聚來車仔麵

营业中

休息中

車仔麵係充滿香港文化既街頭麵食！平 靚 正！麵類多選擇 又有好多款餸揀 記得細細個每個餸幾蚊幾蚊 童年回憶翻唒黎🤡深水埗依間車仔麵店開係一堆cafe附近，Cafe吾夠食既男士們不坊過去醫飽個肚先再去打卡🤣-牛筋 ($13) / 上湯花膠 ($13) / 豬大腸($12) / 冬菇 ($12) / 韮菜餃 ($11) / 蘿蔔 ($9) / 魚腐 ($10) / 豬紅 ($10)我哋兩碗麵總共嗌左依堆餸，基本上想食既餸都有得嗌，選擇超豐富，而且每舊都好大舊！尤其係牛筋 ，啖啖骨膠原，整得好入味好正！😆比較少見既係魚腐， 索唒d腩汁入去好好食！另外麵底係 +$10 可以自由選擇～車仔麵係必揀油麵，彈牙好食😋湯底兩碗都揀左腩汁，吾會太咸 幾正！仲有得揀咖喱汁/ 沙嗲汁 / 鹵水汁同走湯🤔整體抵食好味又大碗！餐飲凍飲都係加$5啊！

有時真係緣份，誤打誤撞就見到 聚來車仔麵，見到價錢相宜就簡單晚膳。我叫了豬手豬肚咖哩魚蛋米粉，湯底是豬骨雞湯，去油去得好清，豬手處理得乾淨，食落軟稔，豐富骨膠原。豬肚好有口感，份量都多，咖哩魚蛋夠辣又大粒。老公叫了上湯花膠豬大腸薯粉，湯底是沙嗲少少甜辣味，花膠大件，豬大腸很乾淨，有啲帶少少肥，很甘香，薯粉彈牙。整體而言車仔麵份量很大碗，很抵食，如果細食就叫少粉比較好，湯底無味精，清清地很健康。餃子真係好正，餃子皮薄，餡係飽滿的，菜多肉少，韮菜味濃，椰菜鮮甜，煎餃上碟唔算太多油，食落很脆口。豬紅望落去細碗，但食落都算多，啡色方磚好入味，辣辣地。柚子雞翼夠大隻，柚子汁沾滿雞翼，柚子食落很香甜，炸雞翼脆卜卜，食落又好入味。最後點少得汽水，叫了兩罐C+檸檬汁，唔係周圍都有，汽水選擇都算多。

嚟得深水埗呢頭有好多港式餐廳，見到呢間港式車仔麵店，見到舖頭乾淨光猛，菜式選擇都多元，所以入去試吓☺️自選車仔麵［爽脆豬頸肉、牛腩、金針菇、幼麵、腩汁］($42)- 腩汁湯底好有驚喜，清香鮮甜，一啲味精味都冇，好真材實料- 幼麵份量都好大份，好吸湯但又唔會太軟，牛腩大件淋身易入口，煮得好惹味😙自選車仔麵［香辣魷魚、滷水雞腎、黑木耳、米線、秘製辣汁(中辣)］($42)- 秘製辣汁好正，香濃有亮點，入口惹味，辣得好過癮，將成個米線嘅風味昇華左一倍，一啖接一啖🤤- 香辣魷魚都超正，軟滑彈牙，好有咬口；米線加黑木耳都係絕配，成個口感層次豐富咗好多😍煎餃子 (鴛鴦餃-半打) ($30)- 煎餃子好有驚喜，超級好好好好好食😍韭菜同椰菜餃子餡好食，餡料新鮮爽口，鮮味係口腔爆發😋配搭好完美，肉、菜比例好好食，手工一個個包，好有心思👍🏻老闆同員工都好friendly，整體嚟講車仔麵頗有質素，小食都幾有驚喜，食到抱住肚仔，好滿足😚

最近發覺深水埗一帶好多鋪頭先轉了食肆，晏晝就走進了一間沒味精的車仔麵醫下肚豬皮，豬紅，魷魚都係好耐冇食，特別滋味，但湯底不得不提，店主用心炮製用了豬骨雞湯，絕不落味精，確實有家的味道小食另點了煎餃子，平時只會食韮菜，但見可以混配就也試試椰菜，平時出外食的餃子一般皮比較厚，並不是我味兒，但這裡皮薄餡肉多汁，而這次椰菜更出色是椰菜是甜的更放入了木耳令口感多了爽脆，過往不喜歡椰菜原因是曾經食過是苦，所以怕了，這次完全改觀了，店主說餃子是每天新鮮包，絕不賣隔夜的，所以我也急不及待買多一份生餃子回家跟家人分享。小店無論對食材，烹調也是十分用心，絕對值得支持

