聰嫂私房甜品 (已結業)

成日聽到聰嫂依間野，突登黎試...夜晚好多人..等左成半個鐘，而且間鋪唔係好多位，大約得35個位1. 薑汁意大利涼粉 - 好重薑汁味，可能我唔食得咁涼ge野，食左一半有d頭暈暈...但都唔錯!2. 綠茶杏仁豆腐花 - 好好味! 杏仁味好香，豆腐花好滑!3. 杏仁芝麻糊 - d芝麻糊味怪怪地...同埋佢好似同d杏仁撈埋左之後起左好多一粒粒野咁..唔知咩黎...好沙咁...唔滑4. 合桃糊 - 好香，但都係好沙，望落去好似麥皮，我唔知佢係突登整成咁，定係點樣...都係一粒粒，好鬼結..但味係唔錯食完就要即刻走，因為出面太多人等位..你坐得耐，人地就會催你

聰嫂甜品, 想試好耐~ 今次終於搵到機會黎試~一行四人, 叫左5樣野~綠茶紅豆Q果, 睇落好似幾好食, 但食落就覺得太甜!! 2隻味都好甜.... 芒果布甸, 事實與menu 不乎... 同menu 個樣係2回事, 不過, 味道都還可以~紅豆西米露, 好似食紅豆冰咁, 都幾滑, 幾香~芒果椰果西米露, 呢個我無試到, 不過, 小朋友話幾好食, 只係杰左d...薑汁柚子果凍, 果凍幾好, 凍凍爽爽的; 甜品好有薑味, 不過, 食多幾啖就會覺得薑味太太太太太濃... 濃到我食左一半就再食唔落啦 (我本身係一個食得薑, 食得辣的人)...叫西米露gei 話, 佢會好細心咁另上一小杯西米, 等你可以食到一半gei 時候再加~ 呢樣野值得一讚!不過食完之後真係有d失望....可能一開始期望過高食完覺得不外如是.....應該無下次lu...

本人很少吃甜品吃都是朋友提出先去今次吃聰嫂第一次吃朋友話芒果雙皮奶OK($28)就叫啦好有薑汁味雙皮奶香滑芒果大大塊正啊!其他款的賣相都好正!

" 聰嫂個榴槤水晶珠真係好好味o家 !! "聽老婆講左成年有多喇 , 尋晚終於去左食特登搭車去到寶琳就係為左榴槤水晶珠喇 =)去到己經好多人排隊 , 睇下佢地 d 報導老婆叫我揀食乜 , 因為唔鍾意食豆腐花 ...又唔鍾意食龍眼 , 就諗住叫薑汁意大利涼粉 ,不過睇下睇下又覺得無乜特別 , 入到去睇 menu ,見到芒果汁柚子果凍 , 都係普通野不過幾吸引我所以改叫呢個 ^^ 老婆就叫佢o既訓身推介 xp個果凍唔係好似一舊o者喱咁係一粒粒 ,連 d 芒果汁一齊食好正好好味 , 個芒果汁好冰凍又唔會好甜仲好香芒果味 , 老婆話 d 汁遮晒 d 柚子味 tim ar榴槤水晶珠一落台就聞到好香榴槤味 ^v^老婆好鍾意食o個 d 卜卜聲水晶珠 , 呢個真係好味呀 , 不過我覺得太 " 奶 " 喇同其實地方食到o個 d 榴槤甜品相比係香 d 滑 d 喎 食完晒老婆唔夠喉再叫左個椰汁南瓜露 ,由於我唔好食熱糖水所以只係試左一淡 ,呢碗野真係真材實料到暈 , 一不落有勁多南瓜肉係匙匙都有咁多喎 , 如果無咁重椰汁味加有凍食就 arm 我喇

8 -08 - 2008喱一日夜晚專登同個fd出o黎食宵夜因為奧運開始, 所有電視節目都離不開奧運自問不是奧運支持者, 所以出o黎食o下宵夜, 傾o下計仲好聰嫂冇論任何鐘數都可以見到門口有好多人等位反正冇o野做, 等o下都冇妨, 等o左都係一陣, 好快就有枱la聰嫂ge甜品款式冇松記o個啲咁多, 但我地重質不重量先o黎一個士多啤梨豆腐花同埋椰汁芒果西米露試o左一啖朋友ge士多啤梨豆腐花, 真係好好味wo, 好香士多啤梨味佢吾同公和o個啲, 剩係用士多啤梨jam加落啲豆腐花到而係用士多啤梨打成茸先加落豆腐花到, 其實食落有啲似乳酪到椰汁芒果西米露, 椰汁味好香, 好濃, 芒果好甜出面o個啲甜品店用酸芒果, 搞到成個甜品都好難食而且份量都好夠, 我同朋友食完, 大家都捧住個肚離開本來仲想食芒果斑戟, 已經食吾落lu不過環境方面真係有啲失色, 天花板冷氣槽滴水, 隔離枱ge人都要閃避聰嫂快啲搞o下個冷氣去la, 啲水滴落人地碗糖水到, 真係會食壞人ga

最近來了兩次分別吃過杏仁茶燉蛋白和杏仁茶白果雪耳前者非常的足料,碗底全是蛋白吃飽以後馬上吃這個的話,相信肚子會撐上好一陣子這裡的杏仁茶不太甜之餘也夠滑,跟蛋白配著吃,吃了一整碗也不會覺得"漏",但杏香卻出奇地弱(大概是加了牛奶進去煮?)假如杏香能夠再重一點會更好後者白果煮得不夠淋,微苦的白果跟杏仁茶不怎麼搭雪耳的份量亦少到一個不行,乃下下之作一正一負,給你一個ok面好了

