肥姐小食店

营业中

休息中

掃街後仍有點兒口痕，走著走著就來到肥姐小食店前，由於不愛內臟，故點了兩串豬頸肉($7@) 。每串有四小塊豬頸肉，肉頗滑但沒什麼味道，需要以額外加上的芥末及蕃茄醬吊味。個人而言味道沒什麼特別，可能不是點皇牌食品，或許下次有機會再試試墨魚吧！

今晚同朋友去睇戲，好耐未入過戲院喇，好好放松后就想去食嘢醫肚，雖然唔系好夜，所以想去打邊爐，但路過肥姐小食店，見到好多人系度排隊，就淋起肥姐小食店嘅火雞腎，墨魚等其他小食，一淋起就想流口水，所以見到人多都排隊。覺得而家特別多人過嚟食，可能系上進謝霆鋒嘅節目十二道鋒味，好多游客都慕名而來，基本每一樣我都試過，今晚點左皇牌套餐同其他小食，墨魚+大生腸+火雞腎三樣都咁好食，雖然已經唔系熱食，但又唔覺得腥，加上佢地特制辣醬同甜醬，一試就令人難忘，生腸同墨魚好爽口彈牙，大生腸更系我至愛，今晚連續食左兩串，其他小食，魚蛋同腸仔都唔錯。

今日下午我們去咗旺角登打士街嘅「肥姐小食店」買招牌小食外賣自取食！我們買咗個大皇牌套餐：墨魚、大生腸同火鷄腎！大皇牌套餐：墨魚唔會切得好大件，大小度啱啱好，口感好嫩滑彈牙！大生腸非常爽脆彈牙，完全無臭嘅味道！火鷄腎相當鬆軟爽口，而且一啲都唔會有韌嘅感覺！特別一讚嘅係醬汁，無論係芥辣、甜醬或鹵水汁都超級惹味，令到食物嘅鮮味更加提升！祇係睇賣相已經知道他們將食物處理得極之乾淨衛生！

去親旺角，總會諗起肥姐小食😌次次經過都勁多人排隊。食完個晚飯，都要去買返一兩串黎食。止下我嘅渴望😬去到又見人龍，當然要照排啦！鹵水汁無得輸！鹹味剛好！再配埋甜醬介辣真係好食到喊😭紅腸係我每次必叫的，真係好好味👍🏻☺️一次食兩串絶對無難度墨魚超爽的。墨魚已吸收左鹵水嘅味道！鹹味剛好。再加埋甜醬介辣一齊食，真係好正。

試過有次o係旺角等肥姐開門，一開即買結論係原來剛開門既食材會唔夠凍自始我都醒目喇，晏D先去買，咁就包保夠凍就算時間晏左會多D人排隊都唔緊要~!!果然不出我所料，夠凍係好味好多生腸唔會有臭味，證明洗得夠乾淨，爽口!大生腸定小生腸都有各自既好味同口感，不過我個人就鍾意大生腸多D，因為咬感實在D~~~墨魚唔會切得太厚，大細適中，所以都好易咬，而且佢一啲都唔韌，咬落去仲有D汁添!精髓就當然係啲醬汁，甜醬同芥辣因為啲食物其實無咩味，因為始終唔係紅肉類，所以一定要靠啲醬黎提升味道鹵水汁唔會太鹹，不過我通常都會指明唔好落咁多至於芥辣我覺得係肥姐小食既靈魂黎，一定一定要加~就算覺得自己唔食得辣都要加少少，因為食入口個感覺真係好刺激，少少攻鼻，但無傷大雅~

肥姐小食店已經幫襯過無數次喇，每次都系排曬長龍，好噓撼咯。不過肥姐已經見慣呢種大排面了，三兩下手勢就搞掂一個客仔，所以都唔使等好耐，尤其我呢d食出經驗既，梗系選中唔系高峰期先過黎幫襯喇。等左10幾分鐘，最終輪到我，要左一份皇牌套餐，30蚊有找，但份量已經好多喇，最愛食距既生腸同墨魚，夠爽口夠韌，正吖！

旺角熟食店多，但不能不試下肥姐小食，滷水生腸滷水味很濃味，而且生腸非常爽脆，墨魚煙靱爽口，再加上甜醬與辣醬，又甜又辣口感非常。每經一次必到之處，香港人同遊客誠意推介。

係未遇上肥姐之前 一直未有食鹵水食物既經驗 直至小胖男友帶我試過肥姐後 每次經過旺角都心思思想食最愛肥姐既鹵水火雞腎及大墨魚 係非一般既新鮮 雞腎爽口軟熟,一d都唔會韌 而大墨魚就更加爽口 不過個精髓絕對係個鹵水汁 加埋戒辣 令人回味無窮

