肉肉大米

营业中

休息中

呢間店嘅和牛漢堡排套餐真係超吸引！每一件漢堡排都煎到外層微焦，鎖住咗豐富肉汁，入口即刻感受到牛肉嘅鮮香同紮實感，完全唔會乾柴。原味漢堡排食到最原始牛味，肉香濃郁，咬落去滿足感爆棚。芝士漢堡排加咗厚厚芝士，味道鹹香又滑溜，提升咗整體層次，特別邪惡。仲有期間限定嘅牛油果他他漢堡排就加咗新鮮牛油果🥑他他醬同燒汁，入口更滑潤，帶住淡淡果香同清新感，食完都唔會膩。三種口味配埋白飯同生雞蛋一齊食，口感豐富又飽肚。🌟西蘭花🥦、湯同白飯都係任添🤤ღ 3件漢堡排套餐（牛油果+原味+芝士）ღ 2件漢堡排套餐（牛油果+芝士）

嚟到九龍灣搵食，巡視四週睇下有乜心水，忽然見到呢間店開到嚟德福舖面裝修同沙田一樣以淺木加金屬設計，中間開放式廚房即席煎扒，門口旁玻璃房有職員處理牛肉另一邊放咗部黑色嘅虹煌米機趁today咁有食神、梗係入去食返個漢堡扒set祭五臟廟。今次個期間限定係牛油果他他，望落幾有夏日新鮮感又健康滿滿《牛油果他他》・好快手咁店員將件5成熟漢堡排+牛油果片奉上，裡面已有他他醬，再在客面前落照燒汁即席煎，等汁燒起冒煙就差不多可以起筷。牛肉果口感軟滑、配埋醬汁整齊味道幾夾亦有層次《原味漢堡排》・一向最喜歡呢款，食到牛肉原味道，今次加咗啲黃芥末醬一齊食心又唔錯噃更加突出濃郁牛肉味，加埋個滑蛋黃撈飯、《芝士漢堡排》・充滿觀賞性嘅「芝士刨呀刨」係指定動作嚟，好多客人都會舉機拍片or影相打卡，香濃芝士配漢堡扒風味十足，食極都唔厭《青檸燒酌梳打》・夏日炎炎食扒嗒呢杯好冰爽，酒味唔太濃非常爽喉* 除咗西蘭花同虹煌米飯任添外，湯亦無限飲㗎，今次係蕃茄蜆仔西洋菜湯，我都添咗兩大碗

肉肉大米上次同朋友喺沙田食過，一直都想再試下，今次見到佢哋喺九龍灣開咗新分店，時間夾到即刻拉埋朋友去食先三件漢堡扒套餐 $140揀咗三件漢堡扒套餐，分別揀選新推出嘅牛油果、原味、芝士。套餐包白飯、湯同埋菜，而呢三樣嘢都係可以refill嘅。今次飲嘅湯係蕃茄野菜蜆湯，味道清甜。芝士漢堡扒充滿鹹香，而限定款牛油果口味漢堡扒味道都唔錯，牛油果令到漢堡扒嘅油脂感更加強烈，又不失順滑口感，加埋香甜嘅照燒汁，係一個唔錯嘅配搭三件漢堡扒套餐 $125同樣揀選咗三件漢堡扒嘅套餐，今次就揀咗一款牛油果，另外兩塊就係原味。漢堡扒嚟講，原味係建議跟餐廳嘅推薦食法，即係加燒肉醬同埋蒜香辣椒醬，確實食落去會好似燒肉嘅味道。而家開始有雞蛋&壽喜燒汁上枱，加埋原味嘅漢堡扒食係最夾嘅。當然都可以加其他醬汁或者調味料，食落別有風味

曾風魔一時日本餐廳「肉肉大米」主打即叫即製日式牛肉漢堡現正登錄九龍灣，我身為九龍灣人我要和我朋友即時要去品嚐服務生的態度也是很友善的 「肉肉大米」堅持使用日本產食材，漢堡排由九州黑毛和牛 和 美國牛肉混合製成的，現場已經有人手製作牛肉漢堡排，肉質比一般漢堡扒更加肉嫩，更加多汁，而且又重牛肉味。 由於鐵板上，建議要多加留意，大概放幾分鐘(如果喜歡吃牛扒六成熟的)，加上我不喜歡完全熟透，調味方面亦好多選擇。凡惠顧任何漢堡排套餐，可無限添加日本米飯、西蘭花及湯(番茄蜆肉湯)，所以保證一定吃得飽。 另外口味是牛油果漢堡排，奶酪口感的牛油果他他醬醬配上漢堡排，底部還有鮮甜的照燒汁(建議留下來灼西蘭花)，令漢堡排味道更鮮甜! 壓軸登場是芝士漢堡排，這是無法抗拒的碎芝士，吃下去味道更加濃郁和豐富，值得加錢一試!

