老趙越南餐廳

营业中

休息中

晚上7點左等位, 4個人等位差1一個朋友未到,店員說要齊人先可以入,後來跟店員說了下,她就安排了一張4入9卡位給我們5人坐,比較迫..我們點的是4人套餐( $538 ),價錢跟散叫差不多.上菜快速蝦餅是另叫的不含在餐內,口感QQ的.好味蝦車快(沙律)朋友認為不錯,但個人認為太單調,菜是很新鮮沙嗲串燒(牛& 豬 )沙嗲夠香濃,但肉質可以改好一點,越式小食併盤  4人餐包含的春卷跟粉包都OK~脆口而不太膩,粉包薄軟,口感滑滑的.馬拉盞炒菜味道適中,不會太喊只是太細碟了蒜茸飽-$30-6件比麵包店的還差.可不食咖喱牛腩煲咖喱不夠香,牛腩&牛筋都不錯很霖生牛肉湯河一窩生牛肉好味,重牛味,湯都很濃,蘿白超入味還有甜品,一人一碗椰汁糯米,椰汁很香,糯米超軟,不錯~

夜巿試越南菜，入到去點了個扎肉撈檬，盛來大大碗，材料十足，生菜青瓜絲蘿蔔絲，扎肉又整整齊齊的排在檬粉上，魚露調味料又夠味，酸酸甜甜的，爽口彈牙。可值一試。

We used to live in Vietnam, as we often find ourselves hankering for some classic dishes, but where to get them?  Pho is ubiquitous and you can find it all over the world, not so some of the others.We arrived at the unassuming place and were immediately seated.  The turnover is quick and the staff flip tables very swiftly.  We ordered a pho bo (raw beef noodle soup) and a thit bo kho (tomato and beef brisket noodles).  The menu was in English and Chinese, so we guessed that the tomato noodles we

呢一間野我由細食到大， 我記得最早期既鋪係隔離街~ 我基本上又細個至今我都獨古一味就係食佢既粉包喇，呢一樣係我既最愛，料足不在話下仲要皮夠薄~ 一個字"正" 仍可保持多年水準! 仲有就係佢既香茅雞亦，味道夠濃但超細隻， 我就覺得成60蚊好貴喇!今次就食左店員介紹既牛腩茄煲 不過就冇影相喇但係我覺得牛腩茄煲隨左真係好茄味外同牛筋好林外，唔知梗係覺得怪怪地咁......但老實咁講，真係比以前少左好得多野食。 咩蝦片丫.....都冇哂........希望見到呢一個POST既老闆會出返D廿年前既食品，等我地D FANS 可以懷念一吓個味覺^^ 

其實我都唔確定是否同一間餐廳。因為我食果間是在荃灣眾安街，一品雞煲斜對面。我對過中文和英文名都是一樣。餐廳的裝修真的唔錯，簡樸清淡，以白藍色為主色，帶了一點點越南的風味。座位方面用了白色的傢俱，不算迫夾。我同朋友點了香茅牛肉凍檬、香茅豬扒粉和蒸粉包。香茅牛肉凍檬賣相吸引，色彩豐富，有橙色蘿蔔絲、綠色蔥粒、金黃色香茅、啡色牛肉絲、白色檬粉等，加上紅色酸酸甜甜開胃的魚露汁同吃，視覺一流，而且口感層次豐富。 香茅豬扒粉的湯底比起其他餐廳的粉較為清甜，而越南粉口感比普通河粉較薄，香茅豬扒賣相唔錯，而且一開四，大小切得都剛剛好，香茅十分濃，豬扒雖然香口，但口感比較乾而且油，略遜一籌。 蒸粉包賣相很好，色彩吸引，而且材料十足，內裡包裹著切成丁粒的沙葛，蘿蔔，木耳等食物。一口咬落去完美兼具的外皮， 味道清爽不膩，有濃濃的胡椒味，惹味又不太油。味道有點像粉果似的。比較荃灣區的食物質素，它的食物比上不足、比下有餘。而服務方面，我真的沒有見過服務員笑，而且略欠主動性。但因為新裝修，如果是3-5位朋友聊天都算不錯。

6點幾黎到老趙都已經要等位了，好似非常受歡迎，坐底 就點野 好快就食得~ 三味牛河，有熟肉、生牛、牛根，生牛肉河就只得牛生啦當然，個湯底好好味 好濃好香，牛肉都唔肥 好大塊 2根都有3舊仔 系爽口個種，蒸粉包 好惹味 食落好似粉果咁，不過好油，椰青當然FRESH同清甜~MINT LIME SODA就好難飲 我朋友中伏了！

