影片
以上资料只供参考，请与餐厅确认详情
行过奥海城foodcourt见到呢间餐厅，写住米芝莲推介，想试下佢哋个鸡扒，我唔想食太热气，所以见到Menu写到明系香煎鸡扒，咁我就order，点知之后见到阿姐攞块鸡扒去炸，以为阿姐搞错，所以我同阿姐clarify我点香煎唔系酥炸，点知阿姐好晦气咁话我哋呢度只有炸。阿姐态度差，一点歉意也没有同我讲Menu上面虽然写喺煎，但系佢都系炸。咁我唔明点解Menu写明有两种煮法系咩嘢意思，并不符合商品说明条例，无下次。
继续阅读
见到餐牌系话系米芝莲2023至202推介小食，咁就试吓。👌🏼 古法老祖西关濑粉 $40米芝莲推介小食。面头布满猪油渣，榨菜 & 唔同材料沟埋，汤系杰杰地上汤嘅味道，口感类似食羹嘅质感，少少地辣，都几惹味。至于个西关濑粉就念念地，粗粗地。冇咩特别。🙂 酥炸杜洛克猪肉糭 $68 （跟餐 +$28)同样系米芝莲推介小食。一开始唔系好get 到，好似食炸糯米饭嘅感觉。跟住再食到里面有块猪肉，就好似食炸糭嘅感觉。钟意食甜糭仲可以加d 糖。佢炸得好脆，食完口感都有啲香，都几得意嘅。至于“巴洛克猪肉”就冇觉得有咩唔同。👌🏼XO酱爆炒肠粉 又系米芝莲推介小食。炒得都几有镬气，XO酱就正常味道。肠粉质地正常。🤔 髀翼双飞猪油捞饭 捞埋附上嘅猪油，酱油，同埋啲辣辣地嘅榨菜，就几香口。如果唔怕的话，仲可以食埋啲猪油渣。几香口但邪恶嘅猪油捞饭。至于鸡髀就好㶶，㶶到唔系好想食果种。都算入味，有啲椒盐味，但太㶶了。鸡翼冇咩特别。环境： ★☆☆☆☆ 食物： ★★★☆☆ 推介度： ★★★☆☆
继续阅读