最近同班Friend去咗肉肉大米，呢間真係紅到爆，終於有機會試到啦！佢最特別就係可以自己燒漢堡扒，成個體驗好Interactive，又好玩又好食！✨🥩和牛漢堡排：塊漢堡扒上枱嗰陣係半熟，放上迷你鐵板自己燒到啱心水嘅熟度，真係好好玩！🤤🥑牛油果漢堡排：牛油果控表示大滿足！煎香咗嘅漢堡扒上面放咗大大塊牛油果，入口即溶，口感超creamy，同漢堡扒嘅肉汁簡直係絕配！🧀芝士漢堡排：芝士同肉嘅組合永遠都唔會錯！熱辣辣嘅漢堡扒加上溶化咗嘅芝士，邪惡得嚟又好香濃！🍚米飯 & 生雞蛋：佢哋嘅米飯都好講究，粒粒分明，配埋生雞蛋撈埋一齊食，同漢堡扒簡直係黃金組合，口感更滑，味道更豐富！🥣湯：湯都好足料，有蜆肉！

肉肉大米喺九龍灣新開鋪呀，聽聞漢堡扒出色今日終於去試試！我同朋友點了兩款套餐都是$140的3件漢堡扒開放或廚房，整間餐廳都是香氣四溢，仲可以免費添加飯、湯、蔬菜，吃得滿足！店員會先煎漢堡扒至五分熟，然後放在小鐵板上繼續煎，自己可以調整成熟度✨3件漢堡扒：（原味、2件芝士🧀）原味漢堡扒肉質鮮嫩，每一口都充滿肉汁，而芝士漢堡扒更是驚喜，濃郁的芝士完美融化，🧀搭配得天衣無縫，超正✨✨3件混合漢堡扒：（原味、芝士🧀、牛油果🍅）蕃茄味是期間限定口味，酸甜味為整體增添了清新感，讓人食得唔會覺得膩，口感層次豐富，口感好似蕃茄汁🥫咁濃郁，吃了3件漢堡扒，飽肚又享受😋成餐飯好滿足一百分💯

肉肉大米香港第二間分店開幕啦‼️九龍灣咁近我，當然要即刻去試下🤤 平日夜晚都要排隊，果然係人氣餐廳。好彩排左15至20分鐘就入到去，火速開餐先!! 揀咗3件漢堡排套餐(牛油果+原味+芝士)一次過滿足晒三個願望😎 $154套餐價格親民，包含無限量供應嘅白飯、味噌湯同西蘭花。DIY體驗真心幾過癮，漢堡排以鐵板現烤方式供應，本身已有6至8成熟，客人可以自己控制熟度👩🏻‍🍳 餐廳採用開放式廚房設計，座位係吧台式，好似番咗日本🇯🇵鄉下呀~原味：搭配日本生雞蛋黃絕對係經典食法，蛋液
令漢堡排口感更滑嫩，撈飯一流呀😻芝士：芝士口味都十分惹味，席前刨芝士絲，見到滿滿嘅芝士，十分邪惡👿 加熱到芝士半融化，更加香口
牛油果：牛油果口味係期間限定口味，值得一試🥑 淋上特製燒汁，甜甜地送飯好正，添飯呀唔該🤪值得一提肉肉大米仲提供好多款醬汁，不定期推出限定口味漢堡排和醬汁，每次都有驚喜🤩🔅燒肉醬🔅洋蔥醬🔅奥羅拉醬🔅蒜香辣椒醬 (大推👍)🔅日式茶末鹽麴 (大推👍)🔅沙茶醬🔅黃芥未醬 (大推👍)🔅胡椒鹽

喂！各位為食鬼注意👻！九龍灣德福廣場最近殺出間漢堡扒專門店——「肉肉大米」🍖，成個網絡吹到係「平民版挽肉と米」，身為食肉獸🦖嘅我當然要即刻扑鎚去試真啲！🔥一入門口，開放式廚房傳嚟「滋滋聲」，師傅即場手打漢堡扒，香味攻鼻而來，未食已經流口水🤤！坐低望住塊厚身漢堡扒喺鐵板煎到表面微焦，切開中間仲係粉嫩嫩，肉汁多到瀉出嚟💦，忍唔住手機先食📸！🌟重點嚟啦——佢哋用九州和牛混美國牛🐮，肉香濃郁得嚟唔會太膩，配埋日本「虹煌米」🍚同新鮮生雞蛋🍳，一戳開蛋黃瀑布湧出🌊，撈勻飯同漢堡扒，每啖都係罪惡嘅快樂😈！🥑今期限定嘅牛油果他他漢堡扒都幾過癮，他他醬酸甜清新🍋，加埋creamy牛油果，口感層次好豐富💯！💰最抵讚係白飯、味增湯、西蘭花任添♾️，大胃王絕對可以食到捧住個肚走🤰！如果你同我一樣係撈飯控+肉食獸🍖，呢間絕對值得一試！

