老媽拌麵 (將軍澳中心)

营业中

休息中

諗住叫做有品牌，就即管一試。叫了套餐頭位既和牛炸醬刀削麵，無味都吾緊要，最重要係刀削麵太林身，完全無口感，幸好沒免費加麵，不然更浪費；洛神花茶只有澀味，買壽桃牌自己沖既仲好過佢百倍。早知叫蔥油拌麵，就算吾係好好食，起碼都可以入口。花枝丸只係一般，比一般台灣食肆明顯較遜色。

天氣凍凍地，想食啲辣野刺激下，知道將軍澳中心，開了一間老媽拌麵，鋪頭裝修得很有特色，充滿台灣風味 !食辣嘢，一於去到盡：地獄麻辣牛肉伴麵，食落去，條脷麻晒，麺質夠弾！川味紅燒半筋牛肉麵，一聽個名就知道辣野啦，唔止辣咁簡單，簡直辣得好有層次，牛筋和牛肉，炆得啱啱好，夠咬口 ！加埋兩款小食，炸雞扒，又唔會太乾，仲有肉汁，還好細心幫你切開一嚿嚿，容易食 ！炸地瓜，睇落好似薯條，食落係番薯，夠晒香口！加埋兩杯特飲：冬瓜檸檬，阿里山高山冷泡茶，又好飲，又可以解辣😅兩個人食到飽晒💤

👣老媽拌麵關廟麵專門店將軍澳中心1樓133鋪⚠️清燉牛肉麵 $72波浪寬麵配清湯，個湯應該係味精湯，無左個種清純牛肉既味道，牛腱味道一般，口感較嚼，呢個麵絕對唔值呢個價⚠️蔥油嫩雞拌麵 $62本身諗住買過老媽拌麵返屋企煮，我記得係好好食，但黎到呢到食諗住應該會煮得比自己好食，呢個麵真心麻麻，蔥油陣味奇怪，雞完全無雞味，加埋d配料，成個麵其實都幾唔夾，價錢實太貴⚠️蒜香炸雞翅 $42（4隻）平時真心鍾意食雞翼，呢個雞翼麻麻，唔入味，叫自己蒜香雞翼無蒜味，sosad⚠️金羅漢果海底椰水 $22 ⚠️黑糖珍珠鮮奶 $33兩杯野飲大大杯確實係幾好，金羅漢果水味道不錯，滋潤養喉，黑糖鮮奶如果熱d其實就好好味，應該係叮出黎多過沖出黎，始終唔係飲料店，唔期望太多環境指數：7/10 （確實有文青風味）回頭指數：...有些經歷教我向前看就好了😶

難得放假同媽咪shopping, 買嘢買到肚餓就想醫肚，最初比食店門前紙牌人吸引，望入去又見高朋滿座，就想試下這間「老媽伴麵」。我和媽咪分別叫了川味紅燒半筋半肉牛肉麵(幼麵)川味三寶牛肉刀削麵，麵質煙韌好有咬口濃濃的牛肉味湯底配上美味的牛筋，牛肚及牛展，碗中的红白蘿蔔吸收肉汁的精華更覺其鲜味。最後更追加一碟牛腱和炸大雞排，大飽口福。牛腱非常入味，口感軟腍,有4塊。炸大雞排好大塊，皮炸得唔會太厚，熱熱地食好好食。飲品方面當然不可缺少台色特飲，媽咪點了熱飲黑糖珍珠鮮奶茶試試，係呢個寒冷天氣飲最岩。而我飲的冷黑糖珍珠巧克力則超級有驚喜，味道非常夾，而且略帶香味。臨走見到櫃內的阿里山高山冷泡茶非常吸引，下次必定要試下。

老媽拌麵 (將軍澳).川味三寶牛肉麵.喜歡湯麵的我去台灣食品店基本上都會叫牛肉麵，喜歡它的湯底微辣但又濃味，份量又大！.美人雞湯麵.女朋友媽媽偏好清淡，叫了雞湯幼麵，佢都話清清地幾好食！.私房花雕雞拌麵.花雕雞未有濃烈的酒味，汁撈刀削麵，味道特別.香煎葱抓餅.又香又薄脆，叫了兩份都吃光果子小黃瓜.經梅子醃製，味道酸甜，非常開胃.台灣香腸.切好的台灣香腸，好吃😋.黑糖珍珠鮮奶.很美味又不太甜，珍珠有咬口.📌老媽拌麵 (將軍澳)將軍澳唐德街9號將軍澳中心L1樓133號舖.

