胡爐 (已結業)

第三次黎過胡爐，今次係帶朋友們黎食。訂左7點鐘，但尖沙咀好難泊車，打電話去問接受留枱幾分鐘，職員有禮地回答「點都會留比你，一係幫你改7:30都可以」但我們最後分批到餐廳。因為不限時，所以我相信他是不回枱趕客的湯底叫左個龍蝦鍋，新鮮生猛既龍蝦，雖然分屍左放入煲，但放酒時還在郁！！放完酒後，焗一陣就放濃郁既龍蝦湯煲一煲就可以飲啖試味，開頭是偏咸，加第兩轉清湯就好好多了。另外叫左 本地手砌牛、牛胸爽（好少地方有得食）、聖子、雜菜盤、貴花螃、冰豆腐、手打蝦滑...等等。中途小意外，有一小職員打翻左盤子弄到隔離枱的客人背部，好彩是凍盤，三位職員即是不停道歉及立刻清理，我的朋友都差點點弄到腳，最後資深職員送上白酒給他們及送上餐飲，甜品等以補償不足之處。處理的很好，更加上他們遇到好有品的客人（隔離枱被弄髒的客人），是不幸中的大幸，否則很難收科。

朋友約會，朋友安排訂座。我自己一向不太喜歡吃火鍋，但今次算是令我吃得滿意開心，聽朋友說經理很好人，朋友要求要vip房，她說平日一盡量幫忙安排房間。我哋叫咗個花膠雪耳大眼雞鍋，同埋一個普通嘅鴛鴦鍋芫茜皮蛋vs菜乾豬肺。諗住大坑雞湯冇乜特別，但真係有驚喜，係原條大眼雞師傅煎香左跟住再放上枱後給客人睇睇侍應再來諗過魚湯，本人竟然一個人差不多食晒成條大眼雞。另外都欣賞個鮮雞，食得出係新鮮雞不是冰鮮，完全冇雪味，好有雞味嫩滑雞肉，不過由於係鮮雞會多啲黃油滲出嚟，黑松露蟹肉餃，必定要試混合左西式做法。但略嫌要改善就是洗手間的一格。等了起碼3分鐘有多

放假行經厚福街找東西吃，發現有一間看似不錯的火鍋店，有九宮格麻辣鍋吃馬上試試。結果都冇令人失望味道不錯稍嫌不夠辣。食得辣嘅可以叫大辣，叫了我最喜歡的鯇魚腩鯇魚片，店員推介我吃馬都貝（是蚌類），真係好鮮甜，肉質豐厚，比起花甲好吃幾部。3個人都是吃了1500蚊，不太昂貴，不錯之選。看見旁邊枱order了一個有火的鍋，問店員他說是火焰龍蝦鍋，好似幾吸引，如果下次再光臨一定會食這個，店員一路炒一路已經聞到香味。

胡椒豬肺湯超正呀，飲左兩碗先開始打邊爐～～用料新鮮，黑松露蟹肉餃好好味，牛骨牛汁丸都係必食，真係好重牛肉鮮味！經理知我地第一次黎，介紹個menu講得好詳細，order了加拿大象拔蚌，分三個價錢好合理，我哋叫咗＄488，都好抵食好大碟。係真正加拿大不是cheap的加州蚌。猪肺，猪肚，都是必食，完全沒有猪腥臭味！環境都古色古香好有中國味道，店員話如果平日都可以訂房間，六個人都係＄2500，私隱度高不錯不錯。一定值得再試 ！

今次已經是第二次到來，上次試了椰青雞窩。今次吃冬瓜雞翅鍋底，真係有魚翅。原個冬瓜在鍋裏，連同雞一齊鮮甜味十足。黃金墨魚丸必食入邊是鹹蛋黃，黑松露餃。日本和食就食得多馬都貝，今次食到原隻好鮮甜，好多肉汁肉質好厚。經理向我們推介日本室津生蠔，真係好抵食＄30隻都唔使，都鮮甜有海水味，五個人埋單到是食咗1700百幾蚊，物有所值，總好過去食放題。但若嫌棄地方較細，廳面佈置精美但比較狹窄，店員話都有VIP返可供留座。但要注意樓下等𨋢時間頗耐。