九龍灣都登陸了第二間肉肉大米1.三件漢堡扒（原味、芝士、牛油果） （ $140 ）「肉肉大米」堅持使用日本產食材，提供由九州黑毛和牛與美國牛肉混製的現烤漢堡排、每日現磨的日本「虹煌米」及可生食的日本新鮮雞蛋。餐廳設有開放式吧台、開放式廚房和精米機、可以看到廚師備料和製作的過程。店員會先煎至五分熟鎖住肉汁，再於顧客面前慢慢加熱至喜愛的熟度。餐廳更提供多款不同的醬料供選擇，大家可按照自己的喜好自由搭配。白飯、湯和西蘭花喺可以任食，真係非常抵食。漢堡扒入口即化，香氣四溢。三款的口味各有吸引之處。原味可以吃到漢堡扒的原汁原味；芝士味可以吃到邪惡且濃郁的車打和巴馬臣雙重芝士；牛油果他他可以吃到清新且Creamy的牛油果漢堡扒。大家快d去試下啦💕

💕發現德福廣場開左肉肉大米，即刻去試。西蘭花任食， 邪惡感即刻消失🙆 套餐包括番茄蜆湯 及米飯🍚💕這次我點了兩款套餐，✨️分別是漢堡排套賽（牛油果+芝士）和芝土和牛漢堡排套餐。漠堡排的肉質非常鮮嫩，💛搭配的牛油果和芝士使整體口感更加豐富。牛油果的滑順與芝士的濃厚原來咁夾，讓人每一口都充滿驚喜。😝兩件芝土的搭配讓人感受到傳統與創新的完美結合，無論是口感還是味道都十分出色。 餐廳的環境也很舒適，店員的態度親切。肉肉大米的菜品不僅美味，還能滿足不同食客的需求。

上個星期同朋友去咗九龍灣德福廣場新開嘅「肉肉大米」，呢間日本人氣漢堡扒專門店真係名不虛傳！一入到餐廳，開放式廚房同吧台式設計已經畀人好有新鮮感，望到主廚即場煎漢堡扒，陣陣肉香撲鼻而來，真係令人即刻肚餓！環境同服務 餐廳面積大約1,400呎，44個吧台座位，設計簡約又帶點日式風，木質同金屬元素混搭，感覺溫暖又唔失活力。雖然係新店，但人氣超旺，建議早少少去攞籌，平日夜晚都要等一陣。店員好有效率，落單同安排座位一氣呵成，仲會好細心講解點樣燒漢堡扒同配搭醬料，服務態度一流！我哋叫咗幾款套餐試吓，主打係佢哋嘅和牛漢堡扒，用九州黑毛和牛同美國牛肉混製，每件大約95克，肉質厚實又Juicy！店員會先將漢堡扒煎到五分熟，之後放喺你面前嘅鐵板上，畀你自己調節熟度，呢個DIY體驗真是一個新鮮嘅樂趣！1. 原味和牛漢堡扒套餐（$95，2件） 呢個套餐真係高性價比！漢堡扒外層煎到微焦，咬落去肉汁四溢，牛味濃郁，配上日本生雞蛋同醬油，攪拌埋白飯一齊食，簡直係「白飯神偷」！米飯用日本東北「虹煌米」，軟糯帶黏，吸收咗肉汁之後，食一碗再添一碗都唔夠！2. 和牛芝士漢堡扒套餐（$110，1件原味+1件芝士） 芝士控

終於到九龍灣開肉肉大米喇!!! 有新店梗係要去打卡啦新店超旺場, 平日晚市去食排左陣隊先入得呢, 不過好在座位都多, 唔洗等好耐~九龍灣店係入座後用QR CODE落單付款, 非常方便~~餐廳主打和牛漢堡~ 今期有原味, 芝士同牛油果他他漢堡3種味道各有特色, 一定要試晒佢呀!!!整個套餐有和牛漢堡, 雞蛋, 仲有無限任添既飯, 湯 &西蘭花~調味料又有好多選擇, 仲可以調配出唔同既味道添呢!!呢餐超豐富呀! 食到捧住個肚走~~蕃茄蜆湯~~味道清甜, 有超多蜆丫!!職員會先烤漢堡到6-8成熟~然後放係座位前既鐵板再加熱至自己鍾意既生熟度和牛漢堡肉質軟嫩, 牛味濃郁~ 沾埋蛋汁一齊食口感更嫩滑芝士和牛漢堡和牛漢堡上鋪上車打芝士 & Mozzarella~半溶既芝士同漢堡味道好夾, 層次感豐富!!!牛油果他他漢堡牛油果他他配漢堡呢個組合非常新鮮~~加埋照燒汁惹味得黎又健康, 味道好夾店內抽煙系統幾好喎, 食完出黎個身都冇乜味