如不是友人介紹的好店，筆者真的好小機會到這邊夾在佐敦跟九龍站中間的一個地方，竟然有一家要大家等位的越南菜館，看來確有卧虎藏龍的意境等位近半小時後入座，座位比較迫夾，有點像茶餐廳想了一會後，跟阿姐落單時，阿姐再介紹下，於是叫了好幾道菜：1.咖喱牛腩煲：咖喱不是老落辣味的假咖喱，有咖喱香，伴上筋肉各半的牛腩，筆者好肉，每一舊牛腩都大大件且蠻入味；牛筋有豐富的膠質但又很軟滑。三為一體，再加下面這道菜就更吸引！2.烘蒜蓉麵包：對，就是這個烘包，加上咖喱汁，完全提升了整個菜的味道性，件數大概有七八件？忘了，總之兩人吃了後，就不太吃得下飯了！3.蟹肉焗蛋金磚：因好奇而叫的一道菜，吃得出的味道有豬肉碎，粉絲，雞蛋皮。一件看上去似磚的一塊塊。不過就是吃不出蟹肉味何在，是否此菜其實不會有蟹味？除此之外味道也較為咸，有點後悔叫了此菜。4.越式炒貴刁：說的是炒金邊粉，但出來的樣子不像平日看到的炒金邊粉（顏色不像），也不像平日看到的炒貴刁（配料不像），但那管這麼多？好吃就行了，用料十足，炒味夠，好吃好吃！5.青檸梳打：飲品沒什麼吹捧之處，味道沒下錯就可以的了，抵讚的是內裡的青檸已經揸了，不用自己出手。不過希望

Vietnam is famous for its noodle soups and in this place it's easy to understand why. The beef noodle soup is really great - tasty (quite "earthy") broth, thin slices of beef, chewy rice noodles and fresh herbs, perfect!  Haven't tried the other dished yet, but will come back for more.Very simple interior, prompt service.

位於渡船角的這間老趙，由於位置的關係，經常也能到訪，這邊好吃的食物也真的試了不少，就是這個蒸粉包最最得我心..蒸得完美兼具咬口的外皮，包裹著切成丁粒的沙葛，蘿蔔，木耳，還附有濃濃的胡椒味，味道清爽不膩，如果硬要比較，Le Soleil出品的料再豐富多一點，有蟹肉有蝦仁，噢，是價錢惹的禍，還是在這邊大吃大喝來得開懷..

每次接完女朋友收工, 就係四圍搵食好時機！本來想過佐敦睇下有咩好食, 但天氣太熱又想食 d 清清地, serach openrice 發現老趙好評如潮, 就過嚟睇下.......先發覺原來文苑街呢頭好多野食!嚟到時其實都成9點幾, 但見鋪頭仍然坐霸人流, 諗都無諗立即入嚟試  我食ge 係三料牛河, 主要三料係生牛肉, 熟牛肉同埋牛筋!! 本身都鐘意食越南粉, 但無話覺得邊間特別好食, 但老趙呢次真係有驚喜, 湯底比起出面食開ge 更加清甜, 忍唔住飲咗大半碗!.........牛筋則相對比較淋身 (本人鐘意爽口多d!), 而入邊配料ge 大大舊蘿白就真係好好食, 吸o西d 湯汁, 勁入味~女朋友本想叫撈檬可惜賣o西, 唯有叫左雞絲河粉, 個湯底係轉用雞湯做的, 同我個牛河湯底味有所不同！小食亦叫咗一個粉卷, 同出面有 d 唔同, 佢個味比較似一隻粉果, 所以唔駛加魚露以經好香口!最後叫埋個勁清甜解渴ge 椰青, 兩個人加埋都係 $100 多d, 滿足的一餐~~~~~~~~下次仲想嚟食撈檬 同大頭蝦!!

