老虎冰室

营业中

休息中

今日去開屯門買野，之後行到攰要搵下午茶食。VCity有一層專係有餐廳嘅，選擇都好多，我哋就揀左老虎冰室去試下，我哋都要拎飛等左十幾張先到我哋。坐低我哋就叫左下午茶餐嘅二世祖西多(鮑魚西多)同常餐嘅濃湯海南雞絲米粉配丹麥酥多士加葱花火腿炒蛋。飲品就分別叫左凍檸茶同熱檸蜜。下午茶個西多都好大份，仲有粒鮑魚，入面都有咖央醬，熱辣辣都好好食。個常餐米粉都好大碗好爽，仲有好多雞肉。而個多士都好新鮮，炒蛋都好滑又多料。另外我哋要左兩個小食，分別是瑞士雞翼小食同鰻魚滑蛋炸熱狗小食。雞翼都好大隻又入味，仲好嫩添。而個熱狗真係好推薦俾大家，鰻魚好厚身之外，炒蛋都好好食，而炸熱狗都好特別，食落香口之餘，同鰻魚滑蛋一齊食好好食。如果有機會嚟開VCity都值得一試！

疫情關係，我都少咗出去出邊，呢排都係屯門食嘢多，屯門V city 呢間老虎冰室行經過幾次都好多人，今日終於入去試吓，幅牆有啲老虎🐯畫幾特色1️⃣ 二世祖撈丁有鮑魚帶子$98呢個夠晒威，有鮑魚、兩隻大帶子、兩隻大花菇，麵底夠彈牙，蠔油同鮑魚汁撈埋個麵度，個味道好有懷舊感覺，個麵同埋帶子都好入味。2️⃣ 二世祖西多鮑魚多士$52呢個多士係鹹嘅西多士,多士上面有嚿鮑魚仔，夠浮誇，第一次食鹹嘅西多士幾得意，好似食緊鹹嘅炸麵包咁 😁3️⃣ 一口雪花西多$45多士切到正方形一件，有6-7件，啱晒懶人，唔使自己切，中間夾住牛油，食落牛油香味流晒出嚟，多士面洒上糖霜，好似雪花咁，食落去鹹鹹甜甜，外脆內軟，比起平時食開嘅西多士，冇咁油膩 4️⃣話梅青檸梳打多多 $38（跟餐$19）呢個好特別，平時青檸話梅通常就咁配梳打水，但呢個係溝益力多加梳打水，我覺得好好飲🥛

☀︎ 𝗦𝘂𝗺𝗺𝗮𝗿𝘆：屯門友注意啦喂🥳Vcity最近新開左間茶記「老虎冰室」為迎合今年農曆虎年全店裝修設計以「老虎」為主題由格調去到食物都充滿心思，好有特色架！◈ 常餐。濃湯海南雞絲辛辣麵 $63想食得豐富，揀最有份量嘅常餐就至岩啦有主食，丹麥酥多士，蔥花火腿炒蛋及飲品雞絲嫩滑有咬口，配上香濃辛辣麵（+$6)啖啖都好惹味😎而鬆脆丹麥多士搭埋香滑炒蛋一齊食，好match~◈ 椒鹽炒魷魚麵 $72炸魷魚鬚配炒麵呢個Combination 都好特別😂炒麵吾會乾嚡，而椒鹽魷魚咬落酥脆香口再灑上炸蒜增添口感同風味頗有避風塘味道🤣◈ 話梅青檸梳打益力多多 +$19。凍奶茶 +$6叫主食可以半價order飲品話梅青檸梳打益力多多，建議先拌勻話梅嘅酸甜混合住青檸嘅清新，夏天飲好解渴另外，常餐包一杯熱飲轉凍飲加$6即可凍港式奶茶係茶記必點之一茶香味濃，入口香滑🥳◈ 老虎乸辣雞翼 $58雞翼醃得好入味，鹵水味突出又帶點辣勁肉汁Keep到嫩滑帶彈性最岩就個配埋個海南雞絲辛辣麵就最Perfect啦