食完布袋澳海鮮 (已是個多星期前的事情了)，撘返車出將軍澳，順道來了聰嫂。八點幾去到，都要等幾張飛先有位 ~ 諗住會幾好食啦﹗但食完之後，同朋友都認為只屬一般。 我叫左個生磨杏仁茶，都叫香既，但覺得佢唔夠滑，仲有杏仁味唔夠濃，不過不失之作。 朋友分別叫左榴槤水晶珠、椰果龍眼冰和涼粉: 榴槤水晶珠唔夠發記的榴槤飄香好食；涼粉甜左少少，屬一般；至於椰果龍眼冰就幾好，d 龍眼清甜，整體來說都叫幾清新。本人真係少入 tko，我諗第日都冇乜機會再去食了。

早兩個星期同幾個朋友去果度食飯後甜品。一去到就勁多人，等左三、四個字到先有得入去坐。我自己就點左龍眼沙冰。龍眼味很濃，口感有點像吃雪糕，天氣炎炎中品嘗果然不俗。舖頭環境方面，由於真係幾細間既關係，就係幾窄，同隔離枱既人手肘點手肘咁濟，不過就幾光猛同衛生，可以受到既。

主人有位同事經常勁讚這間甜品店，既然去了將軍澳，所以與奴隸獸就去試試，我們點了：1. 龍眼豆腐花（HK$24）：哇！好冰冰凍，有濃郁的龍眼味，雖然賣相不夠吸引，但味道不錯。在炎炎夏日食一碗，絕對可以消暑。2. 綠茶杏仁豆腐花（HK$22）：果凍食落滑嘟嘟，綠茶味清淡，杏仁豆腐夠滑，亦有淡淡的杏仁味。

想試聰嫂好耐，但成日係附近都冇食，琴晚想食甜品，專登車去食，成十點幾都仲好多人等位，唯有買外賣，攞張menu睇完又睇，都冇咩有興趣，最後揀咗咖啡紅豆涼粉，點知話冇做好耐(唔知點解唔劃咗佢)，結果男朋友幫我叫咗薑汁意大利涼粉，佢要楊枝金露豆腐花，其實都唔想食哩個，不過叫咗就算。兩個都唔係好食，本食唔太好薑味嘢，食咗一啖覺得唔好味，楊枝金露豆腐花又係麻麻，味道唔多夾咁。食完好掛住松X囉，聰嫂對我嚟講試一次夠晒。

尋晚去到拎32號飛仔,,叫到20號,,男友唔想等,,要order外賣,,我最中意佢個士多士多爺鵝西米露,,即係士多啤梨椰果西米露..酸酸甜甜,,入面又有d脆冰咬下,,所以每次必叫,,今次又想食榴槤pancake,,加多個Q果($18/6粒),,唔係好記得每個既價錢,,總之total$56,,我的最愛依舊好味,,好彩回到家d碎冰未溶哂ja,,所以穩陣都係堂食好d,,個pancake我同男友一致認為好味,,可能榴槤當造既關係,,好大舊榴槤肉,,wow""至於個Q果係個皮比較好咬之外,,完全無驚喜,,可以講係唔好食tim呀!!下次唔會再買依個,,可能因為我地得2個人,,所以我地走既時候叫到32號了,,,,,,,,,,,,,,,,,,

去好日都唔去的新都城行0下, 行到悶0黎食個糖水. 選擇唔少, 見有榴槤供應, 叫個榴槤水晶珠 ($25) 試試.脆卜卜的水晶珠之前0係松記食過 (松記的好似叫「琉璃」...?), 無乜特別; 中間有一 pat 好綿的榴槤肉, 旁邊的係榴槤刨冰加奶 (?), 攪埋一齊食落十足雪糕, 味道濃郁又好甜, 勁正! 同已經好掂的發記「榴槤飄香」比較, 絕對有過之而無不及, 嗜榴槤的, 值得試試!小店環境 ok, 光猛好坐; 招呼就無乜特別.$25 一客, 抵食, 0黎開呢頭的話一定會再0黎食! 不過既然身邊人 10 個有 9 個都視榴槤如糞土, 同大伙兒食糖水叫一次榴槤就會俾人講足成年, 下次0黎的話, 應該都會又係一個人0黎了.

男朋友住將軍澳, 話呢間野日日都勁多人等位, 今日我地都要試下最出名就係龍眼椰果冰同姜汁芒果豆腐花, 就要呢2樣啦!!龍眼椰果冰有龍眼粒, 好重龍眼味, 好清甜, 真係一個好清新同特別既甜品姜汁芒果豆腐花係姜汁啫哩, 好得意呀, 少少辣少少姜味, 有D西米樣但又唔係西米既粒粒, 好得意, 豆腐花有椰汁同芒果, 食唔到有無豆味, 不過就好滑以呢個價位我覺得比滿記抵食, 不過超級多人, 要比D耐性等下位

上星期到將軍澳探朋友,順道到"聰嫂私房":-龍眼椰果冰-龍眼鮮甜無比,雖然龍眼及椰果只有數粒,一路食裏面都有龍眼肉,的確唔錯,真的想去食多次!薑汁意大利涼粉-薑汁不太濃,涼粉一條條好特別,賣相唔吸引,但味道OK開心樂園-鮮果好多,想樣樣都有可以試下

很喜歡聰嫂的豆腐花精選~ 呢一日食左士多啤梨豆腐花+蜜瓜豆腐花+龍眼冰.. 全部都好正~真材實料~一定要試一試~ 最重要係寶琳店鋪既服務一流~店員仲態度親切^^ 不枉我長途跋涉去捧場呢~