老西安 (已結業)

穿梭於各大商場連鎖餐廳，總教人困擾。難得有此特色小店，必須一試。一進入店中已迎來老店東的笑臉，他用不純正的廣東話嘗試介紹菜單。我沒有點麵食，只點了豬肉、牛肉夾饃、麻辣涼皮及凍豆漿。1. 招牌肉夾饃肉味頗香，肉汁不多，口味沒有我在內地吃過般重，還不錯。2. 醬香牛肉肉夾饃醬汁味道濃郁，帶微辣，可惜我那一件牛肉有根，洋蔥略有些老，比較難咬斷，但總得來說也好吃。3. 麻辣涼皮不過不失。4. 豆漿有別粉麵店，店家沒有下太多糖，能嘗到豆香，是我喜歡的口味總括來說，此店不可以說是非常美味，但很難在香港找到這種特色小店，加上環境舒適，店家親切，絕對推介。

到馬鞍山無意間發現此食店，有說馬鞍山是美食沙漠但想不到有此特色小店。一向愛吃西北風味的我決定試試。一進門，有禮的老闆用普通話招呼，心裡立即期望會吃到地道的拉麵點了牛肉湯拉麵，和皮蛋，還有酸梅湯。皮蛋先來，一份有約兩隻，但只有一些醋和辣油，味道沒有突出，純屬過口癮。期待的牛肉麵上枱，麵條可選數款不同粗幼，值得一讚，可惜我選的中等粗幼度麵條口感一般，與正宗的手拉麵不能相提並論，不知幼麵和寬麵會否較出色。湯頭色澤清澈，有淡淡牛香味，但決少了內地吃到的香料味，並非正宗的西安風味，反而像本土清湯腩湯底，單論味道還是可以的，未知是否為了遷就香港人口味。數片牛肉和蘿蔔，加上大把香蒜，配料不多，論性價比略嫌不足，但牛肉新鮮有咬口卻不硬，不俗。酸梅湯好甜，可省卻。最正宗的是枱上的辣椒油！

男朋友是陝西人的我，對陝西菜的認識應該不下於店的老板。因為懷念哪味道，一看「老西安」當然雙眼發光，二話不說就進去，菜單上沒有羊肉泡饃 就嚐了最基本的肉夾饃和油潑辣子 ，油潑辣子没有剛燒好的油澆上去，只有一堆辣椒粉，完全沒有那油油順滑的口感，非常非常乾。肉夾饃少到兩口都食完，肉應該是半肥半瘦，但全是瘦肉，量也太少。總之，食到想打人，這店把這兩個陝西名吃敗壞啦！據說師傅來自西安 ，不知師傅敢不敢請同鄉來吃？

馬鞍山老西安，由西安師傅主理，麵食都是由師傅只用麵粉及水，沒有加任何添加劑，全靠師傅手藝，打出有嚼勁的麵條。店子提供多款前菜，點了雞絲涼皮及紅油皮蛋，雞絲涼皮帶少許麻辣，香而辣勁不強。 炸醬棍棍麵，炸醬香濃，少許孜然惹味，麵質彈牙。酸湯手工扯麵，配有自家製半肥瘦鹵肉臊，酸湯味獨特，令人開胃，兩米長手工扯麵，一樣有勁度，坊間少見。最後的秘製高湯牛肉麵，牛骨湯用了18至20種材料熬製多個鐘頭，湯頭清澈帶牛肉香。 西安傳統小食肉夾饃，饃亦是師傅每天新鮮製造，點菜後再烤香，放入熬煮數十小時的豬肉，有肉香而不油膩，另一選擇醬香牛肉非常惹味，還有素食版素三絲肉夾饃，照顧素食朋友，清新健康。 看見王學斌師傅的訪問，師傅表示「我們就想把這個傳統的，主要是健康的、純手工的東西去承傳下去。」這是我們食客的福氣。 #hkfoodblogger #hkfoodies #食評分享 #餐廳食評 #馬鞍山美食 #獨自開餐

好失望。價錢貴，同對唔起個食物質素，無物味道，無特色，睇住佢執婉面，咁衛生真係無下次，order個三c夾膜，比錯個牛肉黎都算叫換返.兜口兜面睇住佢倒返d牛肉，再夾返d三c入去個膜到....

