老趙 (已結業)

年廿九礸石山廣場人來人往，好彩做食飯，唔駛等位就有得食！馬拉盞炒通菜：熱辣辣，份量十足，味道可以，菜亦不老。蕃茄蟹肉湯檬：上枱賣相不討好，咸度指數爆燈！毫冇蕃茄味！蟹肉亦消失了！只有豆腐卜及扎肉幾件。總結：「錯哂」！咖喱牛腩配蒜蓉包：咖喱牛腩有根有肉，但肉比較瘦。整體不太辣，但偏咸！蒜蓉包非常鬆脆，可惜只有兩小片！面書打卡及在餐紙一提供評語，可免加一！可是。。。沒幫助了！總結：新張營業口碑非常重要，但是我的猴年最後一篇食評，劣評！

荷里活廣場之前個food court已經無咗，取而代之係三間食肆，同朋友行過3間中 (另外兩間：元氣、燙烤達人)中揀咗老趙，事關之前晌佐敦嗰到吃過，知道依越南嘢，味道都唔差，又有午市套餐，決定入呢間……午餐入面揀咗生牛肉湯河，加飲品 (有即磨咖啡、桂園紅棗茶、柚子茶等，感覺都算多款)個粉嘅湯底都算熱，而且唔濃，牛肉起碼送上嚟時唔係熟晒，都可以，不過湯就多番少少就好，因為好快就吸晒，令到最後啲粉變得好爛，整體味道唔差至於朋友就叫咗香茅豬扒湯檬，豬扒入口都算鬆化，每人55蚊，如果就咁計個lunch唔係好平，不過晌荷里活間間搵位吃lunch嘅地方，價錢都差唔多，起碼呢間比旁邊兩間新店為平，都算係咁，行開搵地方吃lunch都可以一入。

荷里活廣場食街結業後，變成三間舖，其中一間係老趙，其餘兩間都食過，決定試下越南菜。想食嘅野好多都寫準備中，新開張都半個月，最後叫左三樣野，小食拼盆，咖哩雞肉拼蒜包，大蝦鍋飯。小食拼盆，一般，但拼盆嘅串燒都冇汁點，好dry.咖哩雞汁太稀，個人不喜歡，雞肉好似炆過咁，入口就溶，咩食法。講鍋飯，冇味啲蝦就ok ge。值得一提，服務態度挺好的。價錢偏貴，味道一般，一次就夠了。題外話，店內有vip房，入面有張12人大枱，冇人想搭枱，於是兩人就坐大圖枱，包場似的。

今日去開荷里活廣場先發現原來冇咗food court，取而代之係三間食肆。老趙門外既公仔設計幾吸引，走去望下個午市餐牌，原來係食越南菜。見未食過就入去試試。揀咗個「蕃茄蟹肉湯檬粉」再追加咗個「蟹肉焗蛋金磗」。湯檬湯底好味，豆卜索晒湯嚟食。金磚其實見蟹字而叫，唔係好知咩嚟，賣相幾精緻，原來入面好多料仲有蛋香。最估唔到呢度有即磨咖啡，好滿足嘅一餐P.S. 見舖內有兩間大房，下次大棚人聚會有多個選擇