老趙 (已結業)

突然想食越南菜，咁啱又係鑽石山，所以就食老趙。今次係第二次食，第一次食個陣已經覺得佢既湯底唔錯，不過同美國越南比就一定無咁正宗，但一解食pho既思愁倒係唔錯既選擇。嗌jor碟炒雜菜，然後一碟蟹膏炒飯同埋一碗生牛肉粉。最後全清。味道唔錯，而且環境唔錯。其實好想試下啲小食，但個人覺得比較貴，所以就無嗌啦。其實整體餐廳既價位都比較高，一碟蟹膏炒飯已經90幾。本來想食甜品，但最後都因為好飽所以無試啦。下次想食越南嘢都係會再食既～

聖誕節過後，一家人再出動搵好嘢食，今次係第一次食LEE間越式菜，見佢有圓枱，都幾方便，而且都好似新開不久，就試下啦！叫咗個2人餐再加多3個散叫。2人餐B：鮮蝦柚子沙律：超級多蝦，仲諗住得兩隻添，哈哈！蝦爽口新鮮，不過唔係好有蝦嘅甜味，還好佢個沙律汁酸酸甜甜好惹味，配在一起食都不錯。只係柚子比較少，還好沙律菜都算多。越南炸春卷：有生菜配在一起，包住一齊食感覺無咁熱氣，炸春卷料都ok越式燴牛尾+蒜蓉包：牛尾忟得好夠淋，牛尾汁好濃又好甜，蒜蓉包吸晒D汁真係好惹味，一連食兩塊，今次真係變肥豬啦！蝦膏蟹肉炒飯：味道較為淡一些，加咗D肉碎生菜包嘅肉碎一齊食，味道都啱啱好喇！泰式甜品：椰汁糕，唔甜，好煙靭有口感，仲有個椰汁點下嚟食，同樣唔甜，都OK。另外後加3個食物：香茅雞翼凍檬：本身凍檬加上酸甜汁已經好開胃，原來加牛尾汁一樣咁正，牛尾汁又熱又濃，加上凍檬本身無味道，配在一起好好味。香茅雞翼燶咗D，但都好香口。肉碎生菜包：肉碎有小許辣偏鹹一D，配生菜，包住佢一齊食就啱啱好。水晶蝦米紙卷：水晶皮厚咗少少，同埋越式食法加甜醬同辣醬，感覺怪怪地

見到個名有親切感，皆因有朋友姓趙見間野装修Ok,但冇乜客，已經覺得怪。同老婆2人叫左1個撈加一個小食，最有䏲頭，可惜芽菜好似生生地，仲有泥味。呢碟春卷外熱內凍，唔係禁易食到，好彩部長立即換走，如果唔係....哈哈又黎喇又黎喇，本人極度討厭杯野得一半多d /比人飲左1啖似的。寓意常滿唔到。最後總結：環境服務滿分，食物質素一般，唔通泰式野是生d好味d??附合泰情？

完全無諗過可以難食到咁，樣樣野都冇味，勁淡口，牛肉炒河炒到好似垃圾咁，炒到碎哂，我是但出去叫個干炒牛河都好食過佢，條燒茄子好似就咁整熟鋪d野係面就算數，又凍又冇味，馬拉盞炒油麥菜又係凍既，d菜好似烚熟咁再加d馬拉盞整埋一齊就上枱，個兩隻漸燒海蝦仲搞笑，明明應該係燒，出到黎好似蒸熟咁，唯一係個豬頸肉好少少，一間咁既鋪頭，做得咁冇誠意，不如唔好做喇，垃圾，永不再去....................

今日往鑽石山荷里活廣場逛街，經過老趙就入去試試，很多年前試過佐敦那間，印象中是不錯的。鑽石山這間開了不久，今天終於有機會試，因時間尚早，還未到晚飯時間，人不太多。我們只簡單點了兩款。金不換牛肉炒河粉牛肉很腍，整個河粉偏向辣，但可接受，且幾惹味，但是鹹了點，而且較油膩。蕃茄蟹肉湯檬粉蟹肉不多，番茄湯味道不夠濃，配料份量一般，但整體來說味道可以。地方乾淨整潔，侍應服務也不錯，價錢一般，下次應該會再光顧試試其他菜式。

收工约左fd去鑽石山荷里活廣場睇戲，睇戲前一於找個地方醫飽肚先點知整個商場所有食店都好多人等緊位我哋見到有間內裏比較少人，心想呢間可能比較貴，但見唔係太多時間，一於照攞籌等位，還有取多幾間睇吓邊間快食邊間，點知唔使15分鐘呢間店就有位，即管入去試吓見座位唔係好寬敞要搭枱，可能呢個原因，所以比其他餐廳快有位坐低睇吓menu原來係食越南菜，我哋就選左紅酒燴牛尾配蒜蓉包、馬拉盞炒時蔬和蝦醬蟹膏炒飯，呢間店上菜速度都快，唔使10分鐘左右就陸續送上紅酒燴牛尾配蒜蓉包，蒜蓉包好脆好香蒜蓉味，個汁好濃味道好好用來沾蒜蓉包或撈飯食一流，牛尾燴得好入味好淋，超正！馬拉盞炒時蔬，就冇想像中噤好味，我覺得唔夠馬拉盞唔夠野味蝦醬蟹膏炒飯，飯炒得幾乾身，炸銀魚仔干、蟹肉、蟹膏和辣椒粉撈勻炒飯來食增加口感和嘢味度需在唔夠蝦醬，完全食唔到蝦醬味，唔係就完美！但呢間店都值得我再光顧，因為餐牌有好多美食都吸引到我，I will be back!!!

