老趙 (已結業)

首先飲品已經落錯單，小食又一直未到，催了幾次，無論是侍應或經理都是應過就算，完全没有跟進，用餐完都未到。最後唯有大叫，經理才願認真處理。服務質素非常之差，令人不想再去光顧。

鑽石山幾年沒來了，原來變化很大啊！以前工作很忙碌，都市人打工仔嘅我就係咁，返工放工咁就一日，咁就幾年了！今日約了友人，時間又很急下，記得以前係有很多食市㗎！轉了幾轉都找不到！於是就以最快速度找啦！遠遠就望見呢間幾吸引，就入去了，地方很乾淨，還有卡位坐添，地方好舒服唔嘈雜，價錢一般，叫了香茅豬扒飯和咖哩牛腩飯。環境好光猛香茅豬扒飯 ~~薑蓉好味 豬扒煎得熟有些硬 好大碗飯咖哩牛腩飯 ~~出奇的好好味 牛腩好淋 有少少椰漿味 好開胃

放假一個人去靜靜地吃個下午茶～看中老趙下午茶時段是14:30-17:30，夠長，剛剛趕得切～老趙的裝修一向不錯，給人一種溫馨的感覺。下午茶時段人不多，位任揀～下午茶餐包野飲，叫了桂圓紅棗茶，補補血氣，味道清清地，不錯。主菜來了！越式牛尾飯～平時在家不會自己弄這個，所以特地點來吃。很多牛尾，覺得值了。個汁酒味比較重，個人還蠻喜歡的。肥美的牛尾～～～～埋單50大元，又有野飲又吃到d屋企不會做的菜，抵玩！

第一次亦都係最後一次食一入門口有個矮矮地勁瘦類似部長嘅男人問我地幾位 佢啲態度衰到爆 茶餐廳啲侍應都好態度過佢諗住間野有啲人點都唔會難食得去邊掛 點知 未執好枱就叫我地入 嗌左個炒河 小食拼盤 無一樣野係掂 諗住係商場入面衰極有限 但個炒河可以是但搵間茶餐廳炒都可以好食過係老趙食諗住食物差都算 員工嘅質素更差 尤其曲髮個位呀姐 傳菜黑口黑面 問佢啲野又那口那面 心諗得罪佢啲咩個部長就不停過黎收我地啲野 其實間野又未full 唔加水都算啦仲要不停過黎阻住哂 好騷擾相反我地同個後生啲嘅女侍應話想要杯凍水 好有禮貌又會點頭比杯冰我地 但成晚食完個結論係一定唔會再黎 性價比低 咁嘅食物咁嘅質素 無誠意不如唔好做

呢間老趙上到商場最高嘅3樓，仲要行到最尾尾... 食飯時間趕都嚟唔到幫襯... 仲要1200才開，想早少少1145食都唔可以選擇呢到... 所以今日喺咁啱唔洗趕先可以嚟食咋入到去冷氣唔夠涼，可能開舖無幾耐。 已經有幾枱客喺到。算，都係睇餐牌。我同行小伙伴點咗香茅豬扒檬。好大碗！加汁酸酸甜甜，好開胃，佢清曬！我點咗香茅豬扒飯，擺盤好整齊~ 酸白蘿蔔同紅蘿蔔好開胃，仲有炸蒜好香~ 豬扒熱嘅，唔硬，少少肥肉可接受，而且份量都足架~ 白飯正常嘢，好充實~ 蔥油嗰d我無食喇。之前飲過好幾次桂元紅棗，今次試下青檸柑桔蜜，甜甜地架~ 總結嚟講，上嘢都快嘅，我地食飽走嘅時間，全場坐滿曬喇~ 就到時間都可以再嚟 lunch~

餐廳10點鐘收工，但是九點半已經關了冷氣，但我同我屋企人都未食完，食到流曬汗，員工就坐在客戶後面等放工好似比壓力給客戶要快啲走，不知是老闆嘅意思還是員工想趕客。要慳電都唔爭個半個鐘！食了七百幾蚊野，下次都不會再去！其實你食完越南芽莊，你會覺得呢間野食垃圾。

今日黎到鑽石山食個quick lunch ，點知盲舂舂黎左呢間餐廳，中哂伏叫左一個生牛肉粉，仲要漏單，等左好耐。個粉性價比低，食材質素差，河粉唔好食，整體好一般 😨成間餐廳唯一可處之處就係 燈光夠。。。。。下次唔會再黎

趁放假同囡囡去荷里活廣場睇戲!順道食個午飯。見到有間老趙又成日聽講話好好食。所以就試試。坐底睇睇餐牌。又話咩米之蓮推介又剩。諗住差極有個譜。我叫左個海南雞飯。囡囡就叫左個豬排湯河。另外加錢叫多個個無骨雞腳沙律。好野。野食到啦～咦! ! 亞視0黎0既 !明明係老媽子係街市買廿蚊一盒既白砌雞。經老趙包一包裝,放一塊生菜多兩碟海南雞醬。即刻可以賣到7十幾蚊。啲肉鞋到可以沖涼去死皮。個雞油飯仲大獲。係一團團咁而且又油好似bb食果啲mummun咁。惡頂非常。而囡囡的豬扒河。豬扒一如想像的鞋。河粉就不過不失。唔！無骨雞腳沙律相對之下變得好好食。不過我google過啲全世0的雞腳啲骨應該都係同一個阿婆啜既。所以全世啲味道都係一樣。總結:我下午3點幾食,無咩客。比心機做好少少啦！我想食個普普通通既海南雞飯啫！點解要咁對我???