每次行旺角時候見到肥姐大排長龍,心中好奇地想真是咁好味,我不愛人排我又排,有日和朋友行旺角，友人話其實不用排太耐 ,我又試下買來試下，買了魷魚和紅腸 , 其實小食係凍 ，已經整定好曬，小食是熱比較好味,凍咗爭些小，亦不是想像中咁好味 ,個汁亦都有些小咸，價錢不是太貴。應該冇下次了味道魷魚和紅腸味道一般，亦不是特別好味服務:只是排5分鐘，店員好快執俾我價錢;15元有2串,亦不是太貴

上星期五瑜珈完，去餐廳食又怕無位，於是決定掃街！行到肥姐，人龍依然咁多，目測十幾個，但好似已經比平時少左d，平時行過無數次，一次都無食過，今次就排下隊試下。我地兩個人試左4串野: 豬頸肉、豬脷、鴨舌、紅腸。豬頸肉好爽口，正！豬脷同鴨舌好淰，但鹵水味略有不足，被d甜醬同芥辣醬完全蓋過，個人認為唔加醬應該仲好食。至於紅腸，有d硬，味道一般般。不過整體黎講，鬧市中準備至如此多嘅鹵水內臓小食好難得，難怪日日都客似雲來啦！。

成日經過旺角家樂坊附近 都會見到好長啲人龍喺度排隊 今次終於的起心肝試一試其實都幾緊張後面咁多人都幾大壓力 唔係好敢落單 於是求其叫生腸雞腎墨魚生腸爽口 食得出好乾淨 雞腎好有口感 墨魚都係好爽口 有𡁻口 但重點係個醬汁 甜豉油加黃芥辣再加甜醬最後加多少少麻油 嘩 個種味道真係可以解釋到點解咁多人排隊

每次經過旺角，都會心思思想吃肥姐小食店的大生腸！小食店經常有長長的人龍，原因是食材新鮮又好吃，而小店環境衛生，令人非常放心買來吃，而我每次都會買大生腸。大生腸份量多，而且非常新鮮，不會有怪味或者口感差的情況出現。生腸亦清洗得非常乾淨，咬下去口感很好，非常爽口，易於咀嚼。而大生腸是處於冰感狀態，不論是甚麼季節，吃下去都覺得非常可口，令人想一吃再吃。當大生腸再配上芥末及甜醬，非常開胃之外，亦令味道昇華。雖然價錢亦開始有調整，但是都值得去幫襯的。

旺角講肥姐小食有邊個唔識？ 每晚必出現既長龍，只有多人同好多人既分別。今晚心血來潮想吃滷水，見到店外有一條小人龍，一於排隊食個大皇牌！ 大皇牌套餐有大墨魚、大生腸及火雞腎，盛惠$31。拎上手十分墮手，每串滷水份量都很足，大約有六至八件。大生腸處理得很好，完全無內臟腥羶味，隨了吃到食物原味，還有滷水味及醬料味。三個滷水串的口感都很爽脆，完全無筋，魷魚亦不會韌，還十分飽滿。大生腸還隱若吃到內層的肉絲纖維，是在別處很難吃得到的口感。

今日我去了一趟旺角度行下街，感覺都好開心，人逢喜事精神爽嘛，嘿嘿，我要加油。位於旺角的肥姐小食店，去到發覺好多人，自己一個人所以點了鹵豬潤，其實我覺得豬潤入口系有翻小小嘅重口味吧，肥姐小食店嘅豬潤味道同方法處理得好好，食起身反而一啲都無覺得腥口或者嚡喔，有翻咁上下手勢喇。腸其實加咗啲醬料之後都很好食，味道比較濃鬱，一開始無點醬所以會覺得入口無咩感覺，我加咗幾種。老闆人都好熱情嘅，而且手腳都好麻利，速度好快。雞腎我一路都好鐘意食嘅，比較重口，雞腎都好入味，不單止好脆爽，而且仲隱約覺得同其他腸嘅味道撈埋一起，感覺是很特別的味道和口感。

肥姐，早幾年都有見過她真人近來再去食都沒有見到她出山了不過，味道依然尚存，一樣好味小妹不愛內臟，一直都只食墨魚、生腸、紅腸墨魚是我的最愛，逢光顧都是必點之物又爽又甜，加上肥姐獨有醬汁簡直一流生腸一樣很爽口，沒有吃出有渣、粗糙的感覺紅腸則是普通之物，不夠喉來作滿腹之用但這回突然被我看見有豬頸肉，相信應該推出了一段日子（對…我沒有留心看過食物選擇…）當然要點一串試試豬頸肉夠軟身，輕易地能夠咬開，有肉味又不會很肥膩但沒能沾上很多醬汁，吃下去的感覺有點乾不過下次光顧我依然會點豬頸肉的