肯德基家鄉雞 (已結業)

(30/7/06)這個下午茶,原本唔係去呢間架!但室外太焗了!不過試左新既,香草蒜脆雞,滿足番!因為好好味啊!輕微的蒜味,加香草/黑椒,味道好均勻。o野飲,椰果芒果賓治,幾creamy的芒果汁,加細細粒的椰果,快餐店黎講,幾好架喇!另外,加個至愛o既葡撻,就成一個開心的下午茶了。

估唔到星期日下午茶時間都會咁多人，女朋友見到廣告，話想試下新出的"香草蒜脆雞"，就買舊試下啦! 件雞又真係幾有蒜香喎，剛出爐的雞上脾一定係又脆又多汁的，不錯吧! 值得試，雖然又比傳統家鄉雞加價$0.5!

是千嬅側田效應，我居然開棄「吉野家」，到這兒買了「皇牌一桶分享」（$128）回家，跟小表弟妹和女友在家開餐睇電視。這個週末供應的桶餐，包大部份KFC 招牌貨，如：雞（九件）、巴辣香雞翼（五件）、薯茸（兩個）、粟米（兩枝）、格格薯塊、磨菇飯、雞皇飯、葡撻（四個）。甚至小孩至愛「汽水」兩枝！邊吃邊感覺年輕，主角：雞和巴辣雞翼係香料進攻味蕾的戰爭，香口誘人！不知何解，女生愛雞翼，男生好大塊肉！當晚舌頭麻痺！配食：馬鈴薯茸（幼滑）、香熱粟米（略嫌過軟）、格格脆薯塊（好香脆惹味。唯細碼，唔夠喉！）裹腹：兩款招牌飯「辣汁磨菇香飯」、「家鄉雞皇飯」都係連鎖店質素。油膩好味但無營養可言。甜點：大部份人都鐘意食的「瑪嘉烈葡撻」，個子細細，今次都OK 好味。汽水：選了兩枝六佰毫升的Bite 七喜。小孩子各自飲了大半枝，我一啖都無飲到。似乎大家都好口渴。美式招牌炸雞，無營養，油膩，香辛料超標，但味道誘人。好似一種「癮」咁樣，令人食完想再食，有D 似re-inforcement 咁…！

昨午4:30pm我和朋友在吃下午茶新推下:吞拿魚撻套餐$12-我終於試下,吃得ok~原來吞拿魚肉、洋蔥混雞蛋變奄列撻新推介:迷腸鬆餅$7.5/2件-我也終於試下,吃得唔好味~有咸也硬,我嫌放棄一半很失望,下次不幫襯

到這兒睇戲，因誤點，結果到這兒吃早餐。我們都點了份「六號早餐」（$18）。每份「六號早餐」都有另加鮮茄雞絲通粉、迷你腸仔鬆餅（兩杯）、熱啡茶。排隊排好耐，每個客至少serve 成三至五分鐘，三條隊，每隊成四個客，都幾旺場！其實都幾慢！鮮茄雞絲通粉：雞絲過少，茄湯幾濃但肯定係加入合成茄汁，鮮茄量算唔少，通粉爽滑，唯湯略油。迷你腸仔鬆餅：係美式軟身鬆餅，油膩超多，但幾好味。熱咖啡都係比一般好些少，雖味淡，但見係係機出有泡的那款，算啦！

下晝去銀行順便買野食,唔想四圍行,近近地就KFC;望左餐牌好耐,呢個雞卷未試過,就要呢個。一盒入面分兩款,沙律雞卷入面有d沙律醬,味道ok,餅皮尚熱,不過好似厚左少少,雞肉唔係好脆,應該唔係剛剛整好;另一邊既北京雞卷有海鮮醬關係,食落去惹味好多,加上青瓜、大蔥,真係幾似食北京填鴨,只可惜青瓜唔多新鮮,扣分!KFC招牌之作炸雞,竟然又唔熱又唔脆,而家無左以前食完想lam手指想再食多件既衝動,超失敗!!幸好仲有塊北京雞卷拉下分,唔係真係要比喊面。

巴辣雞腿包配薯塊餐改珈琲($26.5)咖啡，好味。薯塊，好味，偏咸。巴辣雞腿包，炸雞，外表香脆，內裡鬆滑，味道一流。

我和朋友收工後去葵芳搵晚餐,選kfc~我選蜜糖雞x +格格薯塊套餐,加萄撻,好吃,我feel很淡悶,朋友選雞烤包,feel很麻麻

凱撒烤包($12.8)味道口感一流。炸雞，香脆鬆滑。薄餅，香脆，有麥味，不肥膩。生菜蕃茄沙律，帶甜味。

同事今日突然想吃KFC,反正唔知食乜,KFC就KFC啦。呢個二人餐好似抵過其他套餐,所以一齊SHARE呢個深海奇兵餐,內容都幾豐富: 兩隻炸蝦、兩片魚柳、一堆薯格、五隻巴辣香雞翼、兩碗蘑菇飯、一盒菜絲沙律連兩杯飲品。正如我之前所講:香口野一定唔難食,尤其熱辣辣更加,所以食個時覺得正,食完就知衰,兩個鐘頭後已經爆緊豆豆!! 基本上每樣食物都足份量,只係兩隻炸蝦比較迷你,同DISPLAY 有出入=P成個餐最好吃係蘑菇飯同沙律=)

今朝本來打算買波菲既麵包做早餐但原來佢係八點半先開唯有去其他地方搵食啦見肯德基就o係隔離因利成便買左個香蜜鬆餅套餐個鬆餅完全唔掂呀又唔香又唔甜又細件加上都幾油係個皮有少少脆先挽回少少分數咋好似話散叫要$5.5講真買個飽都好味過佢又飽過佢呀!熱檸茶都係咁啦無驚喜下次一定唔食

其實一早都試過啦, 去馬來西亞果時試kfc, 佢都有呢隻味~~~ 依家香港都有呀?? 唔錯丫~~~ 值得一試!!!

一心諗住放工後, 晚飯前去食個布旬, 點知原來已暫停供應, 見有新口味炸雞-- 冬蔭功味. 一於試試.其實外型同肉質同辣味炸雞一樣, 但有少許冬蔭功味, 熱辣辣地吃一件半件都唔錯, 太多的話小心不瘦降!!!