老鍋台式火鍋 (京都廣場) (已結業)

台式飲品店開到成行成市，今日我地食台式火鍋店 ，就當係冇去台灣既補償喇。餐廳既湯底十分特別 ，用藥材煮既真係好吸引。係店員用心既講解下，我地叫左美人鍋，入面有好熱門既桃膠，吸哂d湯式既精華。個湯式愈煮愈濃，直情唔駛用時油都夠味呀。另外，醬汁就係自己出去取，比起侍應拎過黎俾你落更好。因為隨時都可以拎，方便好多。我地食左手切牛肉，雲吞拼水餃，碎雞件同烏冬，覺得材料質素唔錯。坐位又舒服。仲有台灣人黎食Tim.8點後好似有折，餐廳差不多全滿。所以想食要卜定位先喇。

好耐無打邊爐啦，上一次已經係過年前。所以今晚約埋朋友一齊烚下烚下食返餐。人地男友貼心，知道女仔怕熱氣所以揀咗呢度可以滋補無咁燥熱。一入門口就見到天燈造型嘅門面，十足十台灣九份十份嘅放天燈外型，睇真啲仲有個筆記電腦俾客人自己輸入想投映嘅文字，打卡之餘又可以消磨一下等位嘅時間，一舉兩得。美人鍋。非常足料嘅一鍋湯底，原隻烏雞／紅棗／南棗／黨蔘／桃膠／杞子／金華火腿／木耳／粟米／桂圓等等等等熬製而成。所以一開鍋即刻試咗啖湯，入口好甜好順滑。足料煲嘅湯果然夠晒味道，又滋補。一品花雕醉雞。一上枱已聞到好香花雕酒味，雞件腌得好腍滑就算烚完都仲有酒香保留。美國牛肋肉。切得夠薄所以灼十數秒就可以，油花均勻食落無筋。餃子拼盤。朋友驚唔夠食所以一早點咗，哈哈。餃子都好飽滿大粒，其中嘅韮菜餃最好食，唔伯有口氣嘅人一定鐘意。食到一半要加湯，留意到侍應加嘅都係美人鍋湯，唔似得有啲地方只加清雞湯／水。保持湯嘅味道當然加原湯最好啦。梅菜豬肉丸／蝦丸。梅菜豬肉平時食蒸嘅就多，做成丸去打邊爐都幾好，紮實得黎帶點梅菜嘅甜味，比普通豬肉丸更有風味。而蝦丸就好彈牙內有大大粒蝦仁，唔錯。炸響鈴／咸蛋魚皮。打邊爐一定要點！吸晒湯汁

雖然喺台灣返來唔係好耐，但係我已經好掛住台灣嘅火鍋，好彩銅鑼灣就有間「老鍋」，即使喺香港都可以品嚐地道台式火鍋似乎好多名人幫襯鍾意影相嘅朋友，唔好錯過天燈打咭位呀，影相呃like一流！今餐好豐富麻辣鍋除了多種香料，藥材，仲有鴨血同埋凍豆腐，口味道地，湯底也不油膩。覺得唔夠仲可以追加，每份30蚊。精選手切牛肩肉牛魔王見到必定流口水！ 比起一般肥牛厚身， 咬落好有口感。加上牛味香濃，真係食極都唔夠！鵝肝墨魚丸及黑松露蝦丸手打丸比現成的丸細緻得多，竟然以鵝肝混入墨魚丸，真的不惜工本，超美味！至於黑松露當然冇得輸，松露香味配上幼滑蝦肉，大愛！咸蛋炸魚皮淨食又得，浸一浸湯再食又得，無論點食都係邪惡至極的美味寛粉條非常吸湯又彈牙，必點！杭菊露皇室魚肚口感煙靭，也很吸湯，含豐富膠質，養顏、美味又有益！冰菜高纖低卡之選整體來說食物質素平均不錯，值得推薦！

