自家燒吧 (已結業)

出左黎做野咁耐都未搵過兄弟相聚,難得大家有時間食餐飯,就搵一D任食同埋方便大家搭車既地方,於是就簡左呢間又有串燒食,又似放題形式既餐廳食,坐底左就可以選擇行出去拎或者剔紙仔叫人送黎,食物種類算多,但飲品同甜品就比較寡D,埋單計三小時二百四十蚊左右,我就覺得冇咁低食,不過肉類串燒味道好多都唔錯,而且醬料都照顧到唔同既口味.

第一次食串燒放題，睇openrice comment以為好多嘢食，去到見到任攞區唔太多種類。不過都唔緊要嘅，因為全部肉都夠飽，俾太多你㨂都未必有肚食！攞咗食物返去放上爐，見啲串燒轉下轉下係過隱嘅。但係！需時超耐，啲肉好耐至熟，同埋一次其實係放唔到太多串，個個窿放係唔可能，串同串會撞。所以，玩係開頭覺得好玩，但等咁耐至食到一串，我自己會寧願去食韓燒或日燒。嘢食嚟講，個人覺得雞翼係最好食，雞翼應該係無調味，原汁原味咁燒，好食！牛舌都幾好！另外，紙包飲品同罐裝汽水都係任飲，仲有牛奶公司雪糕食。

請位於觀塘工業大廈嘅自家燒吧其實肥雞是冇咗好耐好想你試下啦咁啱今次有同朋友去玩開決定去嗰度試下好唔好比首先入到去啦見到成個場都坐滿咗人出面有兩個好大嘅串燒櫃入面有琳瑯滿目嘅串燒包括牛肉豬肉雞肉羊架最緊要再面花糖燒賣雜丸除咗生嘅肉之外佢哋仲有好多熟食尤其是啲創意料理例如鰻魚上面放咗呢一個嘅麥芽餅佢就好多熟悉尼炸餃子蘑菇釀肉餅全部熱辣辣肥雞要讚下呢一度的調味料一流 咁食呢啲嘢一定好頸渴㗎啦仲要啲嘢唔係免費又係嗌佢啲凍檸茶㗎咋帝豪香

之前已經同老婆去過位於觀塘駱駝漆的〈自家燒吧〉，之前仲未轉做自助放題，食起上嚟都有少少就住就住。😅但係餐廳最近轉左做〈兩小時無限任食自助放題〉大人如果閒日非繁忙時段都不用$200，真係抵到爛！！話明放題任飲任食，當然少不了各式各樣嘅飲品，全部都係香港大廠出品，有名有姓品質保證。各式嘅串燒包括豬牛羊雞，丸類腸類同瓜果類都齊，選擇非常豐富。除咗串燒類外，仲有各式時令生果同甜品，款式多樣化。當然二話不說就要拎齊咁多種喜愛嘅串燒放在爐上。最優勝之處就係食物放系爐上就會自動旋轉燒烤，完全唔使睇火，真係啱曬我哋呢啲又要懶又要食嘅人唔使睇火就當然要出去拎各式嘅熟食。肉類，蔬菜，海鮮都有供應。最誇張真係有成條魚蒸出嚟，誠意十足。老婆其實鍾意食菜多過食肉，所以未等到串燒燒好，佢已經點咗兩個不另收費嘅蔬菜，今日有生菜同通菜，都幾新鮮唔錯架。 菠蘿雞粒炒飯亦係另一個必食菜式，飯炒得夠乾身又有黃薑味，加埋雞粒，菠蘿粒，提子乾肉鬆一起炒，非常好吃。好快肉類串燒就已經燒好，肉質都幾好唔會話肥淋淋，有肉味唔會雪到死死實實。唔好以為任食串燒就會較到個爐好慢好細火，印象中同之前單點時嘅速度完全冇分別，兩個鐘一定絕對

懶人自助串燒吧😋😋😌之前成日都見到人地post 懶人燒烤, 今次終於到我啦!!🤣🤣🤣任燒任食任飲2小時都係$218😌個冷氣好夠凍, 咁多個爐開住都可以keep到個場涼涼地, 而且唔會煙霧迷漫, 坐得好舒服!👍🏻👍🏻👍🏻👍🏻佢地都有好多款野食🤣沙律吧有沙律菜, 生果, 大蝦小食, 鳳爪同甜品熟食吧有蒜蓉焗生蠔, 炸雞翼, 各類炸物🤤燒烤櫃有豬牛羊雞翼, 肉製品同蔬菜, 最特別係有棉花糖😄😄飲品櫃有維他奶, 陽光果汁同汽水😋雪糕櫃有3款唔同味既雀巢雪糕😌我地拎完野食之後, 店員就幫我地開左個燒烤爐, 個爐係用滾輪🤔🤔🤔放串燒上去果陣要隔一格黎放, 😌如果唔係就會撞有3種醬, 燒汁係一開始燒果陣塗一塗個面🥳, 可以鎖住個肉汁, 其他2個醬就係燒到差唔多先加~ 另外仲有花生, 辣味同原味孜然粉🤤🤤🤤🤤等緊燒烤既時候, 我地叫左焗生蠔同腐乳通菜, 味道都唔錯燒左幾轉之後, 我地最鐘意牛肉, 午餐肉, 燒賣, 菠蘿同粟米牛肉串好好食, 個車厘茄好甜好juicy🤤午餐肉個面變左金黃色就岩岩好個燒賣會燒到脹卜卜, 個皮好脆😻菠蘿同粟米好甜好多汁😊👍🏻最後食翻杯紅豆雪糕就岩岩好!!!

