聰嫂星級甜品 (已結業)

今日休假出街出阿妹去揾食，佢話好掛住聰嫂嘅甜品，咁我地就決定下午茶時間去喇，今日可能系星期日，特別多人，好長一條隊啊，不過我地都胃食，唯有等喇，呢間店唔算大，但環境都算干凈嘅，最主要系甜品好食。阿妺中意呢度嘅黑芝麻糊，佢話芝麻味好濃，應該系現磨嘅，又香又濃，好重芝麻味，又唔系好甜，好適合我地女仔食，食完一碗都唔覺得膩。榴蓮班戟，我系榴蓮控，所以每次嚟到都會點榴蓮甜品，加上佢嘅榴蓮甜品都做得唔錯，中意食榴蓮嘅朋友可以一試。班戟皮整得好香軟，有好香奶味，包住好大舊榴蓮肉，榴蓮好香好甜，好好食。榴蓮水晶珠，同樣好大舊榴蓮肉，都系甘甜甘香，冰沙做得好出色，無冰渣，水晶珠又彈牙，其他甜品班戟同糖水都唔錯嘅，可以一試。

今晚唔駛OT，囡囡話想食甜品，老公又啱翻到，既然人齊，去食甜品嚕。食甜品去邊好呢？？緊喺嚟聰嫂度喇，出品好服務好，又夠抵食喎。今日去到唔使等就有位。環境麻麻地，地方比較細，都幾逼嚇嘅。我點咗榴槤水晶珠，好臭嘅榴槤香味，聞一聞好精神！唔喺只得香嘅，睇下，大大塊榴槤響上面嘅，夠曬滑。榴槤沙冰好似食緊雪糕咁，正！水晶珠好冰甜，輕輕一咬就爆好過隱。榴槤控嘅我食完榴槤水晶珠都未夠喉，要點多個榴槤班戟，榴槤好香，餡好新鮮好甜。榴槤同Cream 嘅比例啱啱好，個皮好軟，一啖咬落去好滑，簡直可以直接滑入個肚度啦。老公點左個椰果龍眼冰，老公話喺用新鮮龍眼肉同椰汁打成冰渣嘅喎，椰汁好香，有好多塊椰果，水晶珠口感好好，佢話好似食緊三文魚籽咁喎。囡囡話佢好凍唔想食凍嘅，佢點左個熱生磨杏仁茶，杏仁好香好滑，而且冇渣。

成日聽朋友提起呢間店，今次朋友又話來食就一齊去試下咯，係面口就覺得裡面好多人吖，不过再多都無排隊嘅人多，特別是飯點嘅時候，足足排咗差唔多20分鐘店。然後企呢度店比較細，放嘅臺臺櫈櫈太多所以地方更窄了，不過張凳都算大，裡面仲有華仔嘅題字，我好中意華仔吖。。椰果龍眼冰很特別，真係有真嘅龍眼係裡面，D龍眼清甜清甜嘅又大粒，椰果又粒粒分明，仲有D冰晶又Q又彈非常有嚼勁，成碗甜品都晶瑩剔透的，望落好靚，而且味道又好正，真係色香味俱全吖，食得我成身都起曬雞皮，一半是好味嘅一半係凍嘅、楊枝甘露都值得一試，柚子粒很多很脆，一咬就爆漿，好爽，D芒果汁感覺就係果汁一樣，好香好香的，呢度D楊枝甘露真係真材實料到嚇到你啊、真係值得試下！

今日實在係推拖不掉一個朋友的朋友的飯局，所以遠遠來到聰嫂私房甜品度赴約，只是為了一個下午茶，所以心入邊系不太愉快嘅。點了一個平時沒見過嘅士多啤梨豆腐花，原諒我咁low，真系為食過，士多啤梨味豆腐花本身就系令人覺得好甜美，如果濃嘅話仲會令人覺得發膩，不過好好在聰嫂系呢方面處理的非常好，豆腐花好滑喉，顏色系淡淡嘅粉紅色咁，個樣睇落真系好得意。榴槤俗稱水果王子，所以點埋個榴槤水晶珠，個樣都系好特別下，榴槤味道好馥鬱，香氣四散吖！好耐未試過咁香嘅榴槤味甜品喇，霎時覺得之前不開心嘅心情都消散曬，真系好開心，價錢又唔會好貴窩！

