老趙越南餐廳

营业中

休息中

我點左兩樣野,生牛河同越南春卷先講生牛河,個湯底幾濃,但d河粉有d係痴埋晒...而且大小不一~有d一大片,有d就碎濕濕d牛呢無咩特別~跟我系中環食開果間品越比就明顯無咁滑同香再講越南春卷, 一上台就知不妙~~春卷d油漏晒出黎~~一咬落去真係不出所料成陣油炸味層皮呢簿得黎又唔脆,韌得黎又難咬(人地果d係厚得黎又脆又煙煙韌韌咁好好食~~) 而裡面d料我真係只食到/見到蘿蔔絲同粉絲,重夠膽賣成44$兩條,我諗我都無咩機會會再去呢間~今次都係見到咁多好評先特登走過去..唔係既話都真係幾唔順路

想起食越南食物第一時間就想到老趙了，我認識到這間店時已經是近幾年的事情，而看看下面一些的食評知道以前這間食店的水準更高，當轉了新店、或是新一代接手之後水準下降的情形屢見不鮮，心中的例子多如恆河沙數，其實原因不難想像，以前租金和人工便宜的時候，老闆們或是廚師們多數會更加有心機去煮食物，一些價錢平但手工多的食物很多廚師都會樂意去製作，令以前的食物質素都非常好，但現在租金和人工高企的情況下，什麼都說成本效益，不要說要製作一些手工菜了，很多食物的材料的質素都下降，食粒魚旦入面d粉都多過人，試問點會有好的食物出現呢看看澳門已經是一個好的例子，不要說得遠，十年前去到還有很多地方食到好味的蝦子撈麵和水蟹粥，價錢還十分之經濟，你看看現在價錢貴了不少，但水準下降得令人恐怖，算了吧，講講下又被人說唔和諧了……老趙越南餐廳是在佐敦的文苑街內，以前沒有地鐵一定要坐巴士來到佐敦這一帶，現在有了地鐵就方便了很多，晚上來到附近很多時都是去堂記食腸粉，一來到這一帶多數都會被堂記吸引了過去，不過今次決定了去食趙南東西，下次才再去堂記食了，晚上來到這一帶燈光都不是太足夠，有時行入文成街內都比較黑暗，不過這些都是舊區的特色

講老趙, 廿幾年前佢初初開業只賣越南粉，舖位很細，亦經常要等位，不過食物一流，由老闆同老闆娘一手主理。不久就擴充到一個較大舖位，仲加入好多新菜色，生意很好，枱都要擺過對面街。我記得最喜愛佢既酸辣司"鵪"，不過以經無咗呢味菜好耐。後來，趙家移民加國，無直接打理"老趙"，啲野就已經無咁好食。後來佢地返來香港，主要由兩位公子打理，但係都係差過以前好多。星期六四點幾經過佐敦，走過去都見佢有開到，我地兩個人滿心歡喜叫咗生牛肉粉，粉包，豬扖撈檬同satay豬牛。可能係無乜人既關係，佢地既整出來都比較平時多人時賣相好。牛肉粉- 湯底好濃同香，不過啲河粉似係一早整定咁，比較痴住。粉包- 一般，都係整定，一枱時唔係咁熱豬扖撈檬- 一般都係整定satay豬牛- 牛比較乾身

是日晚餐到本地老字號老趙吃越南粉（其實這店也有飯，咖喱煲等）。我點的是生牛肉粉而友人點的是香茅豬肉粉，我們在share碟馬拉棧炒通菜。牛肉粉的牛肉新鮮有肉香，湯底很清甜，粉也滑，好吃！香茅豬肉粉的湯和粉也好吃，但香茅豬肉要扣分，香茅的味道不夠。馬拉棧炒通菜很嫩很新鮮，炒得也很夠鍋氣，好吃！我們幾乎有衝動encore再點多碟。滿意這簡單又美味的一餐。

大姨忽然說想食越南菜。小弟馬上不敢怠慢，馬上打電話到"老趙"舊舖訂個位，預備來一頓越式大餐....拿了一號籌，一家大細浩浩蕩蕩的衝入來。太熟悉這裡的東西了，皆因從小就經常在此開餐。故此餐牌於我來說，是完全沒有大作用的。除了三叔要求點吃的咖喱鴨煲及大姨的special request炸軟殼蟹之外，其餘的，都是自己累積了多年在此處吃飯經驗底下的心水選擇....生牛肉河是必然要吃的。湯底夠熱也夠濃，不過牛骨香卻不及從前，而且師傅味也比以前重，但相比起其他地方的溝水湯底來說，這兒還是不差的；河粉有咬勁；牛肉片得薄身，在熱騰騰的湯底下很快便浸至大半熟，入口無渣。以雪牛肉來說，亦是已不錯的了...記得從前十分愛吃特別金邊粉。今夜與之再逢，倒發覺是比從前遜色了不少 ---- 湯底顏色較濁且偏鹹；而且在一眾配料中竟然找到了自己最討厭的，對鮮味毫無貢獻的人造蟹柳；其餘的肉碎及扎肉是正常的味道；蝦倒是新鮮爽口；金邊粉帶點煙韌不易斷，是較像樣的一環....咖喱鴨煲用砂煲上，上桌時熱辣辣，是好吃的先決條件。咖喱的椰香味足，辣度也夠，惹味度十足十。伴吃的蒜蓉包雖然不及水平(蒜粒及牛油塗得太少了)，但醮上此等又香

