老川皇

营业中

休息中

第一次來食，味道唔錯，但係佢啲餸大部分都係頭呀，尾呀咁，食得既可能得半碟，超唔抵食口水雞：不得不佩服師傅既刀工，可以將成條頸切到唔似頸咁上枱，已經佔左半碟，加埋雞patpat ，可以食既位置淨反一隻雞翼干煱黃骨魚：小小既一碟魚，竟然可以放4個魚頭落去，淨反幾舊魚肉可以食下味道再好都冇用，用啲咁既方法省成本，我情願你比啲正常肉我，而價錢收反貴啲

我地成班frd自從係西安返黎後，就少左見面，但仍然好懷念當地一間食烤魚既食堂。所以其中一條友推介下，就一齊過黎食烤魚，睇下食唔食得返記憶中既味道。烤魚方面，因為我地有唔係好食得辣既朋友，所以只係叫左少辣，但唔會好辣。條魚等左一陣先到，所以我就食住前菜吹水。前菜是海蜇，份量不少，好爽脆，而且其實辣度都頗勁，但作為前菜來說，幾可口，尚算不俗。等了一會兒，烤魚就到了。烤魚的份量很大，整條上，新鮮滾熱辣，大家已經等不及把筷子送上。我好不容易爭到一塊魚肉，白嫩的，但也頗結實，有一點點烤魚的香味，但更多的是酸麻的味道，辣勁反而不會過強。gd，雖然和記憶中的味道仍然有點出入，但也是一道很好吃的烤魚，最重要是人人都可以吃到。

喺旺角砵蘭街歐美廣場二樓 有多間老川皇 光猛過街舖之餘 仲有得訂枱添今日就叫咗水煮生魚 樟茶鴨 仲有個干炒扁豆全部叫嘅野食都可以揀小辣 中辣 大辣 啱哂好辣之人拐帶啲唔太食得辣既人入黎訓練下😂水煮魚其實有分鯇魚 生魚同桂花魚㗎 鯇魚 一直唔知生魚係乜 所以叫咗黎食😂 上到黎 其實真係好大碗 起碼4個人度至好叫 我地2個人好不自量力咁食 叫咗小辣 生魚入口仲好滑 辣油味都好香 我覺得唔太辣 只係得丁丁咁多麻 所以決定下次要叫中辣 魚既下面仲有大荳芽 佢地索哂啲辣油咁 所以仲辣過啲魚樟茶鴨 依度既鴨係做得好得 好有樟茶鴨既味道 唔似岀面好似普通鴨咁冇乜味 不過鴨就比較薄肉 無乜肉食 唔太抵食 干炒扁豆 都有得揀辣度 好貼心 啲菜係走過油 所以好好食 就算走過油都唔會太油 加上有辣椒落去炒 所以好香 我地叫咗小辣 但都係唔多覺辣

平日去食辣野都係同朋友齊哇哇去食麻辣火鍋店，因為多人又夠哂開心，今日同朋友們去食依間川菜餐廳，全場幾乎滿座，等左一陣位就有位了除左有麻辣火鍋之外，都有川味小菜供選舉，菜式真係多到我眼花瞭亂，火鍋系列都以寫紙落單，好貼心既係竟然有wifi網絡提供同加入店既微信就可以獲贈涼菜小食<<尖椒皮蛋>>涼菜小食贈送，有分辣道，我地叫左小辣，第一次食黃心既皮蛋，平時食開都係灰黑色黃，入口仲有少少流心，尖椒切得好碎，幾惹味開胃既涼菜<<麻辣雞煲:半隻-中辣>>一眼就望到好多辣椒碎同洋蔥，香噴噴既麻辣味同芫茜味，半隻份量都幾多，雞件肉質嫩滑同入口濃郁，加埋紅薯粉一齊食，薯粉口感Q彈浸透辣汁既味道，辣得黎好過癮<<酸菜魚>>酸菜魚係大湯碗上，好足料份量多，夠三至四人食，本身都好鍾意食酸菜，酸菜魚湯夠哂酸同濃味十足，好好飲，魚肉片好滑溜整體而言，坐得舒適闊落，價錢合理份量多，保持到川菜獨有既特色味道，夠地道