派左消費卷好多人都趁weekend出泥豪一豪，我都唔例外🙈揾左阿妹一齊覓食打卡🤩行過商場真係勁多人，間間餐廳都排晒隊，我地等左半個鐘終於有位喇~~ d位都算寬敞，不過太肚餓，拿拿臨叫野食先~ ✨鰻魚滑蛋炸熱狗 - 勁吸睛，大大條厚鰻魚，仲有大大個炸熱狗，真係第一次見，好特別，配埋滑蛋口感一流✨芝心蝦多士 - 普通蝦多士就食得多，加埋芝心又係第一次食，炸得幾脆口，有芝心係惹味d!✨焗白汁魚柳意粉 - 份量超足，面頭舖滿魚柳，個汁夠creamy, 食完勁飽😎✨話梅檸檬梳打益力多 - 酸酸甜甜好開胃，好啱解膩😻✨美祿暴龍 - 甜度剛剛好，食完熱氣野飲淡凍野係爽晒😂

咁耐冇黎V city原來開咗好多新餐廳😯 見到呢間冰室係以今年農曆虎年做主題咁有特色，座位闊落環境舒服，就同男友入去試下睇下會唔會中伏🤣我地叫左兩個主食同一杯飲品～❤️老虎蟹避風塘炒麵 💰9️⃣2️⃣賣相吸睛👀一嚟到即刻聞到勁香避風塘味😍食落香口惹味唔會太辣，麵炒得夠乾身👍虎蝦超大隻勁爽口🤤軟殼蟹香脆唔油膩😋❤️鰻魚蛋包飯(少飯) 💰7️⃣2️⃣鰻魚一向都係我既至愛😍條鰻魚好長好抵食😆肉質幾厚，配埋蛋味濃郁既日本滑蛋同鰻魚汁撈飯冇得輸😎❤️紅豆冰(少冰)💰1️⃣9️⃣叫主食可享特飲半價優惠🙌🏻紅豆冰奶味岩岩好，夠滑唔會太甜，紅豆大大粒而且夠淋得黎依然保持住綿密粉糯既口感😋估唔到呢間冰室除左有外表之外仲咁有內涵😁野食種類有別於傳統茶餐廳，竟然有炸饅頭，炸熱狗同乳鴿😯 下次再黎試下其他款先！

“老虎蟹避風塘炒麵”($92)“美極生炒牛肉飯”($52)“洋蔥芝士滑蛋炸熱狗”($38)“話梅青檸梳打多多”(+$19)“檸檬柑桔蜜烏龍茶”(+$19)進入虎年,好似都多咗地方用老虎做主題🐯好似呢間喺屯門Vcity嘅老虎冰室招牌有大大隻老虎,入面仲有幅“今晚打老虎”嘅燈牌呢間冰室除咗提供一般嘅常餐,小炒仲有啲非常新派同特別嘅茶式😋好似老虎蟹避風塘炒麵🐯🦀其實即係用上虎蝦🦐,軟殼蟹🦀炒麵加咗蒜,辣椒粒做成避風塘口味所以十分香口,而且帶微辣好惹味😍另外叫咗份茶餐美極生炒牛肉飯🐮炒飯粒粒分明,有鑊氣😙入面佈滿牛肉粒☺️配上美極鮮味好夾😋最後仲叫咗個洋蔥芝士滑蛋炸熱狗🌭炸熱狗加咗麵包糠一齊炸,食落十分香脆😍加埋滿滿嘅洋蔥粒🧅,芝士同蛋一齊食超正🤤飲品方面,只要叫嘢食就可以用半價加點特飲所以要咗話梅青檸梳打多多,檸檬柑桔蜜烏龍茶2杯都加咗話梅,酸酸地咁幾解膩☺️

