影片
港铁深水埗站 A2 出口, 步行约5分钟
继续阅读
电话号码
23918033
开饭介绍
车仔面真材实料，有多款配料选择。惊喜地有创作甜品—阿华田西多士，精致好味媲美甜品店。
继续阅读
附加资料
欢迎外卖自取
营业时间
今日营业
11:00 - 21:00
星期一
全日休息
星期二至日
11:00 - 21:00
以上资料只供参考，请与餐厅确认详情
相关文章
之前黎开深水埗呢边食cafe，经过呢间车仔面见到都人流唔少，果次食完就过黎八下睇下有咩特别，见佢唔止有车仔面食，仲有其他野，同埋都有d明星黎食过，就揾日再过左黎试啦😛餐厅环境几干净，类似茶餐厅冰室咁既坐位，枱上有佢地自己整既辣菜脯比客人自己落😁车仔面面底（$12）牛腩（$14）猪大肠（$14）鸡翼尖（$10）呢度既车仔面配搭好多元化，无论面底定𩠌，谂得出既都基本上有，汤底仲有多款酱汁选择，我就拣左腩汁，三款𩠌我都觉得拣岩，牛腩肉嫩，猪大肠大大粒，最正系个鸡翼尖，整得好入味🍜招牌煎饺8只（$45）煎饺有3款口味，韮菜猪肉，椰菜云耳猪肉，芝士粟米，我地拣左双拼椰菜同韮菜，芝士粟米就要加$3，佢地个饺子好有惊喜，里面充满肉汁，真系用皮簿馅靓黎形容都不为过🥟爆浆阿华田西多士（$38）呢个西多士都系佢地既招牌，餐厅墙身贴既西多士相出黎，卖相好吸引，西多士既中间系满满既流心奶，好正，个西多士可以拣花生酱或榛子酱，榛子酱就要加$2，我地都照拣榛子酱，觉得咁先夹个西多士，佢布满晒阿华田粉，啖啖都食到香浓既阿华田味😋冻柠茶（跟餐+$8）就系普通一杯茶记冻柠茶，冇咩特别🍹呢间车仔面店估唔到佢其他食物系咁有惊喜，佢地车仔面本身都做得好，煎饺同个西多就真系大开眼界，过黎食既话记得留肚食西多🤩
继续阅读
今日喺小店试咗车仔面同阿华田流心西多士，真系太满足啦！车仔面汤底鲜美，配料又多，牛腩同猪红特别入味，每一口都系幸福感爆棚！🥰 阿华田流心西多士更加惊喜，外脆内软，咬落去流心嘅巧克力超浓郁，配埋一杯港式奶茶，真系完美下午茶组合！☕️🍞 而且个店环境都几舒服，服务态度好，让人觉得好有亲切感。真系好适合同朋友倾计或者一个人静静享受美食。今次美食体验令我心情大好，强烈推荐大家试下，特别系对于钟意港式小食嘅朋友！下次一定再来，期待再试多啲其他美味！✨
继续阅读
谂住净系嚟食碗车仔面？噉你就miss咗好多好嘢食啦😌‼️ 虽然佢个名写「车仔面」，个人认为更值得要试佢嘅煎饺同特色多士😍🥟招牌煎饺（12只）平时我钟意食汤饺多啲，因为好惊有啲舖煎到又干又油又热气，但呢度嘅煎饺令我会想encore!!😋今次嗌咗韮菜猪肉 + 粟米芝士（双拼），两款都好足料，韮菜𠮶款一咬就爆汁，好juicy，芝士𠮶款虽然唔系拉丝，但好浓芝士味，好creamy💖 🍜三𩠌车仔面今次嗌咗猪颈肉、肥牛、生菜公仔面，再加沙嗲汁，𩠌嘅份量都几足料，至于沙爹汁好香，偏向蒜味重～🍞阿华田多士 $40个个都话嚟呢度一定要试，所以饱饱地都照嗌咗🙈 有得拣入面系花生酱定榛子酱，今次拣咗后者～ 虽然阿华田味一早预想到，但佢嘅流心效果同埋落粉份量都好邪恶，好满足🤤 两个人唔觉意就轻松清晒😎📍聚来车仔面 (深水埗)深水埗基隆街172号地舖
继续阅读
聚来车仔面 📍深水埗基隆街172号地舖抵食又好味家庭式小店！环境干净又衞生必食自家制饺子🤩每日人手新鲜制作👍🏻叫左煎饺！即叫即煎～煎到金黄香脆又多汁叫左双拼韭菜饺、芝士粟米饺好好味啊！车仔面材料款式选择多简左牛筋、咖喱鱼蛋、鱿鱼配粗面配上自家制蒜蓉辣椒菜甫香辣惹味！生菜鱼肉都好足料！鱼肉又弹口难怪现场禁多熟客仔帮衬～食过返寻
继续阅读
收工拍卡「嘟」声响起那刻，已经超肚饿了！😫 又赶住去深水埗买电子零件，落车后第一时间冲入《聚来车仔面》。那卤水香的味道，让我们很快就决定要来两个四𩠌车仔面共享，加埋有八款唔同𩠌，一次过满足晒我地两个食肉兽嘅欲望。🍜 🥢 **肉食控必点：** - 「瑞士鸡翼」Alex至爱，甜咸平衡，酱汁黐嘴唇得嚟唔腻。🍗 - 「猪手」胶质爆灯，炆到轻轻一啜就骨肉分离。🐖 - 「鸡肾」爽脆代表，卤得入味但唔会韧。🍖 - 「猪耳」脆骨控首选，索索声过足口瘾。👂 - 「萝卜」清甜担当，咬落无渣爆汁。🥕 - 「猪皮」吸满汤汁，弹牙唔油腻。🍢 - 「芝心丸」咬开芝士可拉丝。🧀 配上油面，唔怕煮到淋哂~😉 💥 终极邪恶加码➡️「朱古力榛子酱西多士」即叫即炸的厚多士外层金黄脆身，切开是朱古力榛子酱，加埋牛油片慢慢溶化... 罪恶感？食完先算啦！🤣🍫
继续阅读
您可能会有兴趣的...