老虎堂黑糖專売 (渣甸街)

营业中

休息中

台式珍珠奶茶係香港開到成行成市，有唔少過江龍開到黎香港，今日同朋友仔出銅鑼灣，一於搵番間試下先。去到渣甸街，已經離遠見到大堆人羣，老虎堂同幸福堂兩間痴住一齊開，但係我偏好試下老虎堂先。排隊排左10-15分鐘左右，反而等野飲等左5分鐘左右，比我想像中快😬揀左虎虎生風厚鮮奶，因為俾個名吸引住😂根據店員指示搖左15下先飲，飲落奶味濃厚，入面分別有珍珠同波霸，即係大細珍珠，煙煙韌韌好彈牙，波霸口感會好d。黑糖味好香，overall都好滿意，如果杯野飲大杯番d就好啦。如果有機會希望去台灣再encore!

銅鑼灣呢間老虎堂，係近期最多人談論打卡嘅話題店。今日終於有時間去一試。排隊的人潮很多，但只係排咗15分鐘就買到，落單時發覺職員嘅效率真係超高。我點了一杯虎虎生風厚鮮奶，$30。以一杯飲品的價錢黎講算幾貴。飲落其實都幾好味，明顯有好重嘅鮮奶味。而且老虎紋絕對係打卡呃 like 嘅焦點。黑糖嘅甜味好正，撞埋咁香濃嘅鮮奶真係 perfect match，堅好飲嘅奶茶。珍珠有大粒有細粒，好有咬口，而且好有層次感。飲完一次真係會覺得唔夠喉，成日諗住搵日再去飲多次，難怪成日都咁多人排隊。可唔可以開多幾間分店疏導人潮呀？

一直好驚排隊去試新野，但聽人人話好，終於有機試下啦，之前聽朋友話飲過其他店嘅黑糖珍珠奶話成杯奶飲完好飽，上凍下暖會好怪，不敢抱有太大希望。 但飲過老虎堂嘅🐯，完全改觀，自問都係鐘意飲奶嘅fans，試第一啖覺得好match呀d味，黑糖味道好出，鮮奶好滑好creamy，波霸嘅口感好好，有種好驚喜嘅感覺! 我覺得係比珍珠奶茶更好飲，但飲完確實真係好飽，所以如果要飲，要留一留個肚先得。 飲完即刻好想試埋其他果d比較下 順帶一提，星期日下午時間買，比完錢等飲品大概25分鐘，可以接受嘅，可以比完錢係附近行個round再拎都ok💪💪

今日下午經過銅鑼灣見到不算太多人排隊於是一試這個黑糖鮮奶。全世界人都讚好點都要試下。我要了一杯招牌黑糖鲜奶，前後等了25分鐘就可以了。杯黑糖鮮奶下面的黑糖槳是熱的，要搖匀大约十數下先飲。味道同珍珠奶茶不一樣，好有飽肚感，口感又creamy，飲一次夠了。

於星期五晚上同朋友聚餐完後，途經老虎堂。往日只要經過就會見到長長人龍嘅店舖門口，由於臨近收舖時間，得返小貓三四隻，機會千載難逢於是同朋友一於唔執輸都係買杯試吓。又排隊落單到拎住杯野飲係手都只係10分鐘。不過都因為接近收工，有部份野飲已經賣哂。同朋友一齊叫咗杯波霸厚鮮奶少冰$30。黑糖味超濃感覺上有少少蓋過奶味，又或者可能冰融化導致奶味變淡，珍珠就份量十足，算有咬口。總括嚟講，價錢都算合理，如果唔使排咁長龍都值得一試。

終於有機會嚟試下呢個咁出名嘅老虎堂啦 話說我上個月試咗一次之後 再飲過幾間唔同嘅牌子比較 始終都係覺得老虎堂最好飲 成日都令我囉囉攣心癢癢咁掛住佢嘅味道 肥死都算罷了 今晚落雨見唔到上次嚟嘅誇張人龍(話說我上次都等咗差唔多成個鐘先有得飲)我朋友都已經話嘩乜咁多人嘅 洗唔洗呀我心諗...唔落雨嘅話仲嚇死你呀zzz 朋友見唔算等好耐 又見我介紹 所以就買咗一人一杯虎虎生風厚鮮奶(波霸+珍珠) 買咗飛之後 只係等十零個號碼 所以都係等咗大約十分鐘左右就已經飲得喇!!!真係可喜可賀跟住我朋友試咗之後,都話我冇介紹錯,堅好飲,黑糖味好重,啲珠又好食我再向佢介紹,虎虎生風嘅意思即係將杯反轉,搖幾下,再反番正面,然後裡面嘅黑糖流落嚟嘅紋好似虎紋咁樣~所以個名就係咁嚟啦,而厚鮮奶嘅意思,如果有細心留意佢哋沖調,佢哋係用日本某牌子嘅鮮牛奶製造,而呢一份厚實嘅質感一定要用全脂牛奶先可以做到,朋友亦都同意佢嘅奶味十分之香濃,好滿意

