老港冰室

营业中

休息中

今日同巴士迷朋友搭930黎左葵芳，第一站就係去搵食。我地黎左新都會廣場，黎到已下午茶時間，選了一家頗多人排隊的冰室，叫老港冰室。排隊時，我地已經拎了一張外賣紙睇下有咩食～招牌蕃茄焗豬扒飯 $58 巴士迷朋友話比十分！炒飯底有蛋香，豬扒、蕃茄、芝士全部新鮮製作，蕃茄酸酸地好開胃。雖然豬扒骨多，但係肉質好好食。老港炒米粉 $56 呢個係我叫，見地人地嗌，個樣好特別我就跟住叫～好香，米粉咸左少少，炒埋切到好長嘅叉燒，呢個撈佢地盛記辣椒醬好好味呀！乾炒牛河 $54 好有鑊氣，好多牛肉好多蔥同芽菜，好夠份量！芝士流心西多 $28 我地放棄花生醬，要了芝士，我就覺得好難食，唔夾，巴士迷朋友就話：真係好好味，有芝士香味，比較特別。環境：都可以，但人多。座位ok，夠闊落，肥人都坐到。服務：ok，雖然忙，但快手，唔會有情緒問題。定價：算抵。

Fafafoodblog為食花太郎 老港冰室 呢間餐廳 服務態度好好 三大服務承諾：- 如對服務態度不滿意可享全單八五折；- 點菜後30分鐘內不上菜，超時菜品八五折；- 對菜品不滿意，菜品八五折🍴蒜蓉粉絲蒸鳳尾蝦 88 蚊🦐粉絲好爽口 蒜蓉汁好入味 蝦肉用左蝦碌好彈牙 🍴常餐 招牌沙嗲牛肉公仔麵配煎雙蛋及丹麥多士 60 蚊配出前一叮沙嗲汁夠香甜 牛肉彈牙 用左厚切滑牛 撈埋煎雙蛋既蛋汁 正 🥚🍴紅燒五花腩肉 78 蚊🐖煲上既紅燒肉切成正方形 上層肥膏下層肉 多重口感🍴手撕連骨鹽焗雞飯 65 蚊🐥鹽焗雞咸度適中 手撕雞 連埋脾 頸背胸都有 勁足料 正#冰室 #茶餐廳 #多士 #煎蛋 #沙嗲牛 #出前一叮 #鳳尾蝦 #紅燒肉 #鹽焗雞Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#老港冰室葵芳興芳路223 號新都會廣場1 樓109 鋪~~~~~~~~

今日行完葵廣，唔想系果邊掃街，食得咁唔健康。就過來呢邊新都會廣場覓食，眼見#老港冰室 有多款菜式供應，有小菜、常餐同埋手撕雞，選擇頗多。價錢吸引，又提供服務承諾。就決定入內一試。🔴服務承諾:如對服務態度不滿意可享全單八五折；點菜後30分鐘內不上菜，超時菜品八五折；對菜品不滿意，菜品八五折!!!•招牌古法手撕鹽焗雞（例牌）以砂鍋形式上，充分吸收了鹽焗粉的味道，手撕雞皮脆肉嫩，肉質鮮嫩，夠曬咸，果然是招牌菜。•招牌酸菜魚即是一人用，亦份量相當十足，起魚骨好乾淨！真係完全無骨，辣度做得岩岩好，惹味得嚟唔好遮左魚嘅鮮味。嗌咗碗白飯，畢咗啲湯落碗白飯度，送飯覺得好惹味🤩•椒絲腐乳通菜炒牛肉呢款必食小炒，最喜歡嘅配搭，通菜翠綠爽口，爽脆可口，牛肉嫩滑，加上椒絲嘅微辣，就係惹味小炒。送飯一流!!•家鄉肉碎豆腐煲追加多一客豆腐煲，熱焫焫，睇見到暖心窩啦。豆腐好嫩滑，充滿豆香。肉碎相當甘香。•白飯•冬OT店內光猛又整潔，以港式茶餐廳來說，食物定價合理，店員態度友善親切。

