影片
以上资料只供参考，请与餐厅确认详情
咖喱吉列猪扒真系好正味！猪扒煎至金黄酥脆，口感鲜嫩多汁。咖喱酱香浓辣味，带嚟一份独特嘅风味。每一口都充满嚟猪肉嘅鲜香同咖喱嘅香辣，令人垂涎欲滴。配上白饭，更加美味可口。呢碗咖喱吉列猪扒系香港嘅经典美食，好吃又饱肚，绝对系咖喱爱好者嘅最爱！
继续阅读
见完工去左呢个food court度食12点几开始多人边度有位就坐低先都好耐无食过蛋包饭啦价钱少少贵味道就……嗯可以接受啦唔会太差嘅好彩劲快就揾到位坐买饭亦唔洗排队等5分钟左右就有得食了个汤无咩味咸咸地嘅水咁样啰我觉得可以唔洗俾汤添饮完仲嬲俾杯水好过啦蛋包饭嘅蛋唔滑质地一般好彩无一夹就烂咖哩汁完全唔够多送2啖饭已经无咩汁最抵赞系啲牛肉虽然一啲都唔嫩但胜在入味份量够多啲饭就正常普通白饭下次应该唔会再食
继续阅读
尖沙咀有好多好野食，但要快靓正抵，一下子就缩窄咗范围。趁有一个钟食午餐，我就嚟到大食代睇吓有咩好食，咁多餐厅点都拣到一间嘅～行咗一圈，最后拣咗呢间蛋包饭我叫咗4号餐：鸡排拼日式串烧蛋包饭，跟一碗面豉汤，都系$58！餐一到，即刻觉得好抵，超大份，已经叫咗少饭但都系食唔哂，鸡排有五大件，串烧俾咗两串，呢个价钱真系好抵吓。味道都几唔错，系串烧有啲干，但蛋包饭嘅酱汁真系好好食老板人好好，知我想要多啲菜就夹多啲俾我，成餐饭都好开心呀！
继续阅读
当晚系政府首次实施晚市禁堂食。我同男朋友放工后，出咗旺角行街，又要谂食咩外卖好，而且旺角区可以俾市民食外卖嘅公园唔多。于是我地灵机一触，就去咗大角咀某大型商场揾食喇。由于街上真系超热，我地行到身水身汗先去到大角咀。然后喺商场行咗阵抖吓凉先去大食代揾食。去到一间蛋包饭店前面，呢间店我好耐之前都帮衬过，当然𠮶阵系堂食啦。于是乎就买咗两份日式鳗鱼鸡扒蛋包饭啦，好似仲有八折优惠添。虽然话系外卖，但系份量都几够，鳗鱼算大件，蛋又好滑，仲有几旧鸡扒。疫情过后，再去帮衬堂食吧！
继续阅读
呢间铺头系喺food Court开嘅，所以对佢嘅质素都冇太大期望，叫咗个芝士汉堡扒蛋包饭，卖相都几唔错嘅，有两块细嘅汉堡扒，上面落咗啲芝士汁，蛋包饭上面落咗啲茄汁，隔离有几旧薯角，总体来讲都几足料👍🏻而味道方面，汉堡扒就干咗啲，就算谂左啲芝士酱喺上面都冇话好食好多，质素一般般，而家蛋包饭入面个饭唔系白饭，呢一点几好，但系唔系好食得出用咩一齐炒，因为个饭嘅味道都系偏淡，而只蛋就煎得有啲老，不过呢个价钱都唔可以要求太多，总体来讲想食蛋包饭嘅时候可以一试😂
继续阅读