今日放工約左朋友係九龍灣食晚餐，朋友就想來個新嘗試，就揀左呢間食漢堡扒嘅肉肉大米！呢間餐廳非常受歡迎，要齊人先入座，呢個要留意啦！呢間餐廳嘅餐牌好簡單，只係分原味、芝士、而家仲有牛油果新味道！每個套餐包左白飯、海鮮番茄湯及西蘭花，呢幾款都係任食！我地今次品嚐的漢堡排套餐給我留下了深刻的印象。首先，原味漢堡排的口感非常細膩，肉質鮮嫩，搭配融化的芝士，讓每一口都充滿了濃郁的奶香。漢堡排的調味恰到好處，既不過於鹹，也不掩蓋了肉的本味。而牛油果漢堡排套餐則為整個用餐體驗增添了一絲清新。牛油果的 creamy 質地與漢堡排的肉香相互融合，帶來了意想不到的驚喜。這種搭配不僅提升了口感，還增添了一些健康元素，非常適合喜愛健康飲食的人。

小可愛們請注意，Chiikawa同款鐵板漢堡肉肉西蘭花完美呈現，原來動畫的都是真的！神還原～🍽️來到「肉肉大米」，就好似Chiikawa 同好朋友小八係餐廳撐台腳咁即煎漢堡排鐵板上，肉質細膩且多汁，讓人垂涎欲滴，簡直是肉肉控天堂！地點「肉肉大米」九龍灣德福廣場第二分店終於開幕地鐵站🚉商場直達就是方便環境座位以吧枱式設計，每個座位都能觀賞到店員現場製作漢堡排的過程，簡直像一場美食秀！每個座位前都有小鐵板，店員會在你的面前送上至少6成熟漢堡排之後顧客可以根據自己的喜好調整生熟程度熱辣辣，鐵板啫兩啫，氣氛讓人忍不住拍手掌👏🏻食物餐廳提供1件、2件、3件的和牛漢堡套餐客人可以自由混搭口味每個套餐都包含無限添加白飯、湯和蔬菜真。吃到捧腹而去就係咁簡單🐮由九州黑毛和牛與美國牛肉混合製作漢堡扒即煎漢堡扒每塊外皮酥脆，內裡豐富肉汁爆發食肉長肉，唔好阻止我要肌肌先增肉！我日日都係發「肉」期！🥚和牛漢堡排配新鮮生蛋濃郁的蛋液混合肉汁滲入米飯一口接一口，根本停不下來！🍚選用虹煌米帶有珍珠米的黏性和飽滿感，每一啖都是飽滿光澤吃到最後簡直想把碗舔乾淨！再來一碗！好米！🥣9種自助醬汁任君調配可以自行調配專屬風味：燒

喺九龍灣見到肉肉大米開左，超多人排隊，好奇心驅使下試下，我哋都排咗好耐～今日我哋就試吓佢係咪真係咁好食🫣餐廳有2種套餐，一般係兩件漢堡扒和三件漢堡扒為選擇～我哋2個都叫咗三件漢堡扒套餐！漢堡扒套餐只係味道嘅配搭唔同～跟餐有餐湯、西蘭花同埋白飯任食白飯都算有誠意👍都係俾珍珠米，餐湯就係蕃茄湯，係蕃茄再加蜆肉～清新得天然！西蘭花任食先係抵死😬我自己就要咗$140三件漢堡扒套餐，牛油果漢堡扒、原味漢堡扒、和芝士漢堡扒混搭，呢個套餐就可以試晒三種唔同嘅口味，個人就覺得原味最好食，識食嘅會揀原味，最可以食到佢牛肉嘅鮮味！朋友仔另一個套餐要左$125三件漢堡扒套餐，包一件芝士漢堡扒，兩件原味漢堡扒，朋友都係覺得原味好食啲，因為佢仲有好多款醬汁俾你點，所以原味食落一啲都唔單調😁我哋排隊即場見到佢用新鮮牛肉搞成肉碎，再煎成漢堡扒，感覺真係幾新鮮，唔似平時啲漢堡扒咁多防腐劑～不過人氣真係好旺，食完今次我哋都覺得佢唔錯，下次可以再encore👍👍