肯德基家鄉雞 (已結業)

到貨櫃碼頭開完會，乘公司車回市區。好肚餓！鑽入商場隨便搵間速食店醫肚。點了新品「宮寶雞餐」（$29），幾貴！有「一袋宮寶雞」、「蜜蜜燒雞翼」和中汽水。一袋宮寶雞：麵包係U 型袋狀，猶如一個pocket！餡料有甜酸醬汁、bell pepper 丁、洋蔥粒、炸雞小塊。幾得意，但唔飽肚。蜜蜜燒雞翼：店裡罕見的好食品，皮香脆唔油膩，肉質嫩滑，蜜糖唔會過多，just a touch的程度，好！賣廿九蚊，得一個唔飽肚的包、一隻雞翼、一杯pop，其實都幾貴！應該無下次。