肉料理 廣

营业中

休息中

燒肉⋯真係出街食好啲既！呢間店用地抽式抽氣，油煙真係少好多，食飽離座完全冇果陣方圓千里都聞到既燒烤味！👍👍👍和牛級燒肉基本都冇得輸，反而一向唔太鈡情牛舌既我，竟然有少少鈡意咗佢添。飞驒牛生肉他他，加咗青蘋果粒變得好清爽，$100抵食！飞驒牛海胆軍艦，我覺得有點奢華，但又冇理由唔試呀？🤔最尾果個喜壽燒風和牛西冷，配埋白飯同松露雞旦，食咗兩嗒偷偷地笑咗出聲，然後自言自語話「好好食喎🤤」！返到屋企馬上同阿仔分享啲相同食後感，佢既反應係「🥺🥺🥺我好想食喎」，於是我答應咗佢努力考完試同佢去食lunch撐枱腳！💪💪💪

自從有一次係日本中部旅行食過一次飛驒牛烤肉之後，就對佢念念不忘。香港其實都唔係太多地方有得食正宗嘅日本和牛烤肉，更何況係飛驒牛呀～有次俾我見到呢間肉料理 廣有飛驒牛食，就諗住去試下以一解成年冇得飛去日本嘅思鄉之情🥺！曾經有個傳說，如果想食好嘢又要性價比高嘅話，就一定要去食lunch set，夜晚咁嘅質素但係價錢會差一半～所以就決定去食lunch！（其實果段時間夜晚仲禁緊堂食⋯😭）果日2點幾上到去，入面都仲坐滿人。由於我冇book位，都要等咗15-20分鐘先入到座。睇完個menu，我點咗個日本A5飛驒牛9枚燒肉定食。呢一期佢做緊個promotion，叫任何和牛set會送和牛燒肉。我以為送嘅嘢都應該唔會係d咩啦，原來佢今次送嘅係九洲和牛，有3片係西冷，另外3片係牛肋肉。先來個麵豉湯，泡菜同蒸蛋，咁都係正常嘢好快就KO咗佢。到d肉嚟啦，A5果然係A5，d油花靚到呢⋯同我果時係日本食嘅一樣！送果d和牛都唔差喎，雖然佢冇講係A幾，但睇得出都應該有A4！咁試咗碟送嘅九洲和牛先啦，先試西冷，一入口，淋到呢，油脂豐富，好順喉咁唔使點咬就可以成舊吞咗！之後再試埋牛肋肉，佢都好淋但會比西冷有d趙口，好味🥰

雖然是訂了位，但可以會是遙遙無期的等。今天的經驗是他們不會將第一時段的臺定時埋單，這樣讓第二輪的等得不知道何時。其實食客的時間都是時間，若然是開放了booking為什麼又不能安排呢？等也是可以的但希望是有個譜。

Weekend 度度full booking ，走上嚟呢間餐廳，得一枱客，成間店好似死城，我已經驚會中伏。估唔到真係中伏。Order咗啲嘢食，等咗成15分鐘都未有得食，明明成間餐廳得兩台客，唔知點解可以咁慢？啲所謂的和牛嚟到，未退冰，未解凍。我未食過咁鞋咁多渣嘅和牛。donki啲和牛質素仲好過佢。咁少人幫襯，啲牛肉新唔新鮮，大家心照啦。仲要份量細得可憐，但我不想再點菜，只想快啲走人。對比起其他燒肉店，呢一間真係無可取之處，無競爭力，性價比超低，感覺應該好難做落去了😞以前聽到伊呂波，係好食高級日式燒肉嘅代表，點解而家會變成咁？間餐廳睇落有花錢去裝修，點解唔做好啲？有heart啲呢？同樣價錢，之後我在上環食咗一間唔錯的，對比實在太大了。

