聚來車仔麵

营业中

休息中

行過基隆街，唔知食咩好，見到有間新開的車仔麵，店員的服務態度很好，仲話個湯底好味，無味精，叫我試下，咁就決定入去買外賣同屋企人一齊試下啦。個湯底又真係唔錯喎，唔會好油，又真係無味精，食完麵仲可以當湯飲，飲完湯唔會覺得口渴。麵同餸的份量都好足夠，我叫咗個店員推介的薯粉好好味，幾彈牙，又唔會太「淋」；另外豬頸肉有煎過先放入麵中，唔錯，幾有誠意。仲有豬手同冬菇都好入味，而豬手一啲都唔韌。特別推介豬排小食，大大塊，味道好好。整體好味，值得推介，下次會再幫襯。