爸爸生日吃飯，同事介紹下第一次光臨。環境舒適，裝修好中國式。我點了爸爸最愛的生牛肉刺身，入口即溶化再配上肉汁，值回票價168元。還有花竹蝦刺身都抵吃新鮮彈牙。炸魚皮必吃，自家制，還有小食老友鬼鬼。

只是路過找點東西吃吃，竟然找到十分出色火鍋店。椰青雞鍋必食，好清甜湯底，椰香味十足。炸魚皮，黑松露墨魚丸，肯定一點所有餃類丸類都係手打，不是出面平價貨，炸香蕉都是必食。

涼涼地，食火鍋係常識吧，早排食好多火煱，有d係平有d就好似好有特色，但冇一間啱心水，今次真心想推介呢間所以寫下食評，首先呢間係厚福街位置好，食物質數真係有返咁上下，地方唔算大，我哋8人安排左間房，我地點左火焰龍𧎚鍋，用原隻波士頓龍蝦配西式龍蝦湯，另外點左個麻辣九宮格，呢個麻辣非常👍店員細心問我食唔食得辣，我好怕太麻，所以店員叫廚房做小麻多辣，非常配合我首先點左特大手切牛，一碟特大都夠6位，因為有2位唔食牛，手切牛有兩個部位頸脊、邊抓，頸脊夠淋多雪花邊抓有咬口夠牛味，西班牙豚肉望落有d肥但食落一d都唔肥好滑肉味濃，唔會鞋口，值得一提呢間好多手工嘢，魚皮手工即炸必食非常脆，係我食過最好食嘅，響铃都係即炸新鮮😋丸，餃全部自家製，不得不讚黑松露蟹肉餃非常香黑松露味，黃金墨魚丸<黃金>係咸蛋黃，流沙咸蛋其他食物非常平均，無得彈、真係冇嘢可以彈，必定Encore再食，仲有炸榴槤真係冇得輸

今日老闆請食飯，預早秘書小姐book左胡爐食火煱，(聽講有d難book)打邊爐一向對我都覺得冇乜技巧可言，自己都會買餸係屋企打，但今晚我有d改觀，我哋八個人點左兩個湯底(冬瓜花膠雞翅鍋）先飲湯，湯底非常出色雞湯內有淡淡金華火腿香味仲有花膠雞用新鮮雞嫩滑😛另一個火焰龍蝦鍋都，好濃龍蝦味，本來以為火焰會辣原來火焰係客人前㸃火炒香龍蝦食物我哋點左太多只能講另我印象深刻嘅，第一位，炸魚皮必食屋企一定食唔到，即叫即做，超脆，正正正，第二位黑松露蟹肉餃皮薄蟹肉鮮淡淡松露味超夾，未食過咁好食餃第三位西洋菜丸非常特別，彈牙墨魚丸內有新鮮西洋菜好正，牛肉味香濃非一般我係街市可以買到，豬潤勁爽脆，田雞超新鮮，甜品炸榴槤濃濃榴槤香味、勁，其他食物都做得出色，老闆娘話八成以上食材都自家製唔係一般火鍋店工場交貨，丸、餃、魚皮、嚮鈴明顯出色，食左呢餐真係覺得平時自己屋企打邊爐有明顯分別，睇黍呢個冬天要破費多幾餐

踏入冬季 第一件事當然係同親朋好友打邊爐啦今次揀左位於厚福街H8商業大廈16/F既胡爐其實㨂佢既原因係上網見到佢既火焰海鮮鍋好似好吸引 加上屋企人鐘意食海鮮 所以就決定試試啦食野之前可以溝自己鐘意既醬~~之但係其實我溝完之後都無咩點過...因為個湯底都夠濃我地既主打到啦~~~就係龍蝦海鮮鍋真係原隻龍蝦架 仲識郁好新鮮侍應幫我地炒呀炒~~~再倒d清酒落去跟住點火!!就變成火焰龍蝦啦~~~好型成件事 哈哈加埋龍蝦湯就可以食得啦個湯底一開始未算好濃 但越煮越濃 可能吸收哂之後啲食物精華但隻龍蝦真係好好好好味 好多肉又鮮甜 每人分得一塊真係唔夠喉我地仲有叫其他野食 都好好味架西班牙黑毛豬豚肉 唔"HI" 我覺得幾好味但親友們就麻麻極上本地手切肥牛好味呀~係厚身既肥牛 叫大份我地6個人食岩岩好西洋菜墨魚丸我第一次見呢兩種野食mix埋一齊!!墨魚係新鮮既 並唔係魚膠個種 混合埋西洋菜感覺好fresh呀自家製炸魚皮極度推介！好好食浸左d湯汁之後仲係好脆 啲炸粉好夠薄 仲食到魚皮個隻鮮味蟹粉包丸正正常常 似平時外面食到既 粉腸都係正正常常 無咩驚喜~~黑松露蟹肉餃佢d自家製野真係幾掂!!呢隻餃一咬落去