星期日去開vcity見到呢間冰室好似都算新開，幾多人排隊咁所以試下😛。等左一陣有位，啱啱好下午茶時間😆。餐廳好乾淨企理，個人幾鐘意隔板唔係透明，唔使同隔離眼望望咁尷尬👀，同埋餐具位有埋label好整齊，幾欣賞呢啲細緻位夠貼心！🔅鰻魚滑蛋炸熱狗 ($68)超大份！好鐘意佢炸熱狗🌭個口感，外脆內軟😝。鰻魚好超大條又肥美，啲醬都入味，啱重口味人士。$70有找咁大份其實都頗抵食✨。🔅黑椒肥牛撈烏冬 ($52)撈烏冬睇落雖然好頹，但同朋友都覺得意外地唔錯😳。份量對女仔黎講都多，又足料。開頭以為會肥牛好鬼肥又多油，但食落肥瘦適中，食晒成碟個底都無油立立👍🏻！仲有黑椒味好香，少少辣，加埋洋蔥真係好惹味🤤，茶記既高質撈烏冬！🔅一口雪花西多 ($45)西多份量都幾多，叫一口就唔使自己切🤪，大約6舊左右2個人都夠食。西多炸到黃金色，外層好香脆，加埋糖漿好香，怕甜既應該可以糖漿都唔加🤓。面頭有糖霜同少少椰絲，中間就有咖央，整體唔錯👍🏻。🔅生炸雞髀薯條 ($42)雞髀炸得好juicy同嫩滑，波浪薯條炸起熱辣辣都好正😍。🔅美祿暴龍 (下午茶餐半價$19)美祿🦖幾濃，夠大杯，加埋美祿粉幾正。🔅菠蘿冰 (下午茶餐半

<老虎特色冰室>🐯位於屯門Vcity 這間冰室以老虎為主題, 無論裝修食物方面都圍繞住老虎🐯好適合今年既虎年, 虎虎生威😎有別於一般的冰室茶餐廳, 除了基本茶餐外, 還有多款特色老虎餐😋<老虎蟹避風塘炒麵> {$92}😋 避風塘口味, 少少辣. 爽口既炒麵再配埋炸軟殼蟹及蝦, 正!<鰻魚滑蛋炸熱狗> {$68}😋 份量比預期中超大, 原條大大鰻魚再配上嫩滑既蛋, 食完超有滿足感.<芝士蝦多士> {$68}😋 一客6塊, 熱辣辣脆卜卜, 中間夾住蝦, 口感一流.<美祿暴龍> {$19}😋 鍾意美祿既你必定要飲, 正.整體食物好味有特色, 有別於其他冰室餐廳, 值得回頭再食🤟🐯餐廳 : 老虎冰室🦑地址 : 屯門Vcity 1樓 L11

近年來的茶餐廳和冰室愈來愈多，裝修也變得新穎，價格相宜大眾化，所以吸引到不少客人光顧🤩。這次去了一家位於屯門 V City 的冰室，環境挺大很舒適，食物多元化，加入不少新派元素🙈。-💥茶走 HKD$0 | 熱咖啡 HKD$6，隨午餐附送熱飲一杯，小食加HKD$6也有熱飲。茶走茶味濃郁，煉奶配紅茶口感幼滑，可以不放糖健康一點😚。熱咖啡啡味濃厚，跟精品咖啡不同的是香味，港式咖啡較香一點🤤。-💥雪糕紅豆冰 HKD$19，這個跟餐有半價優惠，是個很邪惡的組合😚。紅豆份量挺多的，紅豆口感煙韌粒粒分明，帶點起沙的感覺。紅豆冰味道清甜，配著雪糕更香滑。-💥鮮油多士 HKD$32，厚厚的牛油很吸引😍，對這個邪惡的美食又愛又恨。冰冷微咸的厚牛油，配著脆口的多士，是個很配合的組合，有種冰火交融的口感。-💥鰻魚滑蛋炸熱狗 HKD$68，把傳統的熱狗做成新派菜式，鰻魚份量十足，夾著香滑的炒蛋🤤。炸熱狗外脆內軟，鰻魚咸咸甜甜的。醬汁味道濃郁，整體口感較豐富😆。-💥哈佬炒飯 HKD$72，這個上菜時已聞到很香的味道，而且用料豐富😎，材料有大蝦、小魚乾蝦乾、蛋及菜心粒。大蝦肉質爽口鮮味，炒飯粒粒分明，整體味道香口惹