【日本A5飛驒牛9枚燒肉定食＄330】這個定食套餐包括前菜小食、味噌湯、白飯、和牛、甜品。前菜是冷盤醃物，麻油芽菜、波菜和醃蘿蔔，小食爽口入味，好食。味噌湯偏咸不好喝。白飯沒米香，口感不軟綿，一般。和牛有3款不同部位各3件：霜降、赤身、牛肋間肉，油脂分部最多是霜降，不得不說這次中午吃的牛完全不新鮮，牛肉粉嫩的色澤基本看不見，牛肉味也不是很驚豔。追加了一份【牛脷＄48】，同樣色澤唔粉嫩，牛肉和牛脷也不是很新鮮。甜品是紅豆雪糕，質感軟綿，紅豆味很出，甜度適中，好食。這次整體牛肉質素一般，這個價位不應該是這個質素，唔會再比機會佢

愛吃肉的我今次真的吃得滋味！ 妹妹請我到吃飛驒牛！ 經營了十多年，一向以優質A5和牛出名，早已聽聞其名了！只是本人之前 祈福 許下 承諾要介食牛肉，所以介足十年之久！最近承諾期滿了很自然地也開始嚐嚐牛肉。 今晚吃過這裡的A5級和牛，真心領略到妹妹對我的誠意。 餐廳環境舒適服務又周到，以這樣高質的食材收費認真合理！ 職員耐心的介紹肉的部位和性質，非常專業！見到啤酒宣傳海報～除了其他牌子曰本啤還有這款沖繩啤～也點上一杯，愛它味道比較淡，吃燒肉配它相當不俗！禁肉多年，過往有幾次機會同枱朋友都有吃這個生牛肉我也只是 眼睜睜的 見人家吃得津味！今次我一定要嚐一嚐！碎飛驒牛他他肉質鮮嫩甘香軟滑，加入了清甜爽脆的水梨粒粒，更將肉的口感推上更高的層次！十分滋味！為了嚐多幾個部位点了這個A5飛驒牛盛合52O元，貴精不貴多 每款倆件～廚師刀功了得！肉的紋路完美可見，油花分佈平均！里脊肉，牛肩肉，臀骨肉，霜降西冷，上後腰脊肉款款都滿口甘香豐盈，肉質細緻嫩滑。油花在網上彈跳芬香樸鼻！再嚐厚切牛舌甘香爽脆！非常好！還有香濃的紅豆雪糕，今晚實在太滋味了！

近排屈得太耐，又沒有得飛，想搵返在日本燒肉店嘅感覺同質素，今晚同朋友到了這裡，品嘗了一餐高質素嘅日式燒肉，首先用嘅牛係有日本和牛，有證書，完全食得放心！今晚就點了個溫泉蛋沙律，飛驒牛五部位，加埋個牛尾湯烏冬！享受一下高質素嘅食物心情特別愉快開心！最先上就係個溫泉蛋沙律，中間位置有隻流心溫泉蛋，大大碟加埋啲香濃嘅芝士絲，配上新鮮爽口嘅沙律菜，絕對係食靚肉前清新一下口腔嘅選擇！沙律中還有脆口嘅腰果，十分有口感！加埋杯冰凍黑啤準備食燒飛驒牛！接住就係今晚主角飛驒牛五部位，有油脂濃郁美味嘅霜降西冷，在爐上十分惹火，入口香軟味濃充滿油脂，肉質滑嫩脂肪分布適中嘅赤身里脊肉，油脂十足入口容化感覺一流，用火時間不要太耐，亦不用不停反轉，見血水出就可以轉身，真係好忙五款口味各具特色，現在自己燒更加要㗳真啲！燒完靚和牛肉就上埋個牛尾湯烏冬，湯底味道濃郁配上煙韌彈牙嘅烏冬真係十分完滿，加埋湯中用還有牛骨十分足料！雖然暫時未能外出旅遊，但勝在有這樣質素嘅餐廳可以品嘗到足不出港嘅美食！