今日weekday得閒冇野做同朋友出銅鑼灣食個tea，經過老虎堂(3 - 4點)見冇咩人排隊，即刻走去買杯呢期hit爆既黑糖珍珠鮮奶黎試下！之前聽人地講要排成個鐘！我今次落單連埋攞都係用左5分鐘！超lucky～所以大家都可以試下呢個鐘數去！黑糖波霸鮮奶 $30signature既黑糖老虎紋，都幾大杯，糖度冰塊冇得自訂，係set好左！所以大大縮短左等候時間。味道方面黑糖味係有既，但我呢個平時叫開小甜既人就覺得略為有d太甜！黑糖同鮮奶混合之後飲落味道有d似溶左既雪糕。珍珠甜度係有既，軟硬適中，不過老虎堂飲落都幾容易膩，所以我飲剩三分一就掉左😖😖。

每天經過都超級多人排隊，今日竟然人龍好短，所以就去買杯招牌波霸厚鮮奶試一試，珍珠的黑糖味濃厚而且大大粒好煙韌，好有咬口，鮮奶加了黑糖糖漿，奶味十足，黑糖味勁重，兩者加在一起非常配，整體感覺非常好,怪不得那麼多人排隊

我嘗過珍煮丹、老虎堂、鹿角，還是覺得老虎糖綜合比最佳！老虎堂，$30/杯，最喜歡是它的厚奶霜，在眾多品牌中最突出的一項，我本人喜歡奶蓋xx，所以有奶蓋簡直是我回頭光顧老虎堂的原因，奶霜的奶味很重，為黑糖珍珠奶茶加上了層次，我個人愛偏甜，所以即使奶霜令它更甜我也覺得更好喝！ 鹿角，黑糖珍珠鮮奶，黑糖珍珠味是三間之中最重吧（另外兩間也不差，鹿角只是稍稍高一點），因為我每咬一口，黑糖味都會滲出來，是真材實料的最好證據，鮮奶減低黑糖的甜度，是不錯的。珍煮丹剛到香港時人氣高，我在傳媒的報導下竟然在第一天開幕時排隊。。。我記得等了1小時吧，得到的卻是一杯普通的黑糖珍奶，也許是我的要求太高了。

每次行經銅鑼灣，這間店舖都排滿人，好想試但見到人龍都想走，所以次次都買唔到，今日中秋節，因之前太多假未放，比老細逼放假，所以一早出銅鑼灣sogo行街，買下賀節禮物、生果，行完見到這間店條人龍不太長，就排隊買，人龍雖比平時短，但都排左30分鐘先買到，係排隊時間見到個個買完都拎住杯飲品影打卡相，好鬼有趣，今次第一次飲，叫左杯招牌飲品「厚鮮奶（奶霜）」。講真話真係好好飲，好濃黑糖味，奶又夠滑，又唔太甜，正啊！難怪甘多人排隊。

好似唔黎飲過會冇話題咁~閒閒地都話要排成個鐘以上..今日食個快LUNCH 後黎呢度搵野飲經過見到難得冇乜人排, 少過十人..咁就試下啦!不過原來都等好耐, 因為係LUNCH TIME, 好多人一買就買4杯以上., 羅返公司LUNCH/TEA~所以出貨都等好耐! 然後其實我未飲過既.. 原來佢地只係黑糖+ 珍珠 + 奶..我以為有茶底TIM~ 不過未試過嘛. 咪試下咯~最後都等左成4個字... 終於等到呢杯野喇...... 熱死我.好大代價啊.XDD佢即係一杯加左糖既奶XDDDD 唔會輸既基本上.不過就真係好貴~珍珠都算淋同好香既黑糖味~不過我本人都係中意有返茶香既野. 全奶都係唔岩我~