這間位於深水埗的車仔麵店，舖仔雖少但五臟俱全，除了車仔麵及飯外，還有多款小食，價錢貼地。蒜泥白肉比平時食到的厚少許，蒜味十足，加上醋汁酸味中和豬腩油膩感。招牌煎鴛鴦餃椰菜餃比韭菜餃更好味，爽口蔬菜，表面煎至金黃香脆，裏面肉汁豐富。滷水拼盤所有材料都滷得入味，豬耳爽脆，翼尖很腍，不過豬腸則過腍，略欠點咬口。蘿蔔牛腩粗麵蘿蔔無渣，煮至淋身又清甜，牛腩炆至略有咬口，整體份量十足，辣汁味道突出，食完個嘴唇都有點㷫。蘿蔔生菜豬手幼麵豬手炆至入口溶化，膠質豐富，必食之一。這裏最令我感受到是家庭感情，大家庭經營，氣氛和諧。

喺深水埗基隆街俾我搵到屋企嘅味道堅持唔落味精又美味可口嘅車仔麵～有緣嚟到亦都歡迎我哋再嚟～一入到門口老闆就好熱情咁招呼我見我一個人嚟食都問候我幾句菜式應有盡有我就見佢啲套餐都幾抵食就叫咗一個嚟試吓再加個招牌餃子～我叫咗個四餸車仔麵有豬肚牛腩冬菇同埋煎蛋湯底果然係無添加食完完全唔會口渴老闆娘仲同我講係落足料落去煲！梗係要清清地嗌個全走菜心！一人晚餐都冇有怕～有咁好食嘅食物個心即刻變得好滿足呢個係鴛鴦餡餃子有韭菜同埋椰菜點汁與否都好味

大份抵食小店去深水埗有啲嘢做行經基隆街見到間車仔麵就入咗去同朋友一人一個車仔麵嗌咗啲小食舖面叔叔嬸嬸為主 手腳都算快手👍🏻車仔麵好大碗選擇亦都好多元化我嗌咗辣魷魚、豬腸、韭菜、金菇烏冬底湯底清甜 嬸嬸喺我地食到7788時過嚟同我地傾計話湯底係豬骨同雞煲成😆連埋沙嗲醬好夾！小食嗌咗蒜泥白肉同譚x嗰啲唔同蒜汁另上 白肉面鋪芝麻 炸蒜好食😋招牌炸肉丸係手打肉丸 好有家的感覺！炸得香脆又唔油膩！仲有個雙拼煎餃韭菜同椰菜 煎得好香👍🏻個皮同屋企整嗰啲完全唔同好想偷師叫阿媽返屋企整比我食☺️

今晚經開深水埗，都唔知食乜好，見到有間車仔麵店就入去試下啦。我同朋友一人叫左一碗車仔麵同埋幾個小食share。蒜泥白肉$28白肉嘅份量幾大份，肉嘅厚度幾厚，入口幾香，幾有咬口，配埋餐廳自己特製嘅蒜蓉酸醋汁，白肉嘅香味即刻提高左，入口醇香濃郁。生菜魚肉$20生菜魚肉入邊魚肉嘅比例較多，如果生菜嘅份量可以多番少少就會更加好。魚肉好香，而且彈牙，配埋麻油同胡椒粉食，作為一個小食幾唔錯。菜心（全走）$13成日出街食嘢冇得食菜，叫返碟菜食下，走醬走油，清清淡淡，可以食得出菜嘅鮮甜味，得閒食下菜清清腸胃幾好。熟韭菜餃子（半打）$28餃子係餐廳自己包嘅，食得出材料幾新鮮，皮薄餡靚，用料幾新鮮同足料，$28有半打又真係幾抵食。套餐C（4餸+粉/麵）$45菜心、牛腩、蘿蔔、冬菇同米粉。汽水+$3套餐非常抵食，又可以加嘢飲，又可以揀唔同餸食，我就揀咗四個餸。牛腩幾有咬口，同埋幾有牛肉味；蘿蔔清甜，新鮮；冬菇多汁，菇味非常濃郁；鍾意食辣嘅我揀咗中辣，辣又幾香，配米粉一流。自選車仔麵$41上湯花膠、生根、蘿蔔同米線。大辣嘅秘制辣醬，配咖喱汁。熱飲+$2咖喱汁作為一個湯底幾濃郁同好有香味，花膠同生根到吸收晒湯入