今次叫咗芝麻合桃露，芒果雙皮奶同芋頭西米露，真心抵食，3碗糖水都不用$100。芒果雙皮奶的芒果很多而且很新鮮。熱的芋頭西米露顯得竽頭的香，配上西米露，很有口感。

今晚同阿媽去超市買野，返嚟果時經過聰嫂私房甜品，呢間明星小店，唔起眼，甚至可以講位置難揾，但咁夜都長長一條隊，阿媽話不如我地都去排隊食個糖水，呢間店出品唔錯，所以咁多人排隊都好正常。芒果班戟，本嚟想點榴蓮班戟嘅，但賣曬喇，就試下芒果班戟好唔好食啦，又幾好食哦，皮整得好香軟，奶油打發得好，芒果肉大舊，唔比榴蓮嘅品差。楊支金露，好多糖水店都有嘅一款糖水，但呢度整得好唔錯，有芒果肉柚子，西米同其他混合一起，再加上西米，睇得又食得，甜度剛剛好，糖水稠濃，每次嚟都會點。芒果杏汁豆花，佢呢度嘅豆花比較特別，加左西米，杏汁味好濃郁，芒果肉甜中帶D酸，豆花整得好滑，西米晶瑩剔透，都唔錯，都值得一試。

人氣爆棚的甜品店，而且仲系劉德華親筆題字嘅，就系銅羅灣耀華街果邊（即時代廣場隔離，銅鑼灣地鐵A出口出來後行上兩個路口轉右就系，行五分鐘左右），次次來銅鑼灣都必來嘅星級甜品店。雖說地方唔大，但系甜品正，唔怕港深……我同fd點左個招牌椰果龍眼冰同榴槤水晶珠椰果龍眼冰：fd話哩個遠睇落去有種雪山嘅feel，我就覺得睇落去好普通，清清淡淡咁，但食起來就好清爽，龍眼味好濃，且啖啖都系龍眼肉，感覺就是將冷凍的龍眼肉打成冰沙嘅感覺且帶有少少奶香味，非常真材實料！上面還鋪左椰果和爆珠，口感豐富！食到停唔到口。榴槤水晶珠：睇落好一般，其實系好有內涵嘅，底下果層碎冰裡面系有榴槤肉嘅，最上面加D水晶爆珠加以裝飾，榴槤香滑且味濃，爆珠就無乜味啦，主要系個口入面爆裂噶感覺，口感新奇。鐘意食榴槤嘅一定要試下，包保你食過返尋味。不過因為榴槤味超濃，一定要放到最後食，如果食左先再食其它就覺其他無乜味啦。

專登去銅鑼灣呢間聰嫂食甜品，我最鐘意就係食呢度噶榴槤水晶珠同埋芒果班戟，又平又抵食。 榴槤水晶珠噶榴槤味係超級無敵濃郁嘎，而且啲冰沙唔係水嚟噶，亦都唔係會食到一粒粒冰塊噶感覺，而真係軟綿綿噶冰沙，好滑，好細膩，好好食吖 楊枝甘露呢啲果肉好多，芒果都好多，而且果肉同芒果都幾甜，唔會話好酸。而且凍凍 ，食落喉嚨特別舒服，特別有口感 芒果班戟真係好正吖！通常一般噶糖水鋪噶芒果班戟入面啲芒果都唔會有咁多，不過呢度噶芒果班戟就唔同啦。切開入面，大部分都係芒果來嘎！！

天氣下降, 最好就係食番碗熱既糖水, 好好滋潤一下走到聰嫂買外賣, 點了蛋白杏仁茶, 其實它的名字是杏仁茶燉奶 ($27)難怪吃下去時可見到的燉奶是超多份量的, 杏仁茶及燉奶各佔一半先要讚賞的是盛著的膠碗, 我幾乎是買後一小時才進食也是熱呼呼的 (最好把膠袋也封住), 十分存氣杏仁茶味濃郁, 而且沒有渣的, 香滑易入口, 加上燉奶既香味, 令其更CREAMY燉奶既比例剛剛好, 不會過實或過水質, 而且火喉控制得好,爽滑質感, 一吃難忘杏仁茶唔一定配蛋白, 配上燉奶也一樣吃得滋味, 養顏值也很高

好耐之前食過一次聰嫂已經愛上左你, 因為實在太有甜品配搭太有創意同好味道, 不過每次食完飯想去食, 見到個條隊次次都令我打回頭, 真係好野!! 平日去都會見到有一條龍係度!! 所以次次都只可以過而不入!!今日見係星期一, 諗住同HONEY過去試下啦, 個時都已經成11點幾, 結果門口都仲有人排隊, 諗住走架啦, HONEY就話得4個人係前面, 排啦排啦, 咁我地就攞飛, 結果10分鐘左右已經有位啦!! 一坐低我又好似細路仔咁, 有選擇困難症, 好似款款都好想食! 最後攪左一輪, 我揀左芒果冰, 首先芒果味很重，而且好甜，而且個冰又幼細又好滑, 一入口即溶, 配埋新鮮既芒果肉, 西米珠珠, 口感更豐富, 如果夏天食消暑真係一流!! 可惜而家已經入冬了! 不過都無損我鐘意食凍既既心情, 大口大口吸入, 不消十五分鐘已經清左!HONEY就點左個薑汁芒果西米豆腐花, 我試過一啖薑味好重味, 但唔苦, 豆腐花真係好滑, 同好有豆味!! 凍天食真係一流!!