之前番大陸,發現左一間食水煮魚好正既餐廳,唔食辣既我都食左,結果一食愛上左係香港見到有水煮系列都會想試下,食過唔少呢類既餐廳,最近又想食下水煮系列,於是上網搵下資料,見到呢度lunch幾抵食,又有水煮系列,咁就黎試下雖然要行兩層樓梯,體能差行到好攰,但呢度座位闊落餐紙寫簡體好有趣,估計辣野比較多大陸人食牛餐都有唔少選擇水晶肘子肘子味道類似上海菜既鎮江肉咁,都係凍食,上下脂肪層晶瑩剔透肉質爽口,但缺少用黎點鎮江肉既醋做點綴硬係差啲野咁不過呢度係食川菜,食法上總會有少少不同干煸四季豆一上枱啲四季豆香到不得了,叫左小辣其實一啲都唔辣但味道惹味,豆爽口,用黎送飯一流!蔥爆牛肉牛肉好惹味,夠腍雖然加左辣椒,但一啲都唔辣,蔥爆得好香口涼拌海帶初初未撈勻啲辣汁,覺得一啲都唔辣,誰不知撈勻左,辣就黎料啦海帶長身而且好爽口水煮魚我地今次黎既主要目的就係為左佢魚好滑,但比較多骨,幸好都係大骨,所以冇有怕叫左小辣,沒有麻既感覺,平時唔太食得辣既我,竟然覺得佢一啲都唔辣,難度係我食辣訓練有數?下面仲有芽菜,吸味野,食落特別正!

第二次嚟哩間分店食，原來哩間都有串燒，上次母親節嚟以為無，今次同個frd嚟，佢勁細食，食少少嘢就話飽……前菜要咗碟窩笋絲，窩笋好fresh，好爽，不過食到底就嫌蒜味太濃，下次食，嗌少蒜先得。水煮牛肉，我哋嗌少辣，味道剛剛好，不太辣不太麻，而且花椒八角味很香，牛肉好滑好嫩，跟住食埋墊底嘅芽菜，吸晒啲味，辣到飛起！食得辣嘅人應該會好鍾意！再來就梗係食埋佢哋最出名嘅串燒！燒茄子必食！茄子好juicy，面頭鋪滿蒜蓉同孜然香料，惹味到爆！燒大元貝其實都係同燒茄子差唔多味，不過就淡味啲，元貝都算新鮮同大粒。

今日會合朋友往老川皇食宮保雞丁, 鹵水牛展、蝦仁炒蛋、樟茶鴨和珍珠奶茶。宮保雞丁, 雞肉口感爽嫩,雞丁味道偏辣, 而花生和蔥花辣得很夠味, 送飯一流；鹵水牛展有點麻辣, 與平時食的不同, 除了辣味外還有點香濃的花椒百角味，口感清新；雞蛋及蝦仁口感爽嫩彈牙,蝦仁炒蛋好足料, 入面好多蝦,蛋炒得香滑, 美味；樟茶鴨由於烤鴨經過滾油高溫處理，所以非常脆口,鴨肉鮮嫩, 鴨肉乾身易入口；最後珍珠奶茶茶味香濃, 以中菜館做特飲的水平來看很不俗, 整體食物美味。

老川皇是我每次吃辣的首選，款色選擇夠多、味道夠正宗、價錢實惠，叫到成枱都係埋單才數百元。 川北涼粉（$30）份量夠大，涼粉夠曬嫩滑，味道夠香，作為前菜最好不過。 午市提供多款套餐供應，款款四十多元起就有交易。 口水雞餐（$48）雞肉肉質嫩滑，味道調味很好。 夫妻肺片餐（$48）調味同樣非常惹味，質感爽口，非常好吃。涼拌類可轉薯粉，湯底味道不見突出，但薯粉質感煙韌爽滑，是不錯的！ 水煮田雞餐（$52） 以午市價錢來說絕對超值，田雞新鮮嫩滑，麻麻香辣，非常惹味！水煮魚餐（$52） 同樣地以午市價錢來說絕對超值，魚質嫩滑，碎骨不多，香香辣辣口味絕對適合我。 可以加$10加配飲品 芒果珍珠奶茶 凍檸蜜

