老媽拌麵 (屯門市廣場1期) (已結業)

荔枝綠茶@ $18: 甜度適中, 還有一大顆荔枝在杯內, 綠茶味和荔枝味互不衝突, 不錯不錯!!! 柚香啤酒 @$42: 此啤酒顏色比一般啤酒渾濁, 我覺得味道都比一般啤酒苦, 挺苦的,,, 金華火腿干貝雞湯@ $68: 份量滿滿, 很大的一碗, 湯料也很豐富, 有金華火腿, 雞肉, 冬菇, 紅蘿蔔... 但卻缺少了干貝, 干貝絲也找不到,,, 此湯味道清甜, 但略嫌湯的溫度不夠熱辣辣,,, 地獄麻辣牛肉拌麵@ $72: 外表不太吸引, 但牛肉數量不少的, 把地獄麻辣醬, 跟牛肉和麵拌勻後, 麵條都沾滿地獄麻辣醬, 真的又麻又辣,,, 愛辣的你一定不能錯過它們的地獄麻辣醬... 豆乳香香雞@ $52: 因為看到香港限定而點它的, 原來這裡的豆乳是腐乳, 香香雞炸得沒有油膩感, 讚!!! 雞肉也沒有被炸得乾巴巴的, 但雞塊有點太大塊了!!!... 餐廳光線充足, 座位很寬敞, 用餐環境很舒適, 讚!!!... 侍應們也非常有禮貌, 服務很讚!!!...

老媽黑糖珍珠鮮奶賣相唔錯，白雪雪嘅鮮奶，杯內壁係黑糖向下流嘅痕跡，底層係珍珠，層次分明。黑糖味香甜，完全蓋過奶味，珍珠煙韌Q彈。百頁豆腐鹵得好入味甘香，好似茶葉蛋咁嘅味，豆腐有嚼口得嚟又唔會老。台灣香腸未食已經聞到香味，外皮炸到好香脆，肉質均勻，肥肉適中，油潤juicy，香甜可口。高麗菜豬肉水餃水餃皮都算爽滑，肉餡略嫌鞋味小小，但加咗高麗菜，爽甜清新，肉餡都多汁，蘸醋食都幾好味。豆乳香香雞飯炸雞外皮酥脆香口，肉質嫩滑juicy，味道略為淡咗小小。珍珠米飯煙韌，腐乳先係點睛之作，可能已經太耐無食過腐乳，撈埋啲飯一齊食，果種鹹香味真係超惹味。

又來左關廟麵專門店-老媽拌麵啦，自從屯門市廣場開咗分店，都好常嚟食🍜❤️👍🏻他們傳承古法手工精製的麵條實在好食😋📍地獄麻辣牛拌麵🐮🌶🍝（$72）所有麵食都可選擇配搭刀削麵/細麵，麵質Q彈！這款麻辣醬汁相當濃烈惹味！📍清燉三寶牛肉麵🐮🍜（$82）配料豐富，有齊牛腱，牛筋和牛肚，粗麵Q彈不軟爛，掛湯好吃😋📍老媽黑糖珍珠鮮奶🥛（$33），慢煮2小時的黑糖漿帶微微焦香，加上軟糯煙韌的珍珠，味道醇厚香濃。

係屯門市中心呢間老媽拌麵經常都有人排隊，之前係荃灣食過一次，又有啲心思思，好想再食，好啦，照排隊！好，坐低睇吓有咩好食先。川味紅燒半筋半肉牛肉麵，牛筋粗身，食落有彈性又帶少少糊口，牛腱煮得夠腍，咬落有口感。地獄麻辣牛拌麵，醬汁係碗底，首先要撈一撈，夠麻夠辣有麻香。關廟刀削麵因為比較粗身，煮嘅時間比較耐，麵條中間有坑紋，所以可以掛上更多醬汁。老媽黑糖珍珠鮮奶，熱飲原來奶味更香，珍珠都彈牙。老媽黑糖珍珠巧克力，呢個組合係邪惡既，鍾意食甜一定好高興。

一直都想試下依間嘅麵，好似好出名咁！住屯門嘅我見近近地就一於試下佢。依到有拌麵、湯麵、飯、小食、滷味同水餃等等！當然主打都係麵，可以揀刀削麵或者細麵。首先嗌左個川味紅燒三寶牛肉麵($82)揀左刀削麵！入面有牛腱、牛筋、牛肚，好豐富。有時食牛好驚佢好難咬，但依度嘅牛就做得好好！仲有麵質都幾好，唔會太淋有啲咬口。金華火腿干貝花雕雞湯麵（$88），依個湯底同啲雞都好有驚喜！湯底好香同足料，個雞係入味同好滑。嘢飲方面叫主食+$28可以升級珍珠系列同鮮奶系列。我同朋友分別叫咗黑糖珍珠鮮奶茶同仙草凍奶茶。依度嘅奶茶唔太甜而且茶味都幾重，都幾唔錯！同朋友簡簡單單食餐飯呢間都係一個唔錯嘅選擇。

放工搵食，行左幾間心水餐廳都要等好多張枱。咁啱見到平時多人排嘅老媽今晚人少少唔使點等就試下，本身都無期望架啦，點知直頭係失望🙄。分別點咗麻辣牛肉拌 味道一般半筋牛肉麵 普通無特別餸好少炸雞排 咸到一個點兩個麵味道普通，拌麵同屋企自己煮嘅無分別，加咗麵嘅份量先等於外面嘅正常份量。最搞唔點係個雞排.... 咸到嘔返出嚟，再睇真啲原來面頭鋪滿厚厚嘅椒鹽... 即刻叫人換過碟先正常少少，但都偏咸。呢間無下次...