第一次泥食已經好開心覺得好食，因為真係幾好食，所以今次已經食第三次😊今日晏咗d到，要等叫飛。等半個鐘，我夠哂鐘食藥，但無水係身...見佢d侍應無咁忙，就問佢可唔可以俾杯水我送藥，佢好有禮貌仲心急過我叫我入去拎水，好好咁問我怕唔怕水太熱，等我放好藥入口就遞杯水俾我，另一個妹妹幫我收返好杯水，兩位都真係對人好好。其實舖頭咁忙理性上佢可以婉拒我，但佢哋好好，對人客好好，好值得一大堆文字係度多謝佢哋😃講食物，我次次必食係炒牛柳粒紅飯，牛柳好夠肉汁，肉味好夠，好香，但唔會好油膩，因為佢炒咗蕃茄同彩椒，所以好正，紅飯又好好味，好滿足。另外係生牛肉河，個湯好香，好夠牛肉味但唔油，好正。反而牛肉就普通d。仲有食咗個鮮蝦紙米卷，真係幾好食，口感好好。唯有希望改善嘅枱嘅距離，係因為枱與枱之間真係好近，我左邊張枱個男人打“黑痴”超大聲，我竟然嚇親到成個人彈一彈🤦

98蚊一碟 香辣豬頸肉炒貴刁 ，貴刁 黐埋一 舊舊， 只係得一個辣字， 指天椒完全蓋過咗所有嘅味道， 冇香味， 豬頸肉少到出奇， 完全唔值呢個價錢， 40蚊都畀多。 阿女叫咗個香茅豬扒飯， 賣相 同 味道 真係 普通到唔普通 ， 豬扒煎到一pat pat， 只係將啲 煎完 嘅豬扒 ， 隨意放喺隻碟上面 ， 隔離 加 舊飯 ， 就賣 五十幾蚊 ，分分鐘自己整仲好食過佢。 老婆嗌咗個 雞絲 湯 河， 叫做入得口 。小食要加15蚊， 特飲 又要加15蚊， 套餐 凍飲加三蚊， 叫咗兩杯凍檸水一杯 凍檸茶， 連 地踎茶餐廳既質素都不如。

今天在這裏吃了一個下午茶餐，味道更普通的茶餐廳差不多。服務更加不用說了。舉了手很久也叫了很耐夥計，夥計們站着也不望你。好明顯他們是不想落單。這不是我的偏見，連同行的朋友也這樣說。當然下次不會再光顧。我叫了一個香茅豬扒飯，本來想加一杯椰汁三色椰汁冰。但侍應說椰汁冰已沒有了很久.....越南餐廳竟然椰汁冰...還說已很久沒有....真的覺得有點奇怪。我朋友叫了牛肉河粉，他說味道一般，以前都認為老趙餐廳中最好味的，但原來已經時移世易，已變了一間普通的茶餐廳。下次不會再光顧了。

今日星期日，我地又外出覓食，去到荷里活間間鋪都人海人海 幸好12點幾嘅時候呢間野唔太爆，有位坐。不過我地食緊果陣已開始多人了。呢到好光猛而且又多位，都舒服啊！男人每次都叫牛架了，佢話呢間牛比越一好食。湯底呢，就會比越一好，好濃味，我試了口，都覺得好正我叫左雞絲湯檬，本想食撈檬，可惜太想試人地個湯底，所以都係食湯啦，個湯底都好唔唔錯 比上次同家姐試果間觀塘樓上鋪3越好好好好好好多倍，呢啲先叫越南粉囉再加左個小食份量好少，味道都麻麻。始終似交貨黎嘅野食啊⋯⋯而且裡面啲料都有陣怪味下次只會再食湯河或試食撈麵臨走先知有外賣。

D侍應一D禮貌都冇，果時少人，但落單好似趕住去死咁，果時我同朋友真係好無奈，可唔可以改善下你地D態度呢！仲要唔係一兩個咁，又其係係櫃臺果個男人成日黑口黑面，我比錢黎食野，唔係黎受你地氣架

睇戲前食飯但條又好熱於是就留喺荷里活食，見佢唔駛點排隊就去左試下叫左炒貴刁，咖哩牛腩配蒜蓉包。炒貴刁啲麵炒得唔太勻但味道還好，至於咖哩就唔太有咖哩味同埋牛腩有啲'痴'牙，蒜蓉包都唔係搽左太多汁就烘。叫左杯斑蘭奶茶，有少少似泰式奶茶味道偏甜。整體黎講我覺得同連鎖快餐店嘅水準差不多但價錢就貴少少。

The lunch set here is nasty to the point that you lose appetite when you just look at it, would not recommend The food quality is unacceptable; the porkchop tastes like a sponge 豬扒難食到嘔!!..............................!........!

Food was unacceptably bad.Ordered pork chop rice and a drink.Cold drink turned out to be hot.豬扒老過老趙。服務態度差過是拉差。Tried my best to finish the food, but food was too bad.Absolutely not recommended.Blacklisted, 永遠唔會再食。Please do not try it.Don't do it man.

好耐之前喺尖沙咀食過，印象中大頭蝦好出名，今次喺荷里活廣場見到，周六中午又唔算多人排隊，就入去坐低試試Lunch Menu生牛肉粉$52湯底濃味 蘿蔔入味 唔錯香茅豬扒飯$55豬扒肉質麻麻地 呢個一般 加$10 雞絲粉皮卷皮太厚 呢個都係一般加$15 越式炸春卷個皮脆卜卜 餡料足 呢個唔錯