老掌櫃東北菜館 (海之戀商場)

营业中

休息中

同同事嚟咗呢度食飯，估唔到佢哋嘅午市套餐都幾抵食，平均四十幾至五十幾蚊就已經有一個餐，直頭係茶記價錢咁抵。🐾酸菜魚$56我同同事都嗌咗酸菜魚，一人份都好大碗，冇得選擇辣度，大概係譚仔三小辣，酸菜魚塊好多，我額外加咗$3轉菜飯，同樣好大碗。🐾東北打滷麵$52湯底睇起嚟好重口味，但食落唔算太濃，配料好多，又係大碗到食唔晒。🐾北京烤鴨（半隻） $168我哋額外叫咗半隻鴨share，片得好靚而且唔會太肥膩，跟嘅餅皮夠晒薄，配鴨食唔會太滯。好味😋

20/3呢日咁啱喺荃灣經過，平時都會去開元朗嗰間分店食飯，我今日見經過所以試吓荃灣分店，點知完全係兩回事。叫咗一條白龍王，拔絲蘋果，京燒羊肉等等。條白龍王係咸到完全食唔落，每人食咗一塊已經冇食，羊肉啲粉多到不得了.............成餐飯唔知食緊啲乜，衰啲講句食緊屎咁........最後埋單冇計我哋錢，但係都唔係咁搞.........同啲侍應講佢哋就話反映下。成餐飯谷鬼氣。荃灣冇下次....

呢間餐廳已經食過好多次啦，真係食過返尋味，翻兜再返兜。今次帶埋屋企人一齊食開年飯，大家都話又好食又抵食😋😋😋.招牌菜當然係有佢嘅北京填鴨啦，記得早幾日打嚟訂枱同埋留定鴨，如果唔係有機會賣晒㗎～.另外必食嘅係佢個海蜇頭，有麻辣同埋老醋兩款，海蜇同海蜇頭都一樣好彈牙爽口，不過海蜇頭就大嚿啲實在啲，同埋少啲地方食到，要食梗係食啲特別嘢啦。.擔擔麵都係其中一個我每次嚟都必食嘅嘢，佢好香嘅花生味，湯底少少杰身，但係食落完全唔膩，食咗一啖，就會忍唔住想食晒成碗！.京燒羊肉都係我好鍾意食嘅菜式，羊味重但唔騷，燒得好香，有時會好脆，不過就睇你嗰日好唔好彩啦😂.呢間餐廳真係可一亦可再，不過叫之前記得睇吓食評，如果唔係都係會中伏㗎🤪

這麼多人留言，我也實在忍不了要留言。 話說農曆新年前，我們坐露台看夜景，我跟親友們一起去吃飯，食物倒是不錯。 無論菜啊，還是鴨味道都很好，食到甜品，待應就拿著碗酒釀小丸子上桌，照頭淋到我親戚老公件名牌褸到，湯又熱我心想，那麼不小心，立即理論無果，道歉也沒有。 這件是親友買給老公週年禮物來，一肚氣，現在也洗不甩，已經不會再來！！ 我會記住那個侍應，他是著紅綠白的鞋子！！服務差態度差，食物質素再好也是沒用的！

今晚食過我呢一生人數一數二差服務態度既餐廳，好高帶眼鏡個位哥哥其實係咪唔想做？唔好影響間餐廳啦！D野食其實OK架，但呢位哥哥服務態度嚴重影響呢間餐廳既聲譽囉！我以後都唔會再去。。

〰️當日7點前入坐，室內差唔多full哂，所以出咗露天Area。之前已經食過幾次，今次望住青馬大橋同餘暇係幾正嘅🌉〰️#fat_factor_香港 #fat_factor_荃灣#fat_factor_中菜〰️🌟京燒羊肉 評分：5/5每次黎都必叫〜外皮好脆，即叫即整熱辣辣。唔受得羊肉羶味嘅小心啲🤭〰️🌟北京填鴨(半隻）$168評分: 4/5一大碟北京填鴨夠2-3個人share，肉多皮少，岩哂食肉獸們😌鴨皮好脆，冇咩花巧野擺碟。略嫌配菜青瓜切到大舊，不過呢個價位CP值爆燈！🤩〰️〰️🌟高力豆沙評分: 5/5每粒都漲卜卜，加埋滿滿砂糖真係好邪惡😈完全冇油溢味，注意兩粒起叫，一人一粒都唔過份🤟🏼〰️

唔明點解片皮鴨唔比客用手機落單，一定要叫侍應落，但又成日唔記得落。等成半個鐘以上 見到遲過自己入座既都有先知真係漏左單最近兩次去都漏單。本身好中意食片皮鴨，但呢個體驗真係好差。最近一次去，大約一個半月前兩個月左右。坐我附近三枱客連埋我自己4枱，都漏左片皮鴨大家係咁問侍應，到底到未，真心壯觀其實忙漏單唔緊要，但我見十五分鐘未有已經同定個侍應”未有，有無落漏架？”佢check都未check就話就有，要等等。。。跟住見佢忙岀餐個啲，又冇check單。到左30分鐘已經知道一定落漏左，仲見到後面遲過我入座都有。有啲嬲咁問第二個侍應到底係咪落漏，佢先同我認真check，係咁講唔好意思。再等5分鐘就有不過係凍既

