老鍋台式火鍋 (京都廣場) (已結業)

難得銅鑼灣有一間由台灣過來的連鎖精品火鍋店-老鍋台式火鍋，就專程去試吓佢嘅特色火鍋底同埋火鍋食物等。店員安排我哋入座，多數以四人枱設計，而且每一台都有通風嘅屏風隔住，私隱度極高，朋友們可以暢所欲言。餐廳裝修古色古香，門口仲有一個天燈位，可以比客人許願祈福或送上祝福，真係第一次見，好新奇有趣！而且職員非常親切殷勤，仲教我地點樣打字句入電子天燈機。我哋比較喜歡藥材滋補美顏鍋底，所以我哋選擇了美人鍋。鍋底配以多種名貴藥材及人蔘，湯底仲要以火腿、雞肉同埋豬肉淆製而成，所以味道好香濃。飲一啖湯底藥材味濃郁，非常滋補。火鍋配料多款選擇，而且Menu有兩版紙任揀。牛魔王嘅我們當然唔少得叫一份美國特級牛肋肉，驟眼睇見到牛肉嘅條紋非常平均，而且呈現鮮紅色，非常新鮮。牛肉食落去有好濃郁嘅牛肉味道，口感好軟熟。即炸響鈴卷即叫即炸，非常香脆，將響鈴卷浸落去湯底3秒鐘就食得，味道混雜咗藥材湯底嘅精華所在。還有韭菜餃等，每一隻都非常大隻，內餡非常足料，味道好濃郁，大愛！亦都估唔到，第一次食來自台灣嘅水蓮好入味，青綠色嘅一條條有好脆口嘅口感，仲要好索味，值得一試。另外還有花雕醉雞件、美國特級牛肋肉同埋極品、餃類拼盤

為慶祝朋友的生日，我們就上網找找那一間火鍋店比較有名，之前見到朋友食過在銅鑼灣旗艦店的老鍋台式火鍋讚好🍲，就揀選了這一間試試。火鍋店在一棟大廈上面，整棟大廈有多間餐廳，搭電梯去二樓就是老鍋。一出電梯見到門外有個天燈位，供客人放天燈祝福，很特別！我和朋友當然不少得在自助形式的天燈機上打上生日字句，和壽星慶祝吧，更可以為他拍攝留念。影完相之後轉個頭我們揀選的火鍋湯底-美人鍋 就到了，實物果然同圖片一致，驟眼望到入面嘅火鍋湯底配料好豐富。飲一啖湯非常清甜，入面嘅藥材同埋火鍋配料非常滋補養顏，當中我至愛的桃膠，含豐富膠原蛋白質。一口氣叫了多款火鍋配料。梅菜豬肉丸叫咗半份有四粒，每一粒都好大粒，食落去豬肉味道濃郁，配以鹹鹹地嘅梅菜一齊食，能夠中和味道。另一樣驚喜食物係鹹蛋黃炸魚皮，因為係即炸，無左平時個種油膩感覺，而且蛋黃黏滿在魚皮上面，食落去鹹鹹地更加惹味，放入湯底幾秒即刻食，另有一番味道。唔夠飽仲有新竹米粉同埋稻庭烏龍麵。新竹米粉仲可以索晒湯底入面嘅精華，米粉好爽口、好入味！最後我哋三個都捧住個肚出門口，非常滿足，價錢合理，最欣賞就係火鍋湯底夠晒特色，所以下次一定會再encore。

台式火鍋連鎖店老鍋最近係銅鑼灣開左旗艦店，呢間台式火鍋主打唔同既養生湯底， 今日終於同朋友試下喇。一坐底有幾款湯底好吸引，例如美人鍋，養生鍋，酸菜白肉鍋，款款睇落都好吸引，都唔燥熱，幾經辛苦終於揀左美人鍋。美人鍋湯甜料足，有桃膠、杞子、原隻烏雞，未落野食已經飲左三碗湯。 一行兩人例牌叫左牛肉、鮮炸響鈴、凍豆腐和等等既火鍋配料，值得一提既係所有配料都好新鮮，認真製作，例如響鈴即叫即炸，上到枱仲係熱辣辣，牛肉好新鮮，配合埋個湯底，齒頰留香。另外仲叫咗杞子杭菊露、黑糖烏梅汁。杭菊露帶點龍眼既香甜，以菊花既清香作點綴，感覺真係很清新呢。值得一題，豉油真係好好食，聽店員講係每日新鮮調製。而鍾意台灣既朋友，可以喺餐廳入面影天燈，大家快啲去試下啦！

