聰嫂星級甜品 (已結業)

聰嫂既招牌作之一絕對非榴槤水晶珠莫屬 對於我呢個榴槤控黎講都非常滿足 十次去聰嫂有九次都係點榴槤水晶珠榴槤水晶珠 ($34)榴槤冰上放住榴槤蓉 然後再加上水晶珠榴槤冰既榴槤味超濃郁 質地仲好綿密 加上真榴槤蓉 成個甜品既榴槤味更上一層樓水晶珠本來以為係西米果種軟軟地彈彈地既質地 點知原來係卜卜脆架榴槤愛好者必食推介 回味無窮

聰嫂私房甜品絕對對係我最愛的糖水鋪之一耐唔耐就會想去食佢的糖水大部份都好食而其中的榴槤水晶珠同芒果奶昔雙皮奶更加會令人食上癮芒果奶昔雙皮奶上面奶昔超香下面雙皮奶超滑！俾出名食雙皮奶果間餐廳好食得多佢啲芒果唔知係乜嘢牌子次次食都好甜榴槤水晶珠類似沙冰又有少少似雪糕夏天食一流上面D珠珠又有咬口榴槤粉絲一定要試下但八點pm後就多數要排隊

每次晚飯後來到聰嫂門外必定會看到人龍，但可以放心排，因為聰嫂上枱速度驚人，加上座位較狹小，通常食完都唔會坐低吹水，好快起身埋單。先黎我既杏汁芒果豆腐花，面頭有啲碎冰，同埋聰嫂最出名既爽口西米，加埋豆腐花咬咬下，非常有趣。芒果就有少少酸，扣返少少分，不過唔影響整體質素。呢個就唔係我點既，不過食左一啖，芒果沙冰少少酸好開胃，配合帶甜既椰果，中和了這個甜品既味道。埋單$57兩個人，諗返近黎好多甜品店閒閒地$5X一個甜品，就知聰嫂有幾抵啦~!

蜜瓜西米冰：透心涼、啖啖鮮甜蜜瓜冰！杏仁茶燉蛋白：杏仁香、蛋白滑！芋頭西米露：價錢平、份量多！三樣夾埋，只需73元！在銅鑼灣可以食到咁抵食的甜品，唯有聰嫂！

銅鑼灣想平平地食傳統甜品，一係松記一係聰嫂。因為今日響時代廣場附近，於是揀左聰嫂。星期三既夜晚九點幾，排隊既人潮不斷，有幸入座都唔好咁開心住，因為位與位之間基本上無咩距離，你一定會點住旁邊既陌生人坐。黎到呢度，當然要點榴槤甜品：榴槤水晶珠 $34每次都點既甜品，今日雪得有啲硬。榴槤肉下既榴槤冰雪得太凍既關係食落唔係太重榴槤味，但等一陣之後食味道會出番，水晶珠依舊卜卜脆，兩個人食一碗剛剛好唔會太滯。榴槤班戟 $24 呢個細細件都好好味，班戟皮雖然有啲厚，但中間既cream 同榴槤肉係6:4，cream令到整件班戟好creamy好濕潤，唔怕食到乾爭爭，更榴槤肉好香好軟滑，好抵食

呢間店由開店到而家，不論星期幾都好，都有長長既人龍就足以證明有幾受歡迎當晚同朋友一行三人去食一共食左四款甜品榴蓮水晶珠呢款係我今次點既甜品亦係我係間店最愛同最經常點既對於榴蓮愛好者，呢個甜品一定能夠令你滿足因為除左水晶珠下面既榴蓮肉外下面係一個用左好多榴蓮肉打成一個超濃既雪葩每一淡都會有榴蓮肉既存在香芋西米露（熱）香濃椰奶再配合香芋粒雖然價格便宜，但無偷工減料 薑汁柚子（凍）呢款甜品薑汁味極濃柚子啫喱很彈很有質感以及味道不會太甜薑汁及柚子啫喱兩者味道本身已經很不錯放在一起味道隨即更昇華 雙Q丸子一碟已經有2個口味分別是紅豆及綠茶味外皮十分煙韌有口感適合朋友share食我一定會再返泥食過架

下午逛得有點累，又有點口乾，一於去這家甜品店潤一潤。是曰我點了南北杏燉雪梨同合桃芝麻糊。南北杏川貝燉雪梨： 十分清甜，還有淡淡梨香，而且感覺十分清新滋潤。雪梨燉得軟稔，十分入味，估唔到這簡單甜點有此驚喜！合桃芝麻糊： 芝麻糊十分濃香，有強烈的芝麻味道，不似用粉開的；合桃糊的味道唔強烈，在芝麻糊的對比下顯得有點失色，但仍透淡淡果仁香。混合起來，頗香口，甜度適中，唯糊不夠幼滑，有少少粒粒狀，是美中不足之處。整體水準不錯，推介！

講起港式甜品 聰嫂一定係心目中首選呢個亦都係我覺得將軍澳人最幸福嘅事之一寶林坑口各有一間真係好幸福今日出到黎銅鑼灣 見到有時間又唔洗排隊就入咗去食第N次嘅聰嫂啦龍眼野果冰 $30今次嗌咗兩個聰嫂好出名嘅甜品第一個就係呢個龍眼野果冰啦聰嫂不嬲出名落重料 所以龍眼啲而且確係好多成碗冰都係好濃郁好香嘅龍眼仲要有絲絲龍眼肉 真係好幸福嘅甜品榴槤水晶珠 $34第二個聰嫂最出名 就係呢個榴槤水晶珠榴槤味超重 落得超足料超多榴槤除左成個冰都係濃郁榴槤之外上面仲有一大舊榴槤果肉肯肯定係榴槤迷必食嘅甜品