店子主推四川菜，以馳名的小炒為賣點。選用特色辣椒來設計香辣口味的菜式，吸引不少人慕名而來，晚市的人流還愈來愈多。大夥人可考慮老鴨火鍋／烤魚，今次與朋友來想試試干鍋的菜餚！干鍋黃鱔 $108底下有火一直加熱保溫，確保啖啖都是熱騰騰的滋味。黃鱔切成一小件，吃落真的十分脆又厚肉，回味無窮！辣青椒、洋蔥和蒜頭使菜式更惹味香口。烹調手法正宗，鍋內的輔料都有不少，齒頰留香！口水雞 例牌 $58以蔥、白芝麻陪襯更添鮮香，四川口味果然開胃。雞肉嫩滑、辣油惹味，兩者配合得不錯！酸辣粉 $24這一碗粉有好多香脆花生，不經意撒上的辣椒可突出四川的麻辣風味酸辣粉條晶瑩剔透，吃落充滿彈牙的口感～即榨木瓜奶昔 $20點了一陣子就聽到廚房在炮製這杯飲料，鲜榨木瓜汁混合奶昔，散發出陣陣香濃的奶味，還吃到新鮮的木瓜蓉，這杯好飲又健康～番石榴  $22又稱芭樂的番石榴汁入口清新，用來解辣就最好！

跟蔡瀾妹妹有一陣子沒有見面了，大家相約來到旺角吃一下晚餐，迎接開心星期五，當然須要味蕾來點小刺激，吃辣是很好的選擇呢。餐廳鄰近油麻地港鐵站的歐美廣場，交通是挺方便的。餐廳的環境是挺地道的。翻一翻餐牌，選擇是不少的，除了各款小菜外，還有火鍋的選擇。感覺人多的話火鍋會是好選擇吧，就點前菜，主食，蔬菜和麵食各一款好了，挺貼心的是店員還會主動詢問客人想要吃的辣度。涼拌牛𦟌：原本也想要吃尖椒皮蛋，可是分量對二人來說可能是不少，就先打消這個念頭好了...後來點了牛𦟌，是富點嚼勁而帶小刺激的辣度。辣子雞：原本是想要吃干鍋肥腸的，可是蔡瀾妹妹好像不是特吃喜歡吃內臟呢，後來則點了一個辣的雞件，跟想像中有點差異的是雞件是一顆顆的，還是每顆也有小骨頭的，可是其實也是相當惹味呢。干扁四季豆：以辣醬料炒四季豆，確是好選擇，令本身平庸的豆類添了幾分色彩。這道應該會是我當晚最喜歡的菜式。酸辣粉： 酸辣粉的分量不少，兩個女生一塊分享是還可以的呢～看起來通透，吸湯能力還是挺強的。聞說擔擔麵也是很不錯的選擇，有機會的話，下次再吃好了。即使是平日的晚上，在我們離開時，門外還是有小人龍出現，看來這間店還是有點不簡單的地方吧。

旺角區歐美廣場第2層，對斜看見老川王之地面分店有大量客人正取紙等位！可想而知與樓上分店的客量相同，故等待一會在晚上九時多才可入座。我們觀望食店大堂四圍井井有條，有圓枱、卡位、大電視、冷氣機…地方十分整齊清潔，廣闊寬敞的。我們今次共叫了五款食品：分别有1.正口水雞2.水煮魚片3.蒜泥白肉4.川回鍋肉5.大白米飯6.椒豬肚雞它的首選招牌 : 口水雞配上花生粒，肉質十分香口。水煮魚搭大芽菜：清爽又解酒。肥豬肉一式兩味，混入蒜及青瓜，加上紅椒香油，色香味三全。椒豬肚雞即叫即弄：放入電爐熱烚10分鐘，湯底好清淡及生肉片鮮甜，佐伴内地白米同吃。這一頓晚餐足以4人食，但要注視十分多油少辣多肉，在這點上要折減些分！現今大體來說老川皇食材新鮮多元，推介到此品嘗。（如果唔食辣就吸引下降）

