老趙越南餐廳(大頭蝦專門店) (已結業)

此食店於20 年前在JORDAN 碼頭文英樓邊的小巷開了一個類似而家的車仔麵,味道之好到現在想起環在流口水,以前趙生一人經營,每天用BEEF BONE造湯底,最好味係7 彩湯河同生BEEF 河,正宗越南風味,現在只有係越南先食得到,唔代表現在唔好,但比起20 年前差距太遠,希望趙生可以再做番以前的風味,比我可以再一次3 碗的滋味

唔好意思...唔係「凍檸」，係「凍檬」至o岩！

琴睌又係兩個人，o黎食o左個蔗蝦($35支)、串燒雞同埋酸子牛肉鍋($75)。「蔗蝦」鮮甜得o黎帶點彈牙，好味！；「串燒雞」好似唔多夠熱…不過d 雞肉唔乾同埋醬汁搭夠咁啦~；我個人對個「酸子牛肉鍋」較為失望，唔係唔好味，而係無我想像中咁酸，仲有好多我最討厭食o既芫茜添！本來我都有諗過o益番個凍檸食o下o架。不過試過佢o的酸汁後，覺得唔多夠酸兼且味道頗淡先無叫到。呢度d 阿嬸都好好人o架，或者人少啦，一見你無茶就即刻走o黎問你仲要唔要，食完又問你夠唔夠。幾好丫~

聽人講老趙好食到不得了，於是去0左黃埔分店0個間試下。但試後本人覺得一般，但有些食物味道確實不俗。例如:大頭蝦酸湯、香茅豬排檬米…等等。但咖哩分面就麻麻，【咖哩雞】咖哩太淡，雞太(鞋)、【咖哩蟹】咖哩又過辣。始終覺得澳門茶餐廳的咖哩比【老】好食得多。而其中更有一道菜叫什麼牙卡x(應該是雞絲雜菜吧)更是難食到不得了。Anyway一試無妨0既!但排0甘長龍去食係0米0甘值得呢?

生牛肉河好食, 但上湯金邊粉更好食! 個春卷都唔差.

一定要食生牛肉湯濛, 真係好正o架!!!我每次去必食. 蔗蝦鮮甜爽口, 蒸粉包皮薄料正. 但係個椰青唔涷o既, 無味唔好飲, 可能因為太夜就閂門啦, 不過佢o地都好識做咁幫我取消番.另外, 埋單o既時候先發現每位要收茶錢八蚊, 加埋一成九蚊位, 都幾貴喎~~

$128, 有香茅雞翼4 隻, 蒸粉包4 個, 生熟牛肉河1 碗, 串燒豬4條~ Monday to Friday lunch set 無加一~ 生熟牛肉河最正~ ^_^ 原來乾o既香茅雞翼先係正宗, 咁老趙o既香茅雞翼真係好正宗~ hehheh~~~~

乜都唔好講住，記住去食野第一時間叫左蔗蝦先，佢外層既蝦肉吸收晒甘蔗既鮮甜，每啖都感受到海洋氣息，蝦肉料足，有口感..........(下刪一百字)，跟住就要食蒜蓉包，真係幾好食，不過如果再搽多D蒜蓉既話就perfect 喇，其他春卷、蝦餅、咖喱呀都係不過不失啦，最奇怪反而係杯青檸梳打，我覺得佢用既糖漿好似怪怪地味咁既，我就唔係好慣喇。讚完之後就要鬧喇，有乜理由打左電話去book位，居然都仲要等架??地方要窄喎.. 等都唔緊要，仲要係七個人坐五個人既圓台，叫有位時換一換開頭仲話唔得，無錯，真係好多人等位，但好多餐廳都係好多人等位架啦，睇黎佢既制度真係要改善啦!!!

一行四人去山林道o 個間. 越南春卷: 好味, 皮脆料靚而不油膩~ 香茅雞翼拼濱海: 雞翼太乾, 好硬; 濱海一般( 一向唔like)~ 炒金邊粉: 好唔掂.. 粉還粉, 料還料..D 粉仲" 痴" 埋一舊舊~ 咖喱雞煲: 咖喱汁一般, 雞好" 鞋"~ 蒜蓉包: 幾香~ 馬介休炒油墨菜: 好香, 最正係依味~ 水準好似有D 下降~ 加埋野飲, $440~