有唔少香港人都會怕熱氣而盡量少食火鍋，但火鍋湯底勝在夠多元化，所以愈黎愈多人愛上滋補湯底火鍋。近排愛上台式火鍋既我每逢見到美人鍋或養生鍋都會毫不猶豫試試。餐廳為於銅鑼灣地鐵站對面京都廣場內，環境夠大，而且有格調。最欣賞門口中小遊戲~無錯啦就係天燈。等位區設有電子天燈，可以寫上字句係天燈上面展示。望到MENU，第1時間當然就睇睇湯底啦，一共有4款，當中引起我注意既就當然係美人鍋同加強版養生鍋啦。加強版養生鍋用上各種名貴的中外食材，確實吸引。不過最後都係揀左適合女士嘅美人鍋。美人鍋配料用上桃膠、原隻烏雞、杞子、南棗及金華火腿等食材。其中桃膠有豐富骨膠原，而烏雞就夠哂滋陰補巧效。單睇材料就覺得好唔錯，湯底用老火煲成，飲落夠哂味道。湯底濃而不鹹，湯中帶有膠質，而材料亦非常多，愈飲愈停唔到口。烏雞多肉而且好鮮嫩。咸蛋炸魚皮最先上枱就係呢碟咸蛋炸魚皮，因為乾食都得，咸蛋份量適中，比起一般炸魚皮更加好食。一品花雕醉雞推介！浸過花雕酒後的雞肉入味，花雕味仍然香濃，而且雞肉大件，煮完之後依然保持嫩滑。美國特級牛肋肉牛肉本身就好鮮嫩，而且毫無雪藏味，過湯後吸收湯底精華，正!!!杭菊露食火鍋亦都要選擇D清火

今天又來吃男友最愛的火鍋。鍋底選了麻辣大辣，另外點了各種配料。醬料是在外面的調料吧拿的，有青蔥、炸蒜、辣椒、沙茶醬、蒜泥汁、芫荽、香醋和醬油。老鍋秘制麻辣鍋（中辣） $158老鍋的麻辣鍋以多種香料及藥材調製，還加入鴨血及凍豆腐。原本想點大辣的，可是店員提醒不夠辣可再加。中辣果然也算蠻辣，雖然可以更辣一點，這樣子吃也比較輕鬆，我們也沒再加了。皇室魚肚 $88魚肚共有八件，上面還有冬菇及南瓜。魚肚吸了麻辣湯汁真的吃得很爽！三秒響鈴卷 $68三秒響鈴卷顧名思義真的下三秒就好！這樣子響鈴才不會過軟呢。精選手切牛肩肉 $198牛肩肉雪花分佈均勻，牛香味重，吃下去也很香滑，男友讚不絕口。寬粉條 $38又是另一樣麻辣湯底必備的材料，份量好足，吃完真的好撐呢！冰菜（限量） $68冰菜爽脆多水份，營養價值高又低卡路里，還有維他命B6，據說是有助控制情緒。吃了那麼多食物還是多吃點冰菜平衡一下。台灣啤酒（買二送一）麻辣火鍋少不了啤酒。這裡還有比較少見的台灣啤酒，還在進行買二送一的優惠呢。吃飽喝足的一頓飯，有機會可以再來試一下膠原蛋白美人鍋，好像很滋補呢！

今個冬天已經過去，印象中竟然沒有食過火鍋！反正，香港人早已不再局限於寒冬季節才食火鍋，再加上全球氣候暖化，香港的冬天越來越唔凍，即使天氣已經開始轉熱，也決定今晚打邊爐。近一兩年，香港忽然興起台式養生火鍋，到底與港式火鍋有什麼不懂就不太清楚，凡事總有第一次，就趁今晚揀「老鍋台式火鍋」試一試；一間餐廳竟然在銅鑼灣開設兩間分店，位置還要相當接近，應該有過人之處。第一個引人注目之處就是貼在牆壁上的明星與火鍋店老闆的合照。本來，這種普遍的宣傳手法也沒有什麼特別，但正中央位置竟然是「發哥」的照片；印象中，「發哥」從未試過配合餐廳宣傳，莫非這張照片真是「發哥」幫襯過的真憑實據？另一個裝修特色就是播放着「放天燈」動畫的LED屏幕，點題了「老鍋」是台灣菜餐廳。去到餐廳時間尚早，人唔多，獲編配靠窗座位，望著街外熙來攘往的人群，多添幾分熱鬧。裝修以深沉顏色木材為主調，並加入一盞盞正方體吊燈以模仿「放天燈」的場面，再加一枝枝「台灣啤酒」空樽；刻意增添台灣風情。台式火鍋與港式火鍋的第一個分別就是醬料的選擇，只有七款。火鍋料一頁兩面，另外還有兩張精選推介，款式唔算特別多，但基本選擇齊全。食火鍋首先要揀湯底，選擇同

