肚餓了串燒烤焗專門店 (已結業)

如果真是有緣份的天空我和肚餓了⋯⋯就莫名的結緣我時常都肚餓的經亞士厘道17#見有燒烤招牌我又想吃了上去6樓已看到這樣的天空望住北京道Zegna 我朋友正好工作是同他們改衣知道肚餓想食有得食那是幸福女友帶了個女來看看應該可以蜜糖惹味燒雞翼我都中意食小孩要吃燒雞腎芝士心魚魚蛋這個我們三人都一起吃幾夠香脆錫紙燒比目魚一份兩大件稍微咸了但佩服其燒焗方法保存大量魚汁四式燒蠔芝士黃金招牌醬黑松露和蒜末我覺得黃金汁較特別蟹柳和蛋黃醬甜而剛好不油膩至愛原隻芝士燒春雞非常值得等等了25分鐘但超喜悅很濃厚的醃製卻一點兒不咸小小的雞隻三個人分小女孩要吃芝士所以搶著吃腹部我們遂有雞腿一美女一隻🙃🍗她是極端芝士迷吃完雞肉和內部芝士再加上芝士燒扇貝故意吊高來拍一個的確拔尖識食女🤴Auntie 在下都服左佢好彩我也堅持叫番條次愛鰻魚一於食不要停

今日同朋友行街，又唔係好肚餓想食少少野，佢就帶左我黎呢間餐廳，我見餐廳主打都係串燒類食物，應該都係食小食為主。雖然餐廳位於6樓，但仍然有好多食客。肚餓了呢個名真係改得好貼切，係等候時間不停聞到好香嘅食物味，本身唔太肚餓嘅我都因此而變得開胃。大約等左十分鐘左右，就可以入座啦！入到去都有啲驚喜，因為環境好有cafe既感覺，再播上輕快歌，令到成個人放鬆曬。隻碟唔同款之餘又見到尖沙咀嘅夜景，手寫既小黑板餐牌，同埋燈光relax得黎又唔會太黑影唔到靚相。但因為我地只有兩位嘅關係要同其他人夾枱，後來侍應見少啲人都主動幫我地轉枱，好體貼。餐廳雖然細小，但都貼心提供小籃子去比我地放隨身物品。有不同種類的啤酒選擇，水果酒、手工啤等等。呀！！！我實在太鐘意呢啲樽仔，好可愛，特別一提，調味粉有埋孜然粉，好少餐廳會有提供～～見到menu樣樣都想試，我地兩個都好鐘意食辣同埋扇貝，基本上見到有勁辣嘅野食都想試下叫，自問都食得辣嘅，想睇下係咪真係佢講到咁辣！仲點左一個主菜驚唔夠食！兩個人點左超多野食，介紹一D必點食物啦！！！- 勁辣跳舞雞中翼辣有分好多種，呢隻係韓國嗰種辣，唔知點解感覺係超辣，真係辣到想跳舞，我淨係

在香港，即叫即燒的串燒店愈開愈多，由於人手燒製關係，所以每間店舖的食品價錢都有些落差。不過小妹最近便幫襯了一間性價比極高的串燒店，無論食物款式、價格及餐廳地理位置都較其他的優越，加上餐廳還有供應手工啤酒及相關優惠，更適合一大班朋友者聚會。餐廳的地方不算大，裝潢也怖置得較簡單，除了近門口對正的牆身放上一整排紅酒架(但餐廳卻不是賣紅酒的)及另一端放有一整完整的豬腿外，轉角位則是工業特色的灰色泥牆，牆上掛有列出食物款式的黑板架。枱面一早放有調味料，有鹽、黑椒、孜然粉、辣椒粉和牙籤，方便客人口味的需要。雖然地方細細，幸好每張枱的枱底都放有一個小籃子讓客人可以放低私人財物，總算貼心。點菜紙就是簡單一張A4size、印有底和面的餐紙，菜式分有雞肉、牛肉、豚肉、海鮮、蔬菜、丸子燒物、肚餓了系列、飯類和飲品類，一共過百款小食，總有岩你心水的。餐廳亦推出手工啤酒優惠，逢星期一，手工啤酒買一送一;逢星期二，手工啤酒買二送二;逢星期三，手工啤酒買三送三;逢星期四，手工啤酒買四送四;以及逢星期日，手工啤酒買七送七。不過是日為星期四，無理由和朋友一起飲八支啤酒，結果只點一支品嚐一下就夠了。另外，凡於生日當天或週