最後一日係銅鑼灣返工，放工同同事一齊撐台腳😊係正公司對面～近到傻🤣🤣上到去一黎就見到個天燈位，整到勁夢幻勁令！食個火鍋都可以打卡係正既🤭👉🏿✨叫左酸菜白肉鍋，入面有海量既白肉，酸菜，栗米同寬粉條！另外仲會送埋魚肚同冰菜，其實叫多一兩款野食都夠飽嚕！第一啖飲個湯底係偏酸，但當佢滾多15分鐘，之後陣味就好開胃好正！佢既粉條晶瑩剔透，冇薯條咁un，但好索湯汁，好好味👍🏿📌精選手切牛肩肉，好重口味，分量又多，簡單碌兩碌就食得～脂肪唔多，點埋醬汁更正！另外仲試左個黑松露蝦丸同鵝肝墨魚丸蝦丸入面真係包左成隻鮮蝦係到，勁彈牙又夠鮮～估唔到鵝肝同墨魚丸又夾到，係創新既口感，唔會腥，食完仲想再食😊📌鹹蛋炸魚皮，諗住會好小，點知最後兩個人都食唔晒😂勁多咸蛋，係重口味但就係咁先好食😍仲有佢個新竹米粉夠晒索味，米粉連湯咁食真係兩碗都食得落呀😆

最近天氣轉涼， 口痕痕想食火鍋， 但又怕上火。於是搜尋下火鍋餐廳睇下有咩選擇，揾左一陣，終於揾到間我想要既火鍋,台式火鍋店，老鍋！座落於於銅鑼灣鬧市，方便就腳！一入到鋪頭，裝潢同一般火鍋店好唔同，每枱都用古典黑木製造而成的方格屏風遮擋，方格密度恰到好處，私隐度高之餘又夠透氣。另外，門口位有個天燈天幕，比人燃點天燈，非常有有台灣特色。 可見此老鍋店主非常有心， 相信食物也非常有質素！由於訂了二人枱， 到步後好快可以安排入座, 加上飢寒交迫， 於是急不及待入去食，食同埋食！填飽個肚再去點天燈。台式湯底其特色之一就係先飲湯，再慢慢打邊爐。既然飲得，緊係揀最好既啦，就點個美人鍋湯！入面有原隻烏雞，份量十足，鮮味奇香！配料有桃膠，含有豐富的骨膠原；仲有南棗、杞子、金華火腿等等，肴制出成鍋湯鮮甜可口， 啖啖口齒夾香，暖身又暖胃，寒氣盡消！ 真係既補身又美顏，補得黎又唔上火， 真係抵讚！飲左頭啖湯之後開始點其他美食。首先點個黑毛豬梅肉，適當的厚度加上均勻脂肪既黄金比例， 除左肉汁飽滿，其質感亦爽口彈牙！再黎係鵝肝墨魚丸同埋黑松露蝦丸。鵝肝配撘墨魚非常特別，彈牙墨魚丸內含鵝肝香味，新鮮配撘卻非常滋味！

今日約左sky bb食飯😍，好耐都冇見過佢了，相約左係銅鑼灣見，搵野食就去左京都廣場，😋之前都係呢到食過韓國野，發現呢幢大廈有好多餐廳，而價位係中間都可以接受。好耐冇打邊爐嘅我地就揀左呢間台式火鍋店-老鍋。🎈🌟先叫湯底，酸菜白肉鍋。佢好足料，好多酸菜白肉，仲有其他蔬菜，例如粟米，蕃茄同冬菇等等⋯⋯ 佢仲會有寬粉條添。🌟皇室魚肚🌟冰菜好鐘意呢個菜，近期都好流行啊。🌟精選手切牛肩肉打邊爐點少得高質牛肉。牛肩肉切得厚身，唔好煮太耐，如果唔係就會好韌。10秒左右，佢又林又香又好味。🌟鵝肝墨魚丸及黑松露蝦丸我地叫左半份（4粒），我比較喜歡食黑松露蝦丸。🌟鮮炸響鈴呢個超正，新鮮炸好，卜卜脆。🌟寛粉條🌟杭菊露走個陣發現門口有個天燈位啊❤️☺️