成日都聽到朋友話去食老鍋～於事今次我就決定去食老鍋喇～原來銅鑼灣已經有二間分店～我就揀咗位於京都廣場嘅呢間旗艦店～一開Lift門就見到有天燈佈景嘅打卡位～睇真啲真係有個點燈區，可以打返願望～然後喺隔離有兩個大屏幕會見自己個天燈～有30秒嘅時間影相～呢個電子天燈，又環保又得意～地方好大，我哋被安排坐4人卡位～座位好寬闊～我哋揀咗膠原蛋白美人鍋～湯底裏有粟米、冬菇仲有好多桃膠..仲有成隻烏雞切半放喺喺裏面～我哋等隻烏雞喺個湯底餚一陣～之後再飲吓個湯底先再打邊爐～個湯底又幾好飲喎～隻烏雞餚完湯仲拎上嚟食，啲肉又唔會好”鞋”～估唔到又幾好味喎～接著就係響鈴係新鮮炸嘅，好大舊啊～我就鍾意浸入湯底3秒，吸咗湯底啲味道但又唔係完全林晒～咸蛋炸魚皮熱辣辣食，充滿咸蛋黃好好味～不過建議快啲食晒，因為凍咗就變多油咗～精選手切牛肩肉好大盤好多，有牛味，無被湯底蓋過佢個牛味～綜合餃類拼盤我食咗菜餃同鮮蝦雲吞～鮮蝦雲吞有好大隻蝦喺裏面，好有口感菜餃味道不錯～梅菜豬肉丸&蝦丸梅菜同豬肉好夾，好好味蝦丸好彈牙一品花雕醉雞件好香花雕味，雞件好滑，食落有濃濃花雕味～台灣水蓮係台灣人嘅一種菜～好特別，建議唔好滾咁耐！爽爽

湯底正@老鍋台式火鍋 早排朋友介紹下去了老鍋食火鍋，真係好食到一個點 食火鍋食材最重要，這裡生料款式超多，肉類有安格斯牛，黑毛豬，嘉美農場雞肉，黑草羊，海鮮類有大蝦，帶子、鮑魚、 花膠、鯇魚，海鮮拼盤。。。手打丸，餃類還有蔬菜類價錢都是幾十蚊起標， 而且不時有多款優惠，透過一些APP去訂桌更可以全單打折優惠，大家不妨留意坐得舒服招呼也是無得彈 基本上稍為望一眼店員，就馬上有人為你服務， 混醬區~ 調味料不萛多款式，但其實食火鍋，最重要是食出原味，調味料真是不需要的東西 店員推介下點了美人鍋$228，一上桌就聞到陣陣中藥的香氣，不用說都知好滋補啦，用一只舊式的銅鍋盛住， 入面包括了一整只烏雞，淮山、 龍眼肉， 南棗，紅棗，金華火腿、桃膠和粟米，再加上上面的紅卜卜的幾顆杞子，既養生也令整體更加點美感 一滾就香氣撲鼻，一下子就飲了幾碗真材實料的湯，味道也很濃郁 其他食材幾分鐘內一一送上，非常快手 一品花雕雞件，非常推介 用上了嘉美農場雞肉，雞肉是偏廋的，但又絕不鞋口，即使煮了很久也沒有改變其嫩滑質地  精選手切牛肩肉$198~花紋好美呀!

放工同同事去食飯，有同事建議去食老鍋台式火鍋。火鍋店位置方便，就喺銅鑼灣站C出口對面。一上到火鍋店，就見到天燈區，喺到可以放電子天燈，可以自訂形狀同祝福語，好特別，打卡一流！🥰⭐️醬料茶芥 ($20/位)自助調味吧，配料隨自己喜好調配，有醬油，蒜水，指天椒，香蔥，芫荽，白醋，炸蒜，秘製沙茶醬，我地最鐘意個沙茶醬，夠味得嚟又唔係好咸，超讚！⭐️膠原蛋白美人鍋 ($228)呢到有好多款唔同嘅湯底，我地成班女仔最後揀咗個膠原蛋白美人鍋，決定滋補養顏一下😋湯底好足料，有桃膠，烏雞，杞子，龍眼，紅棗，南棗，金華火腿，粟米，新鮮菇菌。湯底好鮮甜，又唔覺得重味精👍🏻淨係個湯底已經好正！我地飲咗好多碗湯先開始打邊爐😂⭐️一品花雕醉雞件 ($88)隻雞好新鮮,酒味又香醇,好入味！⭐️精選手切牛肩肉 ($198)油脂分佈平均，肉質新鮮彈牙🤤⭐️綜合餃類拼盤 ($98)- 自家鮮做極品水餃- 自家鮮做鮮蝦雲吞- 自家鮮做韭菜餃- 魚皮餃件件都皮薄餡靚，好好食！⭐️梅菜豬肉丸(半份) ($48)⭐️蝦丸(半份) ($48)兩款手工丸都足料美味👍🏻⭐️三秒響鈴卷 ($68)現製即炸，脆卜卜又唔油膩。⭐️鹹蛋黃炸魚皮 ($68)好