懶人唯一之動力為食，但如果連食都懶，世上還有什麼東西可以拯救他們？還有什麼地方可以容納他們？早前我已找到兩者的答案。近年室內自動串燒相當流行，我想正正是切合懶人需要，試問有誰不想坐著等食，我也是懶人之一，所以一直對此興趣十足，今次選擇了觀塘的一間懶人串燒放題試試駱駝漆大廈是著名的工廠食肆，之前已經到訪過其他樓層的餐廳與cafe，但自助式串燒確實透過openrice才知道開置在一座五樓。餐廳在出𨋢門後右手邊，門口已放有價目表供參考餐廳內所有座位為梳化位，而且梳化寬闊，2人一旁空間感十足，放置衣物及手袋也不覺擠迫檯面餐具簡而精，有鉗子、叉、碟及3款口味的孜然粉（花生、辣味、原味）。最欣賞貼心的碟子，可以分別灑上不同口味的孜然粉作沾燒物之用想一想吃串燒前先吃點小食應該較好，不然太飽沒機會品嚐。小食區款式頗多，包括沙津、水果、日式前菜、餅乾及布甸款式太多不能一一品嚐，但吃過數款後我比較喜歡碟右邊的2款餅乾款小吃，蝦味與番茄、蛋及青瓜襯出清新感，再配上麥芽餅帶出甜味，而蝦換上鰻魚同樣味道和諧，餅乾也換上較濃奶味顯得味道特出旁邊則放有共6款小食的小食區域，有蒜蓉焗蠔、焗雞扒、炸海蝦、薯餅、炸雞翼、

睇網上介紹左好耐，終於有時間同隻佬試下 🤣🤣 睇到唔駛自己燒，呢個賣點都夠吸引啦！黎到我以為都係細鋪，原來都唔細，都好多位！每組卡位都幾闊！唔錯 👍🏻👍🏻 坐底冇耐就出去搵食，一個雪櫃串燒，另一個係沙律/生果/甜品！仲有一排熟食！一個雪櫃野飲同一櫃雪糕！唔好以為唔多野選呀！都好足夠！串燒有好多種類，見佢 refill 都好快！最想提一提係腸仔同紅腸 🤣🤣 廚師腸絕跡左一排，呢道任食 👍🏻 紅腸燒到出面脆皮 👍🏻 另外就係牛類都有4款選擇，當中我覺得牛舌唔吸引！原因係佢係熟牛舌黎架 🤣🤣🤣 豬反而覺得個腩肉好正！又係可以燒到脆皮！另外仲有熟食可以俾你選擇，有炒烏冬同埋菠蘿炒飯，但我地食肉獸！冇叫！反而叫左兩碟菜黎調和一下 😋食到咁上下，店員每枱都通知一下，只要 like 佢地面書專頁，就會送今晚既甜品，今晚係 椰汁燉雪耳，唔錯喎！可以滋潤一下 🥰我地一唔食一路吹話，其實點解冇蜜糖同麵包 🤣🤣 我隻佬答我串燒冇！笑死我 🤣食物普通，牛可以！

本店主打自助串燒，感覺非常棒，一邊吃吃串燒，還有其他焗生蠔，一邊跟好朋友聊心事。店舖多以4人枱為主，地方很大，即使是BBQ，但整間店舖亦不會充斥著一股油煙味。店子易尋找，位置在觀塘的大街，頗易找。入到店內，冷氣非常充足，解除吃串燒疑慮，夠涼快，牆壁上有不同的手繪漫畫，氣氛是蠻本土的一類。會「自轉」的燒烤爐，在入座後，店員便細心地教導，只要把串燒放在爐上，開始自行轉動，等待約5-10分鐘，即燒熟，可以吃了呢*引入這十分流行的BBQ模式，真心覺得很有趣，眼見香港暫無類似的餐廳。我跟朋友吃得很興奮，BBQ採用放題形式，可任食2.5小時，燒烤放題店，有很多的串燒，且有刺身提供，不像一般日式燒烤、韓燒，特別一點喔。雞肉串燒可說是日本人喝酒時最愛搭配的食物，作為愛吃著串燒的我也不例外。裹著醬汁的雞肉是鹹鹹甜甜，下酒很棒。從平價居酒屋到酒吧，這間串燒放題店一個價錢就可以任意吃好吃串燒！店內不用的串燒，有齊牛、豬、羊、鴨、魚、丸和蔬果等，而且肉類質素不錯，美國安格斯牛肩胛肉質具彈性、巴西雞中翼嫩滑，鴨舌入味有咬口。另外，除酒精類，所有飲品皆任飲！更重要的是，燒熟後可灑上海鹽、彩椒味、孜然粉調味。串燒不

