老鍋台式火鍋 (京都廣場) (已結業)

今日約左朋友去銅鑼灣，點知朋友突然話想打邊爐，就好即興咁搵邊到有得打邊爐，咁就搵到呢度有特價火鍋，午巿時段有套餐優惠，二人餐假日時段有七折(折後$405)，就黎試下。醬料就在出面的自助區，有芫荽無限供應，非常吸引！值得一提佢除左炸蒜之外，有蒜泥汁，咁食物點汁時就更加吸收到蒜味。湯底方面我地揀左老饕酸菜白肉鍋，第一啖緊係要試下個湯底先，味道濃郁，真材實料，湯底入面本身都會有番茄、粟米、紹菜、冬菇、寬粉同埋腩肉。順便一提寬粉口感煙靭，索哂湯底好好味！肉方面因為我地係牛魔王，就揀左雪花肥牛，雪花肥牛肥瘦適中，有牛味，份量亦都唔少，而且大大片。丸餃拼盤方面，由左邊起有台灣蛋餃、墨魚丸、香菇貢丸同魚皮餃，同朋友一人一件，我最中意係蛋餃，蛋皮蛋味濃，而入面的肉都好甜，仲有墨魚丸好彈牙，似新鮮打起的，大大粒。五彩鮮蔬盤有唔同種類的蔬菜，打邊爐都要食下菜，咁先至健康，而且菜都幾新鮮。麵食類我地揀左米線，打邊爐揀米線先可以更加食到湯底的精華，而且佢比埋個煮米線用的工具比我地，我都係第一次用，有得玩有得食。飲品方面我地揀左佢貼喺牆上介紹的白桃烏龍茶($28)，茶味清香，好襯打邊爐。呢個份量真係非常飽，我地

通常台式火鍋啲侍應都好有禮貌好有熱誠，但係呢一間分店嘅侍應都比較頹。食物係唔錯嘅，我哋要咗鴛鴦湯底，麻辣配東方美人。個人特別欣賞麻辣湯底入邊嘅豆腐，同埋試咗醬料裏面嘅沙茶醬都好香。但好可惜我哋嗰碟水餃係唔新鮮，不過佢都即刻扣返錢。

朋友話想試台式火鍋，見到呢間不斷有人推薦就試下，黎到點都要試酸菜白肉鍋叫咗鴛鴦湯底，一邊係酸菜白肉鍋另外一邊係麻辣鍋，本身兩個湯底入邊都有啲配料。酸菜鍋入邊有豬肉、寬粉、酸菜，而麻辣鍋入邊有凍豆腐、鴨血。配料畀得好足，唔係得一兩件。酸菜白肉鍋夠酸，有少少辣同甜味，配寬粉就最啱，吸哂湯汁。呢度嘅響鈴似係自己炸，全部都好新鮮冇油益味，放落湯到浸5秒已經好正。金菇都好新鮮冇嗰啲草腥味，不過價錢就偏貴，呢度一細紮好似就要40幾蚊，唔抵食。另外叫咗牛肉冇影相，有油香得來肉味濃，好食整體食物都係好食同埋新鮮，但係價錢就真係偏高

自從疫情之後，好耐冇去台灣旅行，有啲掛住台灣既美食，所以今日放假黎左呢間台式餐廳老鍋台式火鍋黎食lunch。呢間餐廳環境係傳統既中式風格，座位相當闊落，唔會逼住逼住。咁呢間餐廳個名雖然係叫台式火鍋，但除左火鍋之外，仲有米線同便當可以食。我唔想下午食火鍋，我就叫左個老鍋自選午餐同鹽酥雞拼滷肉飯同朋友share食。老鍋自選午餐可以自選3個餸，咁我就揀左酸菜湯底，餸就揀左鴨血，香菇貢丸同桃膠。酸菜湯底唔算太酸，啲酸菜幾好食，十分開胃。鹽酥雞拼滷肉飯，鹽酥雞十分脆嫩，滷肉飯上面既滷肉十分腍，比較似台灣正宗既滷肉飯，係香港好少食到咁正宗。小食方面我地叫左台灣蒜香腸，食落甜甜地，大分好食。另外我叫左枝冷泡白桃烏龍茶，朋友就叫左杞子杭菊露飲。