老趙既裝潢係港式茶餐廳既風格，一D都睇唔出係食越南野。我見好多人都冇介紹食茄汁牛腩煲，依個煲一家大細都岩食，小朋友飯都食多幾碗。茄汁帶小小酸甜，牛腩非常非常腍。另一個就係我姨姨介紹要要既炒金邊粉，佢話平時出面果ｄ好少炒得咁好，油亦唔太多～蒜蓉包夠香、夠脆、夠蒜蓉味, 用來送咖哩非常好～最失望既係個咖喱大蝦，咖喱汁尚算OK，主角大蝦亦炸得好靚仔；無奈粉皮太厚了。仲有座位就真係唔太好座又迫夾。

還記得初初跟男友第一次約會，便是在這間餐廳的舊址晚膳，廿多年斷斷續續都有去過舊址食飯，亦有去過山林道新舖品嘗。但當佢舊址搬到現址，就一直未有再臨，回想都應該有十多年了。今次因為去開圓方，所以特登到此一遊，佢搬左後，地方大左，座位亦寬闊左，可能今日下午茶時間去，所以吾係好多客，座位任我哋選擇，D待應都係好有禮貌的招呼我哋，見佢哋同D熟客都有講有笑，所以都食得幾舒服。坐底後睇下有咩好食，價錢當然貴左，但都理解，而家租金貴，人工租，食物價錢當然會貴。我男友要左一個生牛肉湯河，我自己就叫左一個咖喱雞湯檬，另外叫左一個蒸粉包，一個蟹肉蛋金磚：生牛肉湯河 - 我男友話同當年食的一樣，同樣美味，冇失水準咖喱雞湯檬 - 絕對是我至愛，很美味，我連湯都飲晒，但雞就一般，大部份都是雞翼，同埋記得以前會有豬紅伴碟，但現在換左係薯仔，所以有少少失望蒸粉包 - 我男友就話有少少失水準，我就覺得吾錯，嚟到時脹卜卜的，加埋魚露，更加美味蟹肉蛋金磚 - 我同男友都覺得一般，略鹹了少少，不過就幾特別總括來說，今次再臨，勾起我們很多很多的回憶，而食品也能保持多年來的水準，我同男友都感到很開心，日後都會再去食過。

Fur, fir, phir - goodness knows how it is spelt (Pho), but for sure this is pretty authentic, though of course i've never been to Vietnam so maybe i'd best just shut it but seriously the broth was really wonderful and the beef was a treat - shame i can't stand hofun noodles in soup! yup, it's a shocker because i'm sure that if i could like hofun noodles in soup i would have loved this dish, instead it was unremarkable, yet i was sure that most hofun punters would absolutely dig this dish. we

去了電影中心看完戲，走約十分鐘到這裡晚飯。看了地圖，也不難找。因為不能吃辣的東西，所以揀了不辣的生牛肉河、香茅雞翼檬粉、蟹肉蛋金磚、沙爹串燒半打生牛肉河的牛肉切得薄薄的，好多，一浸湯還軟滑的，剛剛好！湯好好味！香茅雞翼檬粉，一碗有四隻雞翼，分開上的，非常入味！！！蟹肉蛋金磚有特色，食到有粉絲，但不太見蟹肉，味稍嫌鹹。沙爹串燒，豬肉比牛肉更好吃呢！豬肉較軟，而牛肉太靭了。可以半打全要豬肉。見旁邊有很多一家大小來吃，選了咖哩點蒜蓉包；又有很大隻的蝦、粉包、撈檬等等，希望遲點胃病好了可以再來吃吧！

對渡船街老趙的認識始於廿多年前.當時筆者有個姨公住在文乜樓,每次探他,他總會帶我們去吃越南嘢,每次都會去老趙...隔離嗰間鋪仔.眼看老趙越做越大,自己幫襯開嗰間就做做下摺埋,心中總會想到它是被老趙頂死!敵愾同仇的思想下,老趙在不知情間被鄙人杯葛了一段日子.姨公早已移民去了澳洲,還愛吃越南粉的話,應該會到勇記.老趙的座位總是很擠迫,尤其是張枱,二人幫襯,叫一個二人餐的話,枱面已經難以放下所有食物.座位當然也不會很舒適,枱於枱之間有時只有一隻手掌大小的空隙,冒求令你快啲食完快啲走.服務員也總是匆匆忙忙的,點餐上菜效率非常之高,由入座到吃畢整頓飯,大慨只用了半小時.食物方面,不能不說一句,味精真係很重手.吃完這頓飯以後,整晚都口渴.難道是那窩咖喱牛腩?還是那兩條蔗蝦?到最後,筆者相信,所有食物都有下味精.蔗蝦蝦膠算彈牙.咖喱牛腩無甚特別,茶餐廳水平.招牌飯的馳名蟹肉蛋餅沒有蟹味.該惹味的食物,老趙一定將它們弄得非常惹味.只是惹味過後,要換來整晚口渴的代價.是晚兩人埋單HKD220,無下次了.