今日同男朋友食左幾樣新野，好開心其中一間就係聰嫂甜品了一向知道呢間店舖好出名，但係真係未試過（男朋友話好耐之前帶過我來，但我忘了）下午4點幾，門口都有十幾個人排隊但好好彩地，我同男朋友兩個人，前面都係三個人以上排隊，剛好有兩個位所以好快入得環境方面比較逼，大概係因為真係好受歡迎，想放多D位，同埋都唔想D人坐得耐啦之後叫左一個榴槤黑糯米同一個龍眼雪花冰溫度剛剛好，黑糯米香而不膩，唔會好似有D店咁加好多糖水，完全食到佢本身的香味榴槤清香，唔算特別重榴槤味，可能唔岩季節啦，但都OK GE水晶珠真係好值得一讚，未試過在其他甜品店食到，食落口感好好，而且有清甜的味道呢款一樣都有水晶珠，都一樣咁好食龍眼味唔算好濃，但都清甜的冰都整得幾好，食落口感唔錯呢間店係我試過眾多甜品店之中算幾鍾意的，甜品睇落簡單，但細節位做得好好，亦有做出自己店的特色同埋獨特的美味以後一定會再來！

因為聰嫂會送外賣,所以我係衣間公司都食左十幾廿次聰嫂.一開頭吾知食咩好,叫過紫米同芒果等等ge糖水,不過最近幾次都叫芒果涼粉豆腐花.因為我鐘意食芒果,又想食涼粉,都好愛豆腐花...明明見到個底好似有好多豆腐花咁,但係一食個時,好似吾見左d豆腐花咁...好碎呀d豆腐花/~~\一時時嫁,有時d豆腐花會多d,有時會少到得dd白色,不占涼粉就永遠都覺得好多好多,一定食夠.芒果呢,次次都甜嫁,good.不過食埋今次,下次就食其他野啦,食厭左lu.聽講係衣到食士多啤梨味ge野會有藥水味,聽講衣到ge龍眼冰好好味,無論幾凍都好佢地都會叫...我未食過,不過真係有一半同事叫龍眼冰,同埋佢地會keep住叫...我驚凍吾食.

被安排坐在廁所門前，有一股異味，現場人多嘈雜，搞到待應聽吾到客人order，而且甜品味道很一般，榴槤pancake皮厚餡劣，榴槤味不夠香濃，太乾身。憤怒鳥．．．

平時一直大排長龍，最近連日來颱風暴雨，讓小V可以不排隊就試試這家聞名已久的糖水鋪。位於銅鑼灣時代廣場附近的背街，靠近三C木球會，不是很好找。店面很小，坐的非常局促，以傳統港式糖水甜品為主。點了杏仁芒果豆腐花，榴蓮水晶珠，芝麻核桃露。每個甜品不能說精妙絕倫，但是配料一定精挑細選，實實在在，芒果，榴蓮，都很足料，十分香甜，杏仁汁豆腐花配的恰到好處，不會過甜，又能感受到甜品帶來的幸福感。能長期保持這樣的水準又是平民的價格才能使這樣一家背街小店能在各類甜品名店聚居之都還如此保持人氣的秘訣吧。

今晚太早食完晚飯，時間尚早，就決定食埋個甜品先返去。銅鑼灣出名既甜品有幾間，而聰嫂既知名度係銅鑼灣區黎講亦係數一數二，不過我黎試就只係第1次。好在我地黎既時間仲早，7點半。d人仲食緊晚飯既時間，所以仲有位， 入到去。坐得非常迫，不過我理解。鋪面地方淺窄，生意難做。當然想坐多d 做多d....我同我男友兩個人。分別點左 蜜瓜西米冰，同士多啤梨西米冰，大約兩三分鐘就到 我個蜜瓜西米冰 先看賣相。。西米是另上的 有少量蜜瓜粒。另外主要是淺青色既冰蓉狀。 先試一啖 嗯。原來係將蜜瓜同冰仲有少少甜糖水 一齊用攪拌機打碎至冰蓉， 甜甜地又凍冰冰。有少少似食緊雪糕一樣。至於我男友個個就淺粉紅色既士多啤梨西米冰，我試左一小啖。味道偏啖而酸， 食完覺得蜜瓜味好食d， 因為個蜜瓜味都幾濃。同西米粒撈左少量椰汁較配。