在銅鑼灣逛逛吓，有D倦、又有D口軌，最好能坐低潤一潤，想起聰嫂，便過去看看有冇位。因為是平日下午，所以客人不算太多，立即可以坐下點食物。朋友叫了一碗招牌甜品--杏仁芝蔴糊。她每次都叫這款甜品。杏仁芝蔴糊的杏仁很香，未吃已嗅到一陣杏仁的清香，再加入滑滑的芝蔴糊(芝蔴糊是自家磨的)，顏色黑白分明，味道又香又滑，杏仁茶沖淡了芝蔴糊的糊度，口感軟硬適中，這裏的甜品不會胡亂加糖，所以甜度亦恰到好處。我想試新野，又想在寒天下吃冰凍的甜品，見很多人食芒果豆腐花，故叫了一碗試試。在豆腐花面加入芒果沙冰，再加上鮮芒果。豆腐花香滑，凍冰冰的沙冰帶有芒果的鮮及酸，再加上新鮮芒果肉，一起放在口腔中，又凍又酸又滑又清甜，口感豐富極了。在這冷冰冰的天氣下吃凍品，卻不似想像中的冷，是一個不錯的嚐試。

今晚同朋友係銅鑼灣食完飯後，就去左耀華街度食聰嫂甜品！拎飛仔之後等左5分鐘到就入得！如果再夜dd既話！條人龍長到不得了！我就叫左個榴槤黑糯米，第一次食呢款甜品！榴槤肉香氣濃濃的，入口甘甜！有d珍珠既物體脆卜卜！好有口感雖然無味道~黑糯米亦都好香米味，配埋榴槤食相當好味每一啖都是享受！朋友就叫左個椰汁黑糯米豆腐花，我試左一啖！亦係一個非常好既配搭！椰汁味香濃，豆腐花滑滑清甜，亦非常值得推介

聰嫂私房甜點的話，事實上是我們附近都遠近聞名的甜品店，去到的時候發現人很多，都是排長龍的，我都是有時間的，所以就打算慢慢排隊嚟。點了一個杏仁豆漿白果，價錢不是很貴，西式甜品都是味道不錯的，水準都是不錯的，杏仁味道都是很濃鬱的，杏仁味是很吸引人的，杏仁好香，整一個的甜品都是很香杏仁味道，豆漿都是很新鮮的，入口都是很爽滑，看起來都是很漂亮的。最後我又忍不住點了一個榴槤班戟，味道出乎意料的好，口感真是細膩的，榴槤味道很純正的感覺，價錢都不是很高，放開肚皮食喇。招呼算是很周到的。

因為男友住港島區，所以住在九龍的我都經常去港島的～去完銅鑼灣食飯之後，又好似覺得唔夠飽，當然就有藉口去食返個甜品啦～男友就帶我到呢間好多人讚好的甜品店食啦～晚上9點多去到已經見到人龍了，不過想食好野就要等下啦～等左15-20分鐘左右就可以坐底啦～我地兩個都是芒果控，所以大家都點了芒果的甜品～芒果豆腐花（HK$27）除了有新鮮的芒果肉之外，仲有一些透明水晶珍珠作點綴，之後仲有芒果沙冰，最底層就是豆腐花～沙冰好有芒果味～芒果不太酸不太甜～好食～芒果奶昔雙皮奶（HK$32）這個都是有新鮮的芒果肉，份量都幾多，下層就是芒果奶昔，有少像沙冰，不過冰粒好幼細，好多奶味，而雙皮奶都好滑，跟芒果奶昔好夾呀！唔怪之得咁多人排隊，甜品特別之餘又唔係一般甜品店食到的美味，下次有機會再試下其他甜品先得！

甜而不膩，好吃！甜食種類很多樣，楊枝金露豆腐花是眾多網友推薦的，酸酸甜甜的好吃極了。看隔壁桌點了鮮什果水晶珠，大大一碗水果清爽冰涼，冬日吃起來特別過癮。上網查「糖不甩」原來是類似麻糬，也不錯。

星期日中午一點幾到，唔使排隊，幾多位坐。點左一碗楊枝甘露同一碗榴蓮水晶珠，人均30蚊，超級抵食！點完兩分鐘甜品就出，速度好快。榴蓮水晶榴蓮味好濃，榴槤肉都幾大夠，水晶珠好爽口，下面係冰，比較甜。楊枝甘露D芒果好甜，不過食完榴蓮再食就覺得無乜味。總體來講性價比好高！

係HK唔嚟聰嫂私房甜品食甜品嘅吃貨唔係一個好吃貨，是日，我哋終于湊到時間過嚟嘆一下佢嘅甜品喇；周末時間真係人潮涌涌，我哋足足排咗半個鐘先入到嚟，目測lee嗰排隊時間仲唔算太耐，聽人講有時會排長龍排足一個鐘以上，嚇死寶寶喇；作為榴梿控同芒果控，芒果班戟同埋榴莲班戟必不可少喇，再點多個士多啤梨豆腐花，椰果龍眼冰；真不愧為大熱甜品店，兩款班戟居然比我哋以前食過嘅好多甜品店都要好味道，材料份量足，水果味道鮮甜濃郁，簡直無得彈；士多啤梨豆腐花，椰果龍眼冰都係熱點推薦，味道同搭配比較有特色，最重要都係份量夠足價錢勁吸引，食到飽肚都唔會貴到肉赤！有興趣嘅老友記可以親臨一試！