最近新都會新開左間茶餐廳，平時行過都見有好多人等位，不過入位都算快。見餐牌都有好選擇，除咗平時嘅茶餐廳食物，仲有一啲小菜選擇，我哋叫咗一個茶餐同埋板燒和風牛柳飯。茶餐有丹麥多士配火腿奄列，多士焗得金黃香脆，外脆內軟，奄列夠滑，蛋香十足，不過火腿份量唔算多，如果可以再加少少就更好。至於麵就揀左辣魷魚出前一丁麵，都幾惹味，湯底辣得嚟又有魷魚鮮味，唔會只係死辣。魷魚炆得夠腍又入味，每啖都有微微辣香同埋濃郁滷汁味，口感唔會韌。任何套餐加$12可以轉鴨屎香檸檬茶。板燒和風嫩牛柳飯食落好香，牛柳煎得啱啱好，外層微焦，入面仲保持嫩滑，唔會嚡口。和風醬汁帶少少甜味，同飯一齊撈真係一流，令成碗飯都充滿香味。加埋配菜都好豐富，有唔少既蔬菜，茶餐都有可以食得均衡。

呢間冰室生意勁旺，無論咩時候去都坐滿人，出品有保證。門口大大個餐牌，套餐選擇一目了然，等位時已經可以諗定食咩，坐低即刻落單，慳返啲時間，效率高到爆。每枱快咗一分鐘，日積月累就多做幾十張單，老闆都笑晒。B餐鹹蛋肉餅煲仔蒸飯，肉餅厚身多汁，鹹蛋鹹香滲入飯粒，熱辣辣一上枱，趕時間食個飯都滿足。D餐焗馬來薯仔咖喱雞扒意粉，雞扒超厚超大塊，外脆內嫩，薯仔炸香再撈咖喱汁焗，香辣惹味，意粉吸晒咖喱精華，啖啖都好滋味。中式例湯用西洋菜、無花果、陳皮熬足火候，冇味精，飲落有媽媽嘅味道。西式羅宋湯同樣足料，酸甜開胃。招牌辣椒炒肉，明火快炒，辣得過癮，送飯一流。成間冰室氣氛懷舊，食物有心機，難怪日日都咁旺！😋

閒日星期一去食，已經見到門口有人排緊隊，等左大概10分鐘就入得。睇menu有好多款菜式，小菜，鐵板，蒸飯，常餐，燴飯，小炒，咖喱飯，是日晚餐等等。我地兩個人叫左板燒肉眼扒五成熟鐵板餐，招牌古法手撕鹽焗雞同埋紅燒五花腩肉。如果唔係叫餐，白飯同例湯要另外加錢叫，當晚例湯係西洋菜陳皮無花果湯，中湯絕對值得飲，湯味夠濃無溝水又夠甜。鐵板餐有兩大塊肉眼扒，原個忌廉焗薯，配菜，餐湯同餐包超滿足。紅燒五花腩煲好惹味，送飯一流。餐牌寫明有三大保證，如果對服務態度唔滿意全單有85折，餸菜超過30分鍾上菜同對菜式唔滿意該菜式都會有85折。總括黎講，當晚上菜快，店員亦都有禮貌，而且仲食得好飽。

「老港冰室」是葵芳新都會廣場新開嘅港式茶餐廳。餐廳位置便利，吸引不少上班族與街坊前來用餐。餐廳座位安排緊湊，尤其午餐及晚餐時段，門外經常大排長龍，但翻枱速度頗快，等一陣就已經可以入座。👍🏻午餐時段的招牌「老港炒米」令人印象深刻。炒米粉夠乾身，即叫即炒，鑊氣十足，配料豐富，包括大量叉燒、蝦仁和火腿，炒得乾身而不油膩，香氣濃郁，入口惹味，是港式大排檔的經典代表。除咗地道港式風味之外，小妹推薦「全日早餐」，賣相吸引，份量十足。吉列魚柳外脆內嫩，魚肉鮮甜；炒滑蛋柔滑細膩，與煙肉的鹹香相得益彰；車厘茄和茄汁豆增添清新口感；香草腸與芝士火腿牛角包則帶來濃郁的西式風味，整體搭配均衡，令人滿足。晚市可以同朋友或者屋企人可以叫幾款小菜慢慢嘆。😆不可不提的還有「港式奶茶」☕️，茶香濃厚，奶味順滑，入口回甘，令人回味無窮，果然係港式冰室的靈魂飲品。