今晚和朋友在尖沙咀行完街，晚上９點幾落bar又好似太早，去邊呢，朋友提議有度地方有好好食既串燒，又有酒飲，就跟住來試下啦。去到樓下就見到招裨，原來店名叫肚餓了，行左成晚街我正正就係一隻肚餓鳥︿︿上樓按六字，好期待有乜野食。。。門面黑白設計的招牌真係好多選擇，花多眼亂由於第一次黎，朋友就點了幾道推介小食，我就叫了一客薯條上到黎時間已經差唔多１０點，出面坐滿了人，好多人都係三五知己一齊來happy hour，食串燒飲酒，好有氣氛，因為出面坐滿晒人，我和朋友就被服務員安排坐在旁邊近廚房的小角落，其實這個安排仲好，我地可以兩個人靜靜地咁傾下計，雖然之後都仲有人坐在我地附近，但都是小情侶細細聲傾計，對我地來講都無影響。繁忙時段平時有１小時３０分鐘限制，我地１０點來坐到１２點都無趕我地走，服務員亦好nice，服務好好，這個１小時３０分應該看繁忙情況先有規定。我地唔係好酒之人，不過呢度太有氣氛，食串燒又點可以無酒呢，睇下餐牌好多酒啤酒選擇，我就選擇左La Goudale 呢款香檳啤酒，雖然我唔係好識飲酒，但麥味適中，唔濃唔淡，入口亦有種香味，真係唔錯。。。燒雞翼：我鐘意食～外脆內軟，真係好好食，兩啖

大部分食物一食入口發現好似淨用光波爈同焗爐整法，食物又唔熱，一D都唔覺有焼烤既火候。另外，我唔太相信好評如潮的食評是正確的，差差差差差差差差差大家試一試就會發現特別之處

在大型商場林立的尖沙咀廣東道及北京道一帶，附近有一條美食小街可以歇一歇~~亞士厘道是也!讓你能品嚐各式美食，包括傳統中菜、歐風美饌、港式美食、日韓料理……選擇眾多今日選擇品嚐既係一間串燒店~~肚餓了串燒烤焗專門店聽個店名都覺得得意, 除了名字外, 佢地既串燒都有別於出面普通串燒店用傳統的'熱燒'方法外, 還會用'烤焗'方法來烹調食物,令食物保存本身的肉汁之餘,又能保持原有食材的鮮味店內佈置以木為主題, 坐位唔算太多,今日星期三晚上10點幾去到, 都唔需要等位, 約6成滿枱上放置餐碟, 十分精美點餐係以畫紙仔形式好細心哦, 張桌子旁有個藍比人放袋手工啤酒買一送一哇哇哇~!!!比我發現左有E個優惠...星期一買一送一星期二買二送二星期三買三送三星期四買四送四星期日買七送七好抵呀, 咁岩今日係星期三, 買三送三~燒蒜蓉茄子 $45茄子好大隻, 好厚身, 蒜蓉都好入味, 燒得唔錯蕃茄薯條拼糖醋汁$48 薯條好好味, 用蕃茄粉撈個糖醋汁好特別.好適合送酒飲..冬蔭功汁烤翡翠螺$89正, 冬蔭功汁少辣,翡翠螺啖啖肉, 冇沙, 好入味柚子燒雞翼$30個人最喜愛食柚子雞翼, e度柚子味濃而唔太甜,好味

近期跟和我一樣喜愛吃串燒的朋友，每次相約都是去吃串燒。我們很喜歡吃著香口串燒，配著啤酒細訴近況，看似很麻甩，哈哈。<燒牛舌> $59每到一間串燒店，都會必食牛舌，就正如每間都要點一些基本食物，才可吃出該店的功夫。牛舌厚肉，燒得很香口，對於初接受牛舌的友人，這裡的燒牛舌亦接受到及覺得美味。<四式燒蠔> $119一碟有齊4款燒蠔，每隻燒蠔都大大隻又肥美，配料亦相當豐富。<汁燒西京比目魚> $68推介！味道很有驚喜！大大件，燒沖充份滲入魚肉，跟友人不停追食，好味道停不到口。<麻辣肉碎燒茄子> $45推介！又是必點的基本串燒食物。麻辣肉碎辣度剛好，怕辣的人應該都會接受到，這個非常惹味！而且茄子燒得很熟，能抓出一絲絲茄子肉來吃，平時最怕茄子燒得不夠熟還有些生。<黃金薯條> $59是店家的招牌菜，每一條薯條都沾滿鹹蛋黃，不過略嫌薯條太幼，炸後吃不到薯仔肉，有點失望。<冬陰功焗翡翠螺> $89十份推介！驚喜入味！相信我會為了這個冬陰功焗翡翠螺會再光顧。第一次食，非常入味，原來平時凍食的翡翠螺加入冬陰功焗，

