肥姐小食店

营业中

休息中

炎炎夏日無咩胃口食番一串冰鎮滷味實在最好不過啦肥姐最出名當然係佢既大皇牌套餐啦不過比起佢既大皇牌小妹更加中意食肥姐既細皇牌套餐因為小妹更為鍾愛食肥姐既細生腸生腸洗得好乾淨毫無內藏既味道滷水將生腸滷得非常入味入口爽脆大墨魚墨魚肥大肉厚煙靱爽口彈牙雞腎清脆爽口一啲都唔韌不過哩啲當然唔係淨係令肥姐大排長龍既原因啦好食既滷味當然唔少得好食既醬汁啦自家制既甜豉油加入麻油鹹甜中帶有麻香再加上甜醬同芥末簡值係最佳百檔

肥姐小食, 好食大家都知, 任何時間都要排隊! 除了人人皆曉的大魷魚及大生腸, 馳名亦深受愛戴, 吃得到是用料新鮮, 現新發掘了肥姐鴨舌, 十分入味!!!!12蚊有5條鴨舌, 價錢都ok, 鴨舌有很濃白滷水汁, 連骨也滷2得很軟, 準備過程絕不馬虎, 鴨舌爽脆, 與甜芥醬是絕配, 這裏件件出眾, 這個價錢與此質素, 絕對明白好東西是要等的!

每次經過「肥姐」都大排長龍。究竟有乜咁正？🤔今日忍唔住買咗個皇牌「墨魚+細生腸+火雞腎」試試墨魚～好爽丫。夠凍。正丫細生腸～普普通通。d 人話大生腸正d 。下次試下先。火雞腎～點講好哩？試下你就知。好好好味

Music🎤 為何掉眼淚 亦都找不到根據😭究竟點解 點解我會食肥姐食到兩行眼淚流哂出嚟😭-啊姐今日我心血來潮去咗旺角行街 咁啱行過見到肥姐得10個人排 就即刻狗衝去排 心諗終於可以食到肥姐 就即刻嗌咗個大皇牌套餐 ($31) 齊醬 有齊大生腸 墨魚 同 火雞腎點知食兩啖火雞腎 我就開始頭皮發麻 火雞腎依舊都喺好爽口入味 但點解個芥辣好似強勁咗咁多嘅🤔好～食完火雞腎之後 我就開始食墨魚 果然彈牙 但點解再食多兩啖 會變咗咀唇麻麻地 無咗感覺 再食多兩啖 就竟然變咗眼淚唔喺在心裡流 而喺喺面到流😭 點解闊別年幾就變得咁刺激 明明我以前食肥姐時對芥辣嘅感覺都無咁強勁 點解今日會咁 淨返個串大生腸 我食到無感覺 只喺不停辣到流眼淚😢感覺上肥姐比肥仔入味 但肥姐個芥辣我真喺食唔到😭 唔知你地有無同感🤔

食完下午茶飽飽，但經過肥姐，依然都要買返串生腸過下口癮生腸其實好多地方都有，大部份都係涷食，但有啲其實係室溫，真正冰涷既其實唔多$7一串，街坊價，試過買五六蚊一串果啲，大佬係縮水又唔新鮮呢個價錢大概有四五舊生腸件，份量黎講合理既，食落您就會明白點解會咁出名咁多人排隊，冰涷將佢既新鮮感大大提升，果種食落索索聲既快感係得新鮮既生腸先會做到架加埋份量好慷慨既甜醬同芥末醬，嗚呀正呀，叫我食多十串都無問題

每次黎旺角一定唔少得食下肥姐!每次都有人龍你就知佢幾好生意。呢度既鹵味溫度岩岩好，解凍得夠又唔會太過暖，好多地方保溫做得唔好搞到我食完會肚痛，肥姐賣既無呢個問題!通常都係要大皇牌加多串豬脷，雞腎生腸墨魚多甜醬少芥末。雞腎同墨魚唔會太硬，夠哂爽口彈牙。生腸本身無特別味道，就係食佢既爽口同鹵水汁!!鹵水汁真係不得了，味道較得岩岩好，唔會太咸或過甜，而且佢既材料做得好，放入鹵水汁一浸已經好有鹵水汁既味，加埋甜醬同少少芥末一齊食，鮮味好多!!豬脷唔係間間都會賣，因為處理上比較煩，又要刮走哂啲脷胎，煮得熟之餘又唔可以煮得太林，因為太林又會無左鹵味凍食既感覺。呢度既豬脷岩岩好!軟硬適中，同埋因為佢已經煮熟容易入味，浸完入鹵水汁已經入哂味，唔加甜醬芥末都已經perfect