又黎到任飲任食嘅環節今次黎到哩間任食嘅燒烤吧，真係想食咩有咩，正！食物款式多，環境闊落，服務員亦好helpful，不錯！哩度嘅燒爐真係好得意，又唔洗自己燒得咁辛苦，可以擺喺度慢慢等佢自己燒燒烤唔少得佢個粉，哩度啲粉嘅味道夠晒特別，孜然粉都竟然有3種味另外嗌左佢嘅菠蘿雞粒炒飯，炒得香，又有菠蘿香味，加埋面頭嘅肉鬆，真係好有風味焗蠔都大大隻，加埋面頭嘅香蒜，一定要試加錢嗌左燒帶子，真係無令人失望，好鮮味炸餃子炸得夠晒香，皮薄又脆飲品雪糕任飲任食真心正，仲有咁多味揀，抵呀！

觀塘區有好多樓上特色餐廳，行過見到啲宣傳海報sell自己燒串燒就想試下。同朋友食晚市時段，每人2百幾食到放題，而且質素唔錯嘅特色餐廳都算係幾抵👍🏻雪櫃有多款唔同肉類、瓜果類串燒比你揀，每款食一串都應該夠飽😂仲有甜品及冷盤！另外都仲有好多熱食，唔使自己燒就已經食得，有豬勒骨、燒蠔、魚等等！串燒好方便，擺落爐唔洗人手郁會自轉，肉類餣得好入味，肉質鮮嫩多汁唔韌，爐邊有醬可以自己掃上串燒，但本人覺得唔使加都夠味仲有得燒菠蘿、棉花糖！正！呢度仲可以填紙仔叫嘢食，見佢特別推介菠蘿炒飯同炒通菜，兩款都好食 ，好足料，多菠蘿👍🏻凍菊花茶，真係有幾朵菊花，味道清清地，啱哂食左咁多肉類串燒清新、清熱一下

朋友慫恿去觀塘食串燒，我說怕熱氣，她卻說值得一試，因自己完全不用動手，串燒全自動。結果被她説服，放工後準時到達。到達後急不及待拿食物。串燒用鐵枝穿好，雞牛豬羊應有盡有，一於每樣都試。枱面有部自動串燒機，只要將鐵枝放到適當位置，鐡枝便自動滾動燒烤，不經人手。枱面有各種調味料，有茄汁、蜜糖及泰式甜醬。各種串燒味道尚可，加入適量調味，味道提升，不俗。另有熱食、沙律、生果及雪糕任食，味道一般。再有一些食品寫單任叫，可選擇不多，味道亦普通。埋單每位二佰多元，性價比不算高。

自從有左APM之後， 佢周邊啲工業陸陸續續改頭換面， 急急upgrade, 而且不停有各式形式嘅餐廳開張。 今天就同地膽朋友嚟呢間食任食串燒。一坐底我就feel到呢餐應該幾熱氣， 所以即點一杯凍柚子蜜先😁。頭盤有好多熟食小吃。我推介三文魚夾蛋夾餅及鮑魚片夾餅，我第一次見咁樣配搭，幾有新鮮感。焗生蠔同腐乳通菜， 一個夠大隻，另一個就夠惹味，因為腐乳的香，連我平時唔好菜都食多兩條，仲想叫番碗白飯添。主菜烤串有好多選擇，羊、豬同雞，全部都醃得好入味，細細串，燒完兩三啖就食哂，於是我地不停燒不停食、不停燒不停食.....終於有一次食放題我係記得食甜品架喇！紅豆雪糕必食，事關佢真係有紅豆粒㗎。