今日收工瞓醒，奉命去屯門買包煲湯，之後求其搵嘢食，行過見到隻logo 幾得意，就Do 一Do入去一試（究竟要Do到幾時🤔）坐低之後叫咗個星期四餐牌「霸王別姬隻鷄飯」加杯熱華田，隻夾幾得意先上杯華田，之後再上埋份鷄飯起筷之時，一路聽住「嗰條粗心大意嘅公路，嗰個濕滑嘅司機」，聽到男女職員互訴心中情⋯⋯「𨳒⋯⋯間嘢早啲執柒咗佢啦⋯⋯妖，叫老細炒X咗我哋兩個啦笨⋯⋯我搵夠㗎啦⋯⋯（係，我認⋯我八卦🙄🤣）食過雞件後，好想問一下，其實霸王雞啲配料應該辣定唔辣🤔，件鷄有少少鷄味但唔算係滑其實係叫「嚡」，靚仔就有少少焦（出去食都好正常）食完件鷄，終於明白個男職員點解咁講⋯🤔最正都應該係杯華田，不多不少不溫不火👍埋單六十八大洋，是旦啦⋯⋯下次唔去囉🙄

出關啦！一段時間冇去Vcity，原來新開咗間創意茶餐廳🤪野食中西合璧新舊融合，一於喺度賀一賀佢🤣✨鰻魚滑蛋炸熱狗🌭️·$68打卡首選🤪完全冇諗過咁大條🤣炸熱狗外邊香脆內裏食到軟綿綿嘅麵包，完全冇變油浸熱狗🤪原條鰻魚加埋炒蛋，配埋醬汁，食半個都已經好飽，所以記得同朋友開心share😘✨芝心蝦多士🦐·$68讚讚讚！蝦多士咬開有芝士流出黎😋多士外面香脆得來唔會油淋淋，入邊仲食到dd柔軟嘅吐司麵包😊點埋有少少青瓜粒嘅沙律醬，惹味得來帶點清新😀✨老虎乸辣雞翼🐥•$58一聽到老虎乸呢個名一定聯想到啲雞翼實辣到飛起😱Nonono~ 老虎乸都有溫柔既一面既☺️呢個滷水辣汁岩曬啲鍾意食辣又唔係好食得辣嘅人（我）🤪過癮得來又唔難受🤓雞翼仲好滑添😘✨七彩銀針粉·$72係餐牌第一時間俾佢吸引咗，因為真係好少地方有得食銀針粉呀😭所以有理唔理即刻要食！有有紅椒絲洋蔥絲芽菜雞肉做配料，銀針粉煙煙韌韌滑捋捋，夠曬大碟🤪✨美祿暴龍·$19（跟餐）見跟餐咁抵，唔叫特飲對唔住自己🤩美祿恐龍夠曬濃郁，唔鍾意飲甜嘢嘅我嗌咗走甜，都已經好夠甜😚飲嗰陣時美祿粉變成一粒粒咁有啲口感幾得意😎

~鰻魚滑蛋炸熱狗($68)🌭以呢個價錢黎講有成條鰻魚覺得性價比好高💰，而且賣相太吸引啦掛🤩。炸熱狗食落去口感有d似冬甩🤔，脆得黎入面夠鬆軟👍🏻。中間仲加埋滑蛋連埋鰻魚同啲醬汁食落去口感好豐富😋，同埋唔好睇少佢🤭，食到超飽啊😌。~ 芝心蝦多士($68)🦐一啖咬落去中間會食到芝士🧀，多士炸到脆卜卜啱啱好可以一啖食晒落去😚。因為炸嘢再加埋芝士會比較油膩😗，點埋沙律醬中和返就啱啱好啦😌。~老虎乸辣雞翼($58)🍗呢個係用咗辣嘅滷水汁嚟醃製嘅😙，雞翼煮到入晒味幾好食🤤，又唔算真係好辣嘅(譚仔10小左右？)🤔。~美祿暴龍($19)🍹假日優惠特飲有半價所以同朋友都係叫咗呢杯😌，不過佢就嗌走甜🤷🏻‍♀️。我就覺得甜味岩岩好😙，杯美祿都夠濃郁🤓，特別係上面啲美祿粉我就咁用飲管黐左啲嚟食好正😋。~凍檸水($20)🍹要提嘅係呢間好慷慨咁俾咗成五、六塊檸檬🍋，唔知係咪我黑仔我從來都係得兩三塊仲要通常都好薄🥲。今年農曆咁啱喺虎年如果新年去食老虎冰室就真係夠晒氣氛😂。btw鍾意食包嘅人一定會鍾意去呢間餐廳🤣，嗰啲咩西多士呀炸饅頭呀其實都好吸引不過已經食唔落啦😿。

