罐裝飲品的朋友不用怕，這裏提供手沖飲品包括檸檬茶、檸檬水、菊花茶、柚子蜜及蜜桃紅茶，還有凍、熱飲兩樣選擇，這杯凍檸茶茶底幾濃，不算太甜，沖得很有茶餐廳風味這個牛肉拼車厘茄的串燒搭配深得我喜愛，牛肉粒一口size易入口，車厘茄燒很juicy💦咬落下去有爆汁效果，酸酸甜甜，可以解去牛肉的膩感芝士蒜蓉焗生蠔雖然是任點任食，但絕不是交行貨，蠔肉肥大飽滿，佈滿蒜蓉粒粒，以任食的質素很抵食呢～～店中央的凍櫃除了放

同班大食朋友去食嘢梗係要搵任食既嘢啦，今次約咗呢間又係之前係Facebook睇到可以自轉燒串燒既餐廳，幾創新之餘又可以傾下計同包食飽肚。我地食8點半，價錢係$218加一，價錢都合理。呢度有得出去食嘢食同有啲餐廳整好咗既熟食可以任拎。有得拎既熟食有燒蠔、炸菇、燒洋蔥圈、豬肋骨、魚等等。燒蠔好好食，不停咁encore。自己燒既嘢食更加多，全部都係串好咗，肉比較多，但蔬菜類都唔少，肉食獸同蔬菜派都可以照顧到。自己最鐘意既係午餐肉，本身熟所以好快就有得食，食落去好香。蔬菜類有好多唔同既嘢食，連秋葵都有，好encore咗好多次。

有時我真係懶到一個點，想食燒烤但又冇去食。原因就係懶，唔想一路忙住食又忙住燒XD今日就去左自家燒吧，食左一個懶人燒烤。點解我會話係懶人燒烤？因為呢到設有自轉嘅燒烤爐，只要放上食材，佢就會自轉，熟左先拎落黎食。最正嘅莫過於可以專心食野，又唔驚燒焦野食~而且望住佢轉呀轉都幾療癒haha呢到係自助式拎燒烤食物，亦有一d熟食例如蠔、雞翼之類可以任食。另外飲品亦係自取任飲。食物種類都算多，無論係食肉獸定燒菠蘿控都滿足到。我仲食埋好耐都冇食嘅燒棉花糖tim。有d肉已經預先醃好，一燒完就可以就咁食。有d配料例如菇係未調味，就可以加醬汁燒，又或者加孜然粉調味！整體黎講，食物質素同價錢都ok，CP值極高！

自己野食自己燒，呢間食店提供嘅室內自助式燒烤。基本上成人188-238，大部份嘅食材都可以係自助吧任攞 。每一枱都有個電爐，燒起黎唔覺得特別大煙，加上室內有冷氣唔會覺得個爐熱住哂。最重要嘅係個爐係識令到啲串燒可以自己轉。所以話呢度真係可以做到企企理理咁燒下野食。自助吧嘅野有生食同熟食。熟食比較有睇頭嘅係呢個蒜容蠔，除左香口之外，蠔肉都唔算細，都唔會煮過龍。鳳爪就不過不失。餃子就似來貨料，無咩驚喜啦。生食嘅食材大路嘅都有，雞肉，豬肉，牛肉，京蔥羊肉都有。呢度大部份肉類都有醃過。雞肉，豬肉，牛肉，材料都算新鮮，食落唔會覺得有咩古怪野。京蔥羊肉就幾香口，不過就有少少羊味，唔鐘意羊味嘅就小心啲啦。另外有啲特別啲嘅午餐肉，燒賣，台灣腸都有。午餐肉因為個爐自己會轉嘅關係，好輕易就燒到外脆肉軟。燒賣有個細心位，就係好多燒烤樂園嘅燒賣都未熔哂雪，變左一燒就好易成粒分裂跌落火海，呢度就完全無問題。台灣腸來貨都唔差，唔似平價貨。菜方面有秋葵，車厘茄。呢兩樣都係普通燒烤樂園少見啲，成本都算高啲。用料都新鮮，可以解一解啲肥膩感。

今期流行自轉燒烤爐🔥，只要放下串燒🍢，就可以邊看著它轉呀轉😳，邊等著吃😆，省卻要將串燒反轉的工夫🙃，而觀塘這家放題店也引入了這部機器📍！晚市時間🌛，店內已坐滿了食客😲。店內空間感不錯😌，位置也蠻舒服的👍🏽。店內有兩個開放式雪櫃❄️，串燒種類頗多🤩，款式差不多有30款🧐，牛肉🐮、雞翼🐣、豬腩肉🐽、羊肉🐑等應有盡有🥰。肉類因為比較為難分辨😅，店家更細心地以卡通貼紙以作識別🖍。另也有不同的蔬果類及丸類等🥒。另一面則有沙律吧🥗、冷盤小食如三文魚等🍴。🔹蒜蓉燒蠔🌊在等待的時間也可以先吃一點小吃😁，香濃的蒜蓉配上肉質肥美的蠔肉😋，很不錯的👍🏽。🔹炸雞翼🐣雞翼是老公🍋最愛💘，怎能錯過😌？🔹焗青口🐚再加上一點青口🍴，吃完了小食後😊，我倆的前菜也差不多可以吃了🎉~🔹串燒🍢店員先示範燒製過程🔥，所以第一次來的也不用緊張😙。燒烤爐溫度頗高的🌡，肉類等不消一回也馬上可以吃了🎊。重口味的老公🍋邊吃加上辣味孜然粉🌶，而人妻🐷呢，還是吃原味的好了😄。總結💭食物選擇蠻多的😍，加上價錢實惠💸，地點亦非常方便📍，性價比高呀🥳！