平時去荷里活睇戲食飯都會見到老趙，但係從來都冇食過。今個禮拜日做完野諗住去荷里活睇戲，去到荷里活已經兩點半，仲未食晏所以好肚餓。友人話想食越南野，所以去咗老趙。去到門口見到唔使排隊我哋都覺得好開心，不過就要搭枱。因為太肚餓嘅關係，雖然我地得兩個人，但係我哋嗌咗好多嘢食。有戲飛免費送的甜品，味道不錯，友人很喜歡，但我認為較淋身。而且第一碟就上甜品，太早，建議食完正餐再點。由蛋、蟹肉、粉絲及木耳絲等製成。上枱既時候連碟都是熱的！好吃！皮脆料多，新鮮炸！內裡有芋頭、粉絲、木耳絲、紅蘿蔔絲等製成。好吃，不過偏油。豬扒唔會太乾同硬，而且香芧味夠，連平時唔鍾意食香芧豬扒既我都覺得好味👍🏻 而且好足料！醬汁亦調較得不錯！炒得夠乾身，多豬頸肉。辣椒油味較重，不過對於冇辣不歡的我很滿意！餐飲足料夠味唔會淡。甜品既叉。應該係食客留低，而餐廳唔知繼續用😂不過二人午餐食左$240略嫌貴

Poor serviceThe first time after we visited this restaurant, we told ourselves not to be back. At that time we were about to finish our lunch and were still eating, the waitress pushed us to pay so that they could leave the table for the next customers. We found it’s rude and we were not respected！This afternoon when our tag E10 was called, the waitress let a guy whom she knew took our table, we were later given a table, when we pressed for the tag, we requested a table of our own, however,the

老趙係鑽石山都開左一段時間，但從來未去食過。原來佢大有來頭，係香港老字號既越南菜館之一，連蔡瀾都係座上客所以今日就黎食晚飯，試下佢係咪真係咁巴閉先首先點左一個越式生牛肉粉。湯底幾鮮甜，加埋辣椒好惹味而佢既牛肉表現不俗，唔會太老或者太韌。唯一有啲失色既係，對比其他越式舖頭，老趙既湯底比較少香菜、配菜等，所以整體係冇其他舖頭咁濃味。*越式生牛肉粉 $48*跟著點左肉碎生菜包。肉碎份量足夠，又夠辣。不過唔夠蒜味同洋蔥味，感覺上味道只是單一既辣，食得不夠過癮，唔夠其他店舖表現好*肉碎生菜包 $68*最後點左一個比較特別既越式燴牛尾配蒜蓉包。牛尾燴得非常入味同腍，而佢既汁表現出色，用黎撈飯或者點蒜蓉包都好夾！係比較有驚喜既菜式，值得一試*越式燴牛尾配蒜蓉包 $108*整體黎講，老趙既食物的確不差，每樣都表現不俗，而價錢亦算合理，係絕對會再黎食既越南菜館而我特別鐘意佢既碗碟餐具，好有質感

去完志蓮淨苑 順道去荷里活廣場逛逛，今天廣場有個台灣滷肉飯節，好似好熱鬧好多人排隊，又有歌星獻唱。行了多層商場 選了一間 越南/泰國菜餐廳 ‘老趙’。 假日午市套餐好似好吸引，叫了香茅豬扒凍檬，豬扒冇什麼味道。另一個菠蘿粒炒飯，沒有一般菠蘿炒飯的惹味，冇乜味道！

假期食飯周圍都好多人，呢間無人等位，入面一半坐滿，但因為腳累的關係都照入去食，試一試個究竟。佢有2人餐、4人餐同6人餐，應該會比散叫平，但其實佢overall in general d 食物都係貴架啦，唯有寄望佢味道搭救...但原來呢度個set寫住d蟹同龍蝦都無...問個（曲髮）員工，態度又勁差，真係未食野都成肚氣飽曬。結果叫左6人餐再加錢叫飲品。食物好快送上，沙津入面d柚子好苦，魚好細條，雞又偏細隻，串燒多肚肉，蒜蓉包淡味，咖哩普普通通，大頭蝦無咩肉食，通菜正常，菠蘿炒飯唔夠熱，飲品太甜，贈送既甜品算最好食。食完唔夠飽，因為份量真係太少...最後奉勸大家唔好偷唔使等位入黎食，因為唔使等位係有佢原因的...

好少行開鑽石山，見到開左一間越南餐廳，又咁啱我地想食生牛肉粉，所以決定一試好多人等位，我地等左好耐先有得食入面裝修好似茶餐廳，我地除左見左生牛肉粉之外，亦叫左炒雜菜，及炒飯（哈哈，d餸好似大排檔咁）。不過覺得味道麻麻，唔算太好食，唔值得等咁耐

初四同阿媽去吃午餐， 點了兩份套餐，一份是香茅雞翼湯河粉， 另一份是金不換牛肉炒河， 香茅雞翼湯河大概在點餐後15分鐘送到，味道一般，沒有特別， 由於阿媽個炒河還沒有到， 於是我就慢慢吃。吃著又過了10分鐘，炒河未到，於是我們就催下，但侍應只是敷衍一下就走開了，我們再找另一個侍應跟進，他說炒嘢會耐d, 但已經都半小時，我的湯河也快吃完……又過了幾分鐘，找了個比較高級的侍應問，今次真係有入廚房問，但都係未有😑我已吃完而我阿媽又餓到胃痛，於是我地埋單去另一間餐廳食！一個炒河超過半小時都炒唔出來，又唔係散叫，係叫lunch set都搞咁耐，侍應又係求其敷衍下你，食到一肚氣😡