肉肉大米

营业中

休息中

人氣新開日式漢堡扒專門店 ✨肉肉大米 日式漢堡扒專門店係位置九龍灣德福商場開咗新分店！舖頭人流好多，所有漢堡扒套餐都包米飯、西蘭花、蜆肉湯，仲可以無限refill，真係食到勁滿足😋和牛漢堡扒🐮用九州黑毛和牛同美國牛肉混合而成，店員會先煎香兩面，再放喺你面前嘅鐵板上自己烤，鍾意生啲熟啲都得！漢堡扒好juicy ，配埋日本新鮮生蛋撈飯🍳蛋香濃郁，牛味香濃，真係無得輸！芝士和牛漢堡扒🧀芝士控必試！店員會刨上大量車打芝士，兩種唔同型態嘅芝士夾埋漢堡扒一齊食，芝士味極濃，極邪惡！💡可以按個人口味配搭唔同嘅調味料，自由發揮！

住九龍東嘅朋友有福啦❣️人氣日式漢堡扒專門店「肉肉大米」終於進駐九龍灣德福廣場🎉唔洗再跨區都可以歎到爆汁漢堡扒🍖簡直係肉食控嘅天堂💖.餐廳採用環形鐵板吧枱設計，客人可以圍住廚師睇住煎扒，過程療癒感十足🔥成間店香氣撲鼻，聽住鐵板煎扒嘅滋滋聲，食慾即刻提升💯.所有漢堡扒都係即叫即煎🔥選用九州黑毛和牛混合美國牛肉，每日新鮮現絞，絕不預製👨🏻‍🍳配飯採用來自日本東北嘅「虹煌米」🍚每日即磨即煮，飯粒晶瑩飽滿，黏度適中，最啱拌漢堡扒嘅肉汁食👍🏻而且白飯任添，食多幾碗都唔肉赤😆除咗白飯，仲可以無限追加湯品及西蘭花，對於想食得飽又想有啲菜平衡嘅人嚟講真係超貼心💕.餐廳提供超過8款醬料🧂包括燒肉醬、奧羅拉醬、日式芥末鹽麴、胡椒鹽、蒜香辣椒醬、黃芥末醬、沙茶醬等，客人可以按自己口味自由搭配☺️仲可以試埋加生蛋黃醬油，撈飯食真係無敵😚.🌟三件漢堡扒套餐（原味+芝士+牛油果）.🔥原味漢堡扒外香內嫩，肉香濃郁，煎到微焦又唔乾柴，最啱配生蛋汁撈飯食，邪惡又過癮😈.🔥芝士漢堡扒溶化芝士片再加大量即刨芝士絲🧀鹹香爆表，入口濃郁豐盈，芝士控絕對會愛上😍.🔥牛油果漢堡扒限定口味❣️配搭酸甜照燒汁、creamy牛油果、香滑他他醬

德福超人氣餐廳！我哋平日17:45去到唔使排隊，食完見到起碼三十人排😳。✨2件漢堡排套餐（原味+芝士） $110✨2件漢堡排套餐（牛油果＋原味） $110✨青檸燒酌梳打 $48Total有三款漢堡排 - 原味、芝士🧀、牛油果🥑。漢堡肉好厚，本身煎到6-7成熟，建議每邊煎多幾分鐘。我鐘意佢啖啖肉完全冇筋，都幾多肉汁下，加生蛋黃同壽喜燒汁撈飯味道超夾。芝士唔止加多塊片裝芝士，仲有大量即刨嘅芝士。煎香嘅芝士好香好脆。跟佢哋教配奥羅拉醬+黄芥茉醬，真係做到芝士漢堡嘅感覺。牛油果味就係漢堡扒+切片牛油果+燒汁+他他醬。漢堡扒有嗰種滑滑嘅感覺，亦冇想像中咁膩。除咗漢堡扒，仲有白飯+西蘭花+番茄蜆肉湯任食任飲😆。我覺得正常食量嘅話兩塊漢堡扒已經夠飽。

