老祖食堂

营业中

休息中

行過奧海城foodcourt見到呢間餐廳，寫住米芝蓮推介，想試下佢哋個雞扒，我唔想食太熱氣，所以見到Menu寫到明係香煎雞扒，咁我就order，點知之後見到阿姐攞塊雞扒去炸，以為阿姐搞錯，所以我同阿姐clarify我點香煎唔係酥炸，點知阿姐好晦氣咁話我哋呢度只有炸。阿姐態度差，一點歉意也沒有同我講Menu上面雖然寫喺煎，但係佢都係炸。咁我唔明點解Menu寫明有兩種煮法係咩嘢意思，並不符合商品說明條例，無下次。

見到餐牌係話係米芝蓮2023至202推介小食，咁就試吓。👌🏼 古法老祖西關瀨粉 $40米芝蓮推介小食。面頭佈滿豬油渣，榨菜 & 唔同材料溝埋，湯係杰杰地上湯嘅味道，口感類似食羹嘅質感，少少地辣，都幾惹味。至於個西關瀨粉就唸唸地，粗粗地。冇咩特別。🙂 酥炸杜洛克豬肉糭 $68 （跟餐 +$28)同樣係米芝蓮推介小食。一開始唔係好get 到，好似食炸糯米飯嘅感覺。跟住再食到裏面有塊豬肉，就好似食炸糭嘅感覺。鐘意食甜糭仲可以加d 糖。佢炸得好脆，食完口感都有啲香，都幾得意嘅。至於“巴洛克豬肉”就冇覺得有咩唔同。👌🏼XO醬爆炒腸粉 又係米芝蓮推介小食。炒得都幾有鑊氣，XO醬就正常味道。腸粉質地正常。🤔 髀翼雙飛豬油撈飯 撈埋附上嘅豬油，醬油，同埋啲辣辣地嘅榨菜，就幾香口。如果唔怕的話，仲可以食埋啲豬油渣。幾香口但邪惡嘅豬油撈飯。至於雞髀就好燶，燶到唔係好想食果種。都算入味，有啲椒鹽味，但太燶了。雞翼冇咩特別。環境： ★☆☆☆☆ 食物： ★★★☆☆ 推介度： ★★★☆☆