肯德基家鄉雞 (已結業)

上星期六同老婆行葵涌廣場 shopping 完 , 都行左二個鐘很疲累 , 於是找間食市休息下 , 係 葵芳新都會廣場1樓 找到這間 KFC , 剛考有位同埋很久無幫趁過 ..... , 坐下休息下。最後我買了原味雞 同 蜜糖鬆餅 + 兩杯可樂 , 可能很久未食過 , 都覺得幾好味而且都新鮮炸出來 , 鬆餅是我的最愛 。很久以前 KFC 一直都有鬆餅賣 , 中間有一大段時間無左 , 現在又有番 , 真是太幸福了 ..... 我好鍾意鬆餅 d 味 ! 其實這間 KFC 都幾多人 , 所以 D 野都幾新鮮 , 流量快吧 ..... 唔錯 ! 職員態度都幾好 , 唔會趕著第二位 , 算係甘 , 因此我都幾滿意。

好耐前學校個drama贏左,o係葵涌劇院度公演咁我地幕後班子又唔洗出場做show唔洗化妝所以可以一黎有好多時間食野二黎食乜都得!!!(演員們見到我地食炸雞羨慕到死...)整個1桶分享~有一大桶雞(我都唔知幾多隻)幾個飯幾個沙律幾個薯蓉幾杯汽水但係我問佢薯蓉可唔可以轉鬆餅佢話唔得-_-咁點解早餐得=0=算 我食佢d炸雞胸雞胸唔夠滑就係人都知,但係勝力啖啖肉唔洗lur骨食野快就最中意~所以我一搶就搶晒d雞胸黎食-v-不過炸完真係超油呀老媽-口-....但係舊雞都係ok的個薯蓉...諗起食唔到muffin就心酸-_-薯蓉好劑架-.-蘑菇飯明知係辣辣地但係已經冇野可以揀,是但啦...呢個又唔係太辣禾!!可以接受~d醬撈飯好正=v=最後有d雞食唔晒打包返去後台度d演員個樣真係...

今日老豆買左磨菇飯同格格脆薯塊比我做下午荼磨菇飯買到番屋企仲少少熱,個汁都夠,少少辣,磨菇唔算多,但整體都OK格格脆薯塊番到屋企腍左LU用焗爐焗番熱同脆,都好味,但要靠焗爐番熱的話就扣番分啦

闊別10年的家香雞，因為一張珍珠脆皮雞扒飯宣傳單張，令我再度重臨。對其他人是不外如是，但以我多年未食過，感覺好像試新餐廳一樣。原來有不少人食的，排了10多分鐘才買到，比麥記還需時。第一輪食巴辣雞腿包、鬆餅、葡撻，當然少不了的珍珠脆皮雞扒飯。現在的鬆餅水準及味道不及以前，真很懷念以前鹹鹹外脆內軟的鬆餅。葡撻又唔夠熱，焦糖面帶點韌，不似澳門的外皮酥脆鬆化帶牛油香，一層薄薄的脆焦糖。等了10多分鐘後，雞扒飯終於上枱，外層包著類似米通的炸脆，入口卜卜聲異常香口，而所謂日式咖哩味道淡淡的，白飯更加不濟，有點似漿糊。驚訝的是另送的醬油豆角很好味。食完第一輪後唔夠飽，再來第二輪的香辣脆雞、脆薯塊及鬆餅。可能太耐無食過炸雞，覺得特別好食。兩個人食了$80，原來香港通漲真是急劇，想不到食快餐也不便宜。

跟女伴到戲院睇完戲，到這兒吃個early dinner，好想吃米飯，於是點了這個餐（$32）。這個餐甚豐富，有「鮮果菜絲沙拉」、「家鄉雜菜湯」、「巴辣雞腿咖哩飯」、「瑪嘉烈葡撻」和汽水（選了橙汁汽水）。沙拉味道OK，美乃滋過剩係特色，亦是弊病。雜菜湯比之前多料和濃稠，唯薯粒未煮透，好硬淨。咖哩飯的份量適中，那巴辣雞腿好脆，雞的調味仍恰到好處，飯係普通米但都OK，咖哩汁亦夠多，但並不夠辣（走日式路線？還是大眾路線？）葡撻質素keep 到，那層酥皮作得好好，溫度都OK。多久沒飲過橙汁汽水？好甜呀！還是飲番pepsi light 好D！這個餐味道OK，明顯比之前幾次進步了！