喺香港食台式火鍋都真係唔平，所以要食就梗係食一間高質㗎啦！食過幾次老鍋都冇令我失望～今次就同同事嚟到銅鑼灣店，平日晚上唔洗排隊！叫咗個鴛鴦鍋係麻辣加美人鍋～麻辣鍋都真係幾辣，下次我應該會叫小辣啦😂～美人鍋湯底好甜，又有桃膠～好好味😋食得麻辣鍋，我都叫咗杯杭菊露嚟中和下辣味～好清甜入面有好足料！就算飲完之後加水入去，依然有淡淡的菊香味～朋友好推薦呢度嘅響鈴！一試果然有驚喜！非常非常鬆脆😃口感絕佳！台灣水蓮我就淨係喺呢度食過！非常特別！淥5秒就食得～未食過嘅絕對要試吓！牛肋肉食得出係靚牛肉！又淋又有牛味～不嬲都幾鍾意食呢度嘅丸類，今次就食咗黑松露蝦丸同黃金墨魚丸！所以今次就試新嘢～食蝦丸+梅菜豬肉丸！雖然梅菜豬肉丸味道的確幾夾，但我都係鍾意上次嗰兩隻丸多啲🥰叫咗個烏冬，麵條偏幼身唔洗淥咁耐～仲有埋個兜俾你幾貼心～

今晚又同Hoeny去到銅鑼灣dinner，當未有idea 食咩之際，有個阿嬸衝埋嚟，塞張8折coupon 俾我，原來係食火鍋的。見佢咁有誠意，就接收咗，上咗樓上京都廣場2樓食火鍋。咦咦! 格局OK，唔錯喎，仲俾我哋拗到張窗口檯撐檯腳。呢度幾好招呼㗎，睇下餐牌，店員叫我哋好似無咩頭緒，就推介美人鍋俾我哋，話係養顏至寶。聽到養顏二字，Honey已經搶住回應，就要一個美人鍋。之後，我點咗手切牛肩肉、冰菜、魚肚、鹹蛋黃炸魚皮、鵝肝墨魚丸、黑松露蝦丸和新竹米粉。飲嘢就叫咗杭子杭菊露和黑糖烏梅汁。睇落樣樣嘢都好高質。趁個鍋未滾起，食住啲炸魚皮先。魚皮好脆口，仲淋咗少少鹹蛋黃醬，味道香口，如果再淋多少少鹹蛋黃醬，就更加和味。打開鍋蓋，香氣逼人，試一啖湯底，感到好舒服。裡面有好多料，例如有植物燕窩之稱的桃膠和圓肉、南棗、杞子、淮山、玉竹、粟米、花菇、大蔥、去核紅棗和烏雞，真係滋補又滋陰，怪不得能稱得上美人鍋。杭菊露飲落啖啖清香，烏梅汁就少許酸味道甜，非常開胃。牛肩肉是雙飛厚切的，每片都好大塊，又腍又嫩，肉味濃郁。有鵝肝內藏於墨魚丸之內都係第一次食，幾有特色。黑松露蝦丸就又爽口又彈牙，而且黑松露味特出。