今晚打邊爐 酸菜白肉加麻辣 呢間台式火鍋係銅鑼灣 最出名就係食台式美食 最精選就係麻辣同酸菜白肉食材用料講究 新鮮美味鍋底約5分鐘就準備好上菜 單點有各種新鮮海產 今日有返長聖子就叫左一份另外仲試埋老油條 肉丸 鮮墨魚丸 豚肉片 蘿蔔片本身佢個鍋底入面已經有唔少食材 酸菜同肥豬肉片 食住腩肉片好夠肥甘香酸菜既自然酸味不濃郁 但入味有淡淡微辣,原來係加左少量辣椒帶味 類似韓式泡菜 食落仍然帶點脆感麻辣最岩食肉 肉片輕燙幾秒就食得又薄又嫩 麻辣唔係攻鼻個種係有種藥材香 濃而麻香帶辣老油條係特式台灣火鍋料,同豆皮卷食法一樣浸湯幾秒就食得,入口脆但吸滿湯汁好味!肉丸鮮製,彈牙有肉汁消費$550評分8/10銅鑼灣駱克道491-499號京都廣場2樓

老公返工，我放假，最好做d乜？梗係約朋友食吓好嘢啦！🤣🤣🤣我哋兩個之前都係灣仔返工，自從搬咗去火炭之後，真係好少再去灣仔、銅鑼灣啦！所以我哋今次舊哋重遊，順便睇吓有乜好嘢食。😆😆😆我哋行吓行吓，雖然真係有好多美食，但真係花多眼亂，最後我哋就揀咗呢間打吓邊爐，又可以慢慢傾計嘅地方。😛😛😛老鍋台式火鍋 (京都廣場)地址：銅鑼灣駱克道491-499號京都廣場2樓2人餐老饕酸菜白肉鍋超多配料，白肉超爽口，又唔會太肥，湯底酸酸哋，好開胃，配埋寬粉條簡直一絕。👍👍👍雪花肥牛厚薄適中，唔會太肥，食落有牛味，唔會有雪味，絕對係靚牛之選。😋😋😋墨魚丸、香菇貢丸、魚皮餃、台灣蛋餃（各2粒）因為係二人餐，所以每種都有兩粒，墨丸係手打，夠新鮮彈牙，蛋餃夠好食，吸埋酸菜鍋湯底，好食。🙂🙂🙂五彩鮮蔬盤（細）雖然係細嘅菜盤，但份量都幾多，菜夠新鮮，食落夠鮮甜。😊😊😊米線最後食埋米線再配湯底，真係超滿足嘅一餐。🤗🤗🤗整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌗環境：🌕🌕🌕🌕地點：🌕🌕🌕🌕而家想介紹好嘢比大家都好難，自費食嘢都比open rice拒絕。自費嫁！

身邊個果 成日都話要去老鍋食酸菜白肉鍋今日就去食老鍋入到去先發現 原來而家有午餐優惠限定QR cord落單 飲品先上杭菊露 重菊花味 甜到適中又唔會太淡冷泡白桃烏龍茶 入口有淡淡白桃味 茶味屬於清淡台灣蒜香腸配滷肉飯滷肉飯非常大碗 滷肉屬於肥肥的 飯帶有香香滷肉味 亦放有冬菇 另外滷肉飯多汁所以唔會乾 餐中配有台灣腸 切至薄片 一啖飯一啖餸酸菜養生湯米線 自選肥牛蟹棒魚皮餃酸菜比想像中 唔算太酸 湯底帶有小小甜米線唔會過硬 湯米線份量算大碗小食拍青瓜 正常

放工後，约友晚膳，她向喜台灣食物及火窩！而相约友在銅鑼灣京都廣場~(老鍋)此店環境清雅及舒適，放工後真要舒心下，我們一看已覺此是相聚飯局好地方！我們選了台式~老饕酸菜白肉鍋~而端上枱的古式銅鍋！一见懷舊野顿覺追回往日情懷，找回往若時光感！而此火窩湯內取食材很豐盛，有上極品豬王五花腩肉，份量多，刀章好，此薄切腩肉非爽脆又有鮮肉味，我們都齊出聲叫好的一精選肉片！正呀！也有極推薦的是那碟雪花肥牛，夠新鲜又油份佈均勻，肉質嫩滑，碟頭也夠份量，精選此是必然，因火窩豈能無靚牛呢！勝了！伴著的~丸餃拼盤和新鮮五彩鮮蔬菜拼盤，很好配合！而值得一提窩內配有精選大白菜，及其他新鲜食材作湯底，及晶瑩之滑滑宽條粉，入口煙韌，湯味較得酸甜度適中，好味，我們也又叫了福州丸湯包和台湾白葡萄啤酒！友說這台式很是滿足啊！我們飯後也不覺得口渴！也認為要此刻健康至為重要，所以齊讃了！在此渡過愉悅的晚上，服務員的耐心及细緻介绍，服務態度好！我們已预算要再约其他友人齊來聚聚了！是值得推薦的店子！