很久沒有吃過kfc,趁還有丁點空檔跑去新都會買早餐吃。早餐款式真多,終於選了這個15號早餐($20)。打開盒蓋,香腸雞肉粟米湯通粉只佔碗內3/5,有點小家子氣!有坑通粉淋得離譜,淋之之的通粉真的不好吃!!加上溫吞吞的湯底出奇地淡,配上淋之之的通粉更為難食,OMG!雞肉寥寥幾件沒甚味道,兩片香腸像點綴般在通粉上,但已算全碗最好吃的東西了。炒蛋反而很有驚喜,大大堆的炒雞蛋雖不算嫩滑,但竟有著濃濃蛋香又沒有太多油,沒加鹽也覺得很好吃,不錯!最最驚喜的是樣子有點醜的香蜜鬆餅,這小東西竟是外脆內軟,脆脆外層上有點點甜味,中間部份帶點牛油香,真的很好吃哦!!!不過一定要趁熱,溫度一降就不好吃了。香濃熱朱古力(+$5)夠濃只是不夠滑,喝到有不少朱古力粉末在內,甜度稍高,加點熱水就更合自己口味;個人認為麥當當的熱朱古力較為香濃可口。店員小妹笑容可掬,早上看到感覺愉快! =)為了炒蛋和鬆餅可以再來,但不會再點通粉了,怕怕!

2/20兩個人想食雞, 去左新都會呢間. 食物味道同平時一樣, 但服務差. 因為其中有一件辣雞我係散叫既, 落order時已經講左要雞上肶(因為我唔食雞胸), 到我比錢時見到件雞似係雞胸, 我再同個女收銀講講件雞似係雞胸多過雞上肶, 點知個女仔死都話係雞上肶. 算... 坐低再望真d, 切開件雞, 果件擺明係雞胸, 我拎番去同個女仔講番, 跟住有個好後生既經理handle, 我見到佢將原本件雞胸放埋左一邊, 跟住去左裡面既櫃夾左一件雞好大力咁掉落個籃到. final件雞係掉左落地, 佢要再夾過一件比我. 雖然我唔知道佢係發我or佢地員工既脾氣, 但我覺得佢無理由比客睇到佢有咁既表現. 服務實在差到暈.

某個晚上，到達新都會巳經是8:30pm，於是吃埋晚餐才回家。Fairwood、吉野家、好好、波濤、甘味、風月堂都擠滿人。維苑、Delifrance、Suzuki、嚐越、仙跡岩係誓死都唔會去的！懶得到樓上韓食家和Double Star，居然走入KFC。炸雞餐，今天No 啦！倒是想吃「辣磨菇飯」（$8）、「雜果菜絲沙拉」（$6）和「雜菜湯」（$10）。那個飯係未煮熟，米粒中間好硬，唉！個汁完全係唔辣，係咪落少一款調味料？那個沙拉係沙拉汁過剩的，唉！那個湯過份稀釋兼無料的，甘筍未煮軟，好硬！唉！兩個字，垃圾！有云：麥記水準不穩，貨不對辦。KFC 的情況就更糟，直頭想問「呢D 野真係擺得入口食gar？」再一次band KFC 半年！

星期日下午男友放工, 到kfc買了外賣回家食. 試左新既黑椒脆雞, 食落好夠黑椒味, 但唔會覺得辣, 對於鍾意食辣既我0黎講, 都係香辣脆雞好味d. 另外叫左菜絲salad, 但發現和以前的有分別, 多左d罐頭雜果, 變左有少少似雜果salad, 唔係我鍾意食果隻.

今日叫外賣，見KFC有新雞推出，所以叫嚟試吓，六個人叫咗一個套餐加四件雞。因為好早落CALL，所以預定時間送到，而且好有交帶到達前仲CALL一CALL我添。食物方面，新出嘅黑椒雞好有黑椒味，但係唔辣喎，一般辣雞仲辣過佢添，另外咖喱雞扒飯，因為係日式關係，所以係用珍珠米囉，我就覺得唔好食勒，反而雞皇飯仲好味過佢添，粟米同葡撻都係一貫水準，好味嘅，今餐用埋VIP有九折都係$193.9，都幾抵食！P.S.依家用COMPASS咭ORDER外賣滿$60就送一張$20現金券，多外多送，我都有3張，可以留返下次ORDER用！