老虎堂 🐯🐯 終於都品嚐到啦～因為工作地方關係，今天要路經銅鑼灣，11點前到了銅鑼灣，便想想，有時間，可以去老虎堂門口，睇睇情況。終於都沒太多人排隊，可能學生要番學啦，所以人群少了，那真的太好了! 老虎堂非常準時開店，11點就開門。我排第一個，搶了頭位✌🏽Order 了最出名的2杯，分別是虎虎生風厚鮮奶波霸厚鮮奶虎虎生風厚鮮奶，其實是大的波霸加小的珍珠，味道很香濃，黑糖味很重，非常正波霸厚鮮奶，其實是大的波霸，與虎虎生風的味道，是一樣。只是口感的，只是一種，大大的波霸，飲的時候會好一點，會有口感👍🏽虎虎生風厚鮮奶，價錢是: 30蚊， 屬於合理的😉，波霸一般份量，黑糖味很濃波霸厚鮮奶，價錢是: 30蚊， 屬於合理的😉，波霸一般份量，黑糖味很濃我 prefer 飲波霸厚鮮奶，因為珍珠 size 是一樣的，大大粒啊！😆評分時間💯💯💯💯💯:味道💯 : 9/10價錢💯 : 8/10環境💯 : 8/10服務💯 : 10/10回頭率💯: 9.5/10地址🏣: 銅鑼灣渣甸街36號3號鋪交通🚇: 銅鑼灣站

今時今日嘅香港，已經被台灣嘅外賣茶飲風吹到不行。每經過旺角，尖沙咀及銅鑼灣等熱鬧地點必定有間係你左近。面對咁多競爭，唯獨老虎堂好似一直保持火熱，開店已兩個月，每經過總見到一大班人圍住等待，香港人在排隊方面特別有耐性😂今日經過未見到人龍，就一於試一下佢嘅威力😂 冰量同甜度係冇得調節的，有別於一般的台灣飲品店，30元一杯波霸黑糖珍珠奶並不昂貴，於銅鑼灣這地段來說算是合理。入口奶係挺滑口的，但奶味並不算香濃，珍珠口感不錯，我個人喜歡偏軟身的珍珠。亦有香香的黑糖味道。但並不是很出色🤭 試試就好了，我認為不值得花好多時間去輪候（有機會我也想到台灣喝喝，應該台灣的才有真正的風味😛）

由老虎堂決定係香港開店到正式開業，都一路留意住。好彩係六月頭飛左轉台北，搶先嚐鮮，果然有別一般珍奶，所以返黎香港之後都決定要再次試試香港版既老虎堂🐯住係大西北既小妹，難得岀港島，每次都會去門口一探究竟。但可惜熱潮太勁，每次都見到一大班人排隊，上網仲見到啲人要排個幾兩個鐘😨 大熱天時真係咪搞我，唯有忍忍口，等熱潮過左，無甘多人先再飲啦😅 果然，今日中午過去，見到只有七八個人排隊，立即乖乖係隊尾排😁雖然鋪頭細細，但都有好多員工，所以岀飲品都好快👍🏻 可惜香港地方太細，個signature logo “虎”字只可以收係鋪入面，如果唔係連埋個虎字一齊影相打卡，一定更吸睛👀虎虎生風厚鮮奶$30因為做外賣妹既關係，拎到返去已經無哂虎紋😫 甜度同冰塊同台灣一樣，都係無得揀。老虎堂特別既地方，就係佢有陣焦糖味，成杯野就好似飲緊cream burlee 甘🤤 不過唔知係香港版為左迎合香港人口味定點，總覺得香港飲既無係台灣飲既甘甜由排隊到拎drink只係用左十分鐘，呢個時間絕對值得付岀😎

老虎堂因系台中飲過一次，太好飲，勁滑.唸住香港又再飲，但cwb間鋪個位置唔方便排隊，條路都夠細，仲要排到路邊邊好近車（食塵），排到30分鐘拿到飛，見到的人買完又排拿個邊，好彩我問一問staff要唔要再排拿，佢話唔洗等叫no嚟拿就得，行左去7仔涼下冷氣先，因為拿完飛都等左15分鐘到先拿到杯野飲，因為遲左小小拿，的黑沈左底了，先唔好講價錢貴左幾耐（同台灣比），但真系冇台灣咁好飲，冇咁滑。下次去台灣再飲過.😋😋