平時食的串燒都會很韌，但這裏的則很嫰滑。醬燒仙貝就用新鮮的仙貝，去吃串燒仙貝，最怕燒完後仙貝肉縮水，冇啖好食，但呢個仙貝肉質飽滿，加上芝士燒焗就更肉汁豐富。至於招牌串燒，每串都好長，海鮮串更有大蝦、鰻魚、帆立貝等材料。最值得讚的是醬汁，跟其他串燒店有點不同，醬汁會多過用調味粉。食落夠juicy，沒什麼細骨，啖啖肉，不錯吃。四隻味道包括黑松露、芝士、蒜蓉和肉醬。小妹食左黑松露同蒜蓉味的，兩隻味道都唔錯，松露味頗重，起初怕會蓋過晒蠔既味道，但食落仍嚐到蠔既味，而且質地嫩滑，唔錯，而後者就比較惹味。一串兩粒既帆立貝，經微微燒過後食落仍然juicy。大大隻既扇貝，望到都吸引。食落芝士味唔濃，正係因為咁所以仍嚐到扇貝既鮮甜，質地唔柴頗嫩，食落啖啖肉，值得推介。

Trying this new canton Yakitori place. High stool seating with Japanese drafted beer (pricey) , sake and wine (limited). I think chef got skills. Generally the food is nice and moist. Very well grilled but the quality of the ingredients are average. Quick service but not the friendliest staff.

餐廳環境燈光偏暗，但絕對無礙食串燒。有小小不足就係座位比較密集，同隔離枱既人太近。食物方面十分滿意，串燒都大大份，當晚食左雞肉串燒，魷魚串燒，秋葵等等，全部都份量足夠，味道都唔錯。而且每張枱都有四罐調味料，孜然粉實屬必備！上菜速度都好快，串燒餐廳黎講，呢間算非常唔錯

由於朕真係好喜愛薯條, 聽到呢到有黃金炸薯條就決定黎試一試~汁澆露筍, 調味調得唔錯~ 食串燒叫返個菜感覺上好似健康d~到朕大愛既薯條啦~ 超級足料既咸蛋黃, 撈埋薯條一齊炸, 雖然好熱氣, 但真係好好味, 外脆內軟, 無得輸!豬 牛 雞各叫左1串同朋友share, 大致上都燒得唔錯每張枱都有額外3種調味粉比你加, 岩晒重口味朋友~燒雞泡魚乾, 口感好特別 幾煙韌~ 配沙律醬食, 送酒一流~食串燒必食燒雞翼, 所以朕叫左餃子雞翼, 但有少少辣, 唔食得辣都係叫返普通雞會好d~翆肉瓜幾爽, 食左咁多肉, 突然有個翆肉瓜感覺都幾refresh 甜薯唔算好多地方有得食, 不過佢都整得好腍好甜, 讚!整體黎講, 串燒味道唔錯, 燒得恰到好處!建議大家早d book枱~

又係開心拍拖時間，我地都幾鍾意食串燒，又係時間試新野。來到都幾多人，感覺都好熱鬧，環境就幾好。第一個就叫芝士燒蠔，都幾大隻，加埋d芝士燒真係香噴噴，我呢個芝士粉絲又即刻變咗心心眼。燒鰻魚都唔錯，加埋啲醬汁幾好味。鹽燒珍寶帆立貝真係大大隻，好有口感，又幾鮮甜。燒辣味北海道魷魚都幾好味，個醬汁都做得唔錯。不得不就重點介紹就係跟麻辣肉醬燒茄子，除咗隻茄子都好大隻之外，麻辣肉醬真係超正，搞到我突然間想叫多個飯來送個汁。個蒜蓉焗雜菌亦都係我最愛，因為由細到大我都好鍾意食菇，佢都燒得好香嘅牛油味同埋蒜蓉味。個芝士燒春雞真係不得了，雞燒到好香，切開仲有溶嘅芝士流出來，不得了不得了！呢間唔錯，下次約多幾個朋友再食多d好野。

