勝記海鮮酒家

营业中

休息中

今日同埋屋企人一齊嚟西貢食海鮮 一行六個人加兩隻狗 坐吓露天區域欣賞吓大自然嘅風景餐廳嘅位置遠少少咁多 換來嘅係完全唔嘈吵嘅環境 同埋對住海景 人都開心啲我哋就喺西貢艇仔買咗幾張海鮮去加工 最值得一讚嘅就係我哋買咗條大白魷做刺身 師傅可以完美將佢切薄薄一片 非常考功夫之餘 仲要咁有耐性 足以證明呢間餐廳係有心機去做菜俾我哋仲有要讚嘅係我哋叫咗20隻扇貝 20隻均勻地啱啱好熟 粉絲夠林 豉油都啱啱好唔多唔少 如果大家想食高級啲嘅中菜可以嚟呢間試

六人食晚飯。完全冇叫貴價海鮮，份量絕對唔大例如瀨尿蝦兩隻，蒸貝六隻，油料費收得極貴完全唔合理仲未計海鮮。。埋單5款海鲜加加埋埋一共食咗$4800。。食物服務態度全部正常，有少少衛生問題，主要係真心唔值咁貴。所以覺得現今香港餐飲真係自己搞死自己。。完全對西貢海鮮酒家失去信心。。

同老公去左第一次食哩間野，去到門口已經覺得伏，得果2，3枱客，但老公話哩間係米芝蓮餐廳所以照入去食，2個人食野唔多諗住唔叫套裝散叫2樣野食，叫左椒鹽瀨尿蝦，芝士焗龍蝦，問佢有無得睇下海鮮想揀下，服務員扮聽唔到，佢餐牌基本上所有野都係寫時價！再問海鮮點計又扮聽唔到，淨係同我講要收加工費，我簡直覺得哩間野係呃人，但坐低左就照食啦，食物雖然味道唔錯，但好似有種擺上台俾人湯既感覺，好唔中意，成餐飯我基本上唔知幾錢埋單，我連一個顧客去幫襯一間餐廳基本想知價錢既權利都無，我以後唔會再食，就算請我去食我都會叫人唔好揀哩間，不知所謂！！

由於有屋企人生日，所以去咗西貢食海鮮，基本上海鮮都好新鮮，味道都唔錯！雖然價錢貴咗啲啲！環境都算乾淨，跟住喺店外邊挑選海鮮，再另收加工費！ 餸菜上得比較快。豉椒炒蟶子：叫咗8隻 ，熱辣辣，蟶子口感的肉質都爽爽的，好鮮甜份量，豉椒炒都好惹味！椒鹽鮮魷魚：香脆熱辣辣，唔會太厚粉，剛好。咕嚕肉：味道正常！外脆內軟！蜜糖山楂骨：呢個唔錯，酸酸甜甜，又可以咬到啖啖肉！肉質琳琳地幾香口！砵酒蠔：唔錯，夠肥美！避風塘炒瀨尿蝦：呢個好味，香噴噴，火侯好足咁，味道香辣惹味 又唔會太過濃，亦都唔會太辣，用埋佢呢 避風塘肉碎送飯，十分香口，呢個品種嘅賴尿蝦大大隻，肉質爽身又彈牙，又夠多肉！鹽焗奄仔蟹：食完個避風塘口味食個鹽焗清清地，蟹大大隻，每人半隻剛剛好，中間有好多膏，唔係硬膏，所以好香濃，滑滑的，蟹易好多肉，夠鮮味！楊州炒飯：一粒粒咁都OK，略嫌鹹咗少少！最後送咗個甜品三色糕。

不知所謂，食物難食，服務惡劣，不知進取。基圍蝦變海蝦，燒雞無翼，蒸魚變炸魚，貴妃妦兩分鐘完成，蝦炸到亁過柴，海鮮檔催客人要海鮮。總的來說，來過一次便夠，下次不會再來。

人生第一次嚟到西貢食海鮮，一行10人食餐豪嘅！由於得6人餐或者12人餐，老細都話按比例幫我哋加到10人餐啦～ 跟住出去參觀吓啲海鮮，睇吓有幾新鮮先！揀咗隻阿拉斯加長腳蟹，咁就$4000啦，正所謂搵錢難，洗錢就不知幾容易，不過一家人食得開心就得啦❤️.白灼蝦非常新鮮，加上佢哋自家製嘅辣豉油，將鮮味提升咗上另一個層次。炒蟶子就冇乜特別，正正常常。.但係帆立貝就有啲失望，雖然佢本身寫明係刺身給帆立貝，但係的確係好似壽司嗰種質感，而唔係新鮮食材，同其他海鮮類格格不入。.避風塘鮑魚非常新鮮，從來冇食過炸嘅鮑魚，令大家都喜出望外，原來鮑魚可以有呢個食法！.跟住就到期待已久嘅阿拉斯加長腳蟹，用咗幾十年嘅花雕酒做調味配上蛋白，將蟹肉嘅鮮味逼出來。以為蟹腳會係最鮮味，冇諗過蟹身先係最吸收到花雕酒嘅精華，十分香嫩。.芝士龍蝦伊麵，簡直係收穫左我哋全家人嘅喜愛，大家最鍾意嘅都係個芝士伊麵，反而龍蝦係個伴碟😂😂😂.其他嘢食都正正常常啦，但係個甜品就令到我哋超級失望。埋單近$9000，收得呢個價錢，都有少少期待，但我諗街邊嘅$10嘅果凍都比佢哋更加好食，可以多少少誠意嘅🤏🏻