次次去親旺角都要買d小食咬下！最鐘意就去肥姐度買串大墨魚！最然次次都排長龍，不過店員勁快手，所以都唔會等好耐！平時淨係會吃大墨魚，今次同朋友去佢話生腸同火雞腎都好好味，咁我又試下啦！講番串墨魚先，幾乎個個食肥姐都會叫大墨魚，因為真係好正！墨魚大大件，好彈牙又煙韌，最緊要係加左芥辣同甜醬，依個配搭天衣無縫！而且d醬係冇溝水的！真材實料！第一次食生腸同火雞腎，火雞腎都幾正！口感好爽脆！而生腸都唔錯，冇怪味！

旺角等人，是件難熬的事。最難熬的，是忍受街頭美食的引誘。一直難以抗拒肥姐的肥美生腸，即使快到晚飯時間仍是忍不住要吃上一串。平日只吃生腸的我，這次試試大生腸($12)，這家的鹵味從來是冰得夠凍，鹵水雖不算入味，但甜甜的十分討好。大生腸口感更彈牙，加上件頭更大，用來盛載鹵味的真正主角 - 芥辣和甜醬是稱職不過的了。平心而論，吃鹵味多半是為了美味的蘸醬，難得這家的醬汁總是豪氣大方，受歡迎是不無道理的。

我相信肥姐可能係全港最好味鹵味可能係．除非唔係所有食材新鮮加上秘製鹵水汁帶出食物鲜味全港最好味大生腸 ＄12除左肥姐．係其他地方未食過咁肥美生腸鮮味夠凍又爽口甜醬介辣都特別好味每次行過旺角必定乖乖排隊食大生腸Rating: 9/ 10

肥姐日日都排長龍，梗有佢嘅原因大生腸 - 將細生腸完全比下去， 咬落彈牙有質感大墨魚 - 又係夠晒趙頭猪心 - 煙韌其實食乜都冇所謂，肥姐最大賣點係啲醬汁，同埋流量大所以保持每串極fresh嘅口感ps. 食剩一串先記得影相~

    每次去都要排长龙，透过玻璃小窗，看到什么就叫，墨鱼生肠红肠鸡肾永远都是必点。     红色的是甜酱，黄色的是黄芥末，两种酱要混一起才能熠熠生辉。微凉的触觉，爽脆的口感，甜中带辣的味道，这一切让你不去计较手中那一串是墨鱼生肠还是红肠鸡肾，因为，每一串都十分美味。

旺角街頭總會出現一條長長既人龍，你就會知道黎左名氣肥姐既大門前。排隊排左個U字隊尾排到超過左涼茶舖又熱又多人，為既嘛係一個大皇牌套餐大皇牌套餐 $31由推車仔檔食到去舖頭，價錢真係越食越貴唯一既就係味道不變，風味依然大生睇爽脆有口感，墨魚林得黎不失口感，個人認為係最好食！火雞腎味道都ok，不錯的$31 只係個小食，真係有d貴。

每次行過肥姐舖頭，都是大排長龍。幸好，每次排五、六分鐘，便可順利買到美食。因有選擇困難症，所以買了大皇牌便算。大皇牌包括: 墨魚，大生腸及火雞腎。店員好快手把三串食物放在纸上，就問要吾要 芥辣，即食定帶走， 很快便把食物遞給我。墨魚及大生腸好厚切，口感好實在。墨魚好煙靭，大生腸好爽，火雞腎有少少脆口。配上秘制醬汁及芥辣，味道即時提升。

：皇牌（墨魚 生腸 雞腎 各一）加多一串墨魚 $36身邊好多朋友知道我唔食內臟都會鬧我😂我知我錯過左好多美食，所以次次陪爸爸黎掃肥姐街，我都剩係食墨魚或者豬耳。馳名既生腸 我一舊都冇食過，不過你見佢條人龍冇停過，就知有幾好食喇！💁🏻最鍾意就係超爆多芥辣 辣到好鬼爽💦 而且墨魚真係好彈牙好好味呀～

每每經過都排左條人龍，同學仔話不食不可，兩條友就加入，齊齊排埋一份。一定一定要食皇牌，皇牌－生腸、墨魚、火雞腎（HKD26)醬料務必要有，提升晒成個皇牌味道個Level⋯⋯生腸超爽脆，完全無韌嘅感覺！好似係個口到彈下彈下咁，大愛！火鷄腎亦都非常爽脆鬆軟，真係超正同超惹味！墨魚就更加不用講，完全係正呀！食完真係會想再食的，十分衛生，整潔，一分錢一分貨！下次買個大皇牌，唔係咁夠喉，依家又想食喇！