約咗舊同學gathering，4個人柴娃娃去烚下烚下最開心，其中一個同學食過老鍋台式火鍋話好正，就帶埋我地一齊去試下。火鍋店門口有個放電子天燈嘅區域，呢到有天燈嘅裝飾同背景，屏幕旁邊有部pad可以喺到揀天燈形狀，再自訂祈福願望，之後有三十秒左右嘅時間可以影相👍🏻♨️茶芥 HKD$20/位自助醬料區，潔淨度十足，非常企理。配料有豉油，白醋，炸蒜，蒜水，指天椒，香蔥，芫荽，仲有秘製沙茶醬！♨️膠原蛋白美人鍋 HKD$228近年興台式養生火鍋，可以先飲湯後火鍋，滋補養生一下。呢到嘅美人鍋用咗足足全隻烏雞去煲呢個湯底，非常足料，配料有養顏桃膠，清甜嘅杞子&龍眼，仲有紅棗/南棗/金華火腿/粟米/鮮冬菇。湯底好鮮甜！又夠哂養生👍🏻值得一題嘅係，呢到嘅店員收碟同加湯嘅服務都好快💪🏻♨️三秒響鈴卷 HKD$68即叫即炸，新鮮滾熱辣上枱，可以選擇就咁食或者浸湯，香脆鬆化。♨️鹹蛋黃炸魚皮 HKD$68黃金炸魚皮，個人認為就咁食，好味過浸湯，食落有香濃嘅鹹蛋黃味又唔會過咸。♨️精選手切牛肩肉 HKD$198顏色亮澤，油花充足且平均，入口有香濃嘅牛味同油脂嘅甘香，肉質鮮嫩有彈性。♨️一品花雕醉雞件 HKD$88酒味香醇

天氣凍凍地，又好想打邊爐，今次去左第一次去既老鍋，都好多客人一齊烚下烚下。膠原蛋白美人鍋$228，滋陰養顏。有原隻烏雞，冬菇、粟米，湯好濃郁，飲完湯才打邊爐。酒香花雕醉雞件 $88，未煮和煮完後也有酒香，但雞不算太滑。精選手切牛肩肉 $198，外貌好味道似的，但不算太重牛味。餃類拼盆 $98，鮮蝦雲吞、魚皮餃、極品水餃、韮菜餃，每款兩粒， 餃好飽滿，餡料好足，好味。三秒響鈴卷 $68，現製即炸，需時15分鐘，等都值得啊，脆卜卜，熱烘烘，淥三秒就可以食喇！菜的品種款式好多，我地揀左冰菜 $68，見餐牌寫限量，高纖低卡，豐富維他命B6，口感好特別，好脆同爽口。寬粉條 $38，好貼心，有個兜仔比我地淥粉，易於處理，寬粉粗度如河粉，但比較黏口。

在香港想搵一間比較正宗嘅台式火鍋店比較難，見到有朋友推介，於是去試吓，真係幾好。🤩🤩🤩叫咗個二人套餐，都幾多嘢食，未食完已經覺得好飽，最後要打包返屋企。🤤🤤🤤湯底揀咗麻辣同埋酸菜白肉鴛鴦鍋，味道非常濃郁，由頭打到落尾店員不停加湯，食到最後都仲係好濃味。麻辣湯底裏面有蜂巢豆腐、鴨血同埋其他好多麻辣香料，分量十足。至於酸菜白肉鍋裏面嗰啲豬腩肉、酸菜、水晶粉真係超多，酸菜亦非常夠味，好正。😍😍😍小食係麻辣牛肚絲，又麻又辣，只係牛肚絲略嫌硬左少少，但都好有咬口，好味。🍤🍤🍤🍤海鮮食材貴妃蚌同埋海蝦都新鮮彈牙爽甜，好好味。🐮🐄🐮🐄個安格斯雪花肥牛，以為一卷裏面只得一塊，但原來裏面有兩塊，其實個份量都幾多，但略嫌肥咗少少但都好重牛味，好食。🦑個鵝肝墨魚丸其實冇鵝肝味，但墨魚丸爽口彈牙，裏面有粒粒墨魚，唔錯。🐷🐖到個鹹蛋豬肉丸，嘩！裏面有好大粒鹹蛋黃，所以覺得好鹹，唔好食。🥟🥟🥟水餃、韭菜餃，魚皮餃三款都好好味。🥢🥢🥢千張豆葉紙係一張非常薄嘅豆類製品，真係薄到好似一張紙咁，放落麻辣湯喥索晒啲味，超正。🥬🍅🥦啲菜同埋新竹米粉食唔晒要打包返屋企。🥤🥤🥤個烏梅汁裏面有梅肉㗎！好好飲啊！👍🏻👍🏻👍🏻