聰嫂私房甜品 (已結業)

試左"榴槤水晶珠"同"白果杏仁茶"榴槤水晶珠好香榴槤味,雪糕味道夠濃郁水晶珠好咬口搞到我唔食得凍野都食唔停口白果杏仁茶杏仁味濃,果然是招牌糖水但如果有多d蓮子的糖水就好啦

久聞聰嫂甜品之大名，但位處寶琳，對小弟來講就真係有D唔方便。咁啱拉大隊入布袋澳食海鮮，寶琳乃必經之地。仲唔乘機幫襯，點對得住自己?拉埋老友記一齊試，可以試多樣嘢ma...做嘅主要係較新派嘅甜品。事先做咗少少功課，就來個綠茶杏仁豆花...望見色水如雪白，未食已嗅到杏味。入口不特別甜，的確頗香杏仁味；豆花質感亦頗順口及滑，有水準。敗筆就係嗰堆綠茶啫喱粒，杏香完全蓋過綠茶特有味道，兩者不相往還，有如一對將分手嘅情人，各走各路...試一口老友嘅椰果龍眼冰。龍眼味又真的頗濃，顏色又係白雪雪，跟椰果頗匹配。呢一個，比綠杏花更出色..老實講，要專登入嚟食就有d大陣仗。但若果嚟開寶琳，又真係不可不試...

小妹尋日晚上因為聽左朋友話呢間d糖水好好味,咁我一家人就特登去試下啦,去到呢間野見到好多人等位,心諗緊係好好味啦,小妹一黎就叫左一個招牌糖水薑汁芒果豆腐花), 宜我細妹就叫左(西瓜涼粉黑珍珠),我媽味就叫左(意米腐竹白果豆漿),但我地食落覺得同普通既糖水無分別,d芒果又唔甜,另外個豆漿同普通既無分別真係唔知點解咁多人食,最後本人覺得元朗B仔涼粉好味好多。

尋晚食飽飯口痕痕想食甜品一諗就諗起聰嫂果個榴槤水晶珠喇於是叫埋朋友一起去食去左坑口果間因為坐得舒服D11點幾仲好多人食緊幸好一入門有位坐haahaaa餐\牌都唔駛睇呀即叫龍眼椰果冰同埋榴槤水晶珠haahaaa勁好味呀真係可以再食多幾碗好味好味好味好味

頌揚的家聚, 大家傾傾講講, 說不出的寫意. 重溫149陳年的舊相, 看到差不多10點, 只係吃了碗麵, 消化一下午餐吃得過飽的情形. 難得入到紫色線地帶, 當然想試試這區的名店: 聰嫂, 就提議大家一齊係度食甜品.等位人潮係勁多, 最後係等了差不多45分鐘先有位, 不好意思, 要大家陪我等. 其實這裡舖位細, 人多來的話, 係預了有排等. 兩個人反而快點有位.小弟不太敢食榴槤, 就揀了幾樣推介的甜品.椰汁芒果黑燸米$24: 8分, 芒果大大條, 都夠甜的, 係嫌黑燸米有些係硬了點.綠茶杏仁豆腐花$22: 9分, 最喜歡係這個甜品, 單單計杏仁豆腐花係好滑溜, 杏仁也夠香, 加上綠茶啫喱, 清清淡淡, 這個配搭相當不錯.薑汁意大利涼粉$20: 8分, 其實這個甜品係東寶也吃了不少次, 但此店係聲稱它們是首創的. 不過這裡的薑汁味係沒有那麼濃烈的, 不過就帶點辛辣, 幸好落的花奶係比較多, 也因如此, 吃落口的感覺係比較像一客甜品. 都幾喜歡.大家叫了兩種榴槤甜品: 榴槤黑燸米$25同埋榴槤水晶珠$25, 小弟沒有試了, 但係大家比較喜歡榴槤水晶珠, 喜歡榴槤的, 此店係不能不來, 大家

我算得上係聰嫂既常客幾乎每個星期都會食一次夏天至愛當然係佢\個龍眼冰啦芒果西米露亦都唔錯至於好貴既芒果雙皮奶我就覺得普普通通，唔值28蚊綠茶杏仁豆腐花d綠茶啫喱好好食，不過我一直有個疑問，佢\d豆腐花係咪百福一盒盒果d黎架？係既會有少少失望，但都無損佢\整體表現熱食方面佢\d生磨杏仁茶/合桃露都好正又香又濃又滑仲有我推介南瓜露，好有口感又唔太甜，不過食完飯後食一定會飽死，所以我有時候唔想食lunch但又想食少少飽飽地既野都會食南瓜露佢\特色糖水都做得唔錯不過傳統d，例如紅棗茶(我唔記得全名，但記得有紅棗)、蕃薯糖水果d就麻麻喇，而且又細盅，唔多抵食但總括黎講，我都非常鍾意食佢\d甜品至於服務態度方面，喺peak hour就真係差少少但冇人果時我覺得都ok啦環境方面，其實我鍾意寶林果間多d，可能食開有感情但如果要坐得舒服就坑口果間好好多

食完飯後,奶奶話想去聰嫂道,我地立刻9秒9起行,雖然好多人,都好快有位,奶奶都未坐低,已經點左榴槤水晶珠,我最愛都係佢,好快已經食完,正!老公就食左楊枝甘露,一行三人,好滿足咁返屋企....