我跟那位好友因性格不合！尚未開始已告一段落！ 反而，跟街坊好友相處輕鬆自在開心得多！ 早前 2月！轉換新工作環境的街坊好友再聯絡我，現在應該是時候找他聚舊吧！事有湊巧！收到 Openrice 寄來兩張 <同謀> 的電影贈券！既驚喜又高興！還是約他一起看！問他想去哪裡看？他卻讓我拿主意！哪裡也可以！那麼！我知他一向喜歡有震動椅子的 Grand Cinema，最終去我們的老地方Grand Cinema！ 半年不見！大家都有點改變！他比之前更 fit，現在是一位魅力型男！ 而我則轉了化妝技巧及打扮！ 我們睇完戲，跟他到 Element 停車場取車！我還找找他的車，他竟然揸新車！ 在 Element，9:30 打後，很多食肆也即近收舖！他建議到佐敦文苑街的 <老趙越南餐廳> 食！真是好主意！一來多選擇，二來大眾化！ 又合大家口味！ 可是，泊車位不易找！ 兜來兜去之際，恰巧，正是餐廳附近有車主揸車離開。看見 <老趙越南餐廳> 頗舊的門面，相信已屹立佐敦區已有30 年！ 我們入座時，即近10:00，只見三、四枱食客，比預期少人！ 大家看過餐牌，選出心

聽了老趙的名字很久, 今天終於去行完圓方後順道過來試試。 到逹時間是下午3點, 人客不算多。 一入到去一位紥髻穿粉紫色恤衫的阿姐叫我和同行者埋收銀處側的双人枱坐, 可惜該處擺放了四張双人枱, 讓枱與枱之間空位窄到得4吋, 個阿姐要將隔離張枱移來移去, 搞了一大輪才攝到埋去座, 於是我說了句微言, 點知個阿姐返轉頭晦晦氣氣串串貢同我講:「想移好張枱你坐啫! 有乜問題呀?」大佬, 做乜來消費要受你氣呢!? 你估你出名就可以不尊重客人嗎?講番食嘢, 我們二人柯打了蕃茄濃湯牛河, 三料牛肉河同半打牛肉豬肉串燒。 蕃茄濃湯真的湯如其名, 味道尚算濃郁, 應該係加咗茄膏先有這個效果, 但賣相普通。 三料牛肉河包括生牛肉, 熟牛肉同牛筋; 河粉尚算幼滑, 牛筋亦燘得夠淋, 但湯底就一啲都唔覺係用牛骨熬出來, 啖戌戌。 至於串燒就真係好失敗, 牛肉同豬肉都燒得好韌, 要嚼好耐先吞得, 唯一可取係啲沙爹醬汁, 都算入得口。 總體來說, 以一間這麼有名和這麼多人吹捧的越南餐廳, 我覺得它的食物水準並不比其他越南餐廳高出很多, 真的是非常一般至普通, 甚至可以說是名過其實, 豪無驚喜可言。 再加上一入

以前成日黎,水準都KEEP住。但係呢次去真真唔掂。一位女經理款既服務員好晦氣。落單唔覆單,仲要漏單。都算,叫左大頭蝦粉絲煲,蝦肉肉質曖昧,似有落梳打粉,粉絲就好咸好重味精,各人條利都痺左。生牛肉湯粉不過不失,但係我食過更好既。雞翼好食。小食拼盤OK,但係粉包都係咸左D。最對辦係酸子牛肉,同之前食既一樣。唔知係咪廚師輸左錢,心情唔好落太重調味呢?

數香港第一代的越南菜名店，「老趙」一定榜上有名。一個晚上，我就與太座兩人在佐敦區一訪這間老店，一嚐它的越南湯河。兩人吃的都是最基本和經典的「生牛肉河」。老實說，它的水準未算最佳，雖然湯味確是鮮甜，河粉也滑溜可口，再加上大量洋蔥和蔥花作為配料，這河粉的味道是及格有餘的，但作為主角的生牛肉質素卻只是一般，肉味不濃，令人感到有點失色。不過平心而論，這位在八文樓屹立多年的「老趙」，可仍算有點實力，寶刀未老的吧！至於飲品方面，兩夫妻分別叫來了「鹹檸七」和「青檸薄荷冰」，兩杯凍飲都清涼解渴，以之佐餐，都不錯。

是夜路過，心想是時候醫肚，在友人不反對下推門入內祭「五臟廟」。點了清湯牛筋河與越式併盤。清湯牛筋河： 一上桌，已聞到強烈生洋蔥的辛辣味；牛筋尚算炆得香滑爽口；蘿蔔只得一小舊，雖煮得腍，卻欠缺蘿蔔的香甜味；河粉滑溜， 唯湯底給洋蔥蓋過了味道 ！越式併盤：有春卷、札肉及蟹肉金磚。春卷炸得乾身，餡料有些硬；札肉疑似來貨貨色；蟹肉金磚唔覺有蟹味，反而蔥味極濃 。只是匆匆一餐，所以沒有冀望有何種驚喜。服務尚算可以；但論食物質素與用餐環境，絕對與餐價不成正比。