今日經過新都會廣場，見到老港冰室呢間餐廳超多人排隊，就決定入去試試個晚餐，餐廳環境整潔，幾有老香港感覺招牌秘製香辣魷魚公仔麵(配炒蛋,香酥丹麥多士)魷魚比較重口味，咬落爽口，辣度啱啱好芝士流心西多士西多士好香蛋味，切開中間就見到流心芝士，鹹甜鹹甜，超級邪惡老港炒米用咗超多唔同嘅配料炒，米粉炒得乾身，好夠鑊氣蒜蓉粉絲蒸鳳尾蝦蝦身鮮甜，肉質彈牙，底層放左粉絲, 索滿蒜蓉醬汁蒜蓉豬油渣炒通菜份量超大，通菜保持爽脆，香口惹味

好友約我去位於葵芳興芳路223號新都會廣場1樓109號舖的《老港冰室》食午餐，環境舒適，裝修富有港式冰室風格，氣氛熱鬧。餐廳有三大服務承諾，保證服務質素好，食客又滿意。我地點左：🥢蒜蓉粉絲蒸鳳尾蝦 $88：鳳尾蝦有8隻，已去殼（只餘蝦尾），蝦肉結實彈牙，蒜蓉粉絲好惹味，送飯一流。🥢豉汁蒸倉魚 $78：倉魚 size 不少，魚肉嫩滑好味。🥢家鄉肉碎豆腐煲 $48： 豆腐幼滑，肉碎好入味。🥢招牌古法手撕連骨鹽焗雞（例牌）$78：鹽焗雞份量不少，雞肉鹹香好味。🥢白飯（1碗）$9：飯香好食。

老港冰室有十二道風味、男人的浪漫、懷舊鐵板、咖喱和砂鍋蒸飯。不少人都會叫蒜蓉粉絲蒸蝦，但我食得太多啦，今日想食青簡點，最後決定要一菜？一肉、一飯一飲品。試試正規野。越簡單野有時越難整得好食，今日看看廚師真章啦！我叫的招牌炒肉幾滑口，我鍾意個爽爽爽地的配菜，上菜時餐廳職員會比埋個古式古香的小爐比你保持青椒🫑肉片的和溫熱。呢到仲有三大保證，話上菜時間超過30分鐘、又或者對小菜質素不滿意都可享有85折。都係對服務的一種堅持✊ 欣賞！干鍋花菜表明微辣，但我食到，甚至覺得根本唔係算辣，所以大部分人應該都能夠接受微辣。花菜切得大條，味道中規中矩，但頗有口感。我點的不多，整體來說是家常風味的一餐，職員服務態度良好，餐牌菜式算幾豐富，任君選擇，係我叫得簡單。下次建議大家試下古法手撕連骨鹽焗雞，西冷牛扒或者招牌酸菜魚。

通常去葵芳行完街都係喺葵廣掃街，今次嚟咗間新開嘅茶餐廳：老港冰室我叫咗西冷牛扒薯菜配蒜蓉汁，至於朋友就叫咗招牌古法手撕鹽焗雞，個西冷牛扒份量好大，成塊牛扒幾乎大過個鐵板，而牛肉味道好濃郁，食得出質量甚高；至於手撕鹽焗雞用砂鍋上，上枱嘅時候熱辣辣，鹽焗雞好入味，而且份量都好慷慨，配埋個白飯，成年男性都一定夠食呢間冰室裝修新淨，而且好光猛，入面食物嘅種類都好多樣化，中式西式都有，啱晒有選擇困難症嘅朋友，價錢亦都相宜，推薦

