老媽拌麵 (屯門市廣場1期) (已結業)

宜家逢星期日多數都留係屯門,但屯市比我想像中多人左。。。。。道道都排隊今次試<<老媽拌麵>>,都幾多人排隊好想試花雕雞😣但售罄😣清燉三寶牛肉麵(牛腱,牛筋,牛肚)*牛腱牛肚都好淋,但牛筋有少少硬*湯幾好飲*粗麵口感比幼麵既好啲,而且粗麵兩邊花邊都幾靚*平時唔太食白蘿蔔(有點苦),但呢個幾甜蔥油嫩雞伴麵*雞係嫩口*伴麵醬料有啲偏咸,但份量充足豆乳香香雞*有點偏油,同埋一早炸起,唔夠熱,第一道上既菜*原來係腐乳😣其實我唔係好食*但沾左豆乳又幾好食😂老媽黑糖珍珠巧克力*攪勻左先似朱古力*唔太濃,但都有朱古力味*珍珠口感幾好,味道都好夠*黑糖真係好甜😳唔加應該會好飲啲薄荷巧克力鮮奶*賣相幾靚*cream上面有花生+薄荷朱古力粒*正常朱古力味,而且朱古力入面都有薄荷味*小插曲--上枱見到有舊蘿蔔上面有眼睫毛物體,本來想換個碗,但男人一手就挑走左,我都覺得岩,拎走再拎番出黎都應該係咁,咁我唯有挑走埋舊蘿蔔*所以呢間我唔會encore囉😌😌

很久沒來屯門市廣場，原來以前三樓有家cafe, 轉了做老媽拌麵，這個開放式的位置，做台式餐廳也很有風格。下午茶時間有茶餐，價錢不貴，因限聚令關係，我們三人要隔著圍板坐了。不過開放式環境感覺不焗束，還好的。約朋友，環境也是考慮因素啊。點了三個茶餐，送三杯飲品，不錯啊，又可以摸杯底談心了。蘋果梳打我最喜歡，有氣飲品令人感覺清涼，淡淡蘋果清香喝著很舒適；金羅漢果海底椰， 冬日清潤之選朋友說有淡淡回甘的羅漢果味，飲完喉嚨很舒服；老媽豆漿，朋友喜歡餃子餐要配豆漿才夾，豆漿味道夠甜了，熱熱的又温暖。三人有了飲品，又來說個不停，直到有食物上桌才擺休。香煎水餃$48, 一碟六隻，外表煎得很漂亮， 金黃色的水餃皮十分香脆，沒有燶味，裏面韭菜肉餡還有微微肉汁，香甜又爽口。秘製豚肉拌麵配水餃$68, 這個也是韭菜餃，有兩隻，是湯煮的，但味道也不錯，韭菜餃肉餡很新鮮，有湯煮過令裡面湯汁更多；豚肉拌麵，選了幼麵，喜歡幼麵更能吸收醬汁，有鹵水過的豚肉放在上面，所以拌麵非常香濃，麵質煙韌，鹹鹹的很開胃；鹵水豚肉味道很入味，入口柔軟，像是紅燒牛肉的做法呢！ 喜歡那半隻鹵水溏心蛋，非常好吃， 蛋白鹵水得夠入味，蛋黃又滑

第一次嚟食老媽拌麵估唔到仲有一人火鍋又幾吸引下次嗌你拌麵、湯麵、飯、小食都幾齊全如果有埋蛋餅就好啦2個人share食和牛炸醬拌麵 $78 炸醬同平時食嗰啲唔太一樣但都係好香濃 又唔會過鹹用嚟撈麵都唔錯仲有啲青瓜絲解膩配料多過麵咁😂魷魚圈滷肉飯 $68 以為係肉躁飯但原來係幾大舊滷肉滷得好入味同幾淋最鐘意係個滷水汁配埋紫菜撈飯澎湖花枝丸 $32外表炸得好香脆，入面就好彈牙少少surprised個辣醬仲帶少少甜 夾埋一齊好好食蘋果梳打 $18食台灣菜好似一定要飲咁埋單每人一百多少少

今日同男友都放假，一齊出左屯門行街食野😀係屯市三樓餐廳集中地果度見到老媽拌麵，突然醒起之前係荃灣間分店食過印象都唔錯，所以就入左去～我叫左魷魚圈滷肉飯，男友叫左川味紅燒三寶牛肉粗麵，另外加左入台灣香腸😍我個飯幾分鐘就黎左，超大碗😅 材料好豐富，魷魚圈彈牙，滷肉係半肥瘦既五花腩，滷得好淋好入味一啲都唔韌😋 配料仲有啲紫菜同毛豆，送飯食一流👏男友既川味紅燒三寶牛肉粗麵湯底微微既辣，好重牛肉味，好飲又惹味🤤 麵條有趙口，牛筋好淋，口感夠黏充滿膠質👍香腸肉汁豐富，少少肥肉食落更加香但又唔會油膩，我用黎送飯都好正😋食到我同男友都好滿足咁捧住個肚走人😂