老媽拌麵 (將軍澳).將軍澳中心依家多左好多野食，老媽拌麵係其中！(⁎⁍̴̛ᴗ⁍̴̛⁎).⚜️川味三寶牛肉麵⚜️.超級極之大碗！三寶分別係牛肉，牛筋同金錢肚，湯底有少少辣，呢到嘅湯麵全部可以揀粗嘅刀削麵或者幼麵，好惹味！.⚜️美人雞湯麵🍜⚜️.媽媽揀左幼麵，碗麵即刻望落好似少左咁😂 但其實只係幼麵嘅分別，味道清清地！.⚜️私房花雕雞拌麵⚜️.叫左咁多碗湯嘅叫一碗拌麵，花雕雞唔算重酒味，超大碗麵！⚜️香煎葱抓餅⚜️.呢個好好食好香(⁎⁍̴̛ᴗ⁍̴̛⁎)我地叫左兩份都食得曬🤣 煎得微脆又香！⚜️果子小黃瓜🥒⚜️.開頭以為係平日食開嘅青瓜，但原來唔係！呢個係醃製過的，似平日嘅前菜！.⚜️台灣香腸⚜️.個香腸擺得好靚(⁎⁍̴̛ᴗ⁍̴̛⁎)而且好食！ 唔會太鹹太濃味！.⚜️黑糖珍珠鮮奶⚜️.邪惡至極嘅黑糖珍珠鮮奶(˶‾᷄ ⁻̫ ‾᷅˵) 好好飲又唔會太甜，珍珠煙韌！—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📍 老媽拌麵 (將軍澳)將軍澳唐德街9號將軍澳中心L1樓133號舖.—————————————————————-

將軍澳中心裝修重開後多了不少食店，其中一間就係老媽拌麵嘞～從台而來的關廟麵～店內都有好多字句說明此店特色食物。手工古法，日曬關廟麵，彈牙有嚼勁～即係主打麵條啦！一目了然主食餐牌，加一服務費。下午茶套餐相對抵食喎～點了個花雕雞拌麵，上枱一陣酒味攻入鼻～麵質滑，不會煮過火，但略嫌拌麵乾身，多啲醬汁會更易拌勻。雞件有酒香～配料原味道，半熟蛋糖心軟滑～地瓜條外脆内軟～食材本身己甜甜的～灑上梅粉令甜味更出。黑糖珍珠鮮奶不錯，但略嫌珍珠煮得過火了點，不夠Q～

之前朋友介紹，買了包老媽拌麵回家煮～麵質好吃，粗身有咬口～醬料包也很濃郁～很喜歡～知道有實體店，也想一試六月已見圍板～當時很期待，一直等到現在才來品嚐～店面闊落～座位舒適～裝修雅緻有特式。一嚟就試個最勁嘅三寶～同半筋半肉相差$4，多咗牛肚。整體份量都唔小，川味湯底帶辣，但唔算好刺激。三款牛都煮得腍，入味但唔重味，食完唔會口渴。敗筆係啲配菜，如果可以同埋啲牛一齊滷，吸收埋啲精華就更好！黑糖+朱古力，又ok喎～夾喎！個朱古力好濃味，勁好飲店員推介～甜不辣～外層酥脆，花枝的味道，好煙韌，有咬口，配辣醬更好食！落單位店員好殷勤，有笑容有禮貌，落單仲會推介菜式，提議粗身麵同幼身麵的配答～