有一陣子沒來葵芳了，原來開左一間人氣茶餐廳！是日我6點左右去到餐廳，已人頭湧湧，坐滿食客！仲要等位！估唔到呀，所以就食一食呢間人氣王茶餐廳！睇過餐牌，有勁多唔同選擇的，餐單款式超多，常餐、焗飯、扒餐、小菜、小食、等等勁多，餐牌都勁大張、所以我就只影低了當日我所食既小菜個類既餐牌。因為我深深比佢餐牌上既美食吸引住。小菜都有更多唔同款式，花多眼亂。我同爸爸兩個人，點了3個餸，再加了湯跟白飯～首先講一講個湯，是日的中式湯是無花果蘿蔔豬骨湯 ，湯勁甜勁濃味，相信係煲左好耐的，豬肉都超腍身，好好味呀！蘿蔔又香甜美味。而且個湯仲勁多料，足料老火湯！正另外西湯～羅宋湯都是超多料多濃味，唔似其他餐廳的，好出色呀，一定要飲呢度既湯！白飯大大碗，食餸配埋碗白飯，又好味又飽肚。每一款餸都勁出色勁惹味，首先招牌古法手撕鹽焗雞，以熱鍋盛著，非常香的，手撕雞鹹鹹的，又惹味，啖啖肉，非常唔錯。而且份量都唔少呀，抵食呀，又夠曬地道！另一款是紅燒五花腩肉，勁惹味，看到有超多件層層分明的五花腩肉，入口又香又腍身，相信又係炆了好耐，所以超入味，肉質超腍。而且豬腩肉完全不肥膩的，配埋甜甜的醬汁，超濃味，又滿有骨膠原的口感，彈

最近係公司附近新開呢間餐廳，Lunch時間真係好多人等位，人氣好高，聽其他同事講，佢地啲餐真係幾有水準，我就梗係要去食下啦！🟧黑椒汁T骨牛扒拼腸仔配薯菜 黑椒汁濃郁香辣，配菜嘅焗薯夠晒香口，連腸仔都煮到啱啱好，成個set CP值超高，真心推介，隨餐仲有佢地既老火湯，感覺唔會落左好多味精但好夠味！🟥手撕連骨鹽焗雞飯 鹽焗雞真係入晒味，每啖都係滿滿嘅雞香味！連無論雞定飯都份量十足，食完好滿足🤣🤣🤣

好耐冇去過葵芳，竟然見到橋底下面，開咗間新嘅港式茶餐廳，一於去試一下，去到嘅時候係下午茶時間，所以真係超級多人，好好彩嘅係茶餐廳唔係Fine Dining，好快就等到位，當然繁忙時間就要搭枱，不過快啲食完快啲走都OK嘅我哋叫咗：1. 午餐C 跟中湯2. 老港炒米粉餐茶：凍檸茶走甜濃啲1. 午餐C 跟中湯黑椒汁肉眼牛扒拼煎蛋（薯菜）快牛扒煎到啱啱好，淋身唔黐牙，煎蛋仲係Sunny side up，個焗薯一整個薯仔，焗到好腍，配埋面頭嘅醬汁好好食呢個餐仲有好多蔬菜，非常新鮮今日個煲湯係西洋菜煲豬骨，飲完都唔頸渴姓名冇味精2. 老港炒米粉呢個老港炒米粉，好有鑊氣，條條米粉分明，而且唔油膩，好多配菜，調味均勻，下次想試埋個星洲炒米！餐茶好濃味員工方面，好有大排檔嘅架勢

係葵芳做野既我，原來新都會廣場地下開左新餐廳「老港冰室」，每次Lunch Time經過都好多人係出面等位，所以今日就約埋同事早少少出黎食個午飯😆環境以綠色風格🟢為裝修，好大個熊貓🐨Logo，好易認，而且好有港式風格作為一間冰室，從經典嘅菠蘿油同奶茶，到豐富嘅西餐同燒烤，乜都有齊而且午餐都好吸引，我就揀左黑椒汁T骨牛扒拼腸仔配薯菜，有埋中西餐湯提供，我想大力稱讚個湯 “大白菜菜乾豬骨”👍 第一啖已經好驚喜，有屋企老伙湯感覺，飲得出好足料添😋主菜T骨牛扒拼腸仔，都真係唔錯，牛扒好大塊，煎得啱啱好，外層有少少焦香，配埋濃郁嘅黑椒汁，味道層次豐富，帶有少少辣勁但又唔會太重口味。另外特別一提薯菜唔係基本既薯條薯格，而係好香口既焗薯呀，好有誠意既配搭呀。呢度上菜速度好快，份量又大份，性價比都好高，下次會再黎試下其他款式。