之前剩係食過台灣買返泥嘅老媽拌麵，已經好懷念台灣嘅味道😍 喺香港開左實舖後一直都想泥試，今日放假終於同老媽子泥到食野喇！可能因為疫情關係，而家都係有QR code落單，上菜速道都好快，唔洗10分鐘就整晒~✨蕃茄蛋拌麵 - 係住家餸嘅味道，蕃茄酸酸甜甜好開胃，粗麵有口感🤩✨和牛炸醬拌麵 - 好正呀，免費加麵底，加埋紅蘿蔔絲同木耳絲，口感層次唔錯✨清燉半筋半肉牛肉麵 - 湯底清得泥有牛肉香味，牛肉夠林，牛筋彈牙，整體一流✨蘋果梳打 - 清甜，啱晒而家天氣開始熱嘅時候飲✨冷泡茶 - 放左全個茶葉包，真材實料，飲到茶味甘香另外一提，服務都唔錯，本身我叫左杯熱野，但上錯左凍，服務員都好樂意幫我跟進

最近搬去了屯門，今天放工跟女友到巿中心閒逛，購買一些日用品，順道尋訪一下各式餐廳。在屯門巿廣場第一期的三樓，發現了這間裝璜風味優美的台式餐廳。餐廳分了左右兩邊，右邊是開放式的，感覺比較自在沒拘束，也增大的準備用餐的好心情。地獄麻辣牛肉拌麵 -雖然名字以地獄作招徠，但並沒有想像中那麼辣，不過辛辣味夠香濃，而牛肉處理得宜，肉質鮮嫰滑溜，而麵條口感煙韌，沾滿醬汁的麵條是整道菜最辣的部份。川味紅燒半筋半肉牛肉麵（牛腱、牛筋）-牛腱爽身，牛筋徧稔是我喜歡的口味，如果能熬制得再入味些會更好，刀削麵亦十分有嚼頭。台灣仙草茶 及 鳳梨茉莉茶 - 套餐只需加十八元就可添配冷熱飲，而且每碗麵可以免費「加底」，性格比也很高。

今次來到屯門分店食關廟麵，試下台灣風。由於是平日，人唔算多，不需要等位。食物種類算多，有主食，小食，特色台灣飲品。職員有禮貌，我們一坐低，已經介紹食物種類給我們。紅燒三寶牛肉麵有牛腱，牛筋，牛肚。一次過可以滿足3個願望。麵質煙韌，蘿蔔清甜。而且，這裡的麵可以免費加底。和牛炸醬拌麵麵上有隻蛋，拌埋麵一齊食，有種滑溜的感覺。這碗麵選擇了幼麵，與關廟麵有不同的感覺。豬肉水餃這裡餃子不是湯上。餡料算多，記得要加埋醋一齊食。可以加配台式飲品，叫了 冷泡茶，樽裝上，裏面有茶包，慢慢嘆，茶味愈出。冬瓜檸檬，唔會過甜，不止有冬瓜的清甜古早味，還有檸檬的清新，解膩一流。

之前答應過謙謙會同佢去屯門市中心的 Lego Store 睇Lego 的，上星期終於抽到時間去了， 講明只睇不買的我，怕謙謙唔肯走，我就用美食吸引佢 😆。我同佢講我地去食拌麵呀！謙即過走去食。✌✌✌因為知道謙謙的口味，所以特別帶佢來老媽拌麵，仲比佢自己選野食和飲品，以下係我地今次叫的食物：🍜 和牛炸醬拌麵 （和牛肉碎）~ 我見到可以免費加麵底都幫謙謙加了，來到麵的份量都ok 謙謙都可以食得哂，因為拌麵的材料全是謙謙喜愛的， 有齊蘿蔔絲，雲耳絲，青瓜絲，牛肉粒和太陽蛋，所有野拌勻來食份外滋味。🥤老媽黑糖珍珠鮮奶 ～ 香滑的鮮奶加左黑糖珍珠好夾，每粒珍珠都夠煙韌唔會好硬。🍛 豆乳香香雞飯 （香港限定）～ 哈哈開頭我絕對係見到香港限定先叫冇諗過係咩味道的，來到見到一沾笑左， 原來係腐乳醬，不過堅有驚喜，原來炸雞點呢個醬配飯食幾正的，就算香香雞唔點醬，就咁食都已經皮脆肉嫩。🥤老媽黑糖珍珠朱古力 ～ 香濃的朱古力配上珍珠超搭，每吸一口都有黑糖珍珠，可以買買細嚼，而因為我腸胃唔太飲得鮮奶，所以我超愛呢杯朱古力。🥰