黑雨一除，便出動去吃晚飯。心血來潮想試試近來大熱的‘’肉肉大米‘’，餐廳門外竟然出現超長人龍！好不容易才等到入內。這裡設多款套餐，可按個人喜好選擇兩塊、三塊、芝士味、牛油果他他漢堡扒等。套餐包括溫泉蛋、西蘭花、白飯及味噌湯，後三樣更是無限量添加，最平$95便吃到昵！店內漢堡扒即叫即煎，以100%純牛肉新鮮絞製，店員將漢堡扒煎至五成熟後再由客人自行按喜好配搭不同醬料。🐮🥑三件漢堡扒套餐～新鮮現煎的漢堡扒香味四溢、肉質紥實彈牙、牛味濃郁，充滿肉汁。牛油果、原味及芝士味各具特色，服務員即場刨芝士絲，鋪滿漢堡扒上，咸香惹味。牛油果他他則爽甜十足，成功解去漢堡扒的油膩。味噌湯～湯料豐富，有西洋菜，番茄及蜆，非常鮮味。最難得是可無限量添加，我添飲了兩碗呢！

德福終於開咗呢間漢堡扒專門店，都幾多人排隊。第一次食覺得塊漢堡扒都幾好食嘅，另外可以無限添白飯同埋湯，仲有多款嘅醬可以選擇。另外仲揀咗個特別限定嘅牛油果漢堡扒，味道唔錯，但佢加埋啲醬感覺上有啲膩，原味會比較好

其實我唔知九龍灣有呢間店，咁啱行過見好多人排隊咪試吓囉，因為噚晚我得自己一個，所以排咗唔駛5分鐘就有得入座（如果你兩三個人一齊食我諗起碼排15分鐘以上）……食物方面好有驚喜，服務也算有禮貌！

《肉肉大米食評》 by@ihungry.hk今次小編帶大家嚟到九龍灣德福廣場人氣漢堡排專門店——肉肉大米！呢間餐廳主打即叫即煎漢堡排，所有漢堡排都係店主親自新鮮現煎，確保每一塊都外脆內嫩、肉汁豐富。除咗主角漢堡排，仲有超貼心嘅**免費refill西蘭花**，食肉同時都唔怕冇蔬菜，健康又滿足～💚🔸『3件漢堡排套餐（原味+芝士+牛油果） - $125』 一個套餐可以同時試齊三種風味，原味保留咗牛肉最純粹嘅香味，芝士款拉絲又濃郁，牛油果帶嚟清新口感，三重享受一次過滿足晒味蕾！每件漢堡排都係即叫即煎，上檯時香氣四溢，肉質多汁唔乾身，配埋日本生雞蛋同白飯一齊食，完美match❤️！🔸『3件和牛漢堡排套餐 - $110』 推介比鐘意食和牛嘅你！和牛漢堡排油脂分布均勻，入口即溶，肉味突出。每件都煎到微焦，鎖住肉汁，咬落去仲有少少爆汁效果，超級滿足！仲可以自選醬汁同配菜，客製化自己最鍾意嘅味道😘～🤪iHungry開心指數：9/10分

位於九龍灣德福廣場一期嘅 肉肉大米，係一間主打鐵板漢堡扒嘅餐廳，吸引好多鍾意西式簡餐同肉食嘅朋友。今次我點咗 2件漢堡扒套餐（$110），一件揀咗原味，一件揀咗芝士，套餐包無限蕃茄蜆湯、無限白飯同無限西蘭花，聽落已經覺得好抵食。漢堡扒係即點即整，廚師會喺你面前煎到六成熟，然後放喺燒熱嘅鐵板上，熱辣辣咁端上枱。如果想食熟啲，可以自己喺鐵板上再煎耐少少，呢個互動體驗幾有趣。佢哋仲提供多款醬汁俾你配搭，例如黑椒、蘑菇醬之類，隨你喜好調味。講到味道，漢堡扒真是一個亮點。原味漢堡扒煎得外脆內嫩，肉汁鎖得好，咬落去有濃濃嘅牛肉香。芝士版更加吸引，店員會喺你面前灑上唔同種類嘅芝士碎，直到你話停為止，芝士控真會好滿足。芝士同牛肉嘅配搭香濃可口，鐵板嘅熱力仲幫忙將芝士微微溶化，增添口感。套餐嘅蕃茄蜆湯味道清甜，蜆肉新鮮，西蘭花蒸得軟硬適中，白飯亦都粒粒分明，作為配菜好夠誠意，無限添食嘅安排真是一個大加分。服務方面，雖然出面經常有人排隊，但上菜速度快，基本上等唔太耐就入到座。店員態度友善，煎扒同灑芝士嘅過程仲會同你互動，增添少少趣味。餐廳環境乾淨企理，雖然係商場內，座位安排都幾舒適，適合快食或者慢慢享受。