係馬鞍山住左大半世，覺得呢頭真係無啖好食。但老西安真係好出色！特別係佢麵料既五花腩味道濃厚，好好味。硬要挑剔就係麵略為油左少少，但其實係西安麵既特色！希望馬鞍山人好好珍惜呢間少有既美食。

聽聞食西安特色小食，專登黎食，果然冇介紹錯，同我之前去西安食既，有得輝。招牌好sharp，遠遠都見到，入到去乾淨利落，男侍應招呼好好，唔急住叫我地落單，仲講埋食物size，推荐d咩業。lunch時間已經好多人係餐廳。叫左炸醬手工麵($54)(加$12有飲品and小菜1款)，雞絲涼皮($28)，醬香牛肉夾饃($18)。炸醬手工麵，我係西安食個款叫biangbiangmian(讀："邊""邊"麵)，麵係寬身，比寬意大利麵更加寬。一定要試尼款麵，因為係西安出名既麵款之一。炸醬有別於平時食開既味道，我個人覺得佢帶有dd孜然粉味道，將所有材料拌埋食好惹味。炸醬有超多~跟餐加$12有飲品and小菜1款，小菜可以揀拍青瓜/海帶絲/紅油皮蛋/清爽豆腐，除左海帶絲外，其他可以走辣。拍青瓜夠爽口，份量足料，初時以為細細碗，但我覺得份量似係用正價叫咁~d辣油其實唔係好辣，不過唔食辣記住要走辣。雞絲涼皮凍凍地，夏天一流，平時食開可能係室溫咁，雞絲面有d辣椒油，相比拍青瓜既辣，尼個反而冇咁辣，拌個陣小心d就OK啦。細細地一碗，食落係夠食。西安最出名就係唔同顏色and種類既涼皮啦~去西安旅行，一定唔少得食肉夾饃。

一開始朋友話要食呢間之前我一啲都未聽過都無咩期望，不過話都幾多人食就抱住去試一試嘅心情去，一去到好好彩唔洗等就入得去，一坐底左個哥哥第一時間就俾左張餐牌叫我地慢慢睇，就算我地睇左都有一段時間都無吹我地落單，落左單之後食物好快就到，一個朋友叫左個好似夾膜嘅食物，另外一個朋友叫左個有湯有麵嘅，我就叫左個炸醬嘅撈麵，另外有青瓜同海帶+豆漿，我個麵食到尾尾就有少少鹹，不過個青瓜係幾好食整體上係食得過同值得再食

覓食生涯當中好多時都要跨區進行、 今趟我就多得九巴出了一條新路線， 接連我到這個既遠又近之馬鞍山、 雖則車程只不過是大約十分鐘之時間， 但每每卻步除了是人人稱之為(食物沙漠)的其中一個原因 、交通也是一個最主要個人因素。。。店子面積很細容納嘅客人當然要坐得較為逼夾， 街坊情懷絕對無損 店內一眾食客、 一人入座故然插位亦相當容易, 價錢上亦很平民化、 沒有選擇肉包， 早早已鎖定目標所以坐定定便叫來了扯麵， 安西人的平民扯撥麵、 (就是用人手桿平麵條將之拉長又拉長做一條褲頭打一般所以又稱為褲帶麵/油撥麵，) 記得早年自己在家中做過 ,當然也是易學難精、拉得麵糰一定要夠薄，吃在口中才會不至食麵粉一樣有過重的負擔感~扯麵中幾款都是撥麵， 即時港人見慣之撈麵形式、 今次個人便想試一試加入湯之泡製煮法, 喚來酸湯手工扯麵HK$48. 上枱之速度亦不算要多等、 做得薄而濶身， 入口滑溜、 不過配料相對較少， 肉粒採用腩肉仔部份切得細、 而且入口微微帶豬肉騷味， 紅蘿蔔粒亦未為煮透較為硬身、 配角上略為失色， 只是主角膽上大旗~下次留肚再嘗試肉夾膜/口水雞或紅油豬耳。今次整體上個人評分約為80 分，