講起打邊爐，男友可以算是狂迷。不論是什麼天氣都愛吃火鍋。由傳統的廣東火鍋到台式火鍋，他都愛吃。這次找了家健康的台式火鍋給男友品嚐一下，吃多也不會不健康呀！聽説這間台式火鍋店，由台灣廚師主理，聽起來很不錯，一於試試！門口有天燈打卡位，可給客人放天燈，十分有台灣風情呢。餐點如下: 可根據自己的喜愛自選醬料湯底我們選了外間少見的「酸菜白肉鍋」。湯底由老雞及豬肉淆製，十分鮮味。平時吃慣了油膩的火鍋，這個酸菜白肉鍋以清新的蕃茄酸菜配以五花腩，味道也十分醒胃。皇室魚肚既然說得上是養生鍋，怎能不點魚肚這個又有營養價值又吸收美味湯汁佳品！ 精選手切牛肩肉每一片肥牛的油花分布呈網狀，紅白分明，賣相一流。入口軟滑有肉汁，有脂肪之餘帶點嚼勁，牛味夠濃郁。芝士牛肉丸及黃金墨魚丸他們家的手打丸也是十分精緻。牛丸中間的餡料是芝士， 在熱力下已溶化成漿。墨魚丸則十分彈牙可口。咸蛋炸魚皮十分驚訝這裡竟然有黃金炸魚皮這一道菜色，炸魚皮加上鹹蛋及香料調味，帶有鹹香、鬆脆，十分惹味。寛粉條寬粉條加上了鮮味的湯底， 實在好吃呀！杭菊露吃火鍋少不免少熱氣解毒的飲品。這家精緻的火鍋實在很不錯，下次還會再來喔。

今次同MY BOSS 黎都銅鑼灣打下邊爐於是嚟到老鍋試吓台式特色火鍋我哋叫咗個酸菜白肉鍋 ($158)湯底用咗醃製嘅大白菜同埋極品豬王花腩酸得來味道好香 好醒胃👌🏻打邊爐點少得精選手切牛肩肉 ($198)肉味算是很濃 都有咬口😆至於手工丸方面 我個人推薦芝士牛肉丸 ($58)咬落口真係啖啖芝士㗎你食得健康梗係揀冰菜啦 ($58)一嚟有豐富嘅維他命 而且屬於高纖低卡嘅蔬菜打邊爐食絕對係健康之選啊🥬另外推薦大家點皇室魚肚 ($88)大大份嘅魚肚完全索晒啲湯汁 YUMMY😋P.S 店裏面有個天燈打卡位好啱影相㗎_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

又係同客戶食飯嘅時候啦……今次到佢請我食，我又費事食咁貴啦，通過用app訂枱有折，所以就book咗依間開咗大概兩個月嘅老鍋。銅鑼灣有兩間老鍋我都食過晒，咁再book依間係因為依家服務態度比較好、新裝修而且門口仲有天燈玩，係幾特別！至於食物呢，我每次點嘅都係鴛鴦喎，一邊麻辣另一邊係酸菜，依個鍋底我起碼食過超過五次，兩間都keep到水準，火鍋料方面，安格斯牛、黑松露墨魚丸、萵筍、金菇、雲吞同埋台灣腸都好新鮮今次仲叫咗每人兩杯啤酒🍻$78/500ml, $58/300ml，火鍋店啤酒來講算係幾貴，因為一般火鍋店啤酒汽水都唔會太貴，佢依個直頭係酒吧嘅價錢仲要加一服務費，所以真係幾貴...

近日天氣又開始涼返，梗係約朋友去打邊爐啦！今次嚟到銅鑼灣嘅老鍋，一入門口已經見到好有台灣特色嘅天燈區，以為只係裝飾，但原來仲可以互動，自己揀天燈嘅形狀同埋可以寫上祝願字句，大人都覺得幾好玩。講翻食物，台式火鍋不嬲都好注重湯底，今次我哋揀咗養生鍋，主要材料有人蔘，老雞，火腿同其他養生藥材，超級補呀！就咁當湯飲都飲左2碗。食材方面首先當然一定要有牛肉啦，手切牛肩肉唔多肥膏，肉味夠濃。另外要左炸響鈴，超大卷亦夠脆，仲冇油益味，夠新鮮。另外有魚肚，好厚身，用黎索湯汁一流。呢度竟然仲有冰菜，冰菜獨突既爽脆口感真係好好食，輕輕淥下就得，千奇唔好過熟整淋佢。丸就要左鵝肝墨魚丸同黑松露蝦丸，手打丸口感一定比機製好，而且加左鵝肝同黑松露味道都好夾。最後亦要左烏龍麵，幾彈牙。調味方面，有一個自助調味區，有六款基本火鍋調味料，但其實我覺得湯底已經好夠味，食材又夠新鮮，其實都唔需要加任何調味品。加埋杯潤口清熱既杭菊露，好滿足的一餐！

