胡同 (已搬遷) 新店位置

食物ok.值得一試!環境太黑.女仔千祈唔好自己去所.... 一定會驚!!值得一看!

生日同bf去食,book唔到window seat,食物比想像中大碟同好味,可能對佢無咩期望,因為似做business同外國人生意.去個toilet真係幾驚....... 叫左蒜泥白肉- 原來係茄子冷盤,都ok...京城羊肉- 好味,幾特別桂花叢- 清清地都幾好茴香餃子- 普通la有一味唔記得叫咩名,係d白菜同魚乾用上湯煮,清淡d...甜品係芋泥鍋餅,好好味,唔會太甜........整體service都ok,無其他網友講到咁差,無講到要non-smoking table,坐底左都比我地轉. 但bf想移開張檯少少,有個應該係manager即刻過黎態度麻麻話唔可以移,仲比左個超爛既理由話檯腳磡實個地下(但我地check過其實梗係無,呃細路咩....),係呢度奇怪d....預左貴,但overall 都幾好.......

昨晚到過, 如果唔係有朋友從澳洲來想見識一下,就算殺左我都唔會再去第二次!!!間野其實主sell 係個維景,可惜....好心就搵人清潔一下塊玻璃窗啦,起晒污漬朦查查!!!不知所謂之一!!!!!尼間野係人都知每人坐底最小消費3百大元,昨晚我7個人訂左台講明消費3千以上,好可惜佢竟然俾一張"神桌"位給我們7個人!!!兩張長型應該每邊只可坐3個人的椅,竟然要我們4個迫在一邊!!!仲要加上一張超窄的神桌,在旁邊位食野要小心碗筷跳落地仲要側側身,我!$!$!@%!#$@!!!!食物就仍然衰到無倫!霸王鴨又鹹又乾,豆騷魚又唔新鮮,"比翼雙飛"即是一隻燒乳鴿併一隻鹵水鴿,食味仲衰過任何一間2,3級食肆!!! 最最最不值的就是我最後加的一個甜品,4種款式包括豌豆黃,蘋果春卷,香荸頭整我類似夾餅的東西,紅豆椰汁榚,味道不突出又不夠精緻竟然敢收人4百幾元貴過所有菜式!!!埋單3千8百幾蚊!!我個人貴冇問題,但係要值得!!一間扮有品味的格局,以為有一個無敵維景,就可以不顧食物質素就斬到人一頸血的不~知~所~謂食肆!!! 好應該盡快在飲食業淘汰這種金玉其外敗絮其中的食肆!!!

記得好耐之前去過胡同dinner, 入面裝修得黑麻麻, 似乎有點兒過火。尤其是個廁所, 好似拜神咁, 嚇死。而食物方面, d京菜造得不倫不類, 記憶中只有"辣"同"唔好食"呢兩樣野。Service就不過不失啦~~埋單3千幾蚊, 勁唔抵~一定冇下次。

原來佢地咁衰架? 我果次去佢地d service真係好好架wor...仲諗住果度d野好食先介紹大家去添...嘩,佢地咁樣好唔得架wor...一間餐館再好食,service 唔好都係死嗟...

dont' even think of taking photos there ... the waitress will come and stop you and say ' our boss set the rules that no photos can be taken inside the restaurant' wor ...

成間店都用古式裝修木板椅,木板台,木門間隔房間,可能因為主sell維港景所以燈光頗為暗淡, 除左一般4人小台仲有D所謂特色房間, 有一間係上一個高台再除墓坐的房間, 頗有日色風味...但係個人感覺, 除左有個幾正的維港景外, 坐就真係麻麻! 木板椅硬板板你話坐幾個小時有"幾舒服"??仲有係菜式方面走四川口味,但係就不倫不類,菜色太過油膩, 好似點左"大紅燈籠高高掛"(辣椒軟殼蟹),味道只辣椒而不麻而且炸得過火! 豆騷魚簡直可以話食唔出應有的豆騷味而且太過多油!! 仲有果隻醬茶鴨真係難食到............. :Q~其他冷盤小食沒有有什特色可言, 服務中規中規不致有人話差, 可能當日我地5個人堅持要一間6人近牆有間隔的所謂房,而事先講明要食滿千五以上先可以.,我個人總結以四川菜來講味道完全不合格, 雲陽閣或者層次低一點的洞庭樓都好過佢,成間野只係sell一樣.."靚夜景"! 價錢貴,食物唔掂,坐又唔舒服!!可能老外會喜歡哩個style...但係我就一次過冇下次no way!

The attitude of the receptionists are really bad. Don't they know they are receptionists; they are neither boss nor clients!! Real Bad attitude. Dammn piss off!!

the receptionists should have been more polite! They are to serve ppl ga!I would have rated it a higher score if the service could have been better!!

I went the restaurant with 2 clients last friday. The food is bad and also the service. Only view is great .

This is a expensive restaurant with nice decoration and good food and dessert. The lamb was really great. The restroom is a bit too dark. I would give a try in the daytime in the future since the whole restaurant is really dark at dinner time. the waiter always push us for ordering drinks, we said a few times "no", he push us to have water (we have tea already), we said ok, then when we check the bill, there is charge for the water. that's the only thing I don't feel good.

係咪冇人食過呢間野呢?...我搵左好耐,internet都冇呢間野既資料...呢間係一間食新派北京菜既地方~之前我同屋企人+親戚食過呢間野,一試難忘~環境真係好靚(事關係北京道1號),野食當然係有極高水準啦一行十幾人,試左好多送,其中有幾道菜我覺得好好食:柚子素翅:酸酸地,好開胃,d素翅質感真係好似魚翅,好鬼死正~推介~*涼拌聖子:真正個名我唔記得左,d聖子好大隻,少少辣,都係好好食~烤鴨/烤羊:唔油係最重要既一點,烤羊冇騷味,如果唔係怕肥我真係可以食晒豆豉魚片:都係唔知個名叫乜(因為唔係我叫菜),魚肉好滑,唔腥鮮蝦麵/擔擔麵:用一個個細瓦煲仔上,好得意,蝦麵好鮮甜,擔擔麵屋企人話好食成餐飯淨係覺得d炆豬肉好肥嗟~~~叫左荔枝酒,真係有粒荔枝係個容器度~餐牌係用皮做既簿黎架,好有特色~service都係一流~~雖然好貴,但係有機會我一定會帶埋相機再去~~*