有緣相聚 來聚一聚歡迎再來 聚在聚來——————————-一個家的味道，一個家的感覺一個沒有味精，一個廚師心聲一家人的努力，一家人的奮鬥一家人的堅持，一家人的團結吃出用心的食物！吃出用心的煮厨！這就是一個家的味道！———————————-入到去你已經可以感受到一家人的溫馨，無論大大細細都是一家人的合作夥伴，令一個咁簡單嘅食物都煮得咁出定👍👍——————————-4/5食物：🌹🌹🌹🌹剩係無味精都整得咁好食、又有心機、已經直分數—————————-5/5衞生：🌹🌹🌹🌹🌹點解一間車仔麵我都可以比滿分嘅衛生，原因係佢哋不單只一般帶口罩😷或消毒液，係所有員工，無論廚師👨‍🍳或者待應舆及收銀，內外員工都會帶哂廚師👩‍🍳帽，頭髮不外露，煮嘢食就更細心，佢哋嘅衞生係內外兼備，令人食得放心又安心，直得比滿分👍👍👍👍👍—————————4/5環境：🌹🌹🌹🌹地方坐得舒適和整齊—————————5/5服務：🌹🌹🌹🌹🌹見到職員對每一枱客人都好有禮貌同介紹食物—————————-5/5價錢：🌹🌹🌹🌹🌹又平又抵食嘅價錢——————————口水多個茶嘅我又要講反D食物😂😂🟧

今晚到深水埗找朋友一齊食飯，他住在基隆街附近，條街夜後有點靜，但估唔到原來有間一家人用心地經營嘅隱世小店係到，大家試過就知道🥰🥰🥰香煎豬扒飯+歺肉煎蛋（秘製蔥油汁）$43 跟歺凍咖啡$2豬扒煎得金黃香脆，肉質鬆軟入味，白飯撈滿太陽蛋嘅蛋汁及秘製蔥油嘅香甜再加上煎香嘅餐肉，滋味無窮😋😋車仔麵套歺（選3餸+1粉/麵）$40 跟歺熱奶茶豬紅超入味、豬手鹵得又軟又腍，豬肚肉質厚實爽脆，嫩而不生，飲一口湯就知全冇味精，小店每日都以雞骨豬骨熬製而成，鮮甜潤喉，蕃薯粉吸住湯汁，好味都食唔停👍👍👍煎鴛鴦餃子🥟半打 $30每日新鮮自家製餃子，煎到金黃香脆，有韭菜同椰菜豬肉餃，餡料豐富及好juicy 😘😘招牌鮮炸肉丸 🍡$28新鮮豬肉、豆腐、蘿蔔蓉打成嘅肉丸，炸得外胞內軟，酸甜蘿蔔絲醃菜伴食可解油膩💕💕秘製辣魷魚🦑$35芝麻粒及辣辣醬汁包住厚肉軟嫩脆口嘅魷魚，滋味到食唔停🤚👍

屋企今日唔煮飯咁就近近地在附近買左碗車仔麵番歸食，$45 4個餸在薯粉米線間掙扎左下，最後米線配好似夾d, 牛腩豬手不能共選，咁就選豬手補膠原蛋白睇相都見到佢動L的黎又夠淋，筷子好易叉入去。芝士丸賣非弗，豬肚比想像中比得多，重點係豬血比其它地方食到個d更軟身，軟滑度同鴨血有得揮。 另外見餃子好似唔錯就黎碟鴛鴦餃，其實就係韭菜豬肉同椰菜豬肉餃，個人較喜韭菜夠曬香，椰菜餃走另一個風格係爽脆口感。它有一點心機貼心處係裝餃子的發泡膠盒有角落整個洞等佢地可以透氣唔會淋左架。