早两天去到海之恋商场逛街，看到电梯广告满$200减20，见到一家东北菜馆有片皮鸭，价钱十分吸引，小孩想吃便试一下，怎知中伏，片皮鸭送来只是微暖，而且半份片皮鸭有大约15块，可是配套的皮就只有12块，再加居然额外收费！还有一个葱爆牛肉，的牛肉用梳打粉拿到都不能，还要牛肉只有四五片，京蒽多到快看不见牛肉。不过没有加一服务费，结帐的时候服务员还给了一个八折，除了食物总体来说不错。

一家三口去荃灣海之戀間，老掌櫃東北菜館吃飯，首先我系出面等緊叫號，應該離叫號枱約十步左右，條友叫到我號一次叫第二次前提係吾夠兩秒時間，已經叫第二個號，我約三秒到佢面前，佢話叫你又唔應我，我心諗你條？？使唔使咁啊，三秒出現係你面前仲咁串，算數吾計較，叫左個酸菜魚，白菜豬肉餃子，鮮蝦雞蛋炒飯，窩包菜！個炒飯幾好食，D餃子肉好難吃，酸菜魚D魚有魚腥味，最後上個窩包菜，個侍應上菜一野丟下，搞到D汁倒左出嚟，佢話唔好意思呀，之後走咗去，我以為佢拎毛巾黎抹，等左成分鐘冇黎，D窩包菜全部都係炸粉，仲要咬吾入，叫號服務差，侍應差，埋單五百找反十幾元，條友好似等緊我話唔使找咁，唔多想找，咁嘅垃圾比多一毫都嫌多

❇️位置餐廳係海之戀商場2樓，就連住荃灣西西鐵站，所以好方便而餐廳座位寬闊，可以一班朋友慢慢食.❇️食物1️⃣北京填鴨（一隻） $318北京填鴨好熱，似係一整起就上但個皮就無一邊蒸住，變左好快凍，有點失色.2️⃣雞絲粉皮 $68粉皮加左超重麻醬，QQ咁，開胃一流.3️⃣ 砂窩雲吞雞 $268冬天食暖笠笠勁正，飲個湯已好重雞味雲吞仲好多蝦，好夾.4️⃣宮保雞丁 $86比想像中係濕炒，伴飯食就岩岩好.另外仲叫咗四季豆$74，海蜇$74等等既前菜.最後，叫左高力豆沙做甜品又熱又多餡料，正.岩哂新年一班人一齊食飯！

餐廳環境冷氣欠缺，而且侍應完全沒有禮貌，另外沒有信用卡收款方式已經好唔方便，在送餐時倒瀉嘢食更加完全沒有道歉，更加沒有理會，一個雲吞雞湯一手放落枱，倒到啲餐牌同枱都係，仲要若無其事咁行開咗，我哋叫咗三個湯，侍應都唔會打算或者問客人需唔需要碗，食物水準很一般，枱面近有污跡，衛生一般咪，小菜味度更一般，甜品係完全差，拔絲番薯一上枱，已經夾唔開，都唔知叫客人點樣食，之後諗住試多個高力豆沙，結果都係很一般。

好耐都無食過片皮鴨，今次試下老掌櫃。餐廳位於海之戀商場入面，交通都算方便，中午時段都無咩人，唔使等位。我地坐下來就即刻Order片皮鴨，賣相好吸引！甜麵醬、青瓜、大蔥和餅皮，片皮鴨緊接著上菜，份量不錯，油香也很充足，上面的小塊皮也有香脆。包住配料食，可口清新，唔會油膩。羊肉餃子應該是東北菜其中一道特色菜吧！吃到羊肉味，不會很騷，好吃。仲有秘製杭洲骨和茄子等，秘製杭洲骨好足料，唔會肥，啖啖肉，仲有好多配料，洋蔥、菠蘿等，酸甜可口，好惹味。而茄子口感清脆不爛，但就油膩左少少。

家人生日，諗住去試一下東北菜，咁就去行吓Donki順便Donki隔離有間咁嘅餐廳去試一下，門面係非常之靚嘅，但係一轉咗彎之後就見到餐廳個樣就扣咗一半分，餐廳格局完全係一間普通茶餐廳嘅格局，問侍應同埋叫侍應落單，十問九唔應，態度非常之差非常之惡劣嘅一班年青人，做嘢求其那西，如果接受到去受着去食飯嘅話，咁就可以去值得一試…..佢哋每次出餐上枱會經過你個頭嘅上面放低碟餸。完全冇服務，話說如此，佢啲餸真係幾好食嘅，個片皮鴨非常之特別，肉多個皮，倒不如條片皮鴨肉好過啦。不過不失咁食咗一餐。呢間都值得推介，大家去試吓嘅

其實之前都食過大角咀分店，但係畢竟唔係好方便😄😄上網搵到原來荃灣都有！！咁梗係要來試吓今次選擇咗中午時間過嚟食，除咗怕夜晚太多人，而且荃灣分店都有午市特價套餐，好抵食！！🥰🥰今次嚟到其實都算係滿座，都好多人食飯。就叫咗個杭州骨同埋一啲涼菜，味道整體不過不失，都係大角咀好食啲！！🤔🤔可能廚房唔一樣？？員工態度都唔錯，見我哋兩大一細都盡量快啲安排位置比我地😇😇值得加分！！最後埋單$115 哥哥仔俾咗個折頭我哋😌😌叫我哋多啲去荃灣🤣🤣🤣🤣

入咗去坐低，BB吹到冷氣，有個侍應話幫我哋閂左風口個冷氣，啲餸到齊左之後，另外一個侍應就開返個冷氣，結果Bb係咁吹冷氣。叫咗佢好耐都唔肯閂冷氣，食完成餐飯都係咁。。。