懷念寶島之情，受役情影響，差不多成年冇去過日本丶台灣，唯有去屯門市，感受一下寶島風味，台灣的芋頭係最好味，一芳丶鮮芋仙就食得多，今次就試試老媽的味道今早專登朝早過來食早餐，今日星期六，完全冇乜人食，叫個最有寶島風味嘅蛋餅，芋頭吐司🍞配豆漿早晨蛋餅餐，份量非常多，估唔到咁大塊，有濃厚的蛋味丶加埋軟軟的半溶芝士丶配上爽脆生菜丶酥酥嘅肉鬆，簡直係口感滿溢如果好似台灣咁，可以切開一小份，用叉食仲好味早晨肉鬆芋頭吐司餐芋頭應該係出名嘅大甲芋頭，超綿，再加埋肉鬆，又咸又甜，配合得天衣無縫，人間極品再加埋杯大大杯嘅熱豆漿，真係一個好滿足的寶島早餐🇹🇼

屯門市廣場最近新開咗台灣野老媽拌麵，之前喺荃灣都食過，麻辣湯、拌麵都好正，今次encore！餐廳位於屯門市廣場3樓電梯附近，座位係半開放式幾開揚唔侷促，中午時段去仲啲有陽光喺窗邊透出嚟，感覺好溫暖！兩個人清清地叫咗三樣嘢：✅和牛炸醬拌麵一上菜已經比麵上隻半熟煎蛋吸引咗，煎得幾靚！拌勻成個麵黎食，粗麵麵身好煙韌有咬口，配以惹味炸醬醬汁，撈埋和牛同配菜蘿蔔絲同青瓜絲一齊食，味道清新得黎又好夾，多重口感，推介！✅韭菜豬肉水餃水餃皮厚度適中，食得出係自家手工搓成嘅皮唔馬虎，咬落啖啖韭菜同豬肉，比例剛好夠實淨，飽腹度十足，健康之選！✅清燉三寶牛肉麵湯底清甜得黎夠健康，感覺係自家清燉嘅，最鍾意個湯底！幼麵麵身滑得黎夠煙韌，追住食！三寶有牛筋、牛展、牛肚，牛肉味濃郁，仲有幾舊清甜白蘿蔔同紅蘿蔔，食完好滿足！讚！推介指數⭐️⭐️⭐️⭐️⭐️（滿分）

屯門人當然喺屯門市廣場搵食啦 🥰🥰這家老媽拌麵見出面都有幾間分店 ，但係見評價又好似麻麻喎，一於今次親身試一試 ，相信自己嘅 舌頭👅依家有賣 早餐和下午茶防疫措施做得幾好，除咗探熱仲有當每一位客人 用酒精搓手液消毒 👍👍而且枱與枱之間 都有夾板，店員好有禮貌添川味紅燒三寶牛肉麵🥬認真唔錯！彈牙有韌性 有口感 湯底就冇乜牛肉味 😅牛展和牛筋 都非常入味 而且唔會太硬唔會太淋 ，有功架🤪牛肚 就好似 唔係太入味啦不過整體賣相好靚，仲可以免費加麵底㖭高麗菜豬肉水餃呢款好味肉質好juicy 細細隻一口一啖剛剛好炸大雞扒 酥脆嫩滑加上椒鹽 好好味 有啲似港式鳳梨茉莉茶 呢個好香呀又唔會太甜 好飲過珍珠奶茶 又健康啲🥰🥰各方面嘅食物質素都唔錯環境服務都ok 有下次嘅😌

Lunch time魷魚圈滷肉飯 得4個細魷魚圈咁大把 橡筋咁滷肉就兩塊半 之後成碗飯伴菜係一條凍嘅大白菜🥬 仲要加28蚊先有白式飲品 豆漿都無全場得四台客都咁嘅質數 俾春水堂做好過啦永遠blacklist 完This does not worth $100 lor. Rice with squid circle and pork. Only 4 squid circle and 2 and a half pork ah diu. The vege is cold ge. Only one. So 9 sad.好夠二百字可以俾評分了🤬