一知道老媽拌麵會黎香港開實體店，阿Boo就已經急不及待要捉Momo一齊食😂1點尾去到都仲打緊兩個蛇餅🐍，裝修比較普通，我地都等左半個鐘先有得位🙈坐低先知Menu上有紅點既先供應，少左一半選擇😕食物方面，阿Boo叫左蔥油嫩雞拌麵($62)，想轉刀削麵但呢款店員話只可以跟幼麵😢Momo揀左川味紅燒牛肉麵(刀削麵)($72)🍜蔥油嫩雞拌麵既雞🐔真係幾嫩😚，麵既硬度幾好有咬口，但個拌汁偏咸同埋份量唔多💁🏻‍♀️川味紅燒牛肉麵🐄🍜既牛肉有根位同埋唔韌👍🏻小辣但個湯底可以再濃多少少😀飲品方面分別叫左冬瓜檸檬🍋($24)同埋阿里山高山冷泡茶($22)🍵，冬瓜檸檬好開胃😋冷泡茶夠甘，茶葉分量好足料😆整體上，食物普通，但飲品好值得一試🤓

之前下午大約兩點去食，唔洗等位就有得入。我地就叫左個和牛炸醬拌麵，川味三寶牛肉麵。兩個麵我地都揀左要刀削麵，個牛肉麵嘅牛肉質地相當唔錯，好軟身，而個湯底亦好濃牛肉味，就咁飲都好好飲。至於個拌麵亦幾特別，肉醬因味加左和牛嘅關係好重牛味，而佢隻太陽蛋我就將佢撈左黎食，d蛋漿撈埋落d麵到都好夾。而小食方面就叫左個炸大雞扒，雞扒好大塊，而且唔會有炸皮太厚嘅問題，值得一試。而個百頁豆腐加上d醬汁之後都好夾，唔會太鹹，而且都有好多舊。

餐廳：老媽拌麵 (將軍澳)地址：將軍澳唐德街9號將軍澳中心L1樓133號舖最近係將軍澳果邊出實習，返早放工岩岩好係下午茶時間😋，少去將軍澳嘅我緊係要爭取機會去覓食啦行到去將軍澳中心都有唔少餐廳🍴，經過老媽拌麵被播緊嘅林俊傑歌曲吸引左🙈，坐到埋位職員就好細心咁推介餐廳美食，而餐廳主打撈麵、湯麵同台式小食美人雞湯麵 $72以薑片、冬菇、蘿蔔片、草菇、白玉菇同雞肉熬製而成嘅美人雞湯麵養生健康☺️，雞肉味重爽口🐓，配埋得意煙韌嘅關廟刀削麵確實好味澎湖花枝丸 $32熱辣辣香噴噴嘅花枝丸炸過之後外層金黃🍢，花枝丸彈牙新鮮，魷魚味香濃🦑，蘸埋甜酸醬就夠哂開胃飲品叫左杯熱老媽黑糖珍珠鮮奶($33)，將熱鮮奶撞入非常軟腍嘅黑糖珍珠入面🥤，適中嘅甜度令人飲到停唔到口

平時去開台灣，都會買老媽拌麵做手信，最近係屋企樓下商場翻新左之後，開咗一間老媽拌麵的堂食店。裝修以木色為主，坐低都幾舒服，店入邊相當闊落。清燉牛肉麵清燉牛肉麵的湯相當清香，帶有淡淡的牛肉香味。牛𦟌本身也弄得很淋，選了較粗的關廟麵，非常彈牙。另外還有一些配菜，非常健康。美人雞湯麵而美人雞湯面的湯底用了雞湯而製，相當有雞味。而面就選了幼麵，我比較喜歡粗麵為主，因為相對地比較掛湯。而且雞不算太滑，但係吃落去感覺好養生。滷鴨舌滷得當入味，滿滿的豉油香！而且鴨舌好淋，最好送酒！好掛住台灣的滷鴨舌。另外的小食我們揀了葱抓餅。雖然唔夠熱，但係食落去好煙韌！好香口。雖然價錢唔算特別平，但係以上兩碗湯麵都比較清淡，好適合唔鍾意濃味的朋友！食完真係令我越嚟越掛住台灣，係時候計劃一下下次出走的旅程了。