九龍灣分店一樣咁多人👫，今日收早去排隊都等咗半個鐘有多⏳。叫咗2件漢堡扒套餐（原味+芝士）食開都知,白飯/湯品/西蘭花任食🍚！ 漢堡扒比之前細咗啲😅，但仲係 juicy 嘅👍： 原味配生雞蛋撈飯🍳，經典好味 最好係有超多唔同嘅醬汁可以配搭芝士味🧀有專人即刨，有兩種唔同芝士🫕芝士味超够限定係牛油果他他🥑幾特別但唔鍾意食牛油果冇試到 不過要企定定排隊真係好煩😤沙田分店明明可以攞飛夠時間再返去未必會再嚟呢間分店，仲要比起一開始細嚿了🙂‍↔️🙂‍↔️

自從日本過江龍嘅漢堡扒專門店肉肉大米開左九龍灣分店，人氣爆晒燈，無論午市晚市都好多人排隊而且獨特嘅開放式廚房再搭配開放式用餐環境🧘🏻‍♂️🧘🏻‍♂️ 令客席呈現出bar枱式設計，廚師喺客人面前炮製現做現烤，氛圍感十足。每位員工都笑容滿滿，服務無得彈呀👍🏻「肉肉大米」對食材有極致追求😉漢堡排選用「穀物飼養」嘅精選上腦牛肉🥩 經熟成後每日現絞+混合🧤「九州黑毛」和牛 同「美國🇺🇸牛肉」肉質鮮嫩多汁。先煎至五分熟鎖住肉汁,再於顧客面前慢慢加熱至喜愛的熟度,入口即化,香氣四溢，肉質顏色非常鮮嫩💁🏻‍♂️3件混合漢堡套餐 ($140)和牛漢堡排日本🇯🇵 新鮮雞蛋 和漢堡排的完美融搭和牛芝士漢堡排「肉肉大米」招牌得意之作🤩《和牛芝士漢堡排》選用日本和牛製作嘅漢堡排，經過火候十足嘅精心烤製，色澤吸引，肉汁非常柔嫩💆🏻‍♂️ 充斥和牛香氣🤟🏻🤟🏻漢堡排一放上枱再蓋上一片濃郁香醇嘅「車打芝士🧀️」靜待2秒等待芝士同漢堡排嘅靈魂交集🥰🥰🥰 無論賣相定定味道都首屈一指😘😘 打卡必備‼️牛油果🥑他他漢堡排牛油果🥑控要注意啦‼️‼️原來他他醬😋+牛油果+特調照燒汁 係咁Match 😋‼️🤟🏻添多一碗飯🍚呀配料：生雞蛋、米飯、湯（

💬人氣爆燈嘅「肉肉大米」九龍灣開新店！主打「熟成現絞」漢堡排，牛肉控必mark！ 🔥必試推薦🔥 ✅ 雙國混血漢堡排👉🏻 混合「九州黑毛和牛」+「美國穀飼上腦牛肉」，每日新鮮手絞！師傅會先煎至五分熟鎖肉汁，上枱再用石板慢慢加熱，自己控制生熟度～切開瞬間肉汁bilibala💦 粉嫩肉質入口即化，牛香超濃郁！ ✅ 極上套餐跟埋日本米飯+味噌湯+溫泉蛋，將蛋液撈飯再夾住漢堡排食，邪惡度爆錶💛米飯用咗北海道夢美人米，粒粒分明超掛汁！套餐附有燒肉醬、洋蔥醬、日式芥末鹽麴等 8 種醬汁和調味料💁🏻🫶🏻 👏 晚市勁多人！建議早少少去排

