肥姐小食店

营业中

休息中

《香港icon小食》每次黎到旺角登打士呢附近，我為食既靈魂都會呼喚我叫我係時候食肥姐喇!!就算係長長既人龍都難檔我食肥姐既決心。不過都好佩服肥姐小食店既咁多位姐姐，就算舖位細細，佢地都做得好快手，而且排隊都好快到既!!通常我都懶得諗會叫一個大皇牌$28。大皇牌乜都有(大墨魚+大生腸+火雞腎)，而且要齊醬先好食。佢既醬料同外面既唔同，特別係芥末，辣得過癮。而且佢既用料好好，唔似出面個d瘦瘦既。大墨魚: 完全係香港滷味既icon橙色既外表，食落彈牙爽口。大生腸: 大皇牌同細皇牌既分別只在於大生腸同細生腸，細生腸就比較嫩，而大生腸就比較爽，睇下自己中意咩口感喇!火雞腎: 爽脆!!!入味，而且夠大件抵食

每次經過都超級多人排隊，所以係好奇心既驅使下，我最近去左試下。9點左右，同平時一樣，依然好多人，排左一陣隊我終於買到野食，其實價錢唔貴，野食都幾好，但無咩令我覺得好驚喜既野，間唔中行過都會去食，如果要排隊我應該唔會排。

肥姐小食店，出哂名首選 墨魚+細生腸+火雞腎, 自搬離九龍區後已多年沒來，今日難得遊走旺角，加上正值聖誕假期，特別多人，排長龍都試下肥姐王牌 再加串 豬頸肉 配甜醬+芥末醬，除食品有口感之餘，甜味加芥末味感覺一流同日試過同區其他小吃店的墨魚, 生腸等，肥姐的明顯爽很多，可能高質的來貨是較不一樣. 值得繼續光顧的有質素小店👍🏼

帶台灣朋友食肥姐，幸好也是人人上班的星期一，下午３時到歩，剛開店人不多，不用排隊，十分幸運。大皇牌套餐 齊醬，大生腸，墨魚，雞腎。雞腎鹵得入味，好稔易咬。墨魚爽口入味。生腸一貫彈牙。 芥辣、甜醬及鹵水汁，醬料惹味。食過這麼多次，水準一值保持住，本地外地客人不絕，相當難得。聽台灣朋友說肥姐的兒子在尖沙嘴開分店，就在他住的酒店附近，某次經過，格局相似，感覺相同，為食過兒子的出品，不知會否青出於藍。

要數係香港街頭小食排隊最耐的食店，我諗10個掃開街既朋友有9個都一定係答你「肥姐」，剩下個1個唔答可能係因為佢係素...星期日夜晚8點鐘行開，見到有成20幾人係度排隊，一個一年365日都可以見到的現象，今日如常進行。今日就點左墨魚丶豬頸肉同埋火雞腎，配埋醬汁同埋芥末都係食肥姐的常識吧！墨魚爽爽地的感覺，一D都唔會覺得好難咬得開，口感勁正！豬頸肉有少少油脂香，口感爽爽地，好正！火雞腎都係食佢爽口的感覺，哈哈。肥姐，真係排左你咁多年隊都係咁好食，愛死你！

肥姐嘅小食抵食又好食！叫咗個皇牌，生腸，雞腎同墨魚，夾埋$26。比以前貴咗，但仲係好抵。生腸爽，墨魚又滑又彈牙 ，雞腎實淨，都係好嚼之選。最鍾意佢夠醬，尤其芥末，一啖一件，痺到上腦。

星期五晚到旺角。除了見到人之外，都是人。我們不識死地去了排「肥姐」，當時八點幾，排到拐了個彎到涼茶舖後，真是有夠誇張的。不過店員手腳好快，不到幾分鐘就到我們了，相當有效率。因為太多人的關係，我們要走到對面馬路吃。大生腸每次每次都一定要食的一樣！每次食都一樣好味！大大嚿的大生腸，好有咬口！紅腸這個紅腸雖然無咩特別好味，只是個人喜好。本人十分喜歡食紅腸，所以每次都要食。加上了甜醬同芥未醬的紅腸，真的好好味！雞腎原本是想食豬潤，但成日都無，因為太好賣！所以我們只好揀了雞腎。雞腎其實也好好味，因為鹵得好稔，又易咬！食過這麼多次，水準一值保持住，相當難得！深得市民的喜愛，也當然有他的原因所在！