今日同男朋友出黎銅鑼灣行街，去到晏晝時間見餓餓哋，就喺附近度搵嘢食。經過京都廣場嗰陣，我哋就揀咗呢間台式餐廳嚟食午餐。呢度晏晝有午市優惠限定，我哋分別叫咗一個老鍋自選午餐同一個鹽酥雞拼滷肉飯。老鍋自選午餐可以自己揀三樣餸，我自己就揀咗香菇貢丸，桃膠同埋鴨血。香菇貢丸都幾好食，桃膠食落冇咩味，鴨血就麻麻地了，冇鴨血嘅香味。呢個鹽酥雞拼滷肉飯相對來講就比較好味，啲雞都算脆，不過份量有啲少。但係滷肉飯嘅味道就真係唔錯，比較似台灣嘅口感同埋味道。我哋叫咗一份台灣蒜香腸，上面有蜜糖，食落甜甜哋，幾好食。嘢飲方面我男朋友叫咗一杯杞子杭菊露，飲落係普通嘅菊花茶味道。因為個杯嘅關係，佢第一眼望落有啲似啤酒，幾搞笑。而我自己就叫咗白桃烏龍茶，淡淡哋幾好飲。總括嚟講，喺銅鑼灣食到咁平價嘅台式餐廳都算唔錯。

好掛住台灣啊我，你地呢？早幾日拉埋朋友仔黎食老鍋滷肉飯好味到想打包多個返家可惜住得遠左啲咋😭😭唔會飯多料少！勁足料啖啖肉仲要勁香夾啲肥膏油簡味好正唔會乾巴巴不過又唔覺成口肥膩感架喎朋友同我掛住食差啲唔記得左個米線😂😂米線定飯份量都好足夠絕對夠你地飽飽啲麻辣小食個個夠辣夠過癮必點青瓜絕對解膩啊而且酸梅汁唔會有過甜糖漿味！炸豆腐外脆內嫩口感非常吸引😍😍😍😋📍銅鑼灣駱克道491-499號京都商業中心

雖然佢係台式火鍋店 但除咗火鍋 午市仲會有飯同養生米線🍜嗰日𝒍𝒖𝒏𝒄𝒉就去咗試吓😋.📌老鍋自選午餐 $56包一個湯底+主食+兩個配料+自家製飲品😛湯底揀咗酸菜養生湯 面頭有一大堆酸菜 酸酸地唔太鹹 幾好食😋不過湯底就唔太酸唔係幾夠味🥺主食就揀咗米線🍜配料就揀咗雪花肥牛,香菇貢丸,大腸頭😎加多個配料+$10🤑個肥牛出奇地正 牛味濃喎🐮上枱嘅時候係半生熟 食落都幾滑😆豬大腸爽口嘅 但就有少少豬騷味🤏🏻.📌鹽酥一口豆腐拼滷肉飯 $62滷肉半肥瘦 炆得好淋好入味 份量夠撈飯🐷個飯仲煮得好爽口 撈晒個醬都唔會好濕🤩鹽酥豆腐炸得外脆內嫩滑 上枱咬開仲噴煙😚.📌麻辣牛肚絲 $22麻辣味好重🌶青瓜絲都幾多🥒牛肚就偏少🤫牛肚口感唔錯 幾爽口🤤.📌冷泡雪梨桂花茶 +$8雪梨嘅清甜味再加少少桂花香 幾清新 唔錯🍐🌼.📌杞子杭菊露飲落好香嘅菊花味 仲有杭菊獨特嘅苦澀味🌻杞子味就冇乜🙈

