聰嫂星級甜品 (已結業)

今晚中秋佳節，打完邊邊，行完維園就去食甜甜，去到銅鑼灣更係去搵聰嫂今日排隊又唔算排好耐，等左約30分鐘，未入座已經唸定叫芒果涼粉黑珍珠、蜜瓜西米冰（原本想叫楊枝甘露，但已沽清）一坐底就落單，甜甜好快就到😋😋芒果涼粉黑珍珠夠凍，芒果超甜又夠凍，美味🤗蜜瓜西米冰都好有驚喜，勁fresh ，一口接一口咁食，呵呵每次黎都有唔同驚喜

睇過燈之後同Dfriends決定來飲糖水～四個人齊齊點佐榴蓮冰，因為之前同學話呢度D冰好好食～分量足又不貴～～真系推薦啦 下次仲想試吓其他野～～～比如話涼粉同雙皮奶啦

剛與朋友幫襯完，入去侍應落單既態度已經好麻麻。甜品係好食，還同朋友邊食邊讚賞，所以好快就食完，但有位長髮大隻女侍應(好似係落單嗰位)就極速收走空碗，我地剛抹完咀，嗰位大隻女侍應又走來，問我們可否埋單.....這是我幇襯㯲多年來首次，自問由坐底至食完抹咀，十五分鐘唔夠，已受到這麼無禮既對待，既驚訝又失望，唔知為何聰嫂甜品依家會變成咁，佢老闆真係要注意，你班員工好似幇你趕緊客!!

聰嫂大名一早聽過，只係始終住得比較遠，少機會食到。今日咁唔食完晚飯都仲有胃口，就入去食返碗龍眼椰果冰（$30)。龍眼椰果冰應該係聰嫂既招牌？的確 係唔錯喎！ 龍眼肉份量慷慨，性價比高，$30抵食。而個冰唔單止做得夠綿密，因為用龍眼肉下去打成，所以龍眼味道亦都好重好突出，味道清新帶甜。配上粒粒椰果，更添口感。如果喜歡龍眼清甜既人一定會中意呢個甜品！

一向都係聰嫂既忠實fans,即使將軍澳愈開愈多糖水店，我都係會揀番聰嫂！始終覺得是比較有特色的一間。聰嫂寶琳、坑口都有分店，個人比較喜歡到坑口分店，因為店內環境較寬敞，亦較多座位，就算要等位，都不用等太久。芒果雙皮奶、榴蓮水晶珠、龍眼椰果冰、蜜瓜西米露是我至愛！每次都好難決擇！龍眼是夏天時令水果，今次就揀佢啦！綿綿的椰果冰，夾雜着絲絲龍眼肉，龍眼肉沒有渣，極為鮮甜。西米脆卜卜的，增添口感。椰汁的甜味隨著冰粒溶化慢慢滲出，使人感到份外清甜，非常解暑

和友人吃完了晚餐, 有點不太飽足, 於是就去找甜品吃, 找到銅鑼灣站附近有間「聰嫂甜品」, 行路約3-5分鐘到。芒果冰十分出名，我想是必嘗美食，在夏天最食「芒果冰」可幫助消暑。芒果冰上加上芒果肉更令人有實在感覺。每一口芒果冰上有香濃的芒果味更令人魂牽夢縈。街坊甜品, 平靚正之作! 食品價錢親民, 甜品主要有西米露、生果涼粉等, 價錢也只是二十來元。

食完飯梗係要去食甜品傢啦！朋友介紹這間甜品好正！一試又真係喎！叫咗龍眼椰果冰同龍眼豆腐花，真係有好多龍眼肉係入面！好好口感！d冰又好綿！好好味好消暑！如果怕凍，可以叫熱的川貝圓肉雪梨！暖身養顏！上甜品超快手！但入面坐位比較迫！又趕頭趕命咁！但勝在價錢相宜，味道正！

聰嫂的甜品店是我近期最愛光顧，賣點是平靚正，不用動輒四十元便可品嚐一碗透光涼的冰點。夏日炎炎，她們凍冰冰的美食正是消暑解渴良方。蜜瓜除了當水果吃，做蜜西米露更是極品。聰嫂的蜜瓜西米冰。她們選用的西米很細粒，口感不錯，西米通透又軟身，漂亮極了，混合軟綿綿的冰，每一口也是涼快。蜜瓜冰上有幾塊果肉，清甜好吃外，不會令喉嚨痕癢和有刺刺的感覺。粉綠色醉人的色澤，享受冰感之餘，也能品嚐果肉，真是十分滿足。

今日約左朋友夜晚係銅鑼灣食飯，傾計個陣已經話食完一定要去聰嫂食甜品!!計埋之前個兩次，今次已經係第3次黎食啦。去到個時8點，可能因為時間尚早，所以唔洗等位就入得啦（夜啲就開始多人要等位）。豆腐花一直都係我既最愛，之前試左士多啤梨豆腐花，所以今次決定試下其他 － 蜜瓜豆腐花($28)。微暖既豆腐花加上冰涼既蜜瓜冰，夏天食消暑一流我每次食都一定會加水晶珠($6)，感覺上口感豐富啲。而我朋友呢就試左龍眼豆腐花（$32），佢係我影響下都加左水晶珠龍眼味好出，好特別，不過就略甜左少少。食完啲員工就好快手咁收走左我地個碗。本身仲諗住傾多陣計tim，不過見開始多人都唔好意思再坐落去lu。