沒有比較，沒有傷害 😅上月中我在旺角某茶記，見到一個好似好特別的名，叫朱古力漏奶西多士，個名改到咁勁，咁就試吓你啦，點知，真係 [ 奶 ] 哂野 !整塊多士中間被偷空，入牛奶及鋪上朱古力粉，上枱時我已經打個突，味道又甜又濕又難食，中哂伏 ....早兩日同朋友行經屯門 V City，誤打誤撞比我哋去佐一間餐廳食 tea。久違了正宗嘅法蘭西多士，竟然喺度重現，整塊麵包鋪滿蛋漿，煎得非常出色，上枱時金色嘅外表，再加上微溶嘅牛油，已令我食指大動。最值得一讚係餐廳所提供的糖漿，有别於其他地方。樽裝水嘅外形，衛生可靠，不太甜的味道亦正合我心意。糖漿混和在牛油與多士之上，不用任何花巧做法，已經非常美味。所以有時改變食物的本質，真的未必係好事，相反傳統嘅味道更得人歡心。呢間餐廳叫 老虎冰室，我會記得你，必定有下次，下下次 😃

第五波疫情之下，各行各業都面臨好大困難，連夜晚一家人出街食飯都變成好困難嘅一件事😐呢日趁住屋企人放假，我又早收工，可以6點前食個早飯🖐一段時間冇出嚟V City行街，見到有好多唔同新餐廳進駐咗商場，行下行下，俾屋企人見到呢間好搶眼嘅老虎冰室，適逢今年係農曆虎年，幾有應節氣氛喎😬呢到話就話係冰室，但係估唔到菜式選擇幾多元化，有傳統中式粵菜、茶餐廳常餐、特色fusion菜😄常餐A：蕃茄濃湯豬扒通粉 配 丹麥酥多士、蔥花火腿炒蛋 ($63)我揀咗呢份常餐A，豬扒好大塊，蕃茄濃湯天然香甜，味道突出😋平時去茶記/冰室好鍾意食嘅丹麥多士，呢到做得到「外酥脆、內軟熟」嘅效果，好滿意！炒蛋有蔥花令佢更加香口，質感滑嫩🤩午餐 貴妃雞 ($68)屋企人叫咗個貴妃雞飯餐，雞皮爽脆，雞肉肉質嫩滑😎雞肉份量都算幾多，沾上蔥油簡直一絕😋二世祖西多(鮑魚西多) ($52)好豪氣嘅西多士，竟然有隻鮑魚喺上面，呢個食法果然夠晒二世祖🤣🤣🤣茶餐同午餐嘅跟餐飲品可以轉老火湯，幾足料～

疫情幾嚴峻都好，老虎都要食飯！老虎冰室表面上是一間普通茶餐廳，打開餐牌就發覺非一般，有不少有創意的新菜式，令你覺得樣樣都想試下。小食：鰻魚滑蛋炸熱狗（$68）、芝心蝦多士（$68）下午茶餐：二世祖西多（$52）、美極生炒牛肉飯（$52）熱飲（$0）、例湯（+3）鰻魚滑蛋炸熱狗：嘩！原條鰻魚加滑蛋，熱狗是炸包，表面脆卜卜，內裏麵包好鬆軟，用刀切開，一層鰻魚，一層滑蛋，一層炸包，一啖放入口！正！芝心蝦多士：麵包薄切，非常香脆，鮮甜蝦肉配流心芝士，香口好食！二世祖西多：這個西多以噱頭取勝。食完大隻鮑魚和芝麻醬蔬菜後，剩下的西多就顯得有點單調了。西多本身是果醬夾心，炸得也很靚仔，就是孤獨些，或者配花生醬和煉奶會更好食，也更邪惡。美極生炒牛肉飯：正正常常茶餐廳出品。雖然是下午茶餐，但由於隻碟好深，份量十足。霸王花瘦肉湯見字飲水，叫多碗例湯，清心潤肺，收你3蚊有良心。我平日甚少影收據，不過今次見它有隻小老虎好得意，破例影吓啦。