👁‍🗨酸菜養生湯米線(7/10) $56.➰呢日叫左個米線，有麻辣湯底同酸菜湯底比你揀，我吾食得辣既，就只好揀酸菜湯底😂至於配料，呢個價錢就可以揀三種，我就揀左魚皮餃，雞肉同鮮冬菇😺米線既份量都算多，魚皮餃都有四隻，幾慷慨😇不過佢個酸菜湯底比我想像中既有出入，初初以為會似酸菜魚果種味道，食落先知佢係用泡菜去做呢個酸菜湯底，所以食落酸酸地之餘，絕對會有淡淡泡菜味🙃.👁‍🗨手拍小青瓜(7/10) $ 20.➰除左米線之外，可以加錢叫小食，我同朋友叫左拍青瓜，個人覺得佢呢個拍青瓜都幾特別，食落帶點微辣，又有少少麻辣既感覺咁😂😂多重層次感.👁‍🗨鹽酥雞滷肉飯(7/10) $ 56.➰ 鹽酥雞都整得吾錯，重點食落吾會覺得太炸太油膩，飯既份量都多，味道香口，不過個人回嫌入面既滷肉肥左些小，如果可以肥瘦適中啲，咁就會更好 🙃飲品本身想叫冷泡白桃烏龍茶，點知呢日暫停，係冇咩選擇既情況下，就揀左冬瓜茶同埋沖繩黑糖烏梅汁，冬瓜茶就吾洗講啦😂大家都知係咩味，至於個烏梅汁飲落就好似屋企自己煲既菊花茶咁😂帶少少回甘，吾會話太甜，幾fresh .🔛 整體評分（7/10)

銅鑼灣火鍋店食午餐環境寬敞舒適，裝修中國木系風格，播著80年代粵語流行曲。假日午餐時段人比較少。餐廳座位舒適，卡位～提供紙巾和濕紙巾。#老鍋王牌養生米線 $78麻辣養生湯不會咸，小辣不會很辣，有點中藥味，有點台灣鍋的味道。配料選了雪花肥牛，偏瘦有咬口，淡牛味，豬腩肉夠晒肥，邪惡。米線夠腍。小食點了甜甜的台灣蒜香腸，是切片香炸微脆，小咸。#鹽酥雞滷肉飯 $68有兩條菜心和半隻烚蛋拌碟，滷肉飯多汁，每粒飯都有。滷肉肥美，有點像東坡肉，入口即溶，小心吃多會膩～香炸鹽酥雞細細粒，一口一啖，味道有點像以前茶餐廳炸豬扒那種特別的香味。#雪梨桂花茶 淡淡桂花，微甜#杞子杭菊露 無糖健康服務質素：5/10環境舒適度：7/10ᶘ ᵒᴥᵒᶅ個人口味評分：5/10

老鍋台式火鍋 (銅鑼灣)最近去開銅鑼灣,經朋友介紹就去咗依間台灣邊爐。lift門附近有好多老闆同明星嘅合照,而左邊手喺富有台灣特色嘅天燈,右邊就有張充滿古色古香嘅長櫈,打卡一流。今次揀咗個90分鐘嘅老饕酸菜白肉鍋2人套餐跟雪花肥牛,唔包飲品,嘢飲要另外叫。醬料方面都有豉油莞茜蔥果啲,想食幾多就拎幾多。上菜嘅速度都算快,店員一嚟就提我咃要食咗入面嘅寬粉先,配埋個酸菜湯底真心唔錯。豬腩肉食落有啲臘腸味,都幾特別,個人鍾意跟蒜泥汁一齊食。值得一提佢嗰雪花肥牛食落去好有質感,個湯又唔會掩蓋咗佢嘅牛味同香味,米線亦都好新鮮,爽口彈牙,整體嚟講,個火鍋用料幾靚,用料新鮮,連粟米依啲配料都好好食。依家個限時嚐味套餐仲做緊優惠,星期一至五5折,星期六日及公眾假期7折。

今日放假老婆帶我去食好嘢間店舖好近地鐵站一出地鐵站斜對面就係一上到去門口就有餐牌可以睇吓食乜嘢做完簡單嘅量體溫同安心出行後行多兩步有口罩紙袋免費索取跟住我哋就坐低咗睇完餐牌我老婆就叫咗老鍋自選午餐酸菜湯底三個配菜，鴨血， 香菇貢丸，桃膠材料豐富，白菜有泡菜嘅味道桃膠食落好似啫喱香菇貢丸，味道香濃跟住配左自家製飲品冷泡白桃烏龍茶而我就叫咗鹽酥雞拼滷肉飯滷肉飯啲滷肉非常好食勁多肥豬肉超級開胃炸雞外脆內軟我就飲杞子杭菊露（第一眼睇落去仲以為係啤酒）簡單來講杞子菊花茶最後配咗個小食台式蒜香腸台灣腸好正室內環境好有古代風格環境優美裝修好用心佢哋啲吊燈好特別好靚好正