大約在早兩星期前,和一位好耐冇見既朋友到此店食碗糖水,須手傾下計!我叫左芒果雙皮奶,朋友就叫左芒果杏仁豆腐花!芒果雙皮奶做得好好,芒果新鮮~在芒果下面係一d好似奶"色"的東西,都幾香芒果味!最下面係薑汁雙皮奶..好好味,又夠新意!我自己當然都有試下朋友個芒果杏仁豆腐花啦芒果我冇食到,不過朋友話好"孫",食唔落口...豆腐花幾滑,不過我覺得杏仁味好似太重...搶左芒果同豆腐花的位置,變成了主角...同時芒果杏仁豆腐花,上面有一些一粒粒的透過珍珠的物體,不過冇咩味..但係咬落去卜卜趣~不過,我自己覺得店員係服務真係好似差左小小...e點真係有小小扣分...一坐入去就企埋泥吹你落單...當時我叫野食先,朋友就想再睇下有咩食...但係個樓面就好似黑口黑面咁,比我感覺係點解你地2個人叫一碗?之後收錢,casher果到又冇人係到,一次過有3桌人埋單,casher做野手腳慢...攪到當時情形有d混亂...價錢方面我自己就覺得間唔中一次半次可以接受...不竟份量真係小左d...芒果雙皮奶$28芒果杏仁豆腐花$ 22

今天下午去聰嫂食甜品，三個人要等位，入到去坐得好逼，後來換了好些，原本的二人三個人逼埋一堆。我點的是雜果椰汁涼粉，大大碗，雜果有士多啤梨半個、香蕉、西瓜、蜜瓜，西瓜佔了四分一碗，椰汁勁多，美中不足是涼粉太少，整體味道不錯，服務態度好。

唔知大家鍾唔鍾意食榴槤架呢?? 如果鍾意的話, 就真係要試試個榴槤水晶珠喇. 簡直冇得頂呀, 超正, 直得試完再試呀, 食完成口都係榴槤餘香呀.如果唔太好榴槤朋友, 都仲有好多好選擇, 就好似楊枝甘露同士多啤梨椰果西米露.大家不防試試喎, 不過記住一點就係佢地間舖入夜會好多人架, 想食就早少少喇.

尤其喜歡龍眼椰果冰，而朋友就喜歡士多啤梨豆腐花。天氣凍，想叫店員落少冰，但坑口店員說店中沒有任何冰塊，她們是把龍眼、士多啤梨雪成冰，然後再刨碎，所以味道清甜，非一般甜品店做法可比。今日得十度，食完真係由心度震出離，但實在係太好味，所以每人都吃了兩種甜品。不過薑汁意大利涼粉就麻麻地，薑味唔夠，反而食到薄荷味。芒果班戟芒果大大舊，食過就唔會再讚滿x

總店和新的厚德分店都吃過, 但都是少人的時候去吃, 對於其繁忙時間的水準可沒其他食家知之其詳。某天冷的要命, 鑽了進去新店一探虛實。太凍, 沒要想試的咖啡紅豆涼粉, 倒要了一客杏仁茶蛋白($22)。一盅上桌, 上面是杏仁茶, 夠熱, 不太甜, 好像吃到少少杏仁渣, 不過再多少少杏仁味就仲好。燉蛋白在底部, 尚算嫩滑, 但感覺上頗健康因為實在不很甜。在舊店吃的反而不錯, 杏仁豆漿白果真的幾有杏仁香,夏天時吃的龍眼椰果冰就令我回味至今, 而且舊店阿姐的招呼也好像親切點的。新店就勝在地方開揚, 沒有舊店那種未滿座已逼爆的感覺。

好凍好凍．．食完提早左０既團年飯．．一家人黎呢度食糖水。我叫左個杏仁汁燉蛋白～　平時食多數係固體０既蛋白．．　所以一上枱見到係液體咁０既樣．．心中不禁起疑．．．　原來係盅裡有一半係蛋白．．然後上面有杏仁汁加上去．．食０既時候撈埋一齊食．．真係滑ｄ～．．　試左屋企人另外個個南瓜露，，都好好味，好有口感．．而且不太甜～　另外仲叫左芒果ｐａｎｃａｋｅ．．　好大件芒果係入面．．　不過一碟只有兩件．．少左ｄ０咼．．食完即時暖左ｄ．．

佢地d杏仁露真係一絕, 好好味! 又唔係好甜, 一個字”正”!

昨日上openrice 看到聰嫂有這麼多好評之後，好奇心驅使下便決定去試試看。吃過晚飯，於寶琳逛過街後，到達聰嫂門前只不過是9 點許\\\，但已經有好多人在守候。等位的時間不長，點好了甜品轉個眼就送到跟前。男友點了一個芒果涼粉，而最愛豆腐花的我就點了一碗紅豆蓉豆腐花。平常在外面吃到的涼粉，很多都是沒有味道的；不過這裡的終於可以讓我們吃到久違了的涼粉味！豆腐花雖然及不上大澳裡吃到的那麼滑，但紅豆蓉味濃，再加上那些很有咬感的水晶珠，味道及賣相整體而言都不錯。價錢貴不貴，見人見智。但相比起坊間其他造價與聰嫂差不多的甜品店而言，聰嫂無論於味道還是款式都略勝一籌。不過人氣增加，水準很多時都會變得難以維持…希望下次再造訪時都能夠保持水準就好了。