放工去咗同朋友食野，因為呢排食得太多熱氣野，所以想食得清淡少少。我地一人點咗一個麵再加小食同飲品~因為見小店既餃子係自己包，於是點咗白菜餃、韮菜餃同鹵水雞腎配番薯粉，豬骨雞湯底。第一啖試咗湯先，非常清甜，最後係差唔多飲哂🤣雞腎唔會太鹹，而白菜餃同韮菜餃冇令我失望，新鮮之餘係食到媽媽既味道，同平時食嗰d急凍既餃子完全唔同！朋友就點左香辣魷魚同魚腐配米線，沙嗲湯底。香辣魷魚唔算好辣，但就好惹味，肉質彈牙爽口。魚腐都好好食，裡面有種入口即融嘅感覺，口感好特別，外層吸埋沙嗲湯底，好好味！米線熟度剛好，唔會太硬或太軟！柚子蜜雞翼同炸肉丸都係即叫即整，所以食落熱辣辣！雞翼大大隻，配上甜甜地既柚子蜜，食落幸福滿滿🥰 炸肉丸外脆內多汁，配埋酸酸地既醃菜，食落唔怕好膩。碗生菜魚肉好足料，魚肉大大件，兼且好彈牙有起膠！生菜好新鮮，所以食落成碗都好健康，滿意！咁啱呢兩日突然轉涼，所以飲山楂黑糖薑茶。非常真材實料，上枱時仲見到一整粒黑糖，另外仲有薑絲同山楂片，飲落好香。我地食埋啲料補補身，飲完好暖身！食完返到屋企都完全唔口渴，完全冇落味精，讚！

係深水埗大，由細到大都好鍾意食街坊小店，前排行開布街，見到開左一間車仔麵，大大隻字寫住「我的麵給你家的味道」。所以今日決定同阿妹去試下。阿妹唔食辣，叫左個豬骨雞湯底配紅薯粉，蘿蔔豬肚魚片頭，黎到個賣相有啲清，但聞到有雞湯味，蘿蔔好清甜，豬肚入晒味，薯粉又爽口彈牙，真係唔錯我就叫左瑞士汁湯底配米線小辣，翼尖、香辣魷魚加木耳，翼尖都係入晒味，香辣魷魚係招牌菜，又真係幾好食，唔靭，個秘製辣醬有啲似xo 醬，幾香唔夠辣仲枱面仲有豆辦醬同辣菜甫俾你加再加兩個小食，蒜香雞翼，入味同煎得岩岩好，雞肉仲係有汁同滑仲有餃子 （椰菜餃同韮菜餃），兩款都好好味，餡料夠👍🏻最後連兩杯凍檸茶竟然都好好味，甜度岩岩好，仲要飲得出係靚檸檬呢間車仔麵真係幾有heart，標榜無果精，去買開布可以再encore👍🏻

今日本來諗住同女朋友去深水埗番茄師兄食晚飯，點知去到要等成50張枱，行完街真係好攰所以向前行睇下有乜食，見到一間新淨嘅舖頭，大家都想食碗麵就入去試試。車仔麵每個餸都唔係好貴又9蚊至13蚊不等,而且選擇眾多,豬紅出奇地入味唔會淡茂茂， 花膠出咗水唔會太硬，而且好索湯，牛丸爽口彈牙，十分推介大家食嘅係牛腩同牛筋，兩款都超級入味，牛腩好大件， 而且好有水準可以牛腩麵家嘅牛腩！油麵麵質煮得剛剛好，無煮得太腍！最重點一定要食嘅就係佢嘅菜脯，唔會一味死鹹帶點微辣，令成碗車仔麵簡直有畫龍點睛嘅感覺，響點餐嘅時候店員強調佢哋嘅湯底係冇味精。我哋食完返到屋企都沒有半分口喝嘅感覺。小食我哋點咗煎餃子，餃子皮薄餡靚， 韭菜餃嘅韭菜同肉嘅比例剛剛好，很奇怪吃完韭菜餃的口係沒有臭味的👍，椰菜餃嘅椰菜都唔會太晏佢嘅醃料醃得好好， 送車仔麵食一流！豬扒肉質鬆軟, 醃得好入味，煎得好靚，而且廚師還在豬扒面上放了不少乾蒜，還增添美味程度！店員十分有禮貌，食物質素高，好少食完車仔麵都冇口渴嘅感覺， 坐得幾舒服，地方乾淨，性價比又高，食物種類選擇多，我同女朋友都話下次會再嚟幫襯！（這是真實食評！有心機的小店，想幫下佢，所以

行過基隆街，唔知食咩好，見到有間新開的車仔麵，店員的服務態度很好，仲話個湯底好味，無味精，叫我試下，咁就決定入去買外賣同屋企人一齊試下啦。個湯底又真係唔錯喎，唔會好油，又真係無味精，食完麵仲可以當湯飲，飲完湯唔會覺得口渴。麵同餸的份量都好足夠，我叫咗個店員推介的薯粉好好味，幾彈牙，又唔會太「淋」；另外豬頸肉有煎過先放入麵中，唔錯，幾有誠意。仲有豬手同冬菇都好入味，而豬手一啲都唔韌。特別推介豬排小食，大大塊，味道好好。整體好味，值得推介，下次會再幫襯。