本人於５月１１日向葵芳ＫＦＣ訂購外賣速遞，透過總機接電話的工作人員先拿了我的送貨地址及電話，時為晚上八時多左右，訂購了一客尊享餐及另加兩件雞，然後服務員說需要等約一小時左右，我說ＯＫ然後掛斷電話，然後１０：０５左右，仍然未見速遞員，於是本人再致電到總機問，總機說叫葵芳分店覆我，約十分鐘後，我收到分店人員回覆，原來不單地址記錯，電話也寫錯，要我重新下單，怎料下單後約十分鐘，又再女收到職員電話，說餐內的燒雞已經售罄，要換其他東西，我說換辣雞好了，員工卻說剛賣完了，要重新炸過，我說那要普通雞就好了，最緊要快，員工說再15分鐘便到後便掛電話，本人又再等至11點，覺得甚為奇怪，又再致電查詢，然後貴公司的職員說因為我要辣雞，所以要即時再做過，因此需時．．本人已經等了兩個多小時，只是在葵興的我自已坐地鐵來回可以很多次了，還有一點最令人失望的，是職員們到底有沒有留心顧客所說的ＯＲＤＥＲ？本人首次訂購外賣便如此，實在令人信心盡失，我訂購速遞如ＰＩＺＺＡＨUT等，從未試過發生同類事情，雖然員工態度是友善的，但如此一錯再錯實令人失望。

吃完糟透的‘Cake Box’洋菓子，準備回MTR 站前，被KFC 的廣告牌吸引，於是決定食埋飯才回家。服務員效率比‘麥x努’略優，至少條隊曉郁。唔似美孚麥記條隊五分鐘都仲做緊同一個客。點了份「咖哩の味吉烈雞扒弁當配汽水一杯」（$29），味道惡劣！咖哩汁稀釋，味道甚淡，除了顏色，根本不是日式咖哩！吉烈雞扒唔熱，但幸而香脆，雞肉的味道和質地都OK，但體積太小。珍珠米煮得既乾且硬，唔好味。肯定無下次。又一間物非所值的食店。

純粹字gap!聽說《緣份精華遊》不錯，週四與龍相約去看。時間不多，來了肯德基吃快餐。　最近在推精選晚餐，但看到燒雞與焗飯乾爭爭的樣子，真的揀不落手。結果，還是點了最穩陣的兩件炸雞餐。　炸雞叫了原味與辣味各一，原味的雞嫩滑多汁，辣味較香口但亦較乾，兩者都頗美味，的確會令人吃到吮手指。不過肯德基還未改變recipe，用的油仍是含Trans fat的不健康油，偶爾放肆可以，多吃實在不利健康。　當晚配菜是栗米，不下牛油單吃，感覺可以平衡一下油膩感。又加$3點了凍奶茶，原來頗難飲，還是汽水較好。不過多飲可樂會造成骨質疏鬆呢，始終肯德基都是多吃不宜!　P.S. 《緣份精華遊》的確幾好看，訊息亦算正面，推介!

今日同同事諗到頭爆都唔知想食乜,佢提議食KFC,是但啦,反正無野想食。同事買完餐返黎已經講雞細左咁多既?? 我要佢換過件喇已經,都仲細過以前!!連飯都細埋!!到我買餐,的確雞件係細過以前bor,雞胸就大件d,但側胸呢件就真係細得有d誇張,所以我特登放隻羹係度做對比。雞件縮左水,但味道又好似好左d,起碼2件雞都夠熱夠脆,尤其是件雞胸添;雖然都無左最初期食完要吮手指個種回味,但都好過之前lu。磨菇飯份量同以前一樣,已經比雞皇飯縮水版好;磨菇汁都算ok多,夠撈飯食咁啦。因為份量縮水,要比喊面,而且一致通過打上校入冷宮一排。

到貨櫃碼頭開完會，乘公司車回市區。好肚餓！鑽入商場隨便搵間速食店醫肚。點了新品「宮寶雞餐」（$29），幾貴！有「一袋宮寶雞」、「蜜蜜燒雞翼」和中汽水。一袋宮寶雞：麵包係U 型袋狀，猶如一個pocket！餡料有甜酸醬汁、bell pepper 丁、洋蔥粒、炸雞小塊。幾得意，但唔飽肚。蜜蜜燒雞翼：店裡罕見的好食品，皮香脆唔油膩，肉質嫩滑，蜜糖唔會過多，just a touch的程度，好！賣廿九蚊，得一個唔飽肚的包、一隻雞翼、一杯pop，其實都幾貴！應該無下次。