成個3月份做到人都癲, 踏入4月終於回歸平淡了, 又係獎勵自己既時候, 所以一定要大擦一餐!之前有朋友介紹過呢間招牌好得意既串燒店, 今日難得收早就黎試下串燒店係樓上舖, 座位唔算好多, 幾十個左右, 7點左右黎到唔洗等位, 可以迅速入座醫肚~二話不說馬上點野食, 點餐同好多串燒店一樣, 都係自己劃紙仔餐具幾靚, 飲品先上我地都係牛舌控, 通常叫燒牛舌都係一人一份先滿足, 今次都唔例外, 叫左人頭牛舌燒牛舌送到黎先知原來唔係薄片, 係一粒粒厚切!厚切既冇薄切燒得咁香脆, 但咬落口感真係勝過薄切好多! 夠晒煙UN, 推介一串5 大粒, 食完好滿足!估唔到串燒店都有泰式生蝦叫, 可以中和一下串燒的熱氣 (純粹心理作用)點左一直想試的黃金薯條, 用咸蛋黃撈埋炸薯條真係人間極品, 黎呢度不得不試仲叫左冬陰功錫紙包蜆, 酸酸辣辣幾開胃呢度有幾款焗蠔, 每款都想試下所以決定叫個四式燒蠔, 蠔新鮮, 個人比較喜歡蒜味同黑松露蠔有2大2細, 大果隻都幾厚肉下~仲有燒餃子雞翼, 燒雞腎同西班牙黑毛豬串燒~繼續發揮我地既小宇宙食埋燒羊鞍 , 值得一讚的是羊鞍燒得很嫩,一D都唔乾! 雖然帶點騷味, 不過加左

肚餓了就要食，估唔到餐廳名都會用「肚餓了」入到去全部都是高椅子及高台，坐位比較迫，而且地下比較滑，因為比較油，大家要小心。台試有4款調味粉，可因應自己的口味加入，不過本身串燒已調左味，所以我係無用過調味粉。這店的碟好有特色，隻隻都不同，令我唔想弄髒佢，好想買碟返屋企啊！出名喜歡飲酒的我又點會錯過酒精呢！而且食串燒又點可以唔配啤酒呢呢度好多手工啤酒，花多眼亂，最後選擇了甜度較高，無咁重麥味既Golden Ale ，低酒精濃，好適合女仔飲，飲口有種香甜感覺，一啖串燒一啖啤酒真係好爽！燒牛舌，大大件牛舌，真係厚切到不得了，上台個下真係有點驚訝充滿肉汁，少少咸，有少少黑椒味，軟嫩爽口四式燒蠔：芝士金黃醬，芝士，蒜蓉，黑松露香菇芝士金黃醬香濃，加左粟米同蟹柳，令個醬有口豐富既口感，甜味的蠔夠特別，食落去唔會膩。黑松露香菇拿起時陣陣黑松露味，菇同蠔都好juicy。薑蔥焗翡翠螺，炒香過既薑蔥放入彈牙爽口既翡翠螺然後一齊焗，翡翠螺吸收薑蔥既香味，薑蔥則吸收左螺肉既湯汁，各具特色。大大粒，好有口感又夠juicy，推薦大家

辛苦了一整天的工作，今晚放工後與友人吃好東西。友人特意帶我到這裡，有蔬菜海鮮類的食物，而且份量不多，我也可以吃，真的很貼心。餐廳地方不大，像日式居酒屋的感覺，我們坐的是高桌椅，有一個屬於我們的小小空間。這裡吃的大多數是燒物，亦有一些炸物，食物種類選擇頗多，有海鮮，肉類，蔬菜，小吃等，酒亦有不少選擇，總有一款適合自己。最後我們決定點幾款食物：翠玉瓜，小蕃薯，粟米，雞軟骨，牛舌，辣牛丸，扇貝，燒雜菇，炸黃金薯條和一支酒。先介紹蔬菜類的：翠玉瓜本身就屬於淡味，加了一些燒汁令瓜味較突出，口感軟硬適中；燒小紫薯非常好吃!! 甜度十足，稍微一燒令食物更為香口，忍不住一粒接著一粒吃! 燒粟米微微的塗了一層牛油，牛油的鹹香加上粟米的鮮甜，頗為不錯。鮮雜菇份量算多，燒得香口入味，當中我最喜歡金菇，多數都被我吃進肚內。xp再來說一下肉類燒物：雞軟骨是失望之作，有點過硬，可以不試；辣牛丸很好吃，辣味頗重，味道酸酸甜甜，牛肉味濃，口感彈牙，不錯! 壓軸的是牛舌! 是全晚的亮點! 以往吃的牛舌大多過於硬身，但這裡吃到的是爽脆口感，牛舌厚身，卻一點也不韌，十分有咬口，牛味本身頗為濃郁，加上醬料燒得入味，真的十分美