下午茶食個冰凍的甜品真的好爽!!尤其這悶熱的天氣~點了個人最喜歡的NO.2 - 榴槤水晶珠榴槤好冰凍好好食!! 水晶珠粒粒爽口!! 冰底唔算好快溶, 整體GOOD!!但榴槤的份量比起以前是少了喔~~~有點可惜呢~

一向都冇乜興趣挑戰佢嘅堂食，因為座位排得好逼，一定食得唔自在。前兩日同幾個朋友食完晚飯搵甜品食就即管挑戰吓「堂食」啦。坐得唔舒服就預咗，因為枱細，櫈細，基本上係同所有人（包括左、右、同後面）都係黐住坐。長髮女待應落單全程黑面⋯⋯我地4個人共叫咗4個甜品再加一份 Q果（一客有6件）。所有嘢都好快上，但湯匙係有紅色㫳膏漬的，換過支一樣有唇膏漬，算，自己抹吓佢照用。到上Q果，我地4個人，佢放低3支义，都算，share 用囉。到我地食完自己碗甜品，但碟 Q果都未食完之際，黑面女待應已經用 0.99 秒閃電速度將我地所有嘢收走，係「所有嘢」！包括未食完嗰碟，問都冇問一聲！大家即時呆咗！即刻嗌住黑面女侍應，佢轉身過嚟，我地啲未食完 Q 果已經被另一隻碟底壓住⋯⋯ 朋友同佢講我地碟甜品未食完㗎，黑面女待應大大聲答：「未食完呀？！咁包走啦！」好耐未試過係香港食肆遇到咁的服務態度！食品算有80分，但服務0分，甚至乎係負分！啲嘢幾好食都假⋯⋯

朋友推介這家吃冰，特登跑來嘗嘗。三個人點了三款，蜜瓜冰加西米，就像melona雪條的味道，一般吧；芒果冰，看得出加食得出既芒果容，酸酸甜甜，喜歡吃芒果都會愛吃吧；龍眼椰果冰，龍眼冰好吃，很甜，太甜，但應該是本身龍眼既甜味，食到果肉的質地。加左椰果係超甜建議不用加椰果，淨冰更好吧，或者加其他淡味的配料雖然夏日炎炎，吃冰很消暑，但餐廳內冷氣很大，而且又是吃冰的，所以真係好凍，想快d食完走，但又快唔到而且店內不提供水，想得不周到，侍應姐姐好像都很黑臉，服務不好吧而且坐位很逼

琴晚食完一餐幾熱氣既晚餐 係時候要行過幾條街黎聰嫂食返碗龍眼冰 由街尾行過黎 已經見到一條人龍🏃🏃排係門口等入去食🏡🏡個時大概9點半⏰左右 我地幾個人等咗大概15分鐘就入得去食 算係幾快 唔好彩既係坐係門口位 有少少熱💦💦🔥🔥不過冇計同埋預咗好快食完😉😬入到去我地連餐牌都冇睇就嗌哂龍眼冰😯 因為我地始終覺得好好味 同埋佢地話龍眼夠正氣 可以消暑得黎又解膩🌞🌞🔥🔥唔洗3分鐘就即刻有得食 我覺得龍眼椰果冰🙌既口感認真唔錯 又有椰果粒仲有一堆珠珠狀既粒粒 食落好滿足 最勁既係好似無論幾時黎聰嫂食龍眼冰都係 龍眼好當造既時期 次次都好甜 食到好令人回味😋😋😋不過因為夜晚多人食 所以侍應就好快收碗🍴 基本上比較難坐得耐同傾下計😅😅

有一日食完翠華晚餐之後，口淡淡，總覺得一定要有個甜品才能滿足，晚餐才變得完整。在銅鑼灣，唔想食西式嘅甜品，想食中式又消暑的甜品，所以就過嚟這間甜品店。芒果涼粉這個芒果涼粉的特色，是用上新鮮芒果雪巴，芒果甜甜的，配上涼粉很消暑榴槤黑糯米榴槤很香，椰汁雪巴配上這個黑糯米，口感又滑又香，仲有榴槤香，非常配搭，必食之選👍🏻

天氣熱到行一步都流哂汗呀!食番個冰凍既甜品消消暑先!榴槤水晶珠雖然由佢$32食到而家加到$35,但每次黎都會食呢個榴槤控表示見到上面咁大pat榴槤好興奮食落啖啖榴槤味,又夠哂凍,成完個人仲有啲凍添雖然呢度啲糖水係幾好食,不過員工態度真係極差個個都擺出一款我殺左佢全家既黑面樣出黎由講幾位至埋單全程黑面,講野又冇咩尾音,好似無時無刻都想趕你走咁