上網睇到介紹，知道馬鞍山新開左個食西安食品既鋪頭。其實一直都好想試「肉夾膜」呢樣西安地道食物，可惜仲未有機會踏足當地，而家係香港終於有得食，仲要唔係大集團開既餐廳，而係小本經營既店鋪，就更令人期待了！鋪頭地點方便，其實就只係馬鞍山廣場既隔離，過條馬路就到。係夜晚中，「老西安」三個大字就更加突出，好易搵。入到鋪頭，其實一眼睇晒，前面放左幾張台，而最入就是有個操國語既師傅準備食物。一坐低，就有位好有禮貌既店員同我地介紹菜式，原來而家每個湯麵/撈麵加$12可以轉餐同埋跟野飲。最後我叫左「油撥手工扯麵」，跟餐配左皮蛋同埋秒製酸梅湯。再散叫左一個肉夾膜同埋雞絲粉皮。店員講明咁多款撈扯麵入面，得呢款係辣既，所以我地講明要少辣。碗麵黎到時，份量好足，熱辣辣，我原本以為會好重口味、好咸啦，但佢濃味既同時亦唔會好咸，唔會令人一邊食一邊好想飲水，呢樣真是加晒分。再講講個手工扯麵，店員話呢個扯麵是師傅每日自己拉既。每條麵雖然係好闊，但同時佢唔會好厚，厚薄適中，所以入口時會覺得好滑好易吞，唔會令人覺得成個口都係厚厚既麵同粉。好好食，值得再試。酸梅湯都同一般飲既唔一樣，佢是室溫，不是凍既，飲落口就以「梅味」較重

情人節諗唔到去邊度食，又唔想特登過海，但係又想食好西，所以就搵下啲新餐廳試吓，至少唔會加價！真係意外驚喜，其實呢刻寫食評真係有啲掙扎，一方面好驚紅咗，質素保持唔到，一方面也好驚唔夠人流，我以後無機會再食！你一間係一間西安人開的小店，簡單嘅裝飾也有掛牆的西江民族畫。等位時見到廚師親手拉麵🍜，感覺很有親切咁！在店外的玻璃看進去，見師傅沒有誇張的拉麵條，法只是默默地做，真是有一種現實而不華的感覺，店子雖小，座位亦頗少，但老闆很悉心地關顧每一個顧客，會細心解釋每一款菜色！大小的份量也會預先告知，以免有任何落差（事緣係本身我諗住雞絲粉皮都會係一大碟，但老闆告訴我只有一小碗的份量，讓我們再定奪）。差唔多有位啦，先會先問我們想食咩，預先落單。我派左位後不用10分鐘，上菜了！吃了好幾款菜式，先是雞絲粉皮，和街邊吃的很不一樣，通常都會係麻醬，味道偏甜。但老西安的這款是酸酸辣辣的，我個人十分喜歡這種手工扯麵口感有點像刀削麵，相較刀削麵更有韌性，厚度相較荃灣山西刀削麵更平均，人靠雙手可登峰造極，現今真的賣少見少⋯⋯麵質入口嫩滑，嘟一下一下的吃不斷。湯🥣底清，牛肉啖啖肉，沒有太大驚喜。來這點，麵才是精髓！不過