山林道的老趙很多年前已經去開食. 以前唔係食嗰邊就係搬過幾次的金牛苑. .椰青 -不算很有椰味, 神奇地是淡淡的. 真懷念在馬拉喝的那些. ,.豬肉蝦片 -這個其實係老趙好多年前的 Signature Dish 之一, 是很野味的一碟頭盆. 用來送啤酒最好! 近年好像很少人叫的, 時至今日, 老趙也還做這個做得有水準!. Pho 的配套, 不叫也不自動拿來. 有青檸同辣椒但香草倒只有一種九層塔. 比較起 越旺 的三種, 輸了頭陣不少..特別牛肉河粉 -這個記憶中已經食過幾次, 但以前無乜留意它的小節. 今次一喝了口湯, 就知道不是喜歡的那種. 牛骨味這晚不算強, 但香料味就超級強勁把靜碗 Pho 的 balance 變到食鹵水一樣. 但應該有的新鮮香草味又沒有, 換來的只有葱. 老是覺得同平時越南人做的, 味道完全唔一樣了.... 比較起 火車頭 同 Pho 26, 這邊是港色化味道了些許. 不是說不好食, 但這不是一碗正宗好食的 Pho 嘅味道. 放輕一點香料多番點新鮮越南香草, 走回正路會比

自從上一次在包包傾吃過不大正宗的越南菜後, 一直想看看究竟其他分店是否也是差不多水準, 於是決定去它的文苑街總店試試. 這間老趙的位置比較"吊腳", 門面不顯眼, 行過了也不知道! 踏入店內的感覺跟在包包傾很不同, 這裡的裝潢很平實, 就像一般的街坊飯店, 牆上佈滿了報紙的剪報, 枱與枱之間的位置也比較擠迫, 但仍然全場滿坐. 今次, 我們點了香茅雞翼飯, 香茅豬扒飯和生牛肉河粉. 生牛肉河粉上枱時, 牛肉還是鮮粉紅色的, 不過浸在熱湯中一會後, 已經變成熟牛肉了. 牛肉切成薄片, 肉質嫩滑沒有渣, 牛肉味十足; 至於河粉較幼身, 入口香滑且不會變腍; 牛肉河的湯並不是一般的味精湯, 而是真真正正的牛骨湯, 喝得出濃烈的牛味, 十分美味. 加上洋蔥, 蔥花, 香葉等等, 拌著牛肉河同吃, 雖然香草的味道不及在越南吃的那裡濃烈, 但已經是在香港吃到的最美味和正宗的越式生牛肉河.香茅豬扒飯和香茅雞翼飯, 賣相比包包傾的好一點. 雖然豬扒仍然比較薄身, 但看起來沒有那麼乾, 吃起來充滿香茅味, 有肉汁; 飯粒雖然卻不是用越南米煮成, 但口感OK, 起碼不算硬. 鋪在上面的炸蒜片, 既香口

某晚同朋友做完運動想吃個豐富的越式晚餐,想到來佐敦文苑街這街角的老店,由尖咀行過嚟都差不多半粒鍾先到, 其實頗遠的位置,現在這附近幾條街的餐廳都湪滿是日式,麻辣燒烤餐廳, 不似得70,s巷頭巷尾都是越式餐廳,隨着越南船民潮的退郤, 這裡的越式餐廳都紛紛搬走或者消失,留低的都變成今日的代表餐廳, 回說今天的菜式:蝦牙車快- 蝦很多落足本, 可惜椰菜絲切得太粗, 同時沒有其他蔬菜了,除咗面頭的醃菜, 可能原來的這個沙律就係咁樣,但菜式不是應該跟隨時代作出調節的嗎?生熟牛肉河- 湯頭夠牛肉味, 生同熟牛肉兩樣皆恰到好處,沙爹串燒豬, 雞- 個人對這些燒物一般要求唔高, 所以OK吧黃金蛋釀蟹肉- 食這個菜還是頭一趟, 名稱同個樣完全估佢唔到, 估計是先蒸熟後再次煎或者炸出來, 賣相比較古老屬上一代的產物, 感覺很家庭料理,但真的不是我杯茶,首先蟹肉味不突出, 中間的啡色饀料其實是魚膠?豬肉?麵粉?完全食唔出辨別不了,底面的蛋漿亦煎不香, 吃一次見識過,真的夠了這晚客人頗多但我們也食到差不多收舖才走, 服務態度優良沒有出現趕客場面,

I ate wif my bf at around 2 today. Order左七彩撈檬 生牛河 粉包 揶青 只有生牛河比較好食 但粉包可以話唔掂law 好厚又唔熱..失望~~~其他都ok既~~

因為個日帶隻狗去做facial,來到呢間食鋪原來灣仔都開左間新, 之前係jordan 護協對面都食過, 味道一流一定飽, 原來就係呢 間 入到去比較迫, 等左一陣, 安排個好d 既位, 但都係迫, 算~~~講食野啦,