聰嫂星級甜品 (已結業)

入到黎d侍應態度好差 忙都唔係冇禮貌 地方好逼 背貼背坐 仲佢會係咁行黎行去撞到人 都覺得好正常 叫左呢個龍眼冰 好濃龍眼味 入面仲有一粒粒既爆珠 都幾好食 不過太凍 d冰唔夠碎唔夠棉 食左唔夠一半已經凍到唔想食另外加錢叫左個綠茶啫喱 完全唔彈牙 綠茶味似大陸綠茶假既味道 完全麻麻 得個價錢係銅鑼灣黎講叫平

外國朋友想試試港式甜點，於是帶他到聰嫂。如果在大熱天時🌞吃一個室溫榴槤就必定會覺得太膩，所以愛吃榴槤的我當然會選擇細嚼混有冰沙的榴槤，一解悶熱。✨✨✨當中的水晶珠大大提升整體的口感，而榴槤肉足料，朋友亦表示滿意。分數：8/10

鍾意榴槤甜品嘅你，除咗飄香同忘返，仲有乜？？？咪就係聰嫂嘅榴槤水晶珠大大舊的榴槤肉，配上大大粒的水晶珠，仲有香噴噴嘅榴槤冰……提供咗另類的感覺，原來榴槤都可以咁清新！！自認榴槤痴的你，一定唔可以錯過

第一次來到灣仔聰嫂星級甜品，叫了一個芒汁柚子果凍超好食，超多料，汁味濃郁，超凍，夏天食一流，另一款薑汁意大利涼粉，薑味好重好食，涼粉一條條夠爽，配搭得天意無蓬，夏天必食。環境光淨，淸潔，職員有禮。當打開一道厠所門，從未見過一間甜品舖厠所咁寬敞，舒適，淸香。

我超級中意食芒果，見到咁多唔同口味嘅芒果，我決不能錯過，每次必揀芒果班戟，芒果奶昔雙皮奶。芒果班戟，切開後上層係潔白奶油，下層係芒果肉，奶油嫩滑鬆軟，芒果肉十分足料，香甜多汁。芒果奶昔雙皮奶，上面鋪滿芒果肉，色澤光亮誘人，果肉味十分鮮甜，濃香多汁。香滑奶昔酸甜可口，最底層雙皮奶，口感香甜嫩滑，入口即化。

晚飯食得不夠滿足，就選擇去聰嫂食到滿足!龍眼椰果冰雪白的龍眼椰果冰，冰冰凍凍，每啖入口都有龍眼肉，還有清甜的龍眼冰，加上面層的脆脆水晶珠及荔枝味椰果，增加口感，係聰嫂必食之選!

好耐無食過d港式既甜品店, 今日同朋友o係銅鑼灣食完飯意猶未盡, 一諗就諗起附近有聰嫂! 好彩時間尚早, 等位既人唔係太多, 等左大約10分鐘就有位, 想食d傳統d既甜品, 所以打算叫豆腐花, 原來豆腐花都有好多款, 最後揀左比較小見既薑汁豆腐花, 而朋友就要左芒果奶昔雙皮奶~ 薑汁豆腐花上面有幾粒芒果味既jelly, Vi就唔太中意d jelly, 覺得唔放好過放, 不過下面既薑汁豆腐花就好好味, 豆腐花好滑, 有淡淡豆腐味, 而薑汁加左奶, 味道唔會好辣, 估唔到薑奶同豆腐花咁夾, 食哂成碗都唔覺得滯, 推介而朋友既芒果奶昔雙皮奶都唔錯, 燉奶上面有一層芒果奶昔, 幾特別, 芒果奶昔食落似沙冰, 好冰涼, 而燉奶都好rich, 但就有d滯~

食完飯，再去食糖水～十點幾係食糖水的黃金時間，就算係平日，都有起碼十個人排緊隊～黎左幾次，都係食豆腐花，今日都係，不過唔再係配薑，而係配左蜜瓜～蜜瓜豆腐花～個蜜瓜雪糕/冰好重蜜瓜味～豆腐花好滑，仲有少少豆味～兩樣加埋一齊食～好好食～友人叫龍眼冰～水準同之前食等一樣～重龍眼味，個冰，唔算係好幼果種，再配有椰果，又有得咬下～正！