今年生日飯其中一餐選擇左打邊爐, 初時並唔係楝左胡爐, 係楝左另一間, 可惜個間限時兩小時,又分左兩段時間, 始終覺得打邊爐限時有點太趕, 所以最後我地楝左哩度! 餐廳位於一楝全楝都係食肆既大廈, 一到晚上食飯時間, 要係樓下排隊搭LIFT 都要一段時間, 不過當晚可能係平日加上又落大雨, 所以今日好小人搭LIFE, 初時去到餐廳都冇乜人, 點知坐坐下都FULL 晒!本身想要那個九宮格鍋打邊爐, 不過我地覺得那九宮格, 每一格都太細啦..感覺上好似係度洗筷子咁, 唔知九格係唔係每一格都有不同既辣味呢? 如果是一樣既, 我建議餐廳可以轉左四格會較好! 最後我地叫左胡椒豬肚湯底, 一上到黎, 我地每人都飲左一碗, 好濃, 好香既胡椒味, 豬肚亦煮得好淋...正呀!佢有啲小食款, 有炸响鈴, 係即炸既, 放湯一陣就要拎上黎啦...炸魚皮, 每次打邊爐都係必點, 哩度既魚皮好得意, 好大塊架, 我都係第一次見....但係好好好好味....我地仲叫左炸魚角, 其實佢係就咁當小食食架, 但係我地覺得放落湯一陣再食, 會更好味老友鬼鬼, 又係小食黎, 我地初時以為好似平時出面個啲咁, 要自己淥黎食,

天氣忽然轉涼，又見到我每期都買嘅U managzine 推介為入秋必食火煱，就約好同事試下，好彩一個星期前訂位，去到好多walk in 冇訂位都冇位，我們等了約五分鐘，等待入座時見到很多明星相來幫襯，有我至愛祖祖、鋒鋒也送花籃到賀，心想有冇咁巴閉呀，我們一行六人點左《推介》火焰龍蝦湯底，湯底好特別，店員會係客人前點火炒龍蝦，龍蝦非常生猛上枱仲跳，龍蝦味濃，每人飲完一碗都大讃，本地特級牛肉、牛味濃讚、即炸魚皮、響鈴冇得輸，我們還點了其他丸、餃，質數都有70分以上，推介黑松露餃，黑松露味恰到好處，相比同區價格相約火煱食物質數比對出色，

Surprise.....hahaha生日快樂🎉🎉🎉同埋要讚個咁醒既壽星女重點。。。火焰龍蝦海鮮鍋超正，炸榴槤一流，手切牛肉超正！價錢公道。。。服務員效率好快

9點幾，喺尖沙咀想打邊爐，兩個男人喺厚福街H8見到新開火煱，上去試試，煱底幾特別，叫咗個椰子雞煱，侍應首先淋上花雕酒點火炒熟雞件，再將整個椰青水同雞湯烚熟，啲雞油出晒嚟，好飲⋯⋯叫咗2個小食，醉鴨舌，口水雞翼尖，一碟大牛肉，一份田雞，一個蔬菜拼盤，所有都唔錯，但田雞上台仲郁，真係新鮮⋯，仲有3支大啤，埋單一千多D ，唔算太貴，有機會再叫多幾個朋友試埋其他鍋底⋯

Dinner with 5 friends from UK , all the food is good and fresh , the waiting times is no so long , will come back   to try again and recommend  to friend !!!