依排成日諗有咩食，上來搵到話旺角有間川菜館，貪佢位置方便，於是過黎食左餐飯。前菜係涼拌海蜇。剔透的海蜇躺在鮮紅的調汁中，間雜有青青的芫茜，一向是我非常愛吃的前菜。我挾起一條，咬落時十分之脆，但又未斷，然後在咀嚼之間，舌頭就嘗到調汁的酸辣味道，辣勁頗重，在咬的索索聲中，又加多了幾聲雪雪聲。不過太順口，於是一條未吞落，又多拿了一條。其後點的是鐵板水晶粉。這個就真的比較少吃到。上枱時，鐵板還有很強的熱力，挾起水晶粉時，會有少少水氣係入面冒出黎。水晶粉十分滑，幾考筷子功，食落滑之餘有少少煙韌，口感唔錯，加上熱度十足。味道方面，就偏咸，但是水晶粉還有些酸菜點綴一齊吃，就可以中和番個咸度。整體黎講都算係惹味既。 食完個下午茶太飽，搞到冇位食其他菜式，冇肉嘅感覺總係爭啲lol

我同一位老友都好喜歡食辣野 當然四處尋找一些特別的川菜在登打士街同砵蘭街的交界有間歐美廣場竟然一個廣場有兩間川菜在二簡一下 朋友說未嘗試過老川皇 便試試入到去明顯人手不足 睇落有茶餐廳風格附近坐位都是說國語 有一坐更是這裡的常客有火鍋 爐魚 小菜 涼菜 各式各樣 好多野想試想食 只得兩位只能order 3款吧有套餐 超低食散叫都好多款清炒萵筍絲 $56非常清淡 突出萵筍味道 爽脆原本不知道魚已經跟上萵筍 所以order了辣子雞 $86Order了中辣 好多辣椒 但未夠辣炒得乾身 份量多每個都有骨 食落要小心平時川菜一定叫水煮桂花魚呢到特別有3款簡食開中辣的我 在order前也查詢了辣度職員提點小辣已經好辣了鮮花椒桂花魚 1斤 $188魚一到 第一時間飲湯小辣真係辣到飛起但第一啖飲落清清地 似菜湯 突然辣味就來了一斤魚都片左好多塊肉 好滑好鮮味 吾會因為辣而蓋上魚味個底係萵筍加酸蘿蔔記住早點食完 浸得耐會好咸芒果奶昔 吾夠凍蜜瓜汁服務食物抵食推介

聞說ｅ間川菜餐廳平靚正，咁就當然要試下啦，我同女朋友一行兩人夜晚上到去，嘩，都幾多人wor!好彩剛剛有一張枱，咁就坐低啦！睇一睇餐牌，都有幾多款式，叫左個炒大白菜，干鍋魚春同埋水煮魚！炒菜先到，咁我地就立即食啦，食落口覺得好香，好有鑊氣，唔辣，但係就油多左少少，但係都覺好好味！到干鍋魚春，咁大個仔第一次食魚春，口感幾口，好似食ｄ硬嘅蟹膏咁，再加上ｄ香菜，辣椒咁，真係好惹味！要即刻叫支青島最後到水煮魚啦由於女朋友怕辣，所以叫左小辣，另外魚我地就叫左桂花魚，侍應話無咁多骨，食落去ｄ魚好滑，但係可能叫左小辣，反而覺得唔係好夠辣，我唸下次都要叫中廿辣啦！不過佢唔夠辣得黎都幾香麻辣味！唔錯，下次有機會會試其它！

在香港吃川菜的人愈來愈多，大家都對那種香辛帶辣的味道十分著迷。這次到旺角來吃這間老川皇，是朋友介紹我過來的，在進入門口前，先看到一個霸氣招牌: 老村皇，我們便從招牌的下方走進門內。我地三個人，食唔到太多野。於是只係叫左兩樣餸，包括一個熗炒土豆絲，同埋一個烤魚。烤魚我地叫左泡椒口味。土豆絲黎先。其實依道菜都幾出味，係唔同既川菜館都食過，酸溜帶辣。依間土豆絲食起來，比外面食的爽口，酸溜不改，很開胃，至於辣勁方面，就可以接受，是一道幾開胃既前菜。跟住就係烤魚。烤魚浸在湯汁之中，滿滿辣椒，一開始擔心太辣，點知並沒有，烤魚本身的香味，魚肉鮮味，加上辣椒的辛味，令味道十分搶口。肉質較爽，沒有很多骨，討厭挑骨頭的朋友可以吃個痛快。這次來吃川菜，真是過足了癮!