雖然已經過咗元宵 ，但係仲未拜晒年，今日去咗屯門朋友屋企，本身我哋諗住打邊爐，但係又得兩個人，驚唔係食到好多嘢，最後都係決定落樓下商場搵嘢食。喺啲餐廳望咗陣，發現原來老媽拌麵都有麻辣火鍋食，一直以為佢都係食啲台式嘅粉面，所以就同朋友一人一鍋，我食咗自己最鍾意嘅麻辣火鍋，佢就揀咗牛肉火鍋。一上枱，已經聞到陣麻辣味，不過佢唔算好強烈台式麻辣味道，如果食唔到咁刺激嘅朋友就啱晒。另外都係有啲配菜，牛肉，最出名嘅台式粗麵，同埋一隻蛋。有我平時買極都買唔到嘅鴨血，竟然呢個火鍋都有跟埋😍😍😍 啲鴨血索哂啲麻辣味道，好彩佢唔算超勁嘅辣，如果唔係我一定肚仔唔舒服鍾意台式麻辣味道嘅朋友，可以試吓呢個新出嘅麻辣火鍋，推介！

近年，有不少台灣麵店在香港開店，其中一間便是這間，老媽拌麵。最近，發現在屯門原來有其分店，便決定一試。餐廳位於屯門市中心三樓，坐位尚可。我選擇了價值78元的和牛炸醬麵，還可以免費加麵底。雖然加了底，但份其實也不多，牛味尚算濃郁。食前先撈一撈，麵質選擇了幼麵，跟上海麵差不多，當然你亦可以選擇粗麵，品嚐這店的招牌麵，關廟麵。另外，再叫了一款高麗菜豬肉水餃，42元，一份七隻，皮厚具口感，餡適中，味道可以。飲品，我選擇了高山冷泡茶，茶清香，茶味很出，配濃味的麵感覺不錯。食完，埋單138元，是時候飯後甜品。老媽拌麵 (屯門市廣場) (屯門)屯門屯順街1號屯門市廣場1期3樓3223及3225號舖

平時買即食面都有買呢個牌子 覺得調味個D都好好食 既然佢開到屋企樓下 咁就要去試下喇~叫左紅燒牛肉麵 個牛肉好腍 唔使點咬 但都好香牛味 至面就好彈牙 湯底好好濃味 少少辣 好好味 而且食完都唔會話好鹹抵讚 good!!另一個係豆乳雞飯 成日都唔記得豆乳即係腐乳咁解 佢雞好大塊好香脆 豆乳份量好多 好好送飯！最後叫左個餃子 個料調味岩岩好 好香韮菜味 好足料 而且都 大隻~食埋就岩岩好 ~下次有時間坐耐D可以叫埋野飲 好似都好多選擇好吸引~~

喺超市買過成麵包裝，覺得惹味好食。咁諗住黎試下舖頭，咁岩又經過。去到門口都好多人排隊。咁都叫快可以坐低嘅。位置寬躺好坐，不過啲烏蠅仔飛來飛去。叫咗兩個餐。一個係和牛炸醬半面，一個係有手指公嘅……花雕雞拌麵。兩個都$78好啦黃牛嗰個，肉碎少味道淡，份量又唔多。雞拌麵，重淡無味啲汁。隻雞就有嘅醃過嘅。整體都係偏乾身，佢嘅醬汁不足以拌一個麵。咁呢我嘢飲係嗌咗鳳梨茉莉茶，好期待覺得應該會好好飲啦。點知飲落去個味好怪，原來佢比錯咗金羅漢果海底椰😂係嘅，我係截單之後先發現，再同佢講。侍應話你介唔介意飲呀，我哦左聲，都未再講完。佢零點一秒轉身走我好彩，我冇咩金羅漢果敏感姐😂我介意呀，但又點。唔值再翻兜嘅餐廳～～～二百蚊，食過第間仲開心😃

今日行屯門市廣場，之前見到老媽拌麵經常要排隊，難得今日唔使排隊當然要一試啦！有好多種可以選擇，又有小食又有台式飲品。老媽黑糖珍珠鮮奶，珍珠好煙韌又軟熟，珍珠又好香黑糖又夠甜，撈勻鮮奶一起飲好香又夠甜珍珠又煙韌好好味。清燉三寶牛肉麵有牛腱，牛筋，牛肚，牛腱好厚肉質又夠嫩，牛筋又大大塊又夠淋，牛肚又唔韌全部好入味，粗麵條又有咬口，湯底又清淡又好好飲好鮮甜，又有紅白蘿蔔和一些菇好好味。澎湖花枝丸，炸到金黃色花枝丸又好彈牙又香，沾上醬汁更加美味可口。酥炸甜不辣炸到好煙韌又香口。台腸香腸又幾香又啖啖肉唔會好肥又唔會太咸。