好友約我今晚到銅鑼灣一間以優質A5和牛作招徠的燒肉店晚飯。 這間獲得海外得獎的*肉料理.廣* 好友的同事光顧完口碑一致讚好！食材高質！服務優質！而且還有多項不同優惠價推出，是來吃高級和牛的好時機！ 主打飛驒牛，職員細心詳盡地介紹牛的不同部位，平日我比較少光顧如此高質的燒肉店，今次真令我大開眼介！ 疫情下一些探熱，搓手的 預防設施都做足，包括坐位之間也設有小 屏風相間。食客坐得舒服，食得安心，放心！十分多款式套餐配搭選擇！經店長細心推介，我們選了一份A5飛驒牛盛合試試……韓式泡菜和 醃菜拼盤 $ 60先讓 味蕾醒一醒！燒肉與自家製梅酒也相當匹配！$ 60梅味清香，冰粒溶化後令梅酒的濃淡度剛剛好！厚切牛舌 $ 240牛舌肥美甘香由於厚切，入口爽脆非常好的口感！A5飛彈牛盛合 $ 520五個不同的部位;里脊肉，牛肩肉，上後腰脊肉，霜降西冷，臀骨肉。每款二件，一出場心情興奮不已！聞名不如見面！每片肉的油花分佈平均！急不及待了……先由西冷開始食！在網爐上輕輕翻 兩下巳經可以了，入口即溶超軟嫩啊！真是難忘的第一口！店長表示每個部位都各有韻味……再慢慢細嚐以下的部位; 跟住牛肩

肉料理廣，一看名字是吃肉的地方，而肉又跟酒很配合，所以有云酒肉酒肉，酒同肉不能分開的，這裏有自家製的梅酒，當然要一杯，酒味香濃帶一點酸甜的味道，跟肉類很夾。前菜為韓式雜菜，沙律菜新鮮，先吃一點纖維食物，可使吃肉時的油分吸收較少。先來的厚切牛舌，肉色紅粉緋緋，賣相吸引，經店員的耐心教道及幫忙燒烤，牛舌內軟外脆，入口後油脂滿口四散。再來是飛驒牛肩肉，真的是霜降，油花滿滿，燒出來的成品肉質嫩滑，肉的纖維感覺較咬口十足。再要了威士忌梳打，威士忌的甘香，使肉的味道提升，而且減低了肉的油膩感。再來是壽喜燒風和牛西冷，食店把西冷切得很薄，肉味濃油脂分佈平均，而且食店先用醬油醃製，燒出來的肉風味十足，店員還配上了蛋加海膽的特別醬汁，味道滿分。最後的甜品是芝麻雪糕，芝麻香，雪糕滑。味道: 好肉在此尋環境: 燒肉店來說，沒有太大油煙衛生: 整潔服務: 殷勤價錢: 中等

家姐話想食燒肉問我有冇好介紹，一講到燒肉我就諗起飛驒牛，懷念每年冬天喺高山吃的燒肉料理。立即行動上網訂位，肉料理 廣位置於銅鑼灣 中心位置，非常方便。餐廳主打飛驒牛，衛生措施做得好，座位之間空間感又夠大，唔怕人迫人，有足夠安全距離，而且店員服務細心，整個美食體驗都很舒服。壺漬小牛排（汁燒）$210還記得多年前於白川鄉第一次品嚐到壺漬牛小排，味蕾得到滿足，當時窗外飄著雪，這麼多年後仍然充滿美好的回憶。燒肉放在烤爐上，肉怎麼這麼好吃呢！壺漬牛小排都醃得剛好，打開陶壺的蓋已經瀰漫着醬汁與蒜香。牛小排放在爐火上燒烤翻兩下，燒肉香味誘人。日本 A5 飛驒牛盛盒 2片/each $520一次過可以品嚐飛驒牛五個部位，果然是超級推介！包括赤身 里脊肉、赤身 上後腰脊肉、 赤身 臀骨肉、霜降 牛肩肉、霜降 西冷。雖然只有兩片，每人一片少吃多滋味。A5 飛驒牛 裏面我特別喜歡霜降 牛肩肉，美麗的霜降脂肪，油花多而且味道濃厚。肉質軟嫩，入口即溶的口感回味無窮。碎飛驒牛他他 $100牛他他唔係周圍都有得食，我更加唔夠膽隨便吃，因為始終係生牛肉，要信得過食店的衛生環境和師傅處理方法，這裡我很放心。大廚還加入了

