老街 (已搬遷) 新店位置

同男友行陣旺角，發掘了一家食台式食物的小店。晚上八時已經坐滿人，見到仲有不少人在等位呢，人流是質素的保證所以我們先決定試食嘢。肉臊鹽酥雞乾拌麵 ($48)乾拌麵麵身彈牙，而且有少少似拉麵的感覺，有驚喜。加上爽口青瓜也不錯呢！要讚鹽酥雞切粒十分易食，香脆是有的，不過不是太熱。肉臊很多，也不是多肥肉，不過愈食愈咸，會想叫嘢飲。嘢飲都有好多選擇，不過都係忍住先，因為旺角唔愁無台式飲品嘛！男朋友在不約而同下點了湯麵版，所以無映相。台式腸 ($25)這個作為餐前小食剛剛好，台式腸有少少甜味，切片更加易食。不過食到好多添加劑，少食多滋味。總括價錢上也是抵食的，而且很多香港人食，台式速食黎講算快靚正！