約咗朋友食飯但仲有成粒鐘空檔，最好借口就係掃吓街食啲三高食物😈有人話肥姐好，又有人話肥仔正啲，其實不用分那麼細啦😂反正經開邊區就食邊間<皇牌套餐> 🍢$26🐙墨魚+細生腸+火雞腎🐔冰鎮得夠凍❄️爽脆彈牙是對這店基本的要求了，今次滷得有點失色不夠入味😔但勝在甜醬+芥末醬是精結所在，加番不少分數

哈哈, 相信無人唔識得肥姐呢間店, 日日經過都大排長龍, 咁啱今日我好早就出左旺角, 哈哈...早到見到佢仲預備緊野未開門, 於是我就周圍行下, 隔左一陣再返去睇下, 嘩...已經有人排隊啦, 不過就未去到好長, 咁我緊係第一時間去排黎買黎食啦, 其實我最鍾意食呢d野, 不過其他舖我好少食, 因為我覺得肥姐呢到一定係最新鮮的, 可以放心食, 哈哈...廿幾蚊就可以有3串(皇牌), wao......加埋芥末醬簡直無得頂呀, 今日我自私食, 好滿足!!

隔離鋪位不斷轉租，肥姐嘅人龍卻從來都冇短過，而且水準不變。墨魚$12串，味道冇得輸，價錢比起附近鋪頭其實唔貴。火雞腎非常爽口，加上甜醬實為一絕。試過唔同地方好多間小食店，肥姐依然係十年嚟全港最好味

出旺角掃街必定會搵肥姐叫個大皇牌+串豬膶，但十次有九次去到豬膶都售罄，今晚竟然還有貨，食足2串豬膶，不用多說，一個字：正👍🏻細生腸似乎長期沽清😅試過就知道排長龍不是沒原因的，結果食完這份大皇牌+豬膶後，再排多次隊encore 😂

每次去mk經過肥姐都一定要食，難得今日人唔多，排左5分鐘左右就得，例牌要個大皇牌，墨魚同生腸都爽口彈牙，相比之下火雞腎就略為遜色。佢啲芥辣夠嗆，加埋甜醬非常惹味。下次經過都一定會再食。

以前成日聽人講肥姐好好味，一路都以為係食肥牛或者打邊爐。我果日行過，先知原來肥姐係賣雞腎，大腸之類。我好奇叫左一客大皇牌試下。點知加左芥末醬嘅魷魚真係超級爽好彈牙。我好enjoy呀！食肥姐唯一唔方便，就係佢張紙好易穿。我個friend食到條褲都有醬。不過，好睇好快都抹得掉。

回家前…差唔多每日都會經過旺角肥姐附近坐車！每次都會心思思望下肥姐多唔多人排隊，如果唔多人就買小小黎食啦，但真係好少見到冇人排隊！今晚見到比較少人，就買番個大皇牌套餐加甜辣都要！火雞腎就爽，大墨魚就香同夠嫩唔會肕，大生腸呢就好脆口！3味野都各有千秋！當然食材好緊要！不過我覺得令人上癮係個豉油醬汁！真係令到成件事唔同哂！

對上一次食肥姐小食店 好似已經係成年前😂 大皇牌一份有墨魚、大生腸🐷同火雞腎各一串😍 上面有麻醬、黃芥末醬同埋甜醬～真係好好味😋每一串都好彈牙好入味 最中意食墨魚串～💕 次次去親都大排長龍 但等幾耐都值 因為真係好難搵到咁既質素既墨魚串 食完呢檔 你唔會再想食第二間👍🏼