今日要去官塘見客，SY又去調景嶺開會，相約一齊食個晚餐，聽說呢頭開咗間幾特別嘅串燒店，去年嚟呢棟工廠大廈食過泰菜，地點都容易搵嘅，又試吓有幾特別先。喔...原來係自己燒嘅，所以叫自家燒不過食物可以放响爐上燒，唔駛自己動手翻轉食物架。SY未嚟到，行個圈睇吓有咩食，未燒住，可以食沙律、生果、前菜、甜品...仲有6款熱食供應串燒食品選擇多，豬、牛、羊、雞、魚...各式丸類、蔬菜、仲有鮮菠蘿...人未齊，燒烤食物需時，一邊燒一邊等啦...店員話烤肉最佳溫度係80烤肉要不時掃一層日式蜜糖醬，又香又無咁熱氣....有泰式辣椒醬醮食，蔬菜類點茄醬最夾羊肉串好食又唔羶菠蘿有助肉類消化，烤菇好香除咗自己燒或自取熟食、沙律，仲可以畫紙仔點食物，有免費嘅，又有額外付費嘅...芝士黑松露菌薯條新鮮熱辣，香脆芝士蒜蓉焗生蠔，熱葷盤現成嘅得蒜蓉，無芝士架...蒜蓉好香叫啲菜食吓，好似健康啲，蒜蓉唐生菜，腐乳通菜都唔錯串燒會在爐上自行轉動，原來係兩旁嘅單車鏈不停轉，帶動串燒棒上嘅齒輪串燒食物可以均勻受熱，好方便連多春魚都唔會燒爆肚。仲有雪糕、雪條揀...讚FB又有養顏椰汁雪燕糖水送傾吓、燒吓，唔覺唔覺就燒咗咁多喇好

今日嚟到觀塘，試吓宜個自助燒烤，我諗都幾啱我呢啲懶人，因為佢係唔使自己攞住嚟燒架，你放落去個燒烤架佢就會自己轉，坐低左店員會教我點樣開爐，調校溫度，然後旁邊有三款調味醬, 分別係燒汁蜜糖，茄汁，泰式酸辣汁，你可以邊燒邊搽呢啲醬汁，燒好後有三款孜然粉俾你調味, 分別係原味孜然粉，辣味孜然粉，同埋一個花生孜然粉，將揀好嘅調味粉加落啲串燒，可以增加味道嘅層次，更加惹味😍😍呢度提供嘅串燒款式非常多超過30款，有豬，牛，羊，雞，各式嘅肉丸，墨魚仔，芝士腸，燒賣等，另外蔬菜方面有菠蘿，翠玉瓜，秋葵，仲有棉花糖啊，肉類嘅調味都做得好好，燒好後就算唔加任何調味粉，都好好味，個人特別喜歡蔬菜類嘅秋葵同翠玉瓜，出奇地覺得好味，第一次燒秋葵，除咗可以保持此原汁原味外，燒後口感都唔錯，而翠玉瓜更加清甜😋😋除咗串燒之外,仲有沙律吧，可以俾你清下燒烤嘅油膩感，另外仲有個款特色嘅小食，例如三文魚，蝦，鰻魚等，仲有生果仲有菠蘿炒飯，炸雞翼，炸薯條等可以落order叫，另外會六款熱葷可以自己攞，有焗蠔，節瓜甫，燒餃子，魷魚圈等呢度特別嘅地方係除咗有飲品櫃飲品任飲之外🥤🥤，佢仲會有水吧，可以有檸檬茶有，檸檬水，菊花茶等等

平時食串燒都係餐廳燒完先拎過黎, 今晚黎到官觀工廈入面食串燒放題｡呢間串燒放題餐廳晚餐分 3 個時段, 平日去最貴嗰個時段都係兩百頭, 都唔算好貴, 2小時內任食串燒 & 其他熟食｡串燒方面大約有廿幾款, 自己喺自助區拎｡ 肉類串燒主要有: 新疆羊肉、牛肋條、豬頸肉、多春魚、雞翼 … 丸類串燒除左有各式各樣嘅肉丸 & 腸仔外, 仲有午餐肉 & 燒賣｡ 蔬菜類串燒就有粟米、菇類、秋葵、翠肉瓜, 而且仲有菠蘿添｡ 不過最令人心心眼嘅當然係有棉花糖串燒啦｡自助區除左有串燒食材外, 仲有幾款熟食: 蜜汁豬肋骨、燒雞翼、芝士焗蠔、炸洋蔥圈、煎餃子、大蝦天婦羅、麵醬節瓜、白汁青口 …另外有個凍櫃提供: 各式沙律、多款大蝦/三文魚小食、涼食、白雲鳳爪、生果 …拎完番埋位之後, 就可以將 D 串燒放喺個特製嘅自轉烤爐上慢慢燒, 再塗上日式蜜糖燒汁, 令肉汁保留, 唔怕燒乾｡串燒燒熟左就可以按喜好沾上孜然粉 (孜然粉有3 款味道: 辣味、原味 & 花生味)｡整括黎講, 第一次黎呢間食自助串燒都幾過癮, 味道亦唔錯, 有得玩有得食, 而且食物種類又多, 唔夠仲可以加錢 Order 貴 D 嘅串燒食材添,