川味三寶牛肉麵有牛筋、牛肚同埋牛展，我揀咗刀削麵所以麵身會粗D，牛筋好入味而且牛味濃，牛肚爽口而牛展好淋，三款牛都好出色，配合埋個湯底同埋刀削麵本身都有掛湯既效果，好入味而且麵質夠彈牙!清燉牛肉麵朋友想食清少少所以就叫咗清燉，但咁樣食牛肉味更加濃郁，唔會有其他味蓋過牛香，湯底好清一D都唔油，好岩想食牛肉麵又怕肥既人。牛展個人認為比起川味三寶更加入味同埋有咬口!炸雞排雞排仲有肉汁而且好大塊，加上鹽酥味好出，好好食連埋麵一齊食亦都相對冇咁肥膩添!蔥抓餅每塊都切得岩岩好一啖就食完，蔥味唔會太突出所以食完都唔會勁大陣味，蔥抓餅既粉漿亦都唔會太厚所以仲會食得到淡淡既蛋香。飲品方面我地叫咗黑糖珍珠奶茶同埋黑糖珍珠朱古力，珍珠奶茶真係好特別而且黑糖味濃又唔會太漏，撞落個茶底好香同滑!至於杯朱古力，朋友都表示黑糖味濃連埋朱古力一齊飲好夾!

今日去左將軍澳食飯，晚餐時間7:30左右商場好多人，間間餐廳都要排隊。果然愈來愈多人入住將軍澳，餐廳人流都增加左好多。好多人最近都選擇左去屋企樓下附近食飯，唔使擔心交通問題。我去左一間台式餐廳，等左15分鐘就入得。一個人食飯好方便啊我叫左地獄麻辣牛拌麵，再叫左一個小食，再多叫一杯黑糖珍珠鮮奶。麻辣醬好濃郁，麻香辣味夠重。我叫左粗麵，掛汁力非常高。粗麵好彈牙！牛肉份量都好足，爽嫩夠嫩口，又唔鞋口。花枝丸即叫即炸！最後黑糖鮮奶，珍珠夠哂煙韌！

呢排覺得台灣野幾好味，所以去將軍澳探朋友時，我提出食台灣菜，朋友介紹咗老媽拌麵，佢話呢度啲珍珠奶茶好鬼好飲。去到店裏面，發覺座位都好闊落，而且裝修以木為主，有好乾淨、清新、舒適嘅感覺。店員親切有禮，都幾熱情，佢走埋嚟問我地需唔需要碗，又問我地有冇需要加醬汁。我和朋友每人叫咗一個小食、主菜、飲品，非常豐富，食得好飽，佢有冇介紹錯，老媽拌麵的食物味道非常好，黑糖珍珠奶茶勁好飲，好味嘅程度係拍得住出面知名珍珠奶茶店嘅味道。酥炸甜不辣和炸花枝丸係我哋叫嘅小食，甜不辣我係第一次食，原來口感都幾得意，煙煙靭靭，原來係魚餅來。炸花枝丸非常彈牙，所以我覺得好好味，呢個推介呀！主菜我哋叫咗一個豆乳香香雞飯和一個麻辣紅燒半肉半筋牛肉刀削麵。原來豆乳香香雞的豆乳即係腐乳咁解，無論係香香雞定係飯，有好香嘅腐乳味，但上面嘅白色醬汁就係腐乳汁，好香好香，送飯一流。佢香雞有炸得好香脆，啖啖肉，好味道。麻辣紅燒半肉半筋牛肉刀削麵嘅湯底好香牛肉味，仲帶有少少麻辣，味道更上一層樓，我差啲成碗湯都飲晒。紅燒牛肉整得好入味同好林，入口即溶。牛筋亦都係好林，骨膠原豐富，真係好正。刀削麵都好好味，好有口感。飲品我哋叫咗黑糖珍珠奶