裏面冇幾多個客。唔同全記、洪記。有得飲茶食點心。豐儉由人。人山人海，位置優越自己海鮮檔都要收加工費，賺到盡，麻煩$20個，茶位$20個，冇豉油，侍應態度差！ 問佢廁所位置，都話咁「大個門口唔係睇唔到吓嘩！」菜心，蒸豆腐，得四條菜心， 八片豆腐。128炒大花甲有沙，有臭味！吾新鮮！過熟，炒到啲肉甩晒。勝記海鮮檔$168一斤，但仲要加108加工費。離譜。霸王雞半隻，188，唯一叫合格， ！我係遊客都唔會再去！

叫咗個廚師推介二人餐，價錢1688加埋茶錢加一，埋單1901，坦白講有啲唔值。講咗啲好野先，秘製瀨尿蝦係好食嘅，佢用黃金蝦嘅做法製，真係做到啲殼好脆，但當然瀨尿蝦嘅殼比蝦硬好多，唔可以好似食黃金蝦咁，食埋個殼。奄仔蟹都OK嘅，多膏。炒飯都OK。粉絲蒸帆立貝完全唔掂，佢只係放咗粒帶子喺個扇貝殼度，唔大粒，而且唔好食。炒蟶子味道OK，但唔大隻，份量好少。總結：唔會翻兜，完。

行完山去左食海鮮，一定要叫大大只嘅椒鹽賴尿蝦，有成只手臂咁粗，同埋會有蝦膏😋😋再叫埋大大只嘅聖子王，啲肉鮮副不得了😄😄不過有返咁試下價位，啲食材真係要新鮮先吸引到人再返黎食

訂左枱同屋企人食飯，竟然響用餐當日收到餐廳電話唔俾自帶海鮮，你要賺將舔盡冇問題，不過可唔可以老實啲訂枱嗰陣時就講到明呢？而唔係用餐當日12點先通知你呢!你哋呢個做法唔單止創左西貢海鮮界嘅先驅，而且竟然用一個白癡到冇人有嘅理由話人手不足唔俾自來海鮮，簡直係當人係傻嘅，唔怪得知俾米芝蓮搣柴。逼你食餐又唔俾自帶海鮮；水平正常！明顯價錢偏貴，好明顯要狠狠咁剁你一刀。服務水平簡直係垃圾級別；換碟開魚自理仲要不提催促收碟趕收工，真心想問個加一可唔可以唔俾。奉勸大家如果想去真係要諗清楚先。

入西貢食海鮮，三大米芝蓮酒家勝記、全記、六福。環境最乾淨、招呼最周到一定係勝記，佢唯一缺點係餐牌以外海鮮選擇唔多，自家魚缸冇乜海鮮揀。入得西貢小弟一定會去買海鮮到酒家加工，唔會食酒家嘅套餐，最方便、最近嘅地方就係去西貢街市或者碼頭艇仔買海鮮。一來新鮮，二來食咩海鮮可以自己揀。勝記蒸魚嘅功夫一流，當日帶咗條三斤半白瓜子斑去，師傅蒸到條魚啱啱熟，完全冇令條魚浪費。休漁期過後油蝦當做，手掌咁大隻蝦亦都冇over cook，可以見到師傅功力。龍蝦、聖子、賴尿蝦呢啲基本嘢亦都難唔到師傅。蒜蓉炒白菜仔加咗雞油，一流。反而係個企鵝燒春雞名過於實，唔建議大家叫。之後有機會再同大家講吓全記同六福。