聽講聰嫂系米其林，不過唔系好sure。凈喺知道銅鑼灣有間超級出名嘅星級甜品店，點咗三分甜品都未夠100蚊。一份榴蓮水晶珠、芒果班戟同埋楊枝甘露豆腐花~~~老公一直想食榴蓮，呢度好多人都推介，自己又跟風叫咗一碗試試~~榴蓮水晶珠超級無敵好食！！！雪糕系榴蓮味嘅，上面嘅果肉都係榴蓮一啖榴蓮肉一啖雪糕，再加上水晶珠入口爆開嘅感覺，正！芒果班級，入面超多果肉...厚厚一大舊，啲cream唔算太多，所以唔會覺得油膩。楊枝甘露豆腐花，冰冰涼涼，好啱夏天食。下面系嫩滑嘅豆腐~

聽嫂 — 兩款必食❴榴槤水晶珠 HK$35 ❵Durian dessert😋😋😋佢正在真係有榴槤肉，同好強烈既榴槤香味!!.❴龍眼椰果冰 HK$32 ❵夏天食真係好消暑。 冰不是普通的冰，而是加了龍眼肉，椰汁等混合成。超香椰汁龍眼味。 Super 正

今日做嘢效率特別高，為左獎勵下自己甘高能嘅工作效率，就偷偷出去嘆個下午茶，今日下午茶特別想食甜品，附近比較好食嘅甜品店應該要數聰嫂喇，不過聰嫂而家應該一般都要等位，好多到港旅游嘅游客都會揸住地圖過嚟揾食。雖然人多，但環境都算優雅，我本嚟就系一個榴蓮控，所以點嘅兩款甜品都同榴蓮有關，而且呢度嘅榴蓮甜品好足料，榴蓮同甜結合得好好。榴蓮冰晶珠個樣好靚，真系粒粒晶瑩剔透，晶瑩嘅西米鋪系大大舊榴蓮肉上邊，睇見已經食欲大開，好榴蓮好香滑，好香榴蓮味。跟住仲點左個榴蓮班戟，呢個鐘意食榴蓮嘅千其唔好錯過，松軟嘅班戟皮包住大大舊榴蓮肉，榴蓮肉都系好香甜，唔錯啊。

芒果奶昔雙皮奶芒果鮮甜，甜得尼仲一啲都唔artificial💛再加上佢嘅奶昔(似係芒果加奶嘅沙冰)好適合夏天食，雙皮奶就冇咩特別只係普通嘅燉奶，但係奶味都好夠🐄#必食food 係香港島冇可能冇食過聰嫂由佢喺銅鑼灣開店到而家未試過唔使排隊就入得去🚶🏻佢唔似其他嘅甜品店得一時嘅gimmick而係長期受歡迎👏🏼👏🏼店入面嘅椰果冰一樣咁吸引如果有兩個胃嘅話一定會食晒佢

食完晚飯有個甜品胃未滿足,黎親銅鑼灣食飯都一定會去聰嫂食返個甜品!11點幾大概有十幾人排隊,排左10分鐘左右就可以入內。店內環境比較擠迫, 感覺將軍澳店環境較為闊落~同行好友點了榴槤黑糯米除了香濃榴槤蓉同黑糯米外,仲有水晶珠及榴槤沙冰, 口感豐富, 正!我選了芝麻合桃露香濃的芝麻糊加上口感幼滑的合桃露,兩者一拍即合, 健康美味又養顏!

同朋友二人九點幾嚟食間嘢啲位迫過劏房，係坐滿人會懷孕果種入門已見企住幾位黑面員工諗住佢搬新位置後都無食過，照入去啦員工嘅語氣果然同佢個樣一樣好似全世界欠佢錢好明顯係做到燥咗甜品幾好食都冇用

如果香港有甜品米芝蓮，「聰嫂」一定係數一數二 ! 除左係因為店內有萬人迷劉德華提字，吾少得梗係甜品真材實料，絕無欺場。所以好多時候去到聰嫂都一定要排隊芒果椰果冰 椰果冰好正，面頭配上不少的芒果粒，聰嫂既芒果好甜，配上細細透明的QQ珍珠粒同清甜既椰果，一口芒果沙冰一口配料真係夏天透心涼之選🌞龍眼椰果冰依個絕對係聰嫂既招牌甜品成個甜品簡直襯哂色，白雪雪，好似幾粒珍珠係雪地上⛄ 龍果冰混合了椰汁同新鮮既龍眼肉，攪碎而成的龍眼冰沬十分清甜，配埋有「咬口」的西米同椰果，口感非常豐富好味指數: (最高×5)聰嫂不愧為「星」級甜品😈，想食咁真材實料的甜品是要花點時間，排陣隊等候都是值得的😎