老公提了多次說要食燒肉，我個腦叮一聲就諗起呢間。通風系統好，坐得舒適，店員親切有禮，食物又優質。未開始燒時，叫返啲前菜小食先。<雞泡魚乾>燒雞泡魚乾都係第一次，未燒之前，雞泡魚乾好似透明，脆卜卜，燒咗之後，口感變軟，有啲甜味。<韓式雜菜>沙律菜好新鮮，醬汁有啲微辣。幸得店員幫手燒，才不會浪費了牛舌。<厚切牛舌>店員燒到外脆內軟，口感腍而多汁，略有少許鹽的味道，冇羶味，店員建議點檸檬汁更夾。<飛驒牛肩肉>油花分佈均勻，口感柔軟，有肉汁，油分充足。<壽喜燒風和牛西冷>將黑松露蛋黃汁拌勻，再將成塊西冷浸落蛋黃汁，這片西冷軟嫩多汁，特別矜貴。<辣味牛排湯飯>湯飯最啱天氣凍凍地食，牛排夠腍冇黏牙，肉味濃，湯底微辣。食埋甜品再飲返杯梅酒先。

好幾年前的伊呂波食過好幾次，最回味就是壺浸牛排肉。當知道伊呂波再次開店當然要孖住老公過來撐枱腳😜每人提供一件「保護衣」好貼心，又唔怕油彈在衣服上☺️必點壺浸牛排，其實🈶️日本🇯🇵和美國🇺🇸肉排不過都係選美國🇺🇸肉貪佢夠咬口又少D脂肪。另外再點個9️⃣種肉拼盤➕2️⃣個菜拼盤就啱啱好，用心的擺盤很精緻，雖然只有雞是來自日本，但來自美國🇺🇸和澳洲澳洲🇦🇺的牛肉脂肪較少所以絕對適合又要食又怕肥的我們😅送埋雪糕仲全單有85折都幾抵食，下次要再來試試每月精選😋

已經第三次幫襯，每次都沒有失望，坐位舒適，店員有禮招呼很好，通風也不錯，吃完離開後不會一身油煙味！ 除了牛之外，天婦羅及茶碗蒸都做得比很多日本餐廳更好味道，下次仍會繼續幫襯！

今日誤打誤撞嚟到呢一間日本燒肉店。前身為伊呂波。因為中午嘅午餐有八折優惠，決定上嚟一試。我哋坐嘅位置好有東京六歌仙嘅感覺😍⋯⋯去唔到日本，喺香港食返餐日本燒肉都好開心。我哋點左兩個set lunch:1) 超份量薄切牛排定食（180g)$902) 超份量牛空腹定食（180g)$130忍唔住食咗個茶碗蒸先。🥰裏面竟然有帶子同埋肉片👍🏻啲蛋亦都好滑。正！牛肉嘅份量超乎預期之多。尤其薄切嗰個牛排份量足，而且肉質可以接受。不錯👍🏻啲飯都係用日本米。🤓好好味。亦可refill最驚喜係個甜品，竟然係我至愛嘅豆腐雪糕🥰。呢度啲服務態度好好。啲人好有禮貌。亦都好勤快幫你清潔枱面。食得好開心。整體超滿意。午餐都仲有八折優惠實在不得了。超級推介。

疫情關係，有排都唔可以去日本，今日約咗好朋友去回味下最喜歡嘅飛驒牛，在日本食過咁多次佢最鍾意就係呢一隻叫咗個$980嘅套餐，套餐冇折扣。份量不是太多，老實說對個牛幾失望，同喺日本食嘅質素有距離，唔知點解咁唔同，反而令一碟普普通通嘅都唔錯，有啲驚喜加錢由白飯轉咗個鰻魚石頭鍋飯，個鰻魚竟然係凍嘅，估唔到呢個餐廳嘅質素係咁，失望食完成個餐都唔係好飽服務方面OK的，環境坐得舒服整體來講牛係好食，但呢個價錢性價比一般。