肉餅哥小炒料理 (已結業)

天氣轉冷了，突然再食熱辣辣大碗飯，就帶個未食過肉餅哥既朋友黎光顧一下。有新人黎當然再次推介個花膠肉餅，今次配上菜飯。肉餅變左煎，配上花膠，一軟一硬既豐富口感，同之前食蒸既好唔同，個人更加喜歡呢個組合。朋友亦大讚花膠好多好抵食鮮味蟹粉煎肉餅飯。前排無食到大閘蟹，食個蟹粉肉餅補番數。一黎到見到有蟹粉係肉餅上面，估唔到蟹粉味會咁濃，超鮮既蟹味完全無俾肉餅搶走主角既位置，反而兩種味道好夾。而今晚驚喜既係個油飯，係果種泰式黃薑飯，因為本身個飯有啲味，唔會令到成餐飯都係肉餅果種油膩既味道。