日式漢堡扒專門店「肉肉大米」開第二間分店啦！九龍灣德福分店7月1號，即係今日正式營業啦！等我帶大家搶先試食啦～新店設有44個吧台座位，廚房採用開放式設計，可以距離欣賞煎漢堡扒嘅過程。「肉肉大米」係日本餐飲企業經營，所以食材採用日本產食材，漢堡扒肉材選用九州黑毛和牛與美國牛肉混製現烤，每日現磨日本東北「虹煌米」、日本新鮮雞蛋。除咗有原味同芝士味嘅漢堡扒今個夏日更推出期間限定「牛油果他他」，微甜牛油果配上濃郁肉香嘅漢堡扒，口感清爽帶點鹹香。餐廳提供8款特選醬料，如燒肉醬、洋蔥醬、日式芥末鹽麴等，可以 DIY 專屬口味，你地仲唔快啲嚟打卡！肉肉大米🍴 九龍灣偉業街33號德福廣場1期1樓F23號

德福新開人氣餐廳「肉肉大米🍚」終於可以食到啦😍 每日經過未夠下午六點已經開始要排隊，佢哋既高質素嘅招牌漢堡扒為主菜，配以粒粒分明嘅日本珍珠米飯，簡單出色又好味，難怪新開已經成為人氣餐廳。✨餐廳座位以吧枱形式設計，能夠讓店員照顧到每一位嘅需要，因個人嘅需要份量而點選漢堡扒，有原味、芝士🧀、同期間限定嘅牛油果。而白飯、餐湯及蔬菜可以無限添加，好味又抵食。店員會逐一將漢堡扒放喺你座位前面嘅鐵板，能夠令到佢保持熱度，亦可以自己控制生熟嘅程度。佢哋既漢堡扒質素非常高，表面煎得香脆，肉汁豐富，仲有六至八款調味料可以比你哋選擇，我個人覺得原味已經夠晒好味😋。套餐仲有一隻日本蛋，用嚟撈飯味道一流。👍整體用餐體驗非常好，服務好同食物質素高，價格又親民，值得推薦。

呢間店嘅和牛漢堡排套餐真係超吸引！每一件漢堡排都煎到外層微焦，鎖住咗豐富肉汁，入口即刻感受到牛肉嘅鮮香同紮實感，完全唔會乾柴。原味漢堡排食到最原始牛味，肉香濃郁，咬落去滿足感爆棚。芝士漢堡排加咗厚厚芝士，味道鹹香又滑溜，提升咗整體層次，特別邪惡。仲有期間限定嘅牛油果他他漢堡排就加咗新鮮牛油果🥑他他醬同燒汁，入口更滑潤，帶住淡淡果香同清新感，食完都唔會膩。三種口味配埋白飯同生雞蛋一齊食，口感豐富又飽肚。🌟西蘭花🥦、湯同白飯都係任添🤤ღ 3件漢堡排套餐（牛油果+原味+芝士）ღ 2件漢堡排套餐（牛油果+芝士）

嚟到九龍灣搵食，巡視四週睇下有乜心水，忽然見到呢間店開到嚟德福舖面裝修同沙田一樣以淺木加金屬設計，中間開放式廚房即席煎扒，門口旁玻璃房有職員處理牛肉另一邊放咗部黑色嘅虹煌米機趁today咁有食神、梗係入去食返個漢堡扒set祭五臟廟。今次個期間限定係牛油果他他，望落幾有夏日新鮮感又健康滿滿《牛油果他他》・好快手咁店員將件5成熟漢堡排+牛油果片奉上，裡面已有他他醬，再在客面前落照燒汁即席煎，等汁燒起冒煙就差不多可以起筷。牛肉果口感軟滑、配埋醬汁整齊味道幾夾亦有層次《原味漢堡排》・一向最喜歡呢款，食到牛肉原味道，今次加咗啲黃芥末醬一齊食心又唔錯噃更加突出濃郁牛肉味，加埋個滑蛋黃撈飯、《芝士漢堡排》・充滿觀賞性嘅「芝士刨呀刨」係指定動作嚟，好多客人都會舉機拍片or影相打卡，香濃芝士配漢堡扒風味十足，食極都唔厭《青檸燒酌梳打》・夏日炎炎食扒嗒呢杯好冰爽，酒味唔太濃非常爽喉* 除咗西蘭花同虹煌米飯任添外，湯亦無限飲㗎，今次係蕃茄蜆仔西洋菜湯，我都添咗兩大碗