拖左好耐既食評😅 老西安開左喺屋企附近一段時間，爸爸媽媽試過覺得唔錯，結果同佢地兩星期內食左兩次😛老闆娘話佢地由陝西請來老師傅每日手工擀麵。試晒佢地既粗幼麵，兩款都新鮮有咬口，媽媽話食得出係每日鮮製喎👍🏻 可惜兩晚黎到既時候番茄蛋都係賣晒，冇得試😞以下綜合左兩次造訪試過既野食。總括黎講，手工扯麵、肉夾膜、高湯牛肉麵都係心水推介；不過portion較細，女仔都可以輕鬆食完成碗麵加個小食。值得一提既係小店極唔環保，使用即棄木筷子，所有小食只用塑膠兜盛載👎🏻 希望遲啲會見到依方面有改進☹️香辣麻醬涼皮 $18 - 唔係好夠辣，要自己加辣。涼皮半透明、滑身，幾開胃。西安肉夾膜 $10 - 有啲乾不過肉味好濃，肉既質素比平時喺街食既好一截！簡單美味既代表作！醬香牛肉夾膜 $18 - 如果話豬肉夾膜係食個肉味，咁依個就一定係食個醬同配料。煮到索晒汁既青椒配上醬香牛肉好惹味，體積小小，唔使兩啖就食晒🤤紅油皮蛋 $14 - 正正常常啦，價錢合理，當然比連鎖米線店既好。口水雞 $26 - 唯一一樣真心覺得麻麻地既。雞肉好鞋同好乾，唔點汁就會冇味，附近三X廚房既正好多炸醬手工扯麵 $54 - 炸醬肉碎睇相有

今日係馬鞍山試左一間新開既小店”老西安”，餐廳食物種類唔係話太多，我同朋友就叫左秘製高湯牛肉麵、酸湯棍棍麵、紅油皮蛋、醬香牛肉夾饃、西安肉夾饃同祖傳秘制酸梅湯。紅油皮蛋既蛋黃係流心，好正無得頂，係其他地方都未食過，而醬香牛肉夾饃同西安肉夾饃，就一定要試，因為實在好好好好香同好惹味，而佢地既祖傳秘制酸梅湯就比較甜，飲落口有 D 似夾糖果 D 味。。。。哈哈。最後就係主角碗麵喇，兩碗麵 D 麵條咬感好特別，而湯底也做得唔錯幾清甜，無話食完會有口乾既感覺。

收銀個哥哥好熱情～見我係門口望下望下咁就比張leaflet 我慢慢揀食飯時間唔洗排隊 不過都差唔多坐滿可能大家都唔想等位啦哈哈！餐牌上既選擇都唔少既 最主要都係牛肉麵我今次係衝住肉夾膜個名黎㗎因為好懷念係北京食過個種味道～我叫左3樣野第一樣係雞絲粉皮唔記得係10零廿蚊左右細細碗咁樣 粉皮有啲硬 唔知係咪雪過黎呢？不過味道都還可以第二樣係肉夾膜我見佢寫～10蚊咁既價錢都好貼地原來得手掌咁細個！睇黎我都係FF得太多啦！雖然細個不過料都裝得滿滿最後係牛肉麵嗯⋯呢個價錢份量唔太夠男仔食未必夠飽 見男朋友冇咩評價 可能冇太多驚喜總括黎講 難得有小店係馬鞍山闖闖係值得支持既！不過有好多地方都要繼續努力～例如年青人應該就唔係幾buy 你用簡體字既包裝紙啦～

男友早兩日男友話馬鞍山開咗間小店，專食西安菜，未見識過嘅我就勁係唔放過！舖仔細細，位置都唔算多～問起先知原來師傅係西安人！連出名嘅肉夾膜都係每日整夾包！夠晒地道我地兩個人係為食先嚟試，所以無嗌好多野食～～必試嘅有肉夾膜～～男友係咁講漢堡包都係抄佢🤣🤣 不過我覺得仲好食過漢堡包！肉汁好多！包面脆脆地但入面就吸咗好多肉汁，啲分量係多到食到尾仲係啖啖肉🙆🏻另外仲嗌咗個雞絲涼皮同醬香牛肉講咗牛肉先，呢款冷盤嚟，分量覺得有啲少，不過勝在味道唔錯，辣得嚟唔會食唔到其他野～雞絲涼皮所以料嘅比例都差唔多，少少辣撈埋一齊都幾香