老媽來到屯門，次次經過都多人排隊諗住應該都好食啦！甘你就錯啦叫左和牛炸醬拌麵（粗面）$78和牛碎到真係炸醬甘既樣，真係不得了，一d味都無，失望到透了$78好貴，又唔好食麻辣牛肉拌面（幼面） $72面底少，有d麻辣味既，牛肉都林身，好食，成碗係食得嘥😅但就唔係太麻辣，$72太貴了甜不辣$32 —咬落去硬左dd , 麻麻地黑糖珍珠奶茶$32🧋—普普通通，正常既黑糖珍珠奶茶囉整體上，價錢貴又唔好食，試一次就夠

叫咗個外賣自取二人套餐 168 兩個麵一個小食兩杯嘢飲。首先漏咗個小食，跟住啲麵嘅份量小過出前一叮（已經叫左加底）。要粗麵比幼麵，個擔擔麵完全冇湯，十分乾身，食一啖就要飲一啖野。成個餐只係食左10分鐘就食完。食物質素一般，周圍都食到嘅質素，份量更加係極少。服務方面，唔可以電話落單，要經openrice外賣自取或者去到門口落單，但套餐係OpenRice係1900時間已經售罄，即使去到門市1930亦有好多飲品冇得賣。整體來講一定唔會再食，極差

忽然想食台灣嘢，31號嘅屯市多人到爆😢間間都好多人等位。兩點幾見門口得幾個人等緊位就排下隊，等左15分鐘左右就有位。一坐底就俾張紙你scan QR code落單紅燒三寶牛肉麵要左粗麵，好好食😋個湯唔係特別濃唔夠味，普普通通。個三寶都普普通通，牛根比較好食，好夠膠又夠淋☺️叫左個下午茶九菜煎餃好香又多汁，唔點汁都好好食呢個雞扒漢堡有驚喜🤩個包好脆個多都煎到好脆塊雞扒似係鹽酥雞炸到剛剛好再加埋個蕃茄千島醬好夾😋😋好足料好好味😋屯門分店防疫措施都做到好足但我食緊期間聽到有幾枱客係咁吹單，成間鋪後生嘅同事都好勤力😊

早餐好想食蛋餅，係網上搵到依間老媽拌麵。好似係台灣開過嚟～open rice寫開8點半但餐牌又寫10點，實際都唔知係開幾點⋯$50幾一個餐包一杯凍/熱豆漿熱辣辣上檯，用紙包住～本以為好似台灣咁就咁擺係碟然後切嚟食！蛋餅嘅餡料好多，生菜爽脆。無糖熱豆漿，好香豆味！下次可以試下佢午餐！店員都好有禮貌而且地方都坐得舒服～

第一次幫襯「老媽拌麵」，餐廳都幾舒適，平日中午都唔太多人，可能呢排仲係二人限聚掛。餐廳行自動化，要用電話scan qr code落單，啲餐黎都得幾快。點餐果陣有得選多麵、走蔥等選項。我嗌左加底，但對男仔黎講，加左都唔係幾夠食😂個麵幾熱辣辣，冬天食係幾吸引。幼麵都幾彈牙，雞肉就不過不失，無咩花鵰味，係食到底先有少少酒香味，最底啲湯有啲太咸嘅感覺。佢唔算平，整體來講，性價比一般。

佢係屯門市廣場最上，用最長電梯一上就到～～佢嘅環境吾同一般果啲餐廳，佢好開放式，成日餐廳入面都好開陽！吾會好迫！！！！叫左兩個主食，一杯野飲同埋一個小食！1。清燉牛肉湯麵 $722。清燉半筋半肉牛肉湯麵 $783。老媽黑糖珍珠鮮奶茶 $334。高麗菜豬肉水餃$42兩個人都吾想食辣野，所以都叫左清燉！真係好清啊～～～好清甜嘅感覺！！！飲個湯會有啲牛肉味！！！入面都有啲菜，蘿白，紅蘿白係到～吾會好Dry～個餃子都有驚喜！！好味啊～

同朋友行街，經過見到老媽有好幾個人排隊，又到lunch time,又唔想周圍搵野食，所以就入左去食，完全唔祈望好食，唸住普普通通熱食台灣面咁簡單嘅心態，都可失望到咁，堅唔會再食，價錢仲唔平先最嬲😤清燉半筋半肉牛肉面～筋同肉都淋，易入口，但湯清到一個好似滾水嘅地步，咁多配料都可燉到無味，高手🙄🙄面質地都算可以，最值得讚就係加底都唔洗加錢麻辣鴨血～有少許花椒八角味，但未算係台式麻辣，仲差好多，鴨血亦一般，貴到差不多個面咁，但得幾舊仔，完全不值一試百香國寶茶～面都能加底，但飲品不能小冰小甜，職員話一早整好，但心唸，一早整好仲有冰🙄🙄仙草茶～已經係最正常嘅野，但不值一提