You hung out with friends, and they all got hungry. What’s better than feeding those monsters with hotpot. However, when it comes to hotpot, most places really don’t care about the quality of their ingredients. Well, we tried out a very delicate hotpot place today. The broth is a one of the most important factors that makes or breaks the hotpot, and in here, they do it right. We ordered the chicken broth. They literally added a whole chicken in it to make the broth. I’ve never seen any restauran

台式火鍋近期在香港流行起來，各區都有不同的台式火鍋店進駐，今天約了好友，來試一試台式火鍋。店內裝修得古式古香，而且大部分都是卡位。一進門口，就會看見了一個電子燈箱，原來這個可以自己製造的「放天燈」，製作完成後，就可以放上螢光幕。這個設計很特別，可以一試。酸菜白肉鍋，酸菜有點像韓國的泡菜，所以味道有點辣和有點酸，鍋內還有一些腩肉，味道甘香。一品花雕醉雞件，雞件以花雕浸泡著，吸收了酒香，只需滾幾分鐘，就可以吃。美國特級牛肋肉，脂肪分佈均勻，牛肉味十足，肉質偏腍，放在湯內淥幾下，就可以吃到嫩滑的牛肉了。餃類拼盆，有雲吞、魚皮餃、餃子🥟，其中以雲吞的味道最為美味。梅菜豬肉丸及蝦丸，梅菜豬肉丸，梅菜味十足，肉丸結實。蝦丸味道鮮甜，肉質彈牙，是我喜歡的味道。鮮炸響鈴，即吃鬆化，可以吃到豆香。泡湯就吸湯力十足，兩者都是不錯的選擇。咸蛋炸魚皮，咸蛋黃的醬汁鋪滿了魚皮，而又不會影響魚皮的鬆脆，我覺得即吃已經非常滋味。台灣水蓮，爽脆鮮甜，這個比較少在香港火鍋店吃到，是必試的其中一道菜。寛粉條，有點似薯粉，晶凝通透，煙煙韌靭。新竹米粉，是來自台灣的米粉，個人覺得是其中一款最好的米粉。烏梅汁酸酸甜甜，可以幫助

雖說一年四季都是打邊爐的好日子，但是冰天雪地烚下烚下，是最有氣氛的。趁天氣回暖前，快快趣約朋友吃火鍋吧！不過火鍋店開到成行成市，去那一間好呢？這回小妹就被餐廳的裝修吸引喇，因為這兒設有電子天燈佈置，食客可於品嚐美食同時，在此許願，真是有心思又好玩。打邊爐㷫烚烚，必定喝杯冰凍飲品降火。沖繩黑糖烏梅汁($28)酸酸甜甜、醒神開胃；杞子杭菊露($28)則清香順喉、明目養肝，兩者皆是健康之選。等候湯底滾起期間，最好就是吃碟餐前小食，咸蛋黃炸魚皮($68)香脆無比，表面包著一層金沙，超級邪惡，像魔鬼般引人停不了口。餐廳供應幾款特色湯底，作為貪靚的女生，大家異口同聲地選了美人鍋($228)。成品用料豐富，除原隻補而不燥的烏雞外，還有功效媲美燕窩的桃膠、有益的龍眼、杞子、南棗、黨參、冬菇和粟米，足足塞滿半個鍋子，出手闊綽。湯頭甜美天然，不會令人口渴，滋陰養顏、健脾安神。牛肉，可說是火鍋必備聖物，若沒見到它的蹤影，便像有所缺失。精選手切牛肩肉($198)色澤深紅，雪花均勻，只需放入湯中輕輕一灼，即可進食。薄切的牛肩肉緊密細緻，帶點嚼勁，肉味適中。連著脂肪部份油花旺盛，特別甘香。你一件、我一件，不知不覺