約埋一大班人去食飯，有人請，所以我都唔知價錢！勝記聽過好多次，不過因為價錢關係都冇諗過嚟食門面好靚不過冇影相，我諗大家都睇過好多次第一個頭盤係新鮮嘅象拔蚌刺身！ 10幾人份量大大陪每人都食到好多片好正好滿足！佢有三個位置擺放，有博片同埋其他實感，但係唔係好識分但係結論就係全部都好新鮮好好味！一片片嘅就爽身啲，另外嗰個我唔識形容但係幾好味你又調口但係又好柔軟呢個黃金蝦嘅份量超大碟每個人都食咗好多但係都會仲有！個個都讚不絕口，怕油炸嘢嘅我都食咗一兩隻呢個應該係避風塘炒蟹或者就咁薑蔥炒蟹，因為佢淨係好香嘅炒香味但係冇辣嘅感覺！呢個呢反而就賣相非常好但係啲人就唔係點蝕，因為好麻煩！如果佢啲蟹婆夾說多啲就好啦！因為好難滅啲肉出嚟，蟹鉗稍為好少少，但係都好難問啲肉出嚟要自己夾多好多下芝士焗龍蝦伊麵！呢個係海鮮菜館嘅招牌菜，大家勁鍾意食伊麵底，龍蝦都好多肉，其他難搣肉嘅位置走冇辦法啦好好味！必備嘅蒸大班魚啦！好多肉，不過應該因為蒸魚最容易食到佢啲肉，所以永遠都係好快俾人K.O.嘅🤣🤣🤣炸子雞唔同嘅朋友都不斷讚不絕口喎！的確係雞胸嘅位置都非常嫩滑，點埋喼汁原來係勁夾嘅有人鍾意食雞髀我就鍾意食雞胸如圖所

同屋企人去WM酒店玩 夜晚緊係去附近既地方食海鮮 之前聽好多西貢地方都好呃錢 但今次去 可能因為疫情 所以大部分酒家都唔會太貴 而勝記有唔同既餐比大家選擇 又可以散叫 象拔蚌好大條好正 又爽又入味 個炸魷魚有過多既粉 所以比較膩又粉 蝦都好入味 抄得香 奄仔蟹就好惹味肉都比平時食既多

去到西貢 係出名餐廳食海鮮 就預咗貴🤔只要唔係太離譜 咁都ok😂最推薦： 👉🏻時椒炒聖子炒得好香 聖子肉質好正😍😍👉🏻鹽焗奄仔蟹好多膏🥰🥰🥰好正 隻隻質素都d唔同嘅 我食個隻好彩係juicy d 濕潤d 其他雖然都多膏 但就會有d乾 不過都好味😎😎👉🏻墨魚餅勁彈牙！仲要炸😍😍🥰🥰必食👉🏻椒鹽鮑魚我本身麻麻鮑魚 但佢調味調得好惹味 鮑魚又好彈牙😍 不過如果可以再濃味d就好 有d淡味🤣麻麻:👉🏻扇貝粉絲無乜味 無乜蒜香 基本上係乾食粉絲咁 所以我食咗一啖 無在食🤦🏻‍♀️👉🏻龍蝦伊面其實無乜芝士味 太少汁 食到一半 剩低嘅面係完全乾 又係乾食🤦🏻‍♀️👉🏻豆腐 正常 同出面酒樓一樣 炸得幾好😂👉🏻火腿娃娃菜湯幾甜 菜煮得啱啱好👍🏻👉🏻魚正常 幾鮮甜送甜品:桂花糕 益力多味糕 同西柚味嘅糕 都好重魚膠粉Overall12個人一齊食 人均775算係咁嘅呢個價 始終要計手工費😂

今次嚟到西貢避世一日遊，話晒西貢都係一個近海嘅海鮮勝地，緊係要來食返餐豪華嘅海鮮餐啦！朋友介紹咗呢間勝記海鮮比我地，於是嚟試一試！佢個位置係起海鮮大街行到最入面，起小巴站大概行15分鐘左右勝記樓高三層，由於我地人數眾多，店家安排左三樓全層給我們享用，有麻雀枱可供任玩酒糟粉絲蒸帆立貝帆立貝好大粒好新鮮，爽滑彈牙，配埋少少酒香嘅粉絲好鮮甜！好好食😋金不換炒蟶子師傅落咗好多豉椒去炒，炒到好香，聖子好大條好肥美好新鮮，正😄椒鹽鮮鮑魚呢個椒鹽鮑魚好有驚喜！！師傅係用椒鹽去焗，焗到個鮑魚外層咬落去好脆，外脆內軟！呢個口感都係第一次食到！食到入面好彈牙好有爽口！比清蒸好食一百倍！清蒸沙巴龍躉沙巴魚肉肉質肥美，最啱清蒸嚟食，蒸後魚肉更鮮甜！原汁原味！令人食指大動😋芝士龍蝦伊麵芝士味好濃郁，滲透晒落去隻龍蝦入面，龍蝦都好大隻好多肉龍蝦肉，配埋個鮮龍蝦湯汁伴伊麵，簡直美味到極點！企鵝燒春雞呢個燒春雞廚師用咗好多茶葉去薰燒，令到個雞皮